CHADEMA inapaswa kupuliza filimbi ya maridhiano na Serikali ya CCM

[Zack Abdul]

Marekani na Iran ni mataifa yenye historia ndefu ya uhasama mkali wa kisiasa, kiuchumi na kiitikadi kwa zaidi ya miongo minne.Tangu Mapinduzi ya Kiislamu ya Iran ya mwaka 1979, uhusiano wa nchi hizi mbili umegubikwa na vikwazo, vitisho vya vita, na diplomasia ya viwiko.

Pamoja na tofauti zao za msingi, pande zote mbili zimekuwa zikifikia hatua ya kukaa meza moja na kuridhiana pale maslahi makuu ya kitaifa yanapowajibisha.
Mfano wa wazi wa maridhiano ya kihistoria yalikuwa nu Makubaliano ya Nyuklia ya Mwaka 2015 (JCPOA) yaliyolenga kutatua mgogoro wa miaka mingi kwa njia ya amani.

Maridhiano hayo hayakumaanisha kuwa Marekani imekuwa rafiki wa Iran, wala kwamba Iran imekubali kila sharti la Marekani.Badala yake, yaliwakilisha ushindi wa diplomasia na utambuzi kuwa vita vya muda mrefu vinagharimu uchumi na ustawi wa wananchi wa pande zote.

Marekani ilitambua kuwa vikwazo vya kiuchumi pekee havikuweza kuzuia kabisa maendeleo ya programu za kiteknolojia za Iran.
Iran nayo ilitambua kuwa kutengwa kimataifa na vikwazo vya kiuchumi vilikuwa vikiumiza ustawi wa wananchi wake wa kawaida.

Pande zote mbili zilibaini kuwa kuendelea kwa mkwamo wa kisiasa kulikuwa kunaongeza hatari ya mtafaruko mkubwa wa kijeshi katika eneo la Mashariki ya Kati.
Maridhiano yalitokana na haja ya kulinda maslahi ya kitaifa badala ya kushikilia msimamo wa hasira na utaka wa kisiasa.

Meza ya majadiliano ilitoa fursa ya kupata suluhu inayopimika badala ya kuendeleza mkwamo usio na mwisho.
Iran haikupoteza utambulisho wake wa kiitikadi kwa kukaa meza moja na Marekani, iliyokuwa ikiipiga vita kwa miaka mingi.

CHADEMA inapaswa kujifunza kuwa kukaa meza moja na Serikali au CCM si kupoteza msimamo au kusaliti harakati za mabadiliko.Maridhiano ya kimkakati ni chombo cha kisiasa cha kupatia matokeo, wala si dalili ya udhaifu wa chama cha upinzani.

Katika mazungumzo ya Marekani na Iran, timu za majadiliano zilitumia wataalamu wa sheria, diplomasia na sayansi ya nyuklia badala ya wanasiasa wa jukwaani.CHADEMA inapaswa kujenga uwezo wa ndani wa kuandaa rasimu thabiti za kisheria na sera mbadala kabla ya kuingia kwenye majadiliano ya kitaifa.

Mazungumzo ya maridhiano yanahitaji hoja zenye mashiko, takwimu na sheria zinazoshawishi badala ya maneno ya majukwaa tu.Iran ilikubali maridhiano ili kupunguza ugumu wa maisha kwa raia wake uliotokana na vikwazo vya kiuchumi.

Vyama vya upinzani vinapaswa kutambua kuwa wananchi ndio wanaobeba mzigo mkubwa wa mivutano na migogoro ya kisiasa nchini. Maridhiano yenye tija yanapaswa kulinda haki za raia, kuimarisha uchumi na kuhakikisha amani na utulivu wa nchi vinadumu.

Makubaliano kati ya Marekani na Iran yalikuwa na vipengele vilivyo wazi, tarehe za utekelezaji na mifumo ya ukaguzi wa kimataifa.Kila mchakato wa maridhiano lazima uwe na Roadmap (ratiba) yenye hatua zinazopimika, kama vile tarehe za mageuzi ya sheria au mabadiliko ya Katiba.
Katika siasa, kuna wakati wa kupambana kwa nguvu za umma na wakati wa kushawishi mabadiliko kupitia meza ya majadiliano.

CHADEMA lazima iwe na uwezo wa kusoma upepo wa kisiasa na kutumia fursa za majadiliano bila kupoteza imani ya wafuasi wake.Kuepuka Siasa za Ushindi wa Upande Mmoja (Zero-Sum Game): Maridhiano bora ni yale yanayotoa nafasi ya pande zote mbili kupata suluhu ya kiutendaji (Win-Win solution).

Hatua ya Marekani na Iran kukaa meza moja ni ushahidi kuwa diplomasia ndiyo silaha kuu ya pekee inayowezesha mabadiliko ya amani na endelevu.

CHADEMA kikifanikiwa kujenga utamaduni wa kujifunza na kutumia maridhiano ya kimkakati, kitakuwa kimetawazwa sio tu kama chama cha upinzani, bali kama Serikali mbadala tayari kuongoza.
Maslahi mapana ya Tanzania na ustawi wa wananchi wake yanapaswa wakati wote kuwa juu ya itikadi, vyama, na uadui wa kisiasa.

 

[Zack Abdul]

CHADEMA mtambue kuwa Uamuzi wowote wa kususia maridhiano ya kitaifa utakuwa ni kujinyonga mwenyewe kisiasa na kujifuta kwenye ramani ya uongozi wa nchi. Kususia meza ya mazungumzo si ujasiri, bali ni uoga wa kisiasa unaodhihirisha ukosefu wa mbinu mbadala za kuisukuma nchi mbele.

Asasi za kidini, vyama vya siasa na wananchi watasimama, mkibaki nyuma mtasagwasagwa na mabadiliko yanayokuja. Hamwezi kuendelea kujifanya ninyi pekee ndio wamiliki wa hati miliki ya mabadiliko Kwa wananchi.

Wananchi wamechoka kuwa mbuzi wa kafara kwenye migogoro yenu isiyo na kikomo ilhali fursa ya meza ya majadiliano ipo wazi. Kila hatua ya ususiaji ni usaliti wa wazi kwa damu, jasho na machozi ya wanachama wenu waliowajenga hadi hapo mlipo.

Mkigoma kuingia mezani, mtajikuta mkitazama Katiba Mpya na Tume Huru vikiandikwa na wengine bila alama yenu hata moja. Siasa za kususa na kulalamika kwenye vyombo vya habari zimepitwa na wakati, karne hii inataka nguvu ya hoja mezani.

Vyama vingine vya upinzani viko tayari kuchukua nafasi yenu na kuonekana ndio sauti halisi, kuelimika na yenye busara ya wananchi. Historia itawahukumu kama kikundi kilichoweka mbele maslahi binafsi na msukumo wa hisia badala ya mustakabali wa Taifa.
Serikali na wadau wataendelea mbele na mchakato huu na maamuzi yatakayofikiwa yatakuwa halali kisheria na kijamii bila ninyi.

Hamna hati miliki ya kuzuia maendeleo ya nchi, Taifa hili ni kubwa kuliko CHADEMA na litasonga mbele nanyi au bila ninyi. Ukimya wenu au mgomo wenu mezani utatumika kama ushahidi kamili kwamba hamna nia njema na amani ya nchi hii.

Mkisusia maridhiano, mtapoteza uhalali wote wa kimaadili wa kulalamika mkiombwa au mkikandamizwa kwenye chaguzi zijazo. Hakuna jumuiya ya kimataifa itakayowaunga mkono mnapokimbia meza ya maridhiano.
Diplomasia ya kimataifa itawadharau viongozi wanaokimbia majadiliano na kukimbilia kwenye migomo isiyo na tija. Huwezi kudai demokrasia mtaani wakati unakataa kufanya demokrasia ya majadiliano na wadau wa kitaifa mezani.

Mgomo wenu utawapa wapinzani wenu silaha rahisi ya kuwapaka tope kama chama cha ghasia kisichotaka amani. Wananchi wanataka viongozi wenye ujasiri wa kukabiliana na changamoto mezani, sio viongozi wanaokimbilia kujificha.

Mkiendelea na msimamo huu mkali, mtajikuta mmetengwa kabisa na taasisi zote muhimu za kijamii na kiroho nchini. Nguvu ya umma haipatikani kwa kujitenga na umma na umma wa Watanzania kwa sasa unataka maridhiano na amani.
Kujitenga na mchakato huu ni kuwatelekeza wanachama wenu walioko magerezani na mtaani wanaosubiri suluhu ya kisiasa.Ukomavu wa kisiasa unapimwa kwa uwezo wa kukaa na adui yako na kumshinda kwa hoja, sio kukimbia uwanja wa vita.

Mkisusa, matokeo yake yatakuwa ni sheria na mifumo mipya kupitishwa ambayo itawaminya zaidi bila ninyi kuwa na sauti. Usidhani kuwa kususia kutasimamisha nchi, gurudumu la utawala litaendelea kuzunguka na kuwaacha mkiwa watazamaji tu. Mkiikosa fursa hii ya dhahabu, msije mkalaumu mfumo, mtakuwa mmejipiga risasi wenyewe mguuni.

Ujasiri halisi ni kuingia kwenye pango la simba ukiwa na hoja zako, sio kupiga kelele ukiwa nje ya pango.
Mchango wenu unahitajika, lakini ushiriki wenu sio masharti ya Taifa hili kuendelea kuwepo na kupiga hatua.
Nchi hii haitakubali kushikiliwa mateka na msimamo usiobadilika wa chama kimoja cha siasa.

Chagueni kuwa sehemu ya waasisi wa Tanzania mpya au kuwa kumbukumbu ya chama kilichojiondoa chenyewe kwenye ulingo. Wananchi wanawatazama kila hatua mnayochukua sasa hivi inasoma kama mko tayari kuongoza au mko tayari kubaki wapinzani milele.

Pngieni kwenye maridhiano sasa, simamieni misingi yenu kwa hoja au mtazame mabadiliko yakitokea bila ninyi

 

[Jerome Ndengaso]

Wasira anasema serikali itaridhiana na wananchi na si chadema.
Mbona kuna mkanganyiko? Huyu kusema wananchi wewe chadema.
Maridhiano bila chadema hayafanikiwi?