CCM (Arusha): Walioweka makava kwenye Pikipiki za Chama wanyang'anywe

[Wild Flower]

Chama Cha Mapinduzi (CCM) Mkoa wa Arusha kimewaonya viongozi wa chama wanaotumia vibaya mali za chama huku kikisisitiza kuwa hakitavumilia uzembe na ubadhirifu unaofanywa na baadhi ya viongozi katika ngazi mbalimbali.

Kauli hiyo imetolewa na Katibu wa Itikadi, Siasa na Uenezi wa CCM Mkoa wa Arusha, Saipulani Ramsey, wakati akizungumzia maandalizi ya ziara ya Katibu wa Itikadi, Uenezi na Mafunzo wa CCM Taifa, Kenani Kihongosi, inayotarajiwa kufanyika mkoani Arusha kuanzia Juni 4 hadi 6 mwaka huu.

Ramsey amesema chama kimebaini baadhi ya viongozi waliopewa pikipiki kwa ajili ya shughuli za maendeleo na uhamasishaji wa shughuli za chama wamekuwa wakibadilisha muonekano wa vyombo hivyo kwa kuweka makava mapya au kufanya mabadiliko yasiyoruhusiwa kinyume na taratibu zilizowekwa. Amesema viongozi watakaobainika kufanya vitendo hivyo watachukuliwa hatua za kinidhamu ikiwemo kunyang’anywa vyombo hivyo vya usafiri, huku akisisitiza kuwa mali za chama zinapaswa kutumika kwa malengo yaliyokusudiwa.

Wakati huo huo, Ramsey amesema maandalizi ya ziara ya Kenani Kihongosi yamekamilika ambapo ataanza ziara yake Wilaya ya Karatu kabla ya kuendelea Arumeru na baadaye Arusha Mjini. Amesema ziara hiyo inalenga kuimarisha uhai wa chama, kusikiliza changamoto za wananchi pamoja na kufuatilia utekelezaji wa majukumu ya viongozi wa chama na serikali katika ngazi mbalimbali ili kuhakikisha wananchi wanapata huduma stahiki na kushirikishwa katika masuala ya maendeleo.​

 

[LOTH HEMA]

Hofu, wanafunika ili isijulikane ni ya chama isije ikashambuliwa!

 

[Mwangazza]

Bora kukosa pikipiki. Kava sitoi ngooooooo

 

[Nyani wa Somanga]

Mchana CCM usiku CHADEMA, wanyang'anywe tu.

 

[pm matutu]

Boda wang kafikiwa

 

[HOLY SKANKA]

Tunasubiri Zamu Yetu Wenye Baiskeli Za Chama..​

 

[Squidward]

Kuhonga uhonge, masharti utoe!

Si walizigawa bure bure hawa pamoja na baiskeli? Masharti ya nini sasa? Kula chuma hicho

 

[CHIEF PRIEST]

Wasiwatishe hizo ni mali yenu fanyeni mtakavyo asiwatishe huyo kibwengo anajifanya CCM ni mama yake, CCM ina wenyewe na yeye wala hayumo

 

[Terrible Teen]

View attachment 3599305​

Chama Cha Mapinduzi (CCM) Mkoa wa Arusha kimewaonya viongozi wa chama wanaotumia vibaya mali za chama huku kikisisitiza kuwa hakitavumilia uzembe na ubadhirifu unaofanywa na baadhi ya viongozi katika ngazi mbalimbali.

Kauli hiyo imetolewa na Katibu wa Itikadi, Siasa na Uenezi wa CCM Mkoa wa Arusha, Saipulani Ramsey, wakati akizungumzia maandalizi ya ziara ya Katibu wa Itikadi, Uenezi na Mafunzo wa CCM Taifa, Kenani Kihongosi, inayotarajiwa kufanyika mkoani Arusha kuanzia Juni 4 hadi 6 mwaka huu.

Ramsey amesema chama kimebaini baadhi ya viongozi waliopewa pikipiki kwa ajili ya shughuli za maendeleo na uhamasishaji wa shughuli za chama wamekuwa wakibadilisha muonekano wa vyombo hivyo kwa kuweka makava mapya au kufanya mabadiliko yasiyoruhusiwa kinyume na taratibu zilizowekwa. Amesema viongozi watakaobainika kufanya vitendo hivyo watachukuliwa hatua za kinidhamu ikiwemo kunyang’anywa vyombo hivyo vya usafiri, huku akisisitiza kuwa mali za chama zinapaswa kutumika kwa malengo yaliyokusudiwa.

Wakati huo huo, Ramsey amesema maandalizi ya ziara ya Kenani Kihongosi yamekamilika ambapo ataanza ziara yake Wilaya ya Karatu kabla ya kuendelea Arumeru na baadaye Arusha Mjini. Amesema ziara hiyo inalenga kuimarisha uhai wa chama, kusikiliza changamoto za wananchi pamoja na kufuatilia utekelezaji wa majukumu ya viongozi wa chama na serikali katika ngazi mbalimbali ili kuhakikisha wananchi wanapata huduma stahiki na kushirikishwa katika masuala ya maendeleo.​

Ukiona chombo chenye nembo yao choma moto

 

[MAPITO Mwanza]

Kichefu chefu