KERO Hakuna msoma mita wa Idara ya maji Arusha aliyekuja kusoma mita, ila bill za maji zinaendelea kuja kubwa

[Anonymous]

Habari,

Ninaishi Arusha, na nimekuwa nikikabiliwa na changamoto ya bili kubwa za maji ambazo hazieleweki. Kwa muda wote nimekuwa nikiishi hapa tangu mwezi Julai, bili ya maji imekuwa ikija ikiwa si chini ya Sh 80,000.

Awali, nilidhani huenda kuna siku nitakutana na msoma mita ili nipate kumuuliza kuhusu hali hiyo. Hivyo, nilitoa taarifa kwa wapangaji wote ndani ya nyumba kwamba yeyote atakayemuona msoma mita ya maji anijulishe. Sikueleza sababu ya kufanya hivyo kwa kuwa nilitaka kwanza kufanya uchunguzi wangu mwenyewe.

Nyumba ninayoishi ina geti, na mita za maji zipo ndani ya ua. Mtu yeyote anapoingia ndani, hata kama upo chumbani, ni rahisi kusikia au kugundua uwepo wake.

Cha kushangaza, kwa takribani miezi minne sasa sijawahi kumuona wala kusikia msoma mita akifika kusoma mita za maji, lakini bili zinaendelea kutoka kila mwezi zikiwa na kiasi kikubwa cha fedha.

Nina uhakika wa asilimia 100 kwamba katika kipindi hicho hakuna msoma mita aliyefika hapa. Hali hii inanipa maswali mengi kuhusu namna bili hizi zinavyotengenezwa na msingi wa makadirio ya kiasi cha maji kinachotumika.

 

[and 998 others]

Hujielewi. Sisi tukusaidieje?

 

[delako]

Hiyo ni changamoto kubwa sana kwa Tanzania katika upigaji,Cha kufanya angalia usomaji wa meter wa sasa yani meter inasoma units ngapi sasa hv then maji yanapotoka endelea kuangalia mpaka utakapotumiwa bill mpya then linganisha usomaji uliopita na wa sasa..
Baada ya hapo utajua umetumia units kiasi gani ukiona kuna utofaut wanapokutumia bill ndani ya siku 2 fika ofisini kwao kwa malalamiko na yatafanyiwa kazi.
Ahsante

 

[Kadhi Mkuu 1]

Siku hizi msg toka mamlaka ya maji inakuja na tarehe ya Mita kusomwa, namba ya simu ya msomaji na unaambiwa uhakiki usomaji kabla ya bili kuandaliwa.
Au wewe ni mpangaji msg inaenda kwa mwenye nyumba?

 

[Karne]

Duh! Kwa hiyo bill yako ikitumwa huwa huambiwi usomaji uliopita ulikuwa units kadhaa na wa sasa ni kadhaa ili ukahakiki mwenyewe kwenye mita yako?

Namba ya msoma mita wako nayo haiji pamoja na hiyo meseji ya usomaji wa units zako kabla bill haijaandaliwa?

Kama majibu hapo juu ni NDIYO,nashauri AUWSA watembelee mamlaka za maji za miji mingine wajifunze namna wenzao wanahusiana na wateja wao!

 

[Maikoel]

80,000 kwani unamwagilia shambani, una car wash au una kiwanda cha kutengeneza juices?