Jibu la haraka ni ndiyo. Anapokula kiapo cha Uwaziri sehemu ya pili baada ya kile cha kuilinda na kuitunza Katiba ni kiapo cha "na kwa vyovyote vile, sitatoa siri za baraza la Mawaziri" Ndio maana kwenye sakata la Richmond hujasikia Waziri hata mmoja akisema walichozungumza huko ni nini na kama kuna mtu alipinga lolote na ni nani.
Mtu unapokuwa Waziri unakuwa ndio mshauri wa karibu wa Rais na msaidizi wake, hivyo lazima uaminiwe kuwa utakuwa mkweli na mwadilifu. Kuwa, wanapokaa kufanya majadiliano huwa wanazungumza na kupiga kura kwenye Baraza la Mawaziri sasa hatujui nani alipigia kura "ndiyo" kampuni ya RDC na nani alipigia "hapana" kwa sababu ni siri lakini wakimaliza wanasema ni "uamuzi wa Baraza la Mawaziri".
Kama ni hivyo basi siasa zetu zina matatizo!
Hii ina maana kama mpinzani ataingia kwenye baraza hilo as full minister akiona mambo yanazungumzwa kwenye kabineti ambayo hakubaliani nayo hawezi kutoka nje na kuyasema, atafukuzwa kazi ni lazima akubali ile inayoitwa kuwa ni "collective responsibility"
Kwa sababu hii binafsi siamini kama Zitto au Slaa waingizwe kwenye baraza hili wanaweza kumpa ka Unaibu mtu fulani hivi.
Mkulu Mwanakijiji,
Mimi nami sikubaliani kama kupewa Uwaziri kunaweza kukunyamazisha ila tu kama muhusika mwenyewe atakuwa tayari kukubali kufanya hivyo na kwenda kinyume na Katiba ambayo aliapa kuilinda na kuitumikia.Wengi wanaonyamazishwa ni kwa matakwa binafsi,kwamba wanakaa kimya ili kuneemeka.Kama mtu unatabia ya uadilifu na iko ndani ya damu,hata ukiwa Waziri hutakubali kupitisha vitu vya kipuuzi kama RICHMOND,IPTL,RADAR,etc. Hutaweza kuja hadharani na kusema ila utaweza kuwaeleza na kumshauri Rais kuwa hauko tayari kufanya hiki au kile kwa kuwa ni kinyume na Katiba,Taratibu na zaidi Maslahi ya nchi.
Kuwa Mkweli na Mwadilifu haina maana kumkubalia mkuu wako kila atakacho hata kama unajua ni wrong.Kuwa Mkweli ina maana kusimamia ukweli wakati wote bila kujali nani yuko mbele yako.Mwadilifu ni kuwa "Clean" na kuwa tayari kumwambia Rais ukweli bila woga pale unapoona uelekeo unakuwa mbaya.
Kwenye vingi viapo kuna neno "Niko tayari kupokea amri halali"Hii ina maana kuna amri zisizo halali ambazo unatakiwa kuzikataaa.
Tunahitaji watendaji walio wakweli na Waadilifu ambao watakuwa tayari kuchukua maamuzi mazito kabla hayaja-mature na kuleta hasara kwa Tanzania. Mambo ya kukaa tunasubiriana mpaka kitu kimeshaaribika pia inabidi tuondokane nacho,although kimsingi sipendi Dr.Slaa na Zitto waingie kwenye Baraza ila Mama Malecela naona ni bora kama upo uwezekano aukwae tu.