Ukisoma kwenye Biblia, ni watu wawili tu ndiyo ambao hawakuwahi kuonja mauti, nao ni Nabii Eliya na Enoko. Mungu hakutaka kuwaua, aliwatwaa na kuwapeleka mbinguni.
Sasa kama ilivyo kwa manabii, wafalme wa zamani na watumishi wengine kuandika vitabu vyao, basi naye Enoko aliandika kitabu chake kiitwacho Enoko.
Okay! Ngoja turudi kidogo kupeana somo. Unapoiona Biblia, jua ni mkusanyiko wa vitabu mbalimbali, kuanzia vile vya zamani sana mpaka vilivyofuatia, yaani vimebeba stori inayoendelea mpaka mwisho wa kila kitu.
Yaani kitabu cha Mwanzo kinazungumzia mwanzo wa dunia hii na kitabu cha Ufunuo ambacho ni cha mwisho kinaelezea mwisho wa dunia hii. Nadhani umenipata.
Biblia ilikuwa ni mkusanyiko wa vitabu zaidi ya hivi unavyoviona ila baadaye mtawala Costantine aliyekuwa akitawala Nicaea akaamua kukitoa kitabu cha Enoko kwenye Biblia, hiyo ilikuwa mwaka 325 Baada ya Kristo.
Hii inamaanisha nini?
Kabla ya hapo, Biblia ilikuwa na vitabu vingi lakini baada ya huyu mtawala kuingia, akaamua kuvitoa baadhi yake, na miongoni mwa vile ambavyo vilitolewa kilikuwemo hiki cha Enoko.
Kwa nini kitabu hiki kilitolewa? Hilo ni jambo jingine ambalo nitakuja kulielezea humu baadaye, iwe mitandaoni ama kwenye App yangu ambayo ipo njiani.
Humo kutakuwa na stori hizi nyingi sana za kuupa mwanga ubongo wako.
Ukisoma kitabu cha Enoko, anasimulia kuanzia mwanzo mpaka mwisho, jinsi alivyotokewa na malaika wawili, na kama ilivyo kwa malaika wote wanapowatokea wanadamu huanza na neno “Usiogope”.
Kwa nini?
Ni kwa sababu malaika ana muonekano wa kutisha, kwa binadamu, huwezi kuwa kawaida tu unapomuona malaika ametokea mbele yako, ndiyo maana husema usiogope.
Aliambiwa Mariamu Magdalena pia.
Enoko alianza kuwaelezea malaika ambao walikwenda chumbani kwake wakati amelala. Kwanza walikuwa wakubwa, wenye mbawa lakini sura zao zilikuwa na mng’ao mkubwa kama jua lakini macho yao yalikuwa yanawaka kama taa. Katika maisha yake, anasema hakuwahi kuwaona viumbe wakubwa namna hiyo.
Lipsi zao zilikuwa na moto, mbawa zao zilikuwa na mchanganyiko wa rangi mbili, zambarau na dhahabu inayong’aa kupita kawaida, mikono yao ilikuwa ni meupe kama theluji.
Hebu fikiria unakutana na kiumbe kama hicho, hutoogopa? Ndiyo maana walimwambia kwanza, usiogope.
Anasema malaika hao walisimama pembeni ya kitanda chake na kumuita kwa jina lake, Enoko akainuka na kuwaangalia.
Enoko aliogopa, anasema uso wake ulitetemeka mno lakini malaika mmoja akamwambia: “Usiogope”.
Walimwambia walitumwa na Mungu kumchukua na kumpeleka mbinguni, kwa yote ambayo angekutana nayo huko basi angewaambia watoto wake, wajukuu na vizazi vyote mbeleni.
Anasema hakutaka kuwapinga, akatoka na kwenda kuonana na watoto wake, Mathusal, Regim na Gaidad, akawaambia kuhusu malaika hao na kile walichomwambia, baada ya hapo, wakamchukua na kuanza kupaa naye kwa kumbeba kwenye mbawa zao.
Malaika wale walimchukua mpaka juu kabisa, na tazama akaanza kuingia kwenye mbingu ya kwanza. Hapa akakutana na bahari kubwa, anasema ukubwa wa bahari ile ni tofauti na bahari ambayo sisi tunayo hapa duniani.
Okay acha turudi nyuma.
Niliwaambia hii dunia imezungukwa na kioo kikubwa sana kinachoitwa firmament ambapo juu yake kuna maji mengi. Ukisoma kitabu cha Mwanzo, kinasema kipindi cha Nuhu milango ya mbinguni ikafunguliwa na maji kujaa duniani.
So hiyo milango ipo wapi? Ndiyo kwenye hiyo firmament ambayo wanasayansi walijaribu kuivunja kwenye mission za mbalimbali ili watoke nje waone kuna nini, ila hawakufanikiwa.
So juu ya hiyo firmament, kwenye hayo maji mengi aliyoyaona Enoko ndiyo mbingu ya kwanza.
Anasema ilikuwa ni bahari kubwa ambayo hakuna mfano wake.
Anasema baada ya kuiona hiyo bahari kubwa, akashangaa kuwaona malaika mia mbili wakija kule walipokuwa, malaika hawa ndiyo ambayo wanazitawala nyota zote.
Hapa kuna malaika wa aina mbili, wale wanaopaa juu ya bahari na wale ambao wanapita hata ndani ya bahari lakini kwa pamoja kuna wakati unafika na kuungana pamoja.
Wakati anaangalia mbele, macho yake yakatua kwenye nyumba moja kubwa ambayo imetengenezwa kwa barafu tu, malaika wengine walikuwa wakiruka na kwenda kwenye nyumba hiyo ambayo ilikuwa ni ya kupendeza mno machoni mwake.
Pia akaonyeshwa nyumba nyingine nzuri, ilikuwa ni ya kumeremeta kana kwamba ilijengwa kwa kutumia mafuta. Nyumba hii ilikuwa na maua mengi mazuri ambayo hata mengine hayapo hapa duniani.
Mbali na hilo, pia kulikuwa na malaika wakubwa waliokuwa wakiilinda nyumba hiyo.
Mimi kama Nyemo mnajiuliza: “Malaika hao wanailinda nyumba hiyo dhidi ya nani? Sijui”.
Baada ya hapo Enoko anasema baada ya kuyaona hayo yaliyokuwepo kwenye mbingu ya kwanza, sasa malaika hao wawili wakamchukua na kumpeleka kwenye mbingu ya pili.
Itaendelea....
View attachment 3064183View attachment 3064184View attachment 3064185View attachment 3064186View attachment 3064187View attachment 3064188View attachment 3064189View attachment 3064190
