Josephat Gwajima ni Askofu na mwanzilishi wa kanisa la 'Glory of Christ Tanzania Church' GCTC (Ufufuo na Uzima Ministries), kadhalika ni mwanasiasa ambaye mwaka 2020 alichaguliwa kuwa
mbunge wa jimbo la Kawe kwa tiketi ya Chama Cha Mapinduzi CCM.
Mnamo tarehe 26 Oktoba, 2025 Askofu Gwajima alizungumza mbashara kupitia Mtandao wa
YouTube ambapo awali
alibanisha kuwa ni kauli yake kwa taifa la Tanzania na viongozi wake.
Madai
Kumekuwepo na
taarifa inayosambazwa mtandaoni ikitumia utambulisho wa grafiki za vyombo mbalimbali vya habari kuwa Askofu Gwajima amesema yupo tayari kushiriki uchaguzi.
Je, ni upi uhalisia?
Ufuatiliaji wa kimtandao kupitia marejeo ya
video umebaini kuwa taarifa hiyo si ya kweli kwani Askofu Gwajima hakutoa kauli hiyo alipozungumza kupitia mtandao wa
Youtube.
Aidha grafiki zilizotumika kusambaza taarifa hiyo ni za kughushi kwani halijachapishwa na vyombo hivyo (
Mwananchi,
Mwanahalisi,
Jambo TV) kupitia kurasa rasmi za mitandao ya kijamii.
Aidha katika mazungumzo yake askofu Gwajima kwa sehemu kubwa alisisitiza na alikemea matukio ya utekaji akisema haungi mkono uwepo wa matukio hayo na kwamba ni
lazima kuwe na hatua za dharula kutatua tuhuma zinazoletwa kuhusu utekaji.