Wakuu,
Huko Nigeria sasa hivi ni shangwe na vigelegele tu maana kuna msanii wao wa kuitwa Ayra Starr amemwaga wino kwenye kampuni iliyoanzishwa na JAY Z ya kuitwa Roc Nation.
Nilichopenda ni kuwa pamoja na kusainiwa Roc Nation, lakini Ayra ataendelea kuwa chini ya Mavin.
Yaani Roc Nation ni maalum kwa ajili ya kumpush Marekani na Ulaya alafu hawa wakina Don Jazzy wataendelea kudeal na masuala ya distribution na production.
View attachment 3408712
Tuje Bongo. Sisi tunakwama wapi wakuu maana hizi deals za kimataifa huwa ni kama zinatupita tu. Shida ni nini?
Yaaani wasanii wetu mtu akishaenda WCB Wasafi na Konde Gang anaona amemaliza. Hizi deals za kimataifa kama Universal, Warner au Sony ni za kuhesabika sana. Hatuzipati kabisa tunazisikia kwa wenzetu tu.
At least Diamond ana deal na Warner Music lakini ni one artist out of maelfu waliopo. Jipu litakuwa wapi?
=========
Fukuto kwenye lebo za ndani
Tanzania karibu kila msanii ana lebo lakini lebo nyingi zinaishia katikati na bila shaka suala hili linatishia kampuni hizo za nje kuja kuwekeza na kusaini wasanii wetu.
Ukiachana na WCB Wasafi, lebo nyingine nyingi Tanzania zimekufa. Wasanii kama Joh Makini, Nandy, Navy Kenzo, Vanessa Mdee, Rayvanny na wengineo wengi, lebo zao zimeshindwa kulea na kujiendeleza kwa ukubwa zaidi.
Kama mazingira ya ndani yako hivyo na lebo zinakufa kila uchwao, hakuna mwekezaji kutoka nje atakuja kuwekeza
Streaming Numbers
Ukiachana na Youtube, wasanii wengi wa Kitanzania hawana numbers za kutosha kwenye streaming nyingine ambazo zinashawishi kampuni kama Roc Nation kuja kuwekeza Tanzania.
Huko Spotify na Apple Music wasanii wa Kitanzania ni kama hawapo. Diamond ambaye ndio msanii mkubwa zaidi Tanzania ana Wasikilizaji Milioni 1.2 Spotify wanaofuata unakuta wana 800k, 200k na kushuka chini. Hizi numbers HAZIVUTII WAWEKEZAJI kuja kuwekeza Tanzania.
Streaming Farms
Suala la kudanganya numbers na kuchezesha views kwenye Youtube pia ni changamoto. Tunakumbuka kipindi kile Harmonize "alivyovunja" rekodi ya kupata views Milioni 1.3 ndani ya dakika ndani ya dakika 3 tu? Wasanii wetu kwa muda mrefu wamekuwa wakidanganya na kutumia "maroboti" mambo kama haya yanakimbiza "investors". Hata mimi ningekuwa Roc Nation nisingekuja kuwekeza kwenye industry kama hiyo.
Matumizi ya Kiswahili
Tofauti na Nigeria ambao most of their music ziko kwa kiingereza na pidgin, mziki wetu Tanzania 95% ni Kiswahili na hiyo ni DISADVANTAGE kubwa kwa sababu TUKO LIMITED.
Ukiangalia nyimbo za Nigeria zilizoenda kimataifa nyingi kuna kiingereza humo ndani kwa hiyo zinasikilizwa Marekani, Uingereza na sehemu mbalimbali za dunia.
Tanzania na Kiswahili chetu nyimbo ikihit sana itaenda Congo. Hili nalo ni Tanzania
Executives Factor
Sababu nyingine ni kwamba Watanzania hatuna viongozi wengi huko kwenye kampuni za kimataifa ambao wanaweza kupendekeza majina ya wasanii kusainiwa kwenye lebo hizo. Wanaijeria wengi wako kwenye kampuni za Universal, Warner, Sony na Roc Nation. Mfano MTV kipindi hicho kulikuwa na jamaa anaitwa Alex Okosi ambaye yeye ni Mnigeria aliyeileta MTV Base hapa Afrika.. Sisi music executives wetu ni kama Babu Tale na Salam. Wako based Tanzania hawana conneections
Historia ya Tanzania
Hizi kampuni za kimataifa zilishawahi kusaini wasanii wa Kitanzania lakini hizo deals huwa zinaangukia pua
Wasanii kama Rose Muhando, Abigail Chams, Ali Kiba, Aslay na wengineo walishawahi kusainiwa na kampuni za kimataifa lakini wengine walijitoa na wengine wakapotea kabisa.
Vanessa Mdee alionya kabisa kuwa mikataba ya kimafaifa ni ya KINYONYAJI na haina manufaa.
Hizi ni chache tu wakuu, mnadhani kwanini hizi kampuni kubwa haziji huku kwenye nchi za Matumbi wanaishia huko kwa wapopo?