Boresha Mawasiliano Yako - Mbinu Hizi Zitakusaidia

Samedi Amba LLC · 2024-10-30T17:40:19+00:00

Habari wanajamvi, Natumaini sote tunaendelea vizuri na Mungu ametuwezesha kufika hapa salama. Kuelewa ujuzi wa mawasiliano ni kama kujifunza kuendesha gari. Huwezi tu kuketi kwenye kiti cha dereva na kuanza; kuna hatua za kufikia kiwango cha kujiamini na mwishowe kuzungusha usukani kwa ustadi. Hizi hapa ni hatua nne, tangu mwanzo hata uzoefu: 1. Hujui Unachokikosa - Unconscious Incompetence Mwanzoni, unaweza usitambue ujuzi usiokuwa nao. Ni kama kuketi kwenye gari lililosimama bila kujua maana ya kubadili gia. Hujui jinsi mawasiliano mazuri yanavyopaswa kuwa, na hujui kinachokurudisha nyuma. Mara nyingi wanaojikuta hapa ni wale ambao hawajajiunga na "structured learning", yaani wapo nje ya mfumo yenye maksudi ya kujifunza jambo fulani.. Mfano: Unapokaa kwenye gari, anajua tu kwamba gari linawashwa na kuondoka. Helewi kuhusu gia, usukani, wala alama za barabarani. Haelewi anachokikosa kwa kutojua kuendesha gari. 2. Unajua Unachokikosa - Conscious Incompetence Katika hatua hii, unaanza kuelewa udhaifu wako. Unatambua maeneo ambayo huna ujuzi nayo, na utambuzi huu unakuhamasisha kufanya jambo. Mfano: Katika hatua hii unajua kuwa unataka kuendesha gari. Labda umewaona madereva kazini, na kuvutiwa. Au kuna uhitaji wa kuwa na leseni ya udereva. Unafahamu vizuri unachokikosa kwa kutokuwa na ujuzi huu. 3. Unajua Unachokifanya, lakini bado Unahitaji Juhudi - Conscious Competence Katika hatua hii, umeamua kujiunga na driving school. Ushaanza mafunzo thabiti. Unaweza kuwasiliana vizuri, lakini bado unahitaji umakini na kufikiria. Unapaswa kujenga ujuzi kwa kurudia rudia na kutafakari. Mfano: Umejiunga na driving school. Na mazoezi ya barabarani yameshaanza. Unaweza kuendesha, lakini bado unazingatia kila kona, kila gia, kila alama ya barabara na mabadiliko ya njiani. Vivyo hivyo, unapo wasiliana, unazingatia sauti yako, ishara, na maneno. Unazidi kuboresha, lakini lazima uendelee kuwa makini. 4. Unaweza Kufanya Bila Kufikiria - Unconscious Competence Katika hatua hii ya mwisho, ujuzi wako unakuwa wa "pap". Kama dereva mzoefu ambaye anaweza kuendesha gari huku akichati na simu, uzoefu wako umekomaa. Unatenda bila kufikiria fikiria sana. Imekuwa sehemu ya "damu" yako. Mfano: Kama dereva, aidha una gari, au unaendeshaga mara kwa mara. Una uzoefu mzuri. Labda wa miezi au miaka kadhaa. Gia na klachi hazikuchanganyi tena. **************************************************************************************************************** Uko Tayari Kukuza Ujuzi Wako Naitwa Samedi Amba, na nina uzoefu wa miaka mingi katika uwanja wa mawasiliano, kuzungumza kwa ufasaha, na kujijenga vizuri kwa ajili ya kudaka fursa za kazi na maisha. Kama wewe ni mwanafunzi wa chuo unayeanza safari yako, au umefutwa kazi, au unataka kubadili kazi, au unataka kuboresha utendaji, niko hapa kusaidia kupata ujuzi wa kutumia mbinu za kidigitali kupiga hatua kitaaluma na kimaisha. Nitumie ujumbe inbox, au niandikie kwenye WhatsApp/SMS kwa +255742308110. Nimepiga hatua kwa kufanyia mazoezi mambo fulani, na ningetaka kukusaidia pia. Tuijenge mustakabali wako pamoja!

Thread starter Samedi Amba LLC
Start date Oct 30, 2024
Tags

boresha gizani hizi mawasiliano mbinu tujifunze yako

Samedi Amba LLC

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Boresha Mawasiliano Yako - Mbinu Hizi Zitakusaidia

Samedi Amba LLC

Member

Our Community

Regional Communities