KWELI Baadhi ya maudhui yaliyotengenezwa kwa AI kufuatia vita ya Iran, Israel na Marekani

KWELI Baadhi ya maudhui yaliyotengenezwa kwa AI kufuatia vita ya Iran, Israel na Marekani

Taarifa hii imethibitika kuwa ya kweli baada ya kufanya tathmini ya kina
Kufuatia vita iliyoibuka kati ya Iran, Marekani na Israeli kumeibuka video mbalimbali kuhusu mashambulizi yaliyofanyika huko lakini nyingine si halisi bali zimetengenezwa kwa kutumia Teknolojia ya Akili Unde (AI).
1772603403690.png



 
Tunachokijua
JamiiCheck imefuatilia baadhi ya video zinazosambaa katika mitandao ya kijamii kufuatia vita kati ya Iran, Israel na Marekani na kubaini kuwa baadhi ya hizo si halisi.

Baadhi ya video hizo ni inayodaiwa kuwa shambulizi katika uwanja wa ndege wa Dubai, Jengo la kifahali huko Bahrain pamoja na jengo la Burj khalifa.

Baada ya ufuatilia kupitia nyenzo za kidigitali za kubaini maudhui yaliyotengenezwa kwa Akili Unde ambazo zimebainisha kuwa picha hizo zimetengenezwa kwa AI.

Huu ni mfano mwingine ambao unaonesha namna matukio makubwa yanapoibuka yanavyopelekea Upotoshaji.
Kutokana na vita vinavyoendelea kati ya Iran, Israel na Marekani, kumekuwa na ongezeko kubwa la video zinazotengenezwa kwa kutumia teknolojia ya akili unde (AI). Video nyingi zimekuwa zikisambaa kwenye mitandao ya kijamii, zikionyesha matukio ya kivita ambayo mara nyingi hayajathibitishwa.

Mojawapo ya video hizo imechapishwa kwenye ukurasa wa Facebook wa Defense Scope, ikidai kuonesha namna meli za kivita za Marekani zilivyoshambulia na kuzamisha meli ya mafuta kutoka Iran.

Hata hivyo, video hiyo imeundwa kwa kurejelea baadhi ya matukio yanayoripotiwa na vyombo vikubwa vya habari. Kutokana na mazingira ya vita vinavyoendelea, mara nyingi vyombo hivyo havipati picha au video halisi kutoka eneo la tukio, jambo linalowapa watengenezaji wa maudhui nafasi ya kuunda video za kubuni kwa kutumia teknolojia ya akili unde.

Mbali na video hiyo, pia kumekuwepo na video nyingine inayosambaa mtandaoni ikionyesha meli ya kijeshi ya Marekani ikizuia makombora yanayodaiwa kurushwa kutoka Iran.

Hata hivyo, katika ufuatiliaji uliofanywa kwa kutumia mfumo wa AI Video Detector, imebainika kuwa video hiyo imetengenezwa kwa kutumia teknolojia ya akili unde (AI).

Ufuatiliaji wa kina unaonesha kuwa matukio yanayoonekana kwenye video yameundwa kwa kuzingatia taarifa mbalimbali zinazotolewa na vyombo vya habari, pamoja na muktadha wa matukio yanayoendelea katika mzozo unaohusisha Iran.


 
Back
Top Bottom