KERO Chuo Kikuu cha Dodoma (UDOM) turejesheeni malipo yetu ya Ada yaliyozidi, mnatuzungusha kila siku

[Anonymous]

Nilihitimu Chuo Kikuu cha Dodoma (UDOM) Mwaka 2025 katika Shahada ya Bachelor of Science in Telecommunication Engineering, kero yangu ni kuhusu fedha za overpayment ambazo tulipaswa kurejeshewa baada ya kumaliza masomo.

Baada ya kuhitimu, wahitimu tuliandika barua za kuomba kurejeshewa fedha hizo. Kwa upande wangu, kiasi ninachodai ni takribani Sh milioni 2.7. Barua yetu ilipitia kwa Mhasibu wa College na baadaye ikaenda kwenye Utawala Mkuu kupitia Masijala kwa ajili ya kufanyiwa kazi.

Tatizo ni kwamba hadi sasa, licha ya mwaka mwingine wa masomo kuanza, bado hakuna fedha ambazo tumerudishiwa. Kila tunapofuatilia tunaambiwa tu kwamba “file lako bado”, lakini hatupewi maelezo ya wazi kuhusu lini fedha hizo zitalipwa au mchakato umefikia hatua gani.

Kinachotuumiza ni kwamba fedha hizo tulizilipa wakati wa masomo na tulitarajia kwamba baada ya kubainika kuwa ni overpayment, zingerudishwa kwetu kwa wakati. Sasa tupo mtaani baada ya kuhitimu, na kwa kweli fedha hizo zingetusaidia sana katika kuanza maisha na kukabiliana na changamoto tulizonazo baada ya kumaliza chuo.

Sio mimi pekee ninayekabiliwa na changamoto hii. Wapo wahitimu wengine tulioandika maombi ya kurejeshewa fedha hizo, lakini hadi sasa hakuna hata mmoja ambaye amerejeshewa. Tunaomba chuo na mamlaka husika zilifuatilie suala hili na zitupatie majibu ya wazi kuhusu fedha zetu.

Taarifa ya Chuo ~

• TAARIFA KWA UMMA: Ufafanuzi kuhusu madai ya ucheleweshwaji wa malipo ya Wanafunzi waliozidishiwa Ada

 

[cointrovert]

Udom haiwezi kumaliza miezi 2 haijaonekana Jamii forumz😀😃😃😃

 

[University of Dodoma (UDOM)]

UFAFANUZI KUHUSU MADAI YA UCHELEWESHAJI WA MALIPO YA WANAFUNZI WALIOZIDISHA ADA

Chuo Kikuu cha Dodoma (UDOM) kinapenda kutoa ufafanuzi kwa umma kuhusu madai yaliyachapishwa katika mitandao wa kijamii hususani mtandao wa Jamii Forum kuhusu urejeshwaji wa fedha ya ada iliyozidi kwa baadhi ya wanafunzi baada ya kumaliza masomo.

Chuo kinapenda kuufahamisha umma kuwa, kwa mujibu wa taratibu zilizowekwa, mwanafunzi anayestahili kurejeshewa fedha huwasilisha madai yake rasmi. Baada ya kupokelewa, madai hayo hufanyiwa uhakiki na ofisi inayohusika na malipo ya ada kwa kulinganisha taarifa na kumbukumbu za mwanafunzi, kabla ya malipo kuidhinishwa na kufanyika.

Utaratibu huu wa uhakiki ni muhimu ili kuhakikisha kuwa marejesho yanafanyika kwa usahihi na kwa kuzingatia taratibu za kifedha za Chuo. Utaratibu wa uhakiki unapokamilika mwanafunzi anarejeshewa fedha yake.

UDOM inapenda kuwahakikishia wanafunzi na umma kwa ujumla kuwa tayari wanafunzi wenye viambatanisho stahiki wamerejeshewa fedha zao na kwamba, zoezi la uhakiki na urejeshwaji wa fedha hizo linaendelea.

UDOM inawaomba wanafunzi husika kuwa na subira wakati hatua za mwisho za uhakiki zinakamilishwa. Aidha, mwanafunzi mwenye changamoto yoyote anashauriwa kuwasiliana na uongozi ili kutatua changamoto yake kwa wakati.

Uongozi wa UDOM unathamini maoni na mrejesho wa wanafunzi na wadau wake na unawahakikishia kuwa madai yenye sifa na yaliyothibitishwa yatafanyiwa marejesho kwa mujibu wa taratibu zilizowekwa.

UDOM inaendelea kujizatiti katika kulinda ubora wa elimu na ustawi wa wanafunzi wake.

 

[Lamine yamal UDOM]

Msijali soon tunawapa hela zenu,shida mko wengi mno.

 

[Duh Aisee]

Msijali soon tunawapa hela zenu,shida mko wengi mno.

Jambo zuri

 

[Bush Dokta]

Nilihitimu Chuo Kikuu cha Dodoma (UDOM) Mwaka 2025 katika Shahada ya Bachelor of Science in Telecommunication Engineering, kero yangu ni kuhusu fedha za overpayment ambazo tulipaswa kurejeshewa baada ya kumaliza masomo.

Baada ya kuhitimu, wahitimu tuliandika barua za kuomba kurejeshewa fedha hizo. Kwa upande wangu, kiasi ninachodai ni takribani Sh milioni 2.7. Barua yetu ilipitia kwa Mhasibu wa College na baadaye ikaenda kwenye Utawala Mkuu kupitia Masijala kwa ajili ya kufanyiwa kazi.

Tatizo ni kwamba hadi sasa, licha ya mwaka mwingine wa masomo kuanza, bado hakuna fedha ambazo tumerudishiwa. Kila tunapofuatilia tunaambiwa tu kwamba “file lako bado”, lakini hatupewi maelezo ya wazi kuhusu lini fedha hizo zitalipwa au mchakato umefikia hatua gani.

Kinachotuumiza ni kwamba fedha hizo tulizilipa wakati wa masomo na tulitarajia kwamba baada ya kubainika kuwa ni overpayment, zingerudishwa kwetu kwa wakati. Sasa tupo mtaani baada ya kuhitimu, na kwa kweli fedha hizo zingetusaidia sana katika kuanza maisha na kukabiliana na changamoto tulizonazo baada ya kumaliza chuo.

Sio mimi pekee ninayekabiliwa na changamoto hii. Wapo wahitimu wengine tulioandika maombi ya kurejeshewa fedha hizo, lakini hadi sasa hakuna hata mmoja ambaye amerejeshewa. Tunaomba chuo na mamlaka husika zilifuatilie suala hili na zitupatie majibu ya wazi kuhusu fedha zetu.

Taarifa ya Chuo ~

• TAARIFA KWA UMMA: Ufafanuzi kuhusu madai ya ucheleweshwaji wa malipo ya Wanafunzi waliozidishiwa Ada

Duuh

 

[Duh Aisee]

Watatoa tu