The Watchman
JF-Expert Member
- Nov 7, 2023
- 2,186
- 4,940
Na Askofu Dkt. Kalikawe Lwakalinda Bagonza (PhD)
CHADEMA/UPINZANI, ACHENI KUIONEA CCM.
1. Taifa hili bila CCM imara, litayumba sana. Sina hakika kama bado.
2. Ili CCM iwe imara inahitaji upinzani imara. Hatuna utamaduni imara wa kukosoana ndani ya chama kimoja na kubaki salama.
3. CCM dhaifu na upinzani dhaifu ni chanzo cha taifa lililojaa machawa, rushwa, uzembe, amani bila haki, ukandamizaji wa kila namna na uporaji wa raslimali za nchi.
4. Marais wetu wanatokana na vyama. Tusiwategemee sana kuwa “neutral” katika masuala ya kisiasa. Chini ya mfumo wa sasa, hata rais mlokole hawezi kusaidia. Hata JKN yalimshinda akatamka “siwezi kuwaachia “underdogs” taifa langu”!
5. Huu ni mwaka wa uchaguzi. Tamaa ya madaraka ndani ya CCM ni kama yote. Ubinafsi ndani ya upinzani ni kama wote. Nani mwathirika wa hali hii?
6. Mwathirika wa kwanza ni nchi/taifa. Tutakosa uwajibikaji (checks and balances) na hapo hata wanaotaka watawale peke yao wataumia. Miradi yote ya kimkakati itakosa ulinzi. Rais dikteta wa kuumiza chama chake na vingine ndiye atakayeshangiliwa kwa muda kabla ya majuto.
7. Mwathirika wa pili ni CCM. Itakosa chama pinzani imara na mfumo imara wa kuiwajibisha. Kwa hiyo CCM Itateka na itaua ili kujilinda, na baadaye kujiteka na kujiua pale itakapomaliza wapinzanj. Kwa hiyo, ubinafsi na migogoro ya wapinzani ni kuionea CCM kwa sababu uwezo wake wa kujidhibiti iliukabidhi kwa vyombo vya dola.
8. Mwathirika wa tatu ni mwananchi wa kawaida. Hivi sasa wananchi hawana mahali pa kwenda kupata hata haki ya kusikilizwa. Viongozi wa kuchaguliwa wanafilisiwa na wananchi wenye matatizo ambayo yangetatuliwa na mifumo (karo, misiba, matibabu, ajira, dhamana, nk). Wabunge na madiwani wako hoi.
9. Kukosekana kwa uimara wa upinzani kumeifanya CCM na serikali kuua “ugatuzi” wa madaraka na kupeleka madaraka yote kitovuni Dodoma (Centralization). Hiki ni kichaka cha uzembe na mateso kwa wananchi. Mtu anaandika barua Dodoma, haijibiwi. Anafuatilia, anaambiwa rudi wilayani bila majibu! Mamwinyi na miungu watu walio Dodoma wanaamini kila mtanzania ana simu na kifurushi cha kutumia mtandao
10. Anayeshangilia kuzima taa zote na kuwasha moja si Mzalendo. Anayeshangilia upinzani kusambaratika si Mzalendo. Anayetumia fedha kudhoofidha upinzani na kuzuia uwezekano wa kuwajibika na kuwajibishana si Mzalendo. Taifa letu ni kubwa kuliko chama chochote. Taifa kubwa namna hii likiwa na mtazamo mmoja; Nani analitaka na kwa manufaa ya nani?
11. Nampongeza Mtani wangu Mzee Wasira kwa kuanza kukemea rushwa za uchaguzi ndani ya CCM. Napongeza wanaojitolea kupatanisha wapinzani bila kujali kejeli wanazopewa.
Rushwa za uchaguzi zinalipokonya taifa letu uwezekano wa watu waadilifu lakini wasio na fedha kuweza kuwa viongozi. Hawawezi kuchaguliwa bila kuwa na fedha. Migogoro ndani ya upinzani inawanyima wananchi utetezi na kuwanyima uwajibikaji wa watawala wetu.
NITAENDELEA KUANIKA UJINGA WANGU NA KUFICHA HEKIMA YANGU KAMA NINAYO!
Hekima ya Wajaluo:
“ Ngedere mchanga aliona msitu unateketea, akashangilia asijue usiku atalala wapi?”
CHADEMA/UPINZANI, ACHENI KUIONEA CCM.
1. Taifa hili bila CCM imara, litayumba sana. Sina hakika kama bado.
2. Ili CCM iwe imara inahitaji upinzani imara. Hatuna utamaduni imara wa kukosoana ndani ya chama kimoja na kubaki salama.
3. CCM dhaifu na upinzani dhaifu ni chanzo cha taifa lililojaa machawa, rushwa, uzembe, amani bila haki, ukandamizaji wa kila namna na uporaji wa raslimali za nchi.
4. Marais wetu wanatokana na vyama. Tusiwategemee sana kuwa “neutral” katika masuala ya kisiasa. Chini ya mfumo wa sasa, hata rais mlokole hawezi kusaidia. Hata JKN yalimshinda akatamka “siwezi kuwaachia “underdogs” taifa langu”!
5. Huu ni mwaka wa uchaguzi. Tamaa ya madaraka ndani ya CCM ni kama yote. Ubinafsi ndani ya upinzani ni kama wote. Nani mwathirika wa hali hii?
6. Mwathirika wa kwanza ni nchi/taifa. Tutakosa uwajibikaji (checks and balances) na hapo hata wanaotaka watawale peke yao wataumia. Miradi yote ya kimkakati itakosa ulinzi. Rais dikteta wa kuumiza chama chake na vingine ndiye atakayeshangiliwa kwa muda kabla ya majuto.
7. Mwathirika wa pili ni CCM. Itakosa chama pinzani imara na mfumo imara wa kuiwajibisha. Kwa hiyo CCM Itateka na itaua ili kujilinda, na baadaye kujiteka na kujiua pale itakapomaliza wapinzanj. Kwa hiyo, ubinafsi na migogoro ya wapinzani ni kuionea CCM kwa sababu uwezo wake wa kujidhibiti iliukabidhi kwa vyombo vya dola.
8. Mwathirika wa tatu ni mwananchi wa kawaida. Hivi sasa wananchi hawana mahali pa kwenda kupata hata haki ya kusikilizwa. Viongozi wa kuchaguliwa wanafilisiwa na wananchi wenye matatizo ambayo yangetatuliwa na mifumo (karo, misiba, matibabu, ajira, dhamana, nk). Wabunge na madiwani wako hoi.
9. Kukosekana kwa uimara wa upinzani kumeifanya CCM na serikali kuua “ugatuzi” wa madaraka na kupeleka madaraka yote kitovuni Dodoma (Centralization). Hiki ni kichaka cha uzembe na mateso kwa wananchi. Mtu anaandika barua Dodoma, haijibiwi. Anafuatilia, anaambiwa rudi wilayani bila majibu! Mamwinyi na miungu watu walio Dodoma wanaamini kila mtanzania ana simu na kifurushi cha kutumia mtandao
10. Anayeshangilia kuzima taa zote na kuwasha moja si Mzalendo. Anayeshangilia upinzani kusambaratika si Mzalendo. Anayetumia fedha kudhoofidha upinzani na kuzuia uwezekano wa kuwajibika na kuwajibishana si Mzalendo. Taifa letu ni kubwa kuliko chama chochote. Taifa kubwa namna hii likiwa na mtazamo mmoja; Nani analitaka na kwa manufaa ya nani?
11. Nampongeza Mtani wangu Mzee Wasira kwa kuanza kukemea rushwa za uchaguzi ndani ya CCM. Napongeza wanaojitolea kupatanisha wapinzani bila kujali kejeli wanazopewa.
Rushwa za uchaguzi zinalipokonya taifa letu uwezekano wa watu waadilifu lakini wasio na fedha kuweza kuwa viongozi. Hawawezi kuchaguliwa bila kuwa na fedha. Migogoro ndani ya upinzani inawanyima wananchi utetezi na kuwanyima uwajibikaji wa watawala wetu.
NITAENDELEA KUANIKA UJINGA WANGU NA KUFICHA HEKIMA YANGU KAMA NINAYO!
Hekima ya Wajaluo:
“ Ngedere mchanga aliona msitu unateketea, akashangilia asijue usiku atalala wapi?”
