Askari Polisi kutumikia kifungo jela miaka 2 kwa kumuua raia bila kukusudia Iringa

Askari Polisi kutumikia kifungo jela miaka 2 kwa kumuua raia bila kukusudia Iringa

Richer

JF-Expert Member
Joined
Jun 9, 2025
Posts
2,318
Reaction score
4,079
Mahakama Kuu Kanda ya Iringa imemhukumu Askari Polisi namba F.4987, Sajenti Rogers Mmari wa Kituo cha Polisi Ipogolo, kutumikia kifungo cha miaka miwili jela baada ya kupatikana na hatia ya kumuua bila kukusudia kijana Nashon Kiyeyeu, mkazi wa Ipogolo, Manispaa ya Iringa.

Hukumu hiyo imetolewa na Jaji Angaza Mwipopo baada ya kupitia ushahidi wa pande zote mbili na kujiridhisha bila shaka kuwa mshtakiwa alihusika na tukio hilo.

Kwa mujibu wa ushahidi uliotolewa Mahakamani, Sajenti Rogers alipokea taarifa kutoka kwa mwananchi Beatrice Kimata aliyedai kuwa marehemu aliiba simu yake. Kufuatia taarifa hiyo, askari huyo alimtafuta Kijana huyo na alipompata alianza kumpiga akimtaka arejeshe simu hiyo.

Ilielezwa mahakamani kuwa kipigo hicho kilisababisha majeraha makubwa kwa marehemu hadi kupoteza fahamu. Baadaye alipelekwa katika hospitali binafsi kwa matibabu, lakini hali yake iliendelea kuwa mbaya na hivyo kuhamishiwa Hospitali ya Rufaa ya Iringa, ambako alithibitishwa kufariki dunia.

Mahakama pia ilibaini kuwa, licha ya kumshambulia marehemu, mshtakiwa hakuwahi kufungua kesi rasmi kuhusiana na tuhuma za wizi dhidi yake.

Katika utetezi wake, Sajenti Rogers alikiri kumpiga marehemu, akidai kuwa kijana huyo alikuwa akimjibu vibaya wakati wa mahojiano.

Baada ya kusikiliza mashahidi sita wa upande wa Jamhuri na watatu wa upande wa utetezi, Mahakama ilimtia hatiani kwa kosa la kuua bila kukusudia, kinyume na vifungu vya 195 na 198 vya Sheria ya Kanuni ya Adhabu, na kumhukumu kifungo cha miaka miwili jela.

Hata hivyo, baba mzazi wa marehemu Nashon Kiyeyeu ameonyesha kutoridhishwa na hukumu hiyo, akidai kuwa tukio hilo lilifanywa kwa makusudi na kuomba serikali pamoja na wadau wa haki kuingilia kati ili kuhakikisha haki inatendeka kikamilifu.

1773993233152.png


​
Chanzo: Jambo TV
 
Kifungo miaka 2 adhabu ndogo
Mtu ameua roho ya mtu haina spear kuwa itarudi
Kwa Sheria hizi polisi watazidi kuuwa tu
 
Kwa nchi yetu vigezo vya kua police ni uwe mrefu,uwe mkakamavu na uweze kukimbia.. swala la elimu,utashi,hekima,taaluma na sio kipaumbele chao ndiomaana wao kilakitu ni kutumia minguvu,vitisho
 
Police fateni taratibu za kumkamata mhalifu..mbona mnafundishwa mtaua raia wengi..au siku hz mnafundishwa kipigo cha kuua..Mbona nyie mafunzo yenu ni tofauti na wale wa mabakamabaka? Kuweni Rafiki na raia nchi ni yetu sote..
 
Back
Top Bottom