SI KWELI Askofu Gwajima amesema leo Septemba 27, 2025 atatoa ushauri watanzania kushiriki uchaguzi Oktoba 29

SI KWELI Askofu Gwajima amesema leo Septemba 27, 2025 atatoa ushauri watanzania kushiriki uchaguzi Oktoba 29

Baada ya kuitathmini taarifa hii, tumebaini kuwa si ya kweli.
Source #1
View Source #1
GWAJIMA..SEPT27,2025.jpg

GWAJIMA.27SEPT2025.jpg
 
Tunachokijua
Josephat Gwajima ni Askofu na mwanzilishi wa kanisa la 'Glory of Christ Tanzania Church' GCTC (Ufufuo na Uzima Ministries), kadhalika ni mwanasiasa ambaye mwaka 2020 alichaguliwa kuwa mbunge wa jimbo la Kawe kwa tiketi ya Chama Cha Mapinduzi CCM.

Askofu Gwajima mara kadhaa amekuwa akizungumza mbashara kupitia Mtandao wa YouTube na kwamba anatoa ushauri wake kwa Taifa la Tanzania pamoja na viongozi wake hususani kuelekea uchaguzi mkuu 2025.

Madai

Ipo taarifa inayosambazwa mtandaoni ikidaiwa kutolewa na Askofu Gwajima kuwa amesema "Leo Tarehe 27 Septemba, 2025, Saa 2:00 Usiku - Nitatoa Ushauri wangu kwa Watanzania Kushiriki uchaguzi wa 29 Oktoba, 2025 Kama Haki yao ya Msingi Kikatiba."

Je ni upi uhalisia wa taarifa hiyo?

Ufuatiliaji wa Kimtandao uliofanywa na JamiiCheck kwa kutumia utafutaji wa maneno muhimu umejiridhisha kuwa taarifa hiyo si ya kweli ni ya kutengenezwa na wapotoshaji kwani haijachapishwa na Askofu Gwajima kwenye ukurasa kurasa zake rasmi za mitandao ya kijamii.

Vilevile grafiki zilizotumika kusambaza taarifa hiyo si za kweli, ni za kughushi kwani vyombo hivyo (Mwananchi, Jambo TV) havikuchapisha taarifa hiyo, bali wapotoshaji walitumia utambulisho huo ili kusambaza taarifa potoshi.​
Back
Top Bottom