Roving Journalist
JF Roving Journalist
- Apr 18, 2017
- 5,352
- 15,876
Ilivyokuwa hoja ya awali ~ Wananchi Kawe: Ujenzi wa Kanisa la Mwamposa umetusababishia kukosa Maji na kufungiwa barabara
Mkuu wa Wilaya ya Kinondoni, Saad Mtambule amesema baada ya kufanya tathmini kwa kupitia nyaraka na kupata maelezo mbalimbali, amebainika katika eneo linalolalamikiwa kwa madai ya barabara kuzibwa, ramani haioneshi kuwepo kwa barabara.
Amesema kwamba licha ya barabara hiyo kutumika kwa muda mrefu na Wananchi, haipo rasmi kwenye ramani. Hata hivyo, amesema kwa busara za pamoja kati ya Shirika la Nyumba la Taifa (NHC) na uongozi wa Kanisa la Mwamposa, wataangalia uwezekano wa kuweka njia kwa ajili ya Wananchi kupita, na pia kuruhusu Watoto kutumia baadhi ya maeneo kwa michezo.
Mkuu wa Wilaya ya Kinondoni, Saad Mtambule akifafanua jambo.
Mhandisi Erasto Mwakilulele kutoka DAWASA Kawe
Hata hivyo, siku ambazo hakutakuwa na matukio, eneo hilo litaruhusiwa kutumika kwa michezo kama ilivyokuwa awali.
Kuhusu changamoto ya upatikanaji wa maji iliyosababishwa na kuharibika kwa baadhi ya miundombinu wakati wa ujenzi wa kanisa hilo, Mhandisi Erasto Mwakilulele kutoka DAWASA Kawe, mbele ya Mkuu wa Wilaya, amesema mamlaka imepokea taarifa ya tatizo hilo na tayari wameshaanza kazi ya kuboresha miundombinu ili huduma ya maji irejee haraka kwa Wananchi.
Hata hivyo kumekuwepo na madai ya malalamiko kutoka kwa baadhi ya Wananchi na wadau kuwa ujenzi wa Kanisa hilo kando na Shule tatu kunaweza kuathiri Wanafunzi.