Hapo mwanzo nilikuwa na wasiwasi na mwitiko wa mkoa wa Dar kuupokea ujumbe wa Tundu Lissu, niliuona kama mkoa ambao unaosuasua kuupokea ujumbe wa Lissu tofauti na huko mkoani. Lakini kwa utafiti wangu hasa wa wiki hii umenithibitishia kuwa Dar inaanza kuupokea ujumbe kwa kasi ya kutisha. Vijiweni vijana wameanza kuzungumzia kampeni ya Lissu.
Kuna mambo ambayo Timu ya kampeni ya Lissu wameyafanya sawasawa yamechangia kwa Dar kuanza kuamka nayo ni kama ifuatavyo:
1. Zile siku saba za kufungiwa Lissu ziliwafanya wana Dar wamfuatilie
Katika siku zile za kifungo, Lissu alizitumia kuzunguuka maeneo mbalimbali ya jiji, wananchi wa maeneo hayo wakamuona, hiyo likawa kama zinguo kwao kuwa kuna jambo la uchaguzi nchini linaendelea, watu wakaanza kupick interest, kusambaza taarifa. Kwa hiyo hii ikawaweka wana Dar kwenye receptive mode ya kutaka kujua zaidi kutoka kwake.
Uwepo wa Lissu dar kipindi hicho na ziara alizofanya, ni kama kupandikiza/kutega vimlipuko vidogo vidogo vingi ambavyo siku ya siku vikilipuliwa kwa pamoja kitu lazima kisambaratike!
2. Reverse advertising
Kosa moja ambalo chama cha mapinduzi wamefanya ni kutokuwa fair kwenye issue ya kuhodhi vyombo vya habari. Yaani kila siku ni kutangaza kampeni ya Magufuli, Sasa athari hii ya monopoly inapelekea kitu kinachoitwa reverse advertisement, yaani kila Magufuli asikikapo kwa sababu anaongea peke yake watu wanajua kuwa naye ana mpinzani wake aitwaye Tundu Lissu, Kila Magufuli aongeapo, watu at tje same time wanajua kuwa pia kuna mtu aitwaye Lissu ambaye hasikiki kwenye vyombo hivihivi vinavyomfanya huyu asikike kila siku. Kwa hiyo watu wanachukua juhudi zao wao wenyewe kumtafuta Lissu ili kumsikiliza.
3. Ujio wa Sheikh Ponda na kuvuka mipaka kwa bwana Alhadi
Mkoa wa Dar ni mkoa wenye waislamu wengi, Tangu Sheikh Ponda aje camp ya Lissu upepo umeanza kugeuka kwa kasi nchini na Dar kiujumla. Vijana wa Kiislamu niliowasikiliza wanasema wanakwenda na Ponda alipo.
Pia kauli ya Sheikh wa BAKWATA bwana Alhadi iliyotazamwa nchi nzima imewakera waislamu wengi sana, wengi wameamua kusumama na Ponda na hivyo kwenda na Lissu.
4. Wakazi wengi wa mikoani waishio Dar wameguswa na ziara za Lissu katika mikoa yao
Lissu amepiga kampeni serious nchi nzima, amekwenda sehemu nyingi sana za nchi, kila alipokwenda unakuta kuna wakazi wa maeneo hayo waishio Dar. Sasa hawa wakazi walioko dar wameguswa sana na ndugu zao wa maeneo watokako huko jinsi walivyompokea Lissu, watu wako emotional na mapokezi ambayo ndugu zao wamempa Lissu. Hebu tazama Lissu amekwenda hadi kwa Wamasai ndanindani huko, Amekwenda hadi vijiji ambavyo kiongozi mkubwa wa serikali hajawahi kukanyaga. Heshima aliyowapa wana Ukerewe ya kuvuka ziwa kwa boti. Akina mama wanavyompokea kwa kumtandikia Kanga na heshima zote za kichifu anazopewa. Vitu vyote hivi vinawagusa sana watu watokao maeneo hayo waishio Dar
5. Social media
Social media, whatsapp, Youtube, Facebook, Jamiiforums, Instagram hivi vitu kwa wakazi wa Dar ni kama vile oxygen. Fahamu kwamba kuna makundi ya watu katika jamii wanaitwa washawishi "Influencers". Hawa kwa asilimia kubwa wqna miliki vitu hivi, na kwa nature ya nchi yetu wako Dar (sababu ya mji mkubwa wa kiuchumi na serikali), Influencer mmoja ana uwezo wa kupata taarifa kiurahisi na kuzisambaza kwenye wigo wa eneo lake la ushawishi, kwa hiyo habari zinasambaa ama taratibu ama haraka kutokana na mazingira. Ni dhahiri sasa Dar imekuwa influenced vya kutosha kumpokea Lissu.
Wana Dar kupitia social media wanaona mwitiko wa wananchi wenzao wa mikoani walivyompoea Lissu, kwa hiyo nao wanashawishika
6. Kampeni za Ubunge na Madiwani zimeiamsha Dar.
Kila jimbo la uchaguzi Dar kuna kampeni za wabunge na madiwani zinaendelea, kote huku wana Chadema wanaendelea kuwasha moto, wanainadi Chadema na wanamnadi Lissu. Wana Dar sada wanatambua kuwa hii ngoma sasa mtoto hatumwi dukani, ngoma wameanza kwa kasi kuja camp ya Lissu
7. Ujumbe wa Lissu wa vitambulisho vya wamachinga umepokelewa positively na Wamachinga
Nimewasikiliza wamachinga wa Dar, wameupokea kwa nguvu ujumbe wa Lissu kuhusu kitambulisho kisicho na jina, picha, jinsia, saini na hata havikutolewa risiti. Wengi wameinyesha kumuunga mkono Lissu kwenye hilo suala la vitambulisho vya magumashi.
8. Confidence ya Lissu imerudisha Confidence ya wana Dar
Dar iliumizwa na flip-flop ya Lowasa, kitendo cha Lowasa kurudi CCM wakati wana Dar waliwekeza mtaji mwingi kwake kiliwakatisha tamaa sana. Walikuwa wanangoja waone mtu wanayeweza kumwamini kuwa huyu hawezi kuwaacha kwenye mataa. Sasa Tangu kampeni hizi zianze, upambanaji wa Lissu, ubishi wake, kujiamini kwake, Ujasiri wake vimeanza kuwafanya watu wa Dar waone kuwa huyu mtu ni "Real Deal"
Kwa hiyo kiufupi ni kwamba, Kimbunga cha Lissu kimeanza kuingia Dar kwa nguvu na nashauri kambi ya Lissu. Dar ipewe uzito wake unaostahili kwenye wiki hii ya mwisho ya Kampeni.
Dar ipigwe operesheni kali sana, yaani Machinery nzima ya Chama igeuzie mizinga Dar, ipigwe operesheni "ondoa udhalimu Dar" ambayo haijawahi kutokea. Watu wapige mtaa kwa mtaa, nyumba kwa nyumba.
Dar ikikubali, Tunachukua nchi asubuhi na mapema tu kabla jogoo wa Alfajiri hajawika!
