- Source #1
- View Source #1
- Source #2
- View Source #2
- Tunachokijua
- Kumekuwepo na taarifa inayosambazwa mtandaoni ikidaiwa kuwa waraka wa baraza la maaskofu katoliki Tanzania ukiwa na kichwa cha habari kinachosomeka "Tamko la baraza la maaskofu katoliki tanzania (TEC) kuhusu amani kwa taifa kuelekea siku ya uchaguzi mkuu wa jamhuri ya muungano wa Tanzania utakaofanyika tarehe 29 oктова 2025." Rejea hapa na hapa.
Je, ni upi uhalisia kuhusu waraka huo?
Ufuatiliaji wa kimtandao uliofanywa na JamiiCheck kwa kutumia utafutaji wa maneno muhimu (Key words search) umejiridhisha waraka unaodaiwa kutolewa na baraza la maaskofu katoliki Tanzania (TEC) ni wa kughushi kwani haujatolewa na baraza hilo.
Aidha waraka huo umebainika kuwa na mapungufu kadhaa ikiwemo matumizi ya fonti isiyotumiwa na baraza hilo, makosa ya kiuandishi, jambo linalodhihirisha kuwa ni wa kutengenezwa na wapotoshaji.
Katibu wa baraza la maskofu katoliki Tanzania Padri Charles Kitima Akizungumza na waandishi wa Leo Oktoba 13,2025 amesema waraka huo si wa baraza hilo huku akisisiza kuwa wanaofanya hivyo wakome mara moja.
Aidha kupitia ukurasa wake kwenye mtandao wa Instagram baraza hilo limetoa taarifa kwa umma inayokanusha waraka huo wa kughushi.
"Tunapenda kuwatangazia Waamini na Watanzania wote kwa ujumla, kuwa waraka huo haukutolewa na Baraza la Maaskofu Katoliki Tanzania. Baraza halihusiki na hayo maudhui yaliyomo kwenye andiko hilo.
Tabia hii mbaya yakutumia Taasisi ya Maaskofu kupitishia jumbe zisizotokana na Baraza ikomeshwe. Tunawataka wenye tabia hiyo waache tabia hiyo."
Kumbuka TEC huchapisha taarifa zake rasmi katika ukurasa wake rasmi kwenye mtandao wa Instagram, hivyo unapokutana na taarifa inayokupa mashaka kuhusu baraza hilo jiridhishe kupitia ukurasa huo au iwasilishe taarifa hiyo katika jukwaa la JamiiCheck.com kupata uhalisia.
