DuaZaMama
JF-Expert Member
- Jun 2, 2025
- 1,882
- 4,153
Chama Cha Mapinduzi (CCM) kimefafanua kuwa kuzuiwa kwa Chama cha Demokrasia na Maendeleo (CHADEMA) kufanya shughuli zake za kisiasa hakutokani na uamuzi wa CCM wala Serikali, bali ni maagizo ya Mahakama Kuu ya Tanzania.
kupitia taarifa kwa umma iliyotolewa Januari 21, 2026, Katibu wa Halmashauri Kuu ya CCM Taifa (NEC), Itikadi, Uenezi na Mafunzo, Kenani Kihongosi amesema kuwa zuio hilo linatokana na uamuzi wa Mahakama Kuu katika shauri la maombi madogo namba 8960 la mwaka 2025.
Kwa mujibu wa taarifa hiyo, shauri hilo lilifunguliwa na wanachama wa CHADEMA akiwemo Said Issa Mohammed, Ahmed Rashid Khamis maarufu “Ana Komu”, wakiiomba Mahakama iamuru chama hicho kisifanye shughuli zozote za kisiasa wala kutumia mali za chama hadi pale mgogoro wa ndani unaoendelea utakapopatiwa ufumbuzi wa kisheria.
Kihongosi amesema Mahakama Kuu ilisikiliza maombi hayo na kutoa zuio la muda hadi shauri la msingi namba 8323 la mwaka 2025 litakapomalizika kusikilizwa na kuamuliwa.
Amesisitiza kuwa CCM haina mamlaka wala sababu ya kuzuia shughuli za CHADEMA, akibainisha kuwa masuala yote yanayohusu zuio hilo yako mikononi mwa Mahakama, na kwamba chama chake kinaheshimu misingi ya utawala wa sheria na maamuzi ya mhimili wa Mahakama.
Katika wito wake kwa Watanzania, Kihongosi amewataka wananchi na wadau wa siasa kuacha kutoa tafsiri potofu au lawama zisizo na msingi, na badala yake waheshimu maamuzi ya Mahakama kama chombo halali cha kutoa haki nchini.
Pia Soma: Butiku amshukia mwenezi CCM: 'Ziara ya hovyo', Agusia sakata la CHADEMA
kupitia taarifa kwa umma iliyotolewa Januari 21, 2026, Katibu wa Halmashauri Kuu ya CCM Taifa (NEC), Itikadi, Uenezi na Mafunzo, Kenani Kihongosi amesema kuwa zuio hilo linatokana na uamuzi wa Mahakama Kuu katika shauri la maombi madogo namba 8960 la mwaka 2025.
Kwa mujibu wa taarifa hiyo, shauri hilo lilifunguliwa na wanachama wa CHADEMA akiwemo Said Issa Mohammed, Ahmed Rashid Khamis maarufu “Ana Komu”, wakiiomba Mahakama iamuru chama hicho kisifanye shughuli zozote za kisiasa wala kutumia mali za chama hadi pale mgogoro wa ndani unaoendelea utakapopatiwa ufumbuzi wa kisheria.
Kihongosi amesema Mahakama Kuu ilisikiliza maombi hayo na kutoa zuio la muda hadi shauri la msingi namba 8323 la mwaka 2025 litakapomalizika kusikilizwa na kuamuliwa.
Amesisitiza kuwa CCM haina mamlaka wala sababu ya kuzuia shughuli za CHADEMA, akibainisha kuwa masuala yote yanayohusu zuio hilo yako mikononi mwa Mahakama, na kwamba chama chake kinaheshimu misingi ya utawala wa sheria na maamuzi ya mhimili wa Mahakama.
Katika wito wake kwa Watanzania, Kihongosi amewataka wananchi na wadau wa siasa kuacha kutoa tafsiri potofu au lawama zisizo na msingi, na badala yake waheshimu maamuzi ya Mahakama kama chombo halali cha kutoa haki nchini.
Pia Soma: Butiku amshukia mwenezi CCM: 'Ziara ya hovyo', Agusia sakata la CHADEMA