Arusha: RC Makalla aunda kamati 7 za maandalizi ya AFCON 2027

[PAYE]

Mkuu wa Mkoa wa Arusha, CPA Amos Gabriel Makalla Jumanne Februari 04, 2026 ametangazwa kuundwa kwa Kamati Saba Maalumu kwaajili ya maandalizi ya Michuano ya Mpira wa Miguu kwa Mataifa ya Afrika, AFCON 2027.

Mbele ya Wakuu wa Wilaya, Wakurugenzi na Wenyeviti wa Halmashauri, Makatibu Tawala, Waganga wakuu na Maafisa Tarafa wa Mkoa wa Arusha, Mhe. Makalla amesema kuundwa kwa Kamati hizo ni kuonesha utayari wa Mkoa kuwa Mwenyeji wa michuano hiyo mikubwa zaidi barani Afrika.

Amemuelekeza Kaimu Katibu Tawala mkoa kuunda kamati hizo 7 ikiwemo Kamati ya Usalama, Kamati ya Itifaki na Mapokezi, Kamati ya Habari, Mawasiliano na Hamasa, Kamati ya Afya, Kamati ya Malazi, ya Miundombinu pamoja na kamati ya utalii na ukarimu.

Katika hotuba yake, Makalla amewataka wananchi, wamiliki wa Mahoteli, Makampuni ya Utalii na usafirishaji kuchangamkia fursa za kiuchumi za Ujio wa michuano hiyo, akiagiza Jiji la Arusha pia kuhimiza usafi na kuongeza jitihada za kupendezesha maeneo ya Jiji hilo.

Aidha, Makalla amemshukuru Rais Samia Suluhu kwa kuichagua Arusha na kujenga uwanja wa kisasa wa 'category 4' wenye sifa za CAF na kuahidi kushirikiana na watalamu wa ngazi zote kusimamia kikamilifu maandalizi yote ili kuhakikisha Taifa linapata sifa pamoja na ushiriki wa wananchi waweze kujipatia kipato.

Fahamu zaidi kuhusu AFCON

• Tanzania yaomba msaada China kukamilisha ujenzi wa miundombinu ya AFCON 2027
• Gerson Msigwa: Ujenzi wa Uwanja wa AFCON Arusha wafikia zaidi ya 16%

 

[Capt Tamar]

Arusha ni mji wa hovyo sana kwa sasa, nitashangaa kama hizo kamati hazitaanza na upangiliaji mji na kuondoa mabiashara ya hovyo barabarani, mji gani ambao mtu anaweza tu kuamka asubuhi akaanzisha genge la kukaanga vichwa vya kuku kwenye lami? Pale posta ya meru kuna mwingine kafunga barabara ya miguu,ameweka majiko na meza anakaanga mihogo! Idara ya maji pale sehemu ya watembea kwa miguu watu wamepanga meza wanauza maandazi na chapati, na mbele pamegeuka stand ya vipanya, li mji limekuwa la hovyo kabisa.

 

[Swensa]

Saw sawa

 

[bullar]

Arusha ni mji wa hovyo sana kwa sasa, nitashangaa kama hizo kamati hazitaanza na upangiliaji mji na kuondoa mabiashara ya hovyo barabarani, mji gani ambao mtu anaweza tu kuamka asubuhi akaanzisha genge la kukaanga vichwa vya kuku kwenye lami? Pale posta ya meru kuna mwingine kafunga barabara ya miguu,ameweka majiko na meza anakaanga mihogo! Idara ya maji pale sehemu ya watembea kwa miguu watu wamepanga meza wanauza maandazi na chapati, na mbele pamegeuka stand ya vipanya, li mji limekuwa la hovyo kabisa.

Hayo ndio madhara ya siasa

 

[Njemba Soro.]

Lazima watafeli tu. Hela za caf walihonga kwenye campaign.