Arusha: Sita wafariki ajali ya Lori, Noah

[JanguKamaJangu]

Watu sita wamefariki dunia na wengine wanne wamejeruhiwa katika ajali ya gari baada ya Toyota Noah kugongana na Lori aina ya Scania katika eneo la Alkatani, Kata ya Sepeko, Tarafa ya Kisongo Wilaya ya Monduli Mkoani Arusha usiku wa kuamkia leo Aprili 20, 2022.

Ajali hiyo imetokea katika barabara ya Arusha – Babati, RPC wa Arusha, Justine Masejo amesema chanzo cha ajali hiyo ni uzembe wa dereva wa Lori aliyeshindwa kulimudu gari na kuhamia upande mwingine, ambapo anashikiliwa na Jeshi la Polisi.

“Lori lilikuwa likitokea maeneo ya Makuyuni, Noah ilikuwa ikitokea Arusha Mjini, majeruhi walikimbizwa katika Hospitali ya Jeshi iliyopo Monduli, miili ya marehemu imehifadhiwa katika Hospitali ya Maunti Meru.

“Hatujafahamu majina kamili ya watu waliopoteza maisha, uchunguzi unaendelea,” - RPC wa Arusha, Justine Masejo.

 

[Chachu Ombara]

Watu sita wamefariki na wanne wamejeruhiwa katika ajali iliyotokea eneo la Alkatani, Monduli mkoani Arusha usiku wa kuamkia leo ikihusisha Noah na lori (Scania).

Polisi wanamshikilia dereva wa lori hilo baada ya uchunguzi wa awali kuonesha uzembe wake ndio chanzo cha ajali hiyo.

 

[Ushimen]

R.i.P na pole kwa dugu wa marehemu

 

[Montserrat]

duh rip tutakutana huko juu

 

[Whitney Houston]

Wapumzike kwa amani.

 

[sawima]

Haya malori mbona yanasababisha sana ajali hao madereva wana shida gani!

 

[Beeb]

Wapumzike kwa amani

 

[That Gentleman]

Haya malori mbona yanasababisha sana ajali hao madereva wana shida gani!

Kuna wakati huwa wanasingiziwa tu.

 

[Nkanini]

Haya malori mbona yanasababisha sana ajali hao madereva wana shida gani!

RIP kwa wote waliotangulia mbele ya haki na majeruhi wote wapate quick recovery, tusikimbilie kwenye majibu rahisi, tatizo kubwa barabara zetu bado zipo duni mno, finyu mno,na magari mengi hayana sifa za kuwa barabarani

 

[Numbisa]

R.I.P

 

[kijani11]

Haya malori mbona yanasababisha sana ajali hao madereva wana shida gani!

Magari mabovu, madereva waliochoka/hawana uzoefu, miundombinu ya barabara mibovu, rushwa. Ukijumlisha vyote hivyo kwa pamoja lazima kuwe na shida na hii na kwa malori na magari ya aina nyingine.

 

[Mtoto halali na hela]

Wapumzike kwa Amani

 

[Jembe Jembe]

Watu sita akiwemo dereva wa gari wamepoteza maisha na wengine wanne kujeruhiwa vibaya baada ya magari mawili kugongana uso kwa uso katika ajali iliyotokea wilayani Monduli, Mkoani Arusha .


Kwa mujibu wa Kamanda wa Polisi Mkoani hapa ,Justini Masejo tukio hilo lilitokea Jana majira ya Saa nne usiku katika kijiji cha Alikatani,wilayani humo.


Kamanda alisema kuwa ajali hiyo ilihusisha gari aina ya Toyota Noar lenye namba T 186 DFY ambalo liligongana uso kwa uso na Lori aina ya Scania namba T 250 CA .


Alifafanua kwamba gari aina ya Scania lilikuwa likitokea Eneo la Makuyuni Kuelekea jijini Arusha huku gari aina ya Noar likitokea Arusha mjini na kuelekea Wilayani Karatu likiwa limebeba abiria.


Kamanda alisema kuwa chanzo cha ajali hiyo bado haijajulikana Ila wapo katika hatua za uchunguzi wa tukio.


"Taarifa za awali zinaonesha kuwa dereva wa Lori ambaye anashikiliwa na Polisi alihama ghafla kutoka upande wake na kwenda upande wa pili na kukutana na gari aina ya Noar" alisema.


Alisema kuwa miili ya marehemu imehifadhiwa katika chumba cha maiti katika hospitali ya Mkoa Mount Meru na majeruhi wanapatiwa matibabu katika hospital ya jeshi iliyopo wilayani humo.


Kamanda Masejo alitoa rai kwa madereva wa magari kuwa makini wanapokuwa wakiendesha vyombo vya moto ikiwemo kuzingatia kanuni za usalama barabarani.

 

[Earthmover]

Dah poleni sana huko Arusha ndugu na jamaa...Malaulau na madera wa Noah poleni sana kwa msiba

 

[Kirchhoff]

Kisongo haipo wilaya Ya Monduli.

Je Ni Noah za Karatu au ni Private?

 

[Msingida]

R.I.P abiria waliopoteza maisha

 

[mtzmweusi]

Usiku usiku usiku sio wakati mzuri sana kwa safari

 

[Mbaga Jr]

Mmoja kati ya waliofariki ni mjomba wangu, ajali inaumiza sana.

 

[Scorpio Me]

Mmoja kati ya waliofariki ni mume wa shangazi yangu, ajali inaumiza sana.

Umeshindwa kusema mjomba?

 

[Mbaga Jr]

Umeshindwa kusema mjomba?

Nmesahihisha, asante.