Mwananchi Huru
JF-Expert Member
- Nov 20, 2021
- 2,535
- 2,226
Watanzania hawapaswi kubaki watazamaji wakati fursa za uwekezaji na miradi mikubwa ya maendeleo zikiendelea kuongezeka nchini.
Mkurugenzi Mtendaji wa Kituo cha Ubia kati ya Sekta ya Umma na Sekta Binafsi (PPPC), David Kafulila, amesema ni wakati wa Watanzania kujipanga na kushiriki kikamilifu katika uchumi kupitia ubia na kampuni za ndani na za kimataifa.
Akizungumza na wadau wa biashara na uwekezaji kutoka Mkoa wa Pwani, Kafulila alisema bado kuna uelewa mdogo kuhusu namna wananchi wa kawaida na kampuni za ndani zinavyoweza kushiriki katika miradi ya ubia, jambo ambalo linawanyima fursa nyingi za kiuchumi.
Alieleza kuwa chini ya sera na sheria za ubia nchini, kampuni za nje zinazoshirikiana na kampuni za ndani hupata mazingira mazuri zaidi ya kushiriki na kupata miradi kuliko zile zinazotaka kufanya kazi peke yake.
"Ni wito kwa kampuni za nje kutambua kuwa kushirikiana na Watanzania kunarahisisha utekelezaji wa miradi, lakini pia ni wakati wa kampuni za ndani kuamka na kutafuta ushirikiano wa kimkakati na wawekezaji wa nje ili kunufaika na fursa zilizopo ndani ya uchumi wetu," alisema Kafulila.
Alisisitiza kuwa ushiriki wa Watanzania katika uchumi haupaswi kuangaliwa katika umiliki wa miradi mikubwa pekee, bali pia katika huduma na shughuli zote zinazozunguka miradi hiyo.
Kwa mfano, alisema kampuni ya ndani inaweza isipate zabuni ya kujenga barabara moja kwa moja, lakini bado ikafaidika kupitia usambazaji wa vifaa, huduma za usafirishaji, chakula, malazi, vifaa vya ujenzi na huduma nyingine nyingi zinazounganishwa na mradi huo.
"Miradi mikubwa huibua mlolongo mpana wa fursa za kiuchumi. Tunapaswa kutazama picha kubwa zaidi na kuona namna gani Watanzania wanaweza kuwa sehemu ya thamani inayotengenezwa na uwekezaji huo," alifafanua.
Kafulila pia aligusia mjadala unaoendelea nchini kuhusu nafasi ya Watanzania katika uchumi wa taifa, akisema hoja muhimu si kutafuta nani ni mzawa kuliko mwingine, bali kuhakikisha wananchi wanakuwa washiriki wakuu wa maendeleo ya nchi yao.
"Jambo la msingi ni Watanzania kuwa sehemu ya uchumi wao wenyewe". alisema Kafulila
Mkurugenzi Mtendaji wa Kituo cha Ubia kati ya Sekta ya Umma na Sekta Binafsi (PPPC), David Kafulila, amesema ni wakati wa Watanzania kujipanga na kushiriki kikamilifu katika uchumi kupitia ubia na kampuni za ndani na za kimataifa.
Akizungumza na wadau wa biashara na uwekezaji kutoka Mkoa wa Pwani, Kafulila alisema bado kuna uelewa mdogo kuhusu namna wananchi wa kawaida na kampuni za ndani zinavyoweza kushiriki katika miradi ya ubia, jambo ambalo linawanyima fursa nyingi za kiuchumi.
Alieleza kuwa chini ya sera na sheria za ubia nchini, kampuni za nje zinazoshirikiana na kampuni za ndani hupata mazingira mazuri zaidi ya kushiriki na kupata miradi kuliko zile zinazotaka kufanya kazi peke yake.
"Ni wito kwa kampuni za nje kutambua kuwa kushirikiana na Watanzania kunarahisisha utekelezaji wa miradi, lakini pia ni wakati wa kampuni za ndani kuamka na kutafuta ushirikiano wa kimkakati na wawekezaji wa nje ili kunufaika na fursa zilizopo ndani ya uchumi wetu," alisema Kafulila.
Alisisitiza kuwa ushiriki wa Watanzania katika uchumi haupaswi kuangaliwa katika umiliki wa miradi mikubwa pekee, bali pia katika huduma na shughuli zote zinazozunguka miradi hiyo.
Kwa mfano, alisema kampuni ya ndani inaweza isipate zabuni ya kujenga barabara moja kwa moja, lakini bado ikafaidika kupitia usambazaji wa vifaa, huduma za usafirishaji, chakula, malazi, vifaa vya ujenzi na huduma nyingine nyingi zinazounganishwa na mradi huo.
"Miradi mikubwa huibua mlolongo mpana wa fursa za kiuchumi. Tunapaswa kutazama picha kubwa zaidi na kuona namna gani Watanzania wanaweza kuwa sehemu ya thamani inayotengenezwa na uwekezaji huo," alifafanua.
Kafulila pia aligusia mjadala unaoendelea nchini kuhusu nafasi ya Watanzania katika uchumi wa taifa, akisema hoja muhimu si kutafuta nani ni mzawa kuliko mwingine, bali kuhakikisha wananchi wanakuwa washiriki wakuu wa maendeleo ya nchi yao.
"Jambo la msingi ni Watanzania kuwa sehemu ya uchumi wao wenyewe". alisema Kafulila