Bashungwa aongoza harambee ujenzi wa Ukumbi na Vyumba vya kulala Wageni Parokia ya Kasumo; zaidi ya milioni 45 zakusanywa

Roving Journalist · 2024-09-20T17:14:29+00:00

Waziri wa Ujenzi, Innocent Bashungwa (Mb) ameshiriki Misa Takatifu na kuongoza harambee ya kuchangia ujenzi wa ukumbi na vyumba vya kulala wageni katika Parokia ya Bikira Maria Malkia wa Amani Jimbo Katoliki la Kigoma ambapo zaidi ya shilingi Milioni 45 zimekusanywa. Harambee hiyo imefanyika Mkoani Kigoma tarehe 20 Septemba, 2024 ambapo pamoja na mambo mengine, Waziri Bashungwa amemshukuru Baba Askofu wa Jimbo Katoliki la Kigoma Mhashamu Joseph Mlola kwa kumpa fursa hiyo ya pekee kushiriki Ibada ya Misa na kuongoza Harambee katika Kanisa la Kasumo ambalo umisionari wake ulianza mwaka wa 1985. Waziri Bashungwa amelipongeza Kanisa Katoliki Jimbo la Kigoma kwa uwekezaji wanaoendelea kuufanya pamoja na kutoa elimu bora kwa vijana katika Shule ya Sekondari ya Mtakatifu Rufino na Ronaldo na kuifanya shule hiyo kuwa na ufaulu mzuri. Viongozi Wakuu waliochangia katika Harambee hiyo ni pamoja na Naibu Waziri Mkuu wa Jamhuri ya Muungano wa Tanzania Mhe. Dkt. Doto Biteko, Waziri wa Fedha Dkt. Mwigulu Nchemba, Waziri wa Madini, Anthony Mavunde, Naibu Waziri wa Maji Eng. Kundo Mathew, Naibu Waziri wa Habari, Mawasiliano na Teknolojia ya Habari Eng. Maryprica Mahundi, Mkuu wa Mkoa wa Kigoma Thobias Andengenye pamoja na viongozi wengine wa Serikali. Bashungwa amempongeza Rais wa Jamhuri ya Muungano wa Tanzania Dkt. Samia Suluhu Hassan kwa kuendelea kuufungua Mkoa wa Kigoma na Mikoa ya Kagera, Tabora na Katavi kwa barabara za lami ambapo katika miradi inayotekelezwa mkoani humo Wakandarasi wanaendelea kufanya kazi usiku na mchana. Akisoma Risala kwa niaba ya waumini wa Parokia ya Kasumo, Katibu wa Halmashauri ya Walei wa Parokia hiyo Bw. Onesmo Witae ameeleza kuwa hadi sasa wameweza kukusanya zaidi ya Shilingi Milioni 62 kutoka kwa wadau na marafiki wa Parokia hiyo kwa ajili ya ujenzi wa ukumbi na vyumba vya kulala wageni katika Parokia hiyo.

Thread starter Roving Journalist
Start date Sep 20, 2024
Tags

bashungwa harambee kulala milioni ujenzi ukumbi vyumba wageni zaidi ya

Roving Journalist

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Bashungwa aongoza harambee ujenzi wa Ukumbi na Vyumba vya kulala Wageni Parokia ya Kasumo; zaidi ya milioni 45 zakusanywa

Roving Journalist

JF Roving Journalist

Attachments

Our Community

Regional Communities