DRC yapiga marufuku Vyombo vya Habari kutoa taarifa kumhusu Rais Mstaafu, Joseph Kabila

[Waufukweni]

Serikali ya Jamhuri ya Kidemokrasia ya Kongo (DRC) imepiga marufuku vyombo vya habari nchini humo kuripoti kuhusu shughuli za aliyekuwa Rais, Joseph Kabila, pamoja na kufanya mahojiano na wanachama wa chama chake cha siasa. Amri hii inajiri wakati kukiwa na mvutano mkubwa wa kisiasa kati ya Bw. Kabila na mrithi wake, Rais Félix Tshisekedi.

Mamlaka ya udhibiti wa vyombo vya habari nchini humo (CSAC), kupitia kwa mkuu wake, Christian Bosembe, imetangaza kuwa chombo chochote cha habari kitakachokiuka agizo hili kitakabiliwa na adhabu ya kusitishiwa shughuli zake.

Hatua hii imechukuliwa kufuatia kurejea kwa Bw. Kabila nchini humo mwezi uliopita, hali iliyozidisha wasiwasi wa kisiasa uliokuwepo. Serikali ya sasa inashinikiza kumfungulia mashtaka Bw. Kabila kwa tuhuma za uhaini na madai ya kuwa na uhusiano na kundi la waasi la M23, ambalo limekuwa likipambana na jeshi la serikali mashariki mwa nchi. Hata hivyo, Bw. Kabila amekanusha madai hayo hapo awali.

Mvutano kati ya pande hizi mbili umekuwa ukiongezeka tangu Rais Tshisekedi aingie madarakani, na kuvunja muungano wa kisiasa uliokuwepo baina yao. Serikali ya Tshisekedi imekuwa ikimshutumu Kabila kwa kujaribu kuyumbisha utawala wake, huku upande wa Kabila ukidai kuwa serikali ya sasa inakandamiza demokrasia na haki za binadamu.

Marufuku hii ya habari imezua gumzo miongoni mwa wanahabari na watetezi wa haki za binadamu, wanaoiona kama njama ya kunyamazisha sauti za upinzani na kuminya uhuru wa habari nchini humo. Wanaeleza kuwa hatua hii inarudisha nyuma maendeleo ya kidemokrasia ambayo taifa hilo limekuwa likijitahidi kuyafikia.

 

[Kama ipo ipo]

Hahaha kaona wanampa kiki kwa pikipiki

 

[Dalton Elijah]

Tangazo hilo limetolewa na serikali ya congo huku likihusissha wanachama wa chama cha kabila kutohojiwa na vyombo vya Habari huku mvutano ukiongezeka kati uongozi wa felix tsheseked na kabila

Maagizo hayo, yametangazwa na mdhibiti wa vyombo vya habari nchini humo Christian Bosembe kufuatia kurejea kwa Kabila nchini DR Congo mwezi uliopita baada ya kutokuwepo kwa takriban miaka miwili

Mkuu huyo ameonya kuwa Kwenda kinyume na maagizo hayo kutasababisha shughuli za vyombo vya Habari kufungiwa na faini kali


Kwa sasa Serikali ya DRC inaripotiwa kushinikiza kumshtaki Kabila kwa mashtaka ya uhaini na madai ya uhusiano na kundi la waasi la M23 shutuma ambazo hapo awali amekanusha

Huku kukiendelea kuwa na sintofaham Baina ya viongozi hao rais wa zamani joseph kabila amekosoa vikali uongozi wa tshesekedi na kuitwa kuwa udikiteta

Kwa mjibu wa taarifa ambayo imechapishwa kwenye mtandao wa x zamani twiter katibu wa chama cha watu na ujenzi wa demokrasia PPRD Fredinand Kambere ameshutumu agizo kama la kiholela huku akionya kuwa litaonghgeza machafuko zaidi

Katika hatua nyingine rais wa Chama cha Afrika cha Kutetea Haki za Binadamu, Jean-Claude Katende, amenukuliwa akisema kuwa hatua hiyo inaonenesha ishara ya moja kwa moja matumizi mabatya ya Madaraka

Kwa sasa wasiwasi unazidi kuongezeka kwa seikali juu ya kabila tangu kurejea kwake ameonekana katika video kadhaa za mtandaoni akitembelea viongozi wa kidini na asasi za kiraia huko Goma, akiashiria uwezekano wa kurejea kisiasa

Licha ya hilo ameonekana tena huko goma mashariki wa DRC akiwa na Baadhi ya viongozi wa M23 jambo linalo zua hofu kwa uongozi ulio madarakani licha ya kuwa uamuzi wa seneti wa kuondoa kinga yake;…………

Kwa sasa joseph kabila anakabiliwa la shinkizo la kisiasa kutoka ndani ya Jamhuri ya kidemikrasia ya kongo huku viongozi wa seriakli wakipinga yeye kujihusisha na masuala ya siasa za upinzani ndani ya taifa linalikabailiwa na machafuko yasiyo koma ……

Hadi hivi sasa nchi ya Rwanda, ambayo inapakana na DR Congo, imeshutumiwa kwa kusaidia kundi la waasi, madai ambayo Kigali inakanusha.
chanzo BBC .

 

[Numbisa]

Wanazima kiki