Mkweche II
JF-Expert Member
- Aug 11, 2018
- 4,160
- 5,793
Aseeeee
Sina hakika hata kama kuna baadhi ya makabila yalikuwepo Tanganyika wakati huoWakati wanajenga ule ukuta mkuu wa china, huku tulikuwa bado tunaishi mapangoni kama nguchiro.
CCM akina Mkapa badala ya kukuza viwanda wanabinafisisha waharabu na kufuga mbuzi na kanga, kuuza madini bei karibu na bure, na huyu chura anauza rasilimali za nchi kwa wajomba zake, hivyo tutaendelea kurudi nyuma badala ya kusonga mbele.Nimekuwa nasoma na kusikia kuwa wakati Tanzania tunapata uhuru tulikuwa sawa au karibia usawa na China kiuchumi na ndiyo maana walikuwa marafiki zetu, sasa nikawa najiuliza sana walitupitaje?
View attachment 2977587
Na hizo njia walizotumia kujikwamua ni siri kiasi kwamba sisi hatuwezi kufuata?, ikanibidi nitafute vyanzo nisome sasa nimekuja na maelezo haya hapa chini fuatana nami.
Katika makala moja maarufu yenye kichwa "KUPANDA KWA HARAKA KWA UCHUMI WA CHINA: Kutoka mfumo wa kizamani wa kilimo hadi kwenye Nguvu ya Viwanda ndani ya Miaka 35 Tu," ambapo Msaidizi wa Makamu wa Rais na Mchumi Yi Wen alielezea kuwa jaribio la sasa lilianza mwaka wa 1978 chini ya kiongozi wao Deng Xiaoping. China iliacha kufuata ushauri wa wanauchumi wa nchi za Magharibi, bali ilitumia njia na taratibu zake kufanya mageuzi. Hapo sasa ikaanza kufikiria njia hizi zifuatazo kuweza kujikwamua:
- Dumisha utulivu wa kisiasa kwa gharama yoyote
- Kuanza na mageuzi katika sekta ya kilimo, badala ya sekta ya fedha
- Kukuza viwanda vijijini
- Kubadilishana bidhaa za viwandani (badala ya maliasili) ili wapate mashine
- Kujenga miundombinu kwa msaada wa serikali
- Kuwa na sera ya umiliki wa serikali na binafsi, badala ya ubinafsishaji pekee
- Kusogea ngazi kiviwanda: kutoka kwenye viwanda vyepesi hadi vikubwa, kutoka uzalishaji wa nguvu kazi hadi mtaji mkubwa, viwanda hadi kwenye ubepari wa kifedha na hali ya kusave hadi kwenye hali ya ustawi bora wa matumizi ya pesa na rasilimali.
Wen alibainisha kuwa China imepitia awamu tatu kuu kwenye njia yake ya kuelekea kwenye maendeleo ya viwanda.
Ya kwanza aliita PROTO INDUSTRIALIZATION ( 1978-1988 )
Wen alibainisha kuwa mamilioni ya makampuni ya biashara ya vijijini yalichomoza kwenye kipindi cha miaka 10 ya kwanza ya mageuzi hayo ya kiuchumi:
*- Idadi ya makampuni ya vijiji iliongezeka kutoka milioni 1.5 hadi milioni 18.9.
*- Pato la viwanda la kijiji liliongezeka zaidi ya mara 13.5.
*- Wafanyakazi wa vijijini walikua karibia milioni 100.
*- Mapato ya jumla ya mishahara ya wakulima yaliongezeka mara 12.
Wen aliandika: "Kwa sababu ya ukuaji huo wa ajabu katika usambazaji wa bidhaa za kimsingi za walaji, China ilimaliza uhaba wa uchumi wake (kipengele cha kawaida cha uchumi uliopangwa wa serikali kuu, ilibalance mgawo wa nyama, vyakula vingine, nguo na bidhaa zingine za msingi za watumiaji) katikati ya miaka ya 1980 na wakati huo huo wakatatua kabisa tatizo la usalama wa chakula.”
Njia ya pili waliita MAPINDUZI YA KWANZA YA VIWANDA ( 1988-98 )
View attachment 2977588
Awamu ya pili iliangazia uzalishaji mkubwa wa bidhaa nyepesi zinazohitaji nguvu kazi kubwa katika maeneo ya vijijini na mijini nchini China. bwana Wen alibainisha kuwa katika kipindi hicho China ilikuwa mzalishaji na muuzaji mkubwa zaidi wa nguo duniani, mzalishaji na muagizaji mkubwa wa pamba na mzalishaji na muuzaji mkubwa wa samani na vinyago. Pia, pato la viwanda vya vijijini lilikua kwa asilimia 28 kwa mwaka.
Njia ya tatu waliita MAPINDUZI YA PILI YA VIWANDA ( 1998-Sasa )
Awamu ya sasa inaangazia China inayozalisha kwa wingi njia za uzalishaji. Wen hapa aliandika hivi: “Kwa sababu ya kuongezeka kwa haraka na kwa kiasi kikubwa soko la ndani la bidhaa za kati, mashine na usafirishaji, kulikuwa na ongezeko kubwa la matumizi na uzalishaji wa makaa ya mawe, chuma, saruji, nyuzi za kemikali, zana za mashine, barabara kuu, madaraja, meli na kadhalika.”
Alibainisha kuwa maili milioni 2.6 za barabara za umma zimejengwa katika kipindi hiki. Hii ni pamoja na zaidi ya maili 70,000 za barabara kuu ambayo ni asilimia 46 zaidi ya Marekani. Pia, majimbo 28 kati ya 30 ya China yana treni za mwendo kasi za kisasa, na urefu wa jumla wa reli ukiwa asilimia 50 zaidi ya ulimwengu wote zikiunganishwa.
Hitimisho
Wen alihitimisha kwa kusema kwamba Marekani ilifuata mojawapo ya mikakati hiyo ya ushindi katika historia baada ya Vita Kuu ya Pili ya Dunia. Ilisaidia katika kujenga upya Ulaya na Japan na kuendeleza nchi nyingine maskini. Wen aliandika: "China leo inaonekana kubeba bendera mbele ya Mmarekani: Uchina inafuata mikakati ya maendeleo yenye faida, ambayo inazingatia uchumi. Inafanya hivyo kupitia ushirikiano wa kibiashara wa kimataifa na ujenzi wa miundombinu ya kimataifa bila kujali dini, utamaduni, mfumo wa kisiasa na mipaka ya kitaifa.
Je, sisi Tanzania tulifeli wapi?
END