Naibu Katibu mkuu wa CHADEMA, Amani Golugwa amewatangazia wanachama wa chama hicho kuanzia leo Februari 11, 2026 wako huru kutumia rasilimali za chama hicho zikiwemo ofisi na magari, kwa kuwa sheria inawaruhusu kufanya hivyo.
Akizungumza kwa niaba ya Katibu mkuu wa chama hicho leo Februari 11, Golugwa amewataka viongozi wa wanachama wote nchini kuendelea na shughuli za chama hicho ikiwamo operesheni ya CHADEMA NI WATU waliyoizindua ivi karibuni.
Tangazo hilo linakuja kufuatia zuio lililowekwa na Mahakama Kuu Juni 10, 2025 kufuatia kesi ya mgawanyo wa mali iliyofunguliwa na aliyekuwa Makamu Mwenyekiti wa chama hicho Zanzibar, Said Issa Khamis na wenzake wawili.
Soma pia: Zuio la kufanya siasa liliisha Desemba 10