Huenda Edwin Mtei na Bob Makani ndiyo wanasiasa bora wa wakati wote Tanzania

Huenda Edwin Mtei na Bob Makani ndiyo wanasiasa bora wa wakati wote Tanzania

MALCOM LUMUMBA

MALCOM LUMUMBA

JF-Expert Member
Joined
Jul 26, 2012
Posts
21,775
Reaction score
71,893
Yaliyopita, yaliyopo na yajajo kuhusu Tanzania.

Edwin Mtei na Bob Makani wanahukumiwa vizuri na historia kuliko mwanasiasa mwingine yoyote wa kizazi cha kwanza. Ntakueleza ni kwanini nasema hivi:

Kipimo kikubwa cha uongozi ni KUTOKUWEPO (Absence of a leader). Mara zote kiongozi anaweza kuonekana mzuri kwasababu yupo na anafuatilia vizuri na ukaribu mambo yake. Lakini ukweli mchungu ni kwamba kiongozi huanza kupimwa uwezo wake wakati HAYUPO. Hili linaanzia kwenye ngazi ya kifamilia, ambapo tunaangalia mafanikio ya mzazi kwa kuangalia jinsi watoto wanafanya wakiwa peke yao au mbali na nyumbani. Mara zote wazazi wakifariki ndiyo utafahamu malezi yao yalikuwaje.

Hili linaweze lisiwe ni mstari wa moja kwa moja (Not Linear). Lakini kwenye siasa mara nyingi viongozi bora hupimwa kwa madhara na faida walizoziacha muda mrefu hata baada ya wao kuondoka. Falsafa zao, Sera zao, Sheria walizotunga, Taasisi walizozitengeneza, lakini kubwa ni kuandaa kizazi kinachofuata kuweza kuduma katika misingi ile-ile na kuweza kufanya zaidi ya kizazi kilichopo.

Waisisi wa CHADEMA HAWAPO duniani. Hebu tuangalie ambacho kimeendelea kwenye taasisi yao ilhali hawapo:

=========================================================

Miaka kuanzia ya 1970-2000 mtu wa kizazi kile akimuuliza kuhusu Mzee Edwin Mtei angekwambia kwamba hakuwa kiongozi mzuri kwasababu kadhaa-wa-kadhaa. Hata alipoanzisha CHADEMA mwaka 1992, watu wengi hasahasa CCM akiwemo Mzee Nyerere ungewaambia kwamba chamba ambacho kinaanzishwa na Mchagga wa Marangu na Msukuma wa Shinyanga kuna siku kitakuwa ndicho chama kinachotegemewa na kuaminika na zaidi ya asilimia 50% ya watanzania, nadhani asingekuamini mtu.

KINA MZEE MTEI: Mwaka 1995-2000 hawakusimamisha mgombea wa Uraisi kama ambavyo vyama vingine vya upinzani vinafanya kwenye nyakati za awali. Wao walikuwa wanapambana na Ubunge na Udiwani. Mwaka 1995 uchaguzi mkuu, CHADEMA ilipata viti vitano (5) tu na madiwani arobaini na moja (41) tu, ambapo idadi iliendela kupanda kadiri miaka inavyoendelea mbele.

Binafsi, naamini kuwa ni makosa makubwa sana kwa chama kichanga ambacho kinataka kuchukua nchi kuanza moja kwa moja kwa kusimamisha MGOMBEA NAFASI YA URAISI bila kuwekeza nguvu kwenye nafasi za chini kabisa ili kujihakikishia majimbo ya muhimu.

Tatizo huwa ni kwamba, nafasi ya URAISI ni nyeti mno. Unapoanza kutangaza kwamba unaitaka unafanya taasisi zote nyeti za nchi kuanza kuwafuatilia kwa ukaribu. URAISI nchini Tanzania ni nafasi kubwa mno mnoo. Tena UPINZANI huwa wanakosea sana pale ambapo wanawachukua watu kutoka CCM ambao wamekosana na watawala na kuwasimamisha kwenye nafasi ya Uraisi.

CUF ilipokuwa inaanzishwa, ilitokana na baadhi ya wana-CCM wenye imani ya kiislamu kutoridhishwa na mwelekeo mzima wa jinsi CCM inawapuuza waislamu, na kuonekana kuikandamiza Zanzibar. Kina Prof Kighoma Malima walichukiwa sana na watawala wa CCM, hivyo kwenda nje na siasa zao kuanza kuungwa mkono na CUF kulipekea chama hicho kuanza kufuatiliwa bila sababu.

MFANO HAI NI HUU: Wakati wakoloni wanatawala Afrika hasa-hasa wala wa Uingereza, ilikuwa siyo jambo rahisi kwa wapigania uhuru kupewa UKUU WA NCHI moja kwa moja. Walikuwa wanaanza na nafasi za chini kama WAZIRI MKUU chini ya Gavana na Malkia kwa miaka kadhaa ndiyo baadaye wakishapata viti vingi bungeni inakuwa rahisi kudai uhuru.

Marehemu Dr.Kwame Nkrumah, alianza kama WAZIRI MKUU mwaka 1952, chini ya Gavana hadi mwaka 1957, nchi ilipopata Uhuru. Angeanza moja kwa moja kutaka UKUU WA NCHI ingekula kwake, na wazungu wangemtandika vibaya sana kama walivyotandikwa Mau-Mau kwenye vita yao dhidi ya kudai uhuru.

Hata Tanganyika, Mzee Nyerere alianza kwanza kama Waziri Mkuu mwaka 1959, kisha baadaye kuwa Raisi baada ya kuwa ndani ya serikali. Kiufupi Gavana Edward Twinning alikuwa anahujumu TANU, na kwenye uchaguzi wa wabunge mwaka 1958 TANU walikuwa wanataka kugomea uchaguzi baada ya Gavana Twinning kugawa majimbo kumi na kutaka kila jimbo litoe wagombea watatu (Moja Mweusi, Moja Mzungu, Moja Muashia).

Wazee wa TANU waligoma, lakini Mzee Nyerere akawashawishi kwamba aheri waanza na nafasi za ubunge kuliko kuzikosa kabisa maana, nafasi hizi zitawasaidia baadaye kwenye kufanya siasa za UWAZIRI MKUU hadi nafasi nyingine kubwa ya nchi. Mwaka 1960 kwenye UCHAGUZI MKUU, TANU ilipata viti 70 kati ya 71, hivyo kupeleka TANU kuteua WAZIRI MKUU, ambaye akawa Mzee Nyerere.

Lakini yote haya yalitokana na uvumilivu kwenye uchaguzi wa wabunge wa mwaka 1958 ambao ulisaidia watanganyika kuingia bungeni na kupata majimbo muhimu na uzoefu wa kisiasa.

Kina Mzee Mtei na Makani, kutokuwa na haraka ndiko kumezaa CHADEMA hii ya leo hii ambayo imefika leo. Mkakati ambao waliupanga miaka ya 90's limekuja kuzaa matunda makubwa leo hii 2026. CHADEMA imejengewa uzoefu mkubwa wa kisiasa wa kuweza kufanya SIASA bila kutegemea vyeo vya kisiasa ndani ya serikali.

Hili siyo jambo rahisi. Leo hii sidhani kama CCM au ACT- Wazalendo wanaweza kufanya siasa kwa nguvu bila kuwa baadhi ya nafasi ndani ya serikali. Sidhani kama wanasiasa wao watakuwa tayari kufanya siasa bila kupewa mishahara ya Ubunge, Posho za Udiwani na Ruzuku Kubwa.

HIVYO BASI: TUNU ya kwanza kabisa ambayo inamfanya Mzee Mtei na Mzee Makani wawe wanasiasa bora wa wakati wote hapa Tanzania, ni kufanikiwa kwa kiwango kikubwa kuijengea taasisi ya CHADEMA falsafa ya kuweza kufanya siasa bila kuwa na nafasi nyingi na kubwa za kisiasa. Hili TANU waliliweza kwa miaka zaidi ya mitano (5), na ndiyo ilikuwa nguvu yao, sidhani kama CCM leo hii wanaweza kufanya siasa za kujitolea bila dola.

Aina hii ya siasa inaweza kufanywa na watu kutoka nchi za Ughaibuni huko. Hapa Afrika mara nyingi vyama vyenye dola vikipoteza nafasi ndiyo huwa unakuwa mwisho wake, kwasababu havina TUNU ya kuweza kufanya siasa bila fedha au vyeo.Yaliyopita, yaliyopo na yajajo kuhusu Tanzania.
 
TUNU kuu ya pili ambayo CHADEMA walijengewa na Mzee Edwin Mtei na Bob Makani ni falsafa ya kuamini kwamba CHADEMA ni chama cha kila mtu na hakuna mkubwa kuliko wengine. Katika hili naweza kusema mtaji mkubwa wa CHADEMA ambao wanao leo hii tofauti na vyama vyote vya siasa hapa nchini ni UONGOZI.

CHADEMA hakuna OMBWE LA UONGOZI (Leadership Vaccuum). Hiki ndicho chama pekee nchini Tanzania ambacho ndani ya miaka 35 kimeweza kuongozwa na viongozi wa vizazi vitatu (Three Generations) bila kuyumba wala kuacha falsafa zake ambazo zimekijenga chama.

Chama kilianza na kina Mzee Mtei na Makani, ambao ni wenzake (Peers) wa Mzee Nyerere. Baadaye hawa wazee waliondoka bila kuchelewa na kupisha kizazi kipya cha kina Mzee Freeman Aikael Mbowe, ambapo mbali na madhaifu waliondoka na kupisha kizazi kipya cha wakina Tundu Lissu na John Heche kushika usukani.

Huu utamaduni wa kukiamini kizazi kipya na kukiandaa upo mpaka leo na ndiyo umewafanya CHADEMA kuwa chama chenye nguvu kubwa za kisiasa hapa nchini (A formidable political force). Umeweza kujenga imani kubwa mno kwa CHADEMA na kufanikisha chama kujitathmini upya hata baada ya pale kuonekana kimeanza kupoteza mwelekeo tokea 2015.

Nadhani makada wa CCM, TISS na Polisi walikosea walipodhani kwamba CHADEMA iko kama vyama vingine vya upinzani ambavyo uongozi wa juu huwa na nguvu za kimaamuzi kuliko taasisi. Kiongozi wa juu akitoka ndiyo huwa mwisho wa taasisi. Ndiyo CHADEMA inategemea viongozi wa juu kama taasisi ya kisiasa, lakini muda umetufundisha kwamba kama kuna TUNU CHADEMA imejengewa na kuamini kwamba HAKUNA MKUBWA KULIKO CHAMA. Hebu zingatia majaribio haya:

1.ZITTO KABWE (2008-2012)
Alikuwa ni moja ya wanasiasa wenye ushawishi mkubwa hapa nchini. Kosa alilofanya ni kuamini kwamba ukubwa wake unaweza kuiyumbisha CHADEMA na kuifanya kupotea kwenye ramani. CCM + TISS + Polisi walijidanganya kwamba wakimuunga mkono hadi kutengeneza ACT-Wazalendo basi wanaweza kuwapoteza CHADEMA, ila hili baada ya muda likabuma. Zitto Kabwe yupo, lakini amepoteza makali yote ilhali wenzake kina Lissu na Heche wanazidi kuchanja mbuga mpaka leo 2026.

2.DR. WILBROAD SLAA (1995-2015)
Huyu ni KATIBU MKUU bora kuwahi tokea CHADEMA. Mchango wake ni mkubwa mno kwa CHADEMA. Wanasiasa wengi wa leo kama Lissu, Heche na Mnyika ni watoto wake kisiasa. Lakini mwaka 2015 alifanya makosa makubwa mno ambayo yamegharimu maisha yake ya kisiasa. Mzee Slaa anavyoondoka CHADEMA alikuwa na sababu halali kabisa, lakini namna alivyoondoka na alichokifanya baada ya hapo ni kufuru.

Kuungana na JOHN POMBE MAGUFULI (JPM) ambaye alikuwa anamwaga damu za watanzania bila huruma, ambapo aliumiza vijana wake Dr Slaa kama ndugu Ben Saanane lilitujeruhi watu wengi mno ambao tulimwamini. JPM akaenda mbele zaidi kumshambulia Tundu Lissu bila huruma lakini Dr. WIlbroad Slaa akaendelea kuwa balozi wake na kusifia anachofanya.

Jambo ambalo lilitushangaza mno ni kwamba, Dr. Wilbroad Slaa alisema aliondoka CHADEMA kwasababu Lowassa alikuwa fisadi, lakini akaenda kujiunga na mtu mwingine ambaye yeye mwenyewe aliwahi kusema ni "FISADI" aliyeuza nyumba za serikali, na kutishia kumfunga endapo angechaguliwa kuwa Raisi.

Kitabu chake cha "NYUMA YA PAZIA" kiliandikwa kuubagaza uongozi wa CHADEMA lakini hakikupokelewa kwa mwamko mkubwa kama ambavyo CCM ilitegemea. Mzee Slaa akiwa nje alipoteza mwelekeo na makali, huku CHADEMA ikiendelea kuchanja mbuga ilhali wanauwawa, wanafungwa na wamefukuzwa bungeni.

3.MZEE FREEMAN MBOWE (2004-2025)
Huyu Mzee historia yake na mchango wake vinajiuza vyenyewe. Alikumbwa na changamoto ileile ambayo huwakumba watawala wengi wazuri ambao hukaa muda mrefu kwenye nafasi moja. KUANZA KUHISI WEWE NDIYO TAASISI. Watu wanaanza kudhani kwasababu maamuzi mengi yamefanywa kipindi chako, basi bila wewe hakuna taasisi.

Mzee Mbowe ni mfanyabiashara mkubwa. Hivyo akili yake iko PRAGMATIC. Pragmatism ya Mbowe ndiyo iliwavusha CHADEMA kipindi cha utawala wa Kikwete. Lakini nadhani baada ya JPM kuondoka alikuwa PRAGMATIC ambapo hakutakiwa kuwa PRAGMATIC.

Kosa kubwa jingine alilolifanya ni kuamini kwamba bila yeye CHADEMA haiwezi kuwepo. Ubaya zaidi ni kwamba Mzee Mbowe ni Mzalendo haswaa, ila wengi waliokuwa wanamuunga mkono walikuwa na maslahi binafsi kama fedha, vyeo, ukabila na udini. Kipindi cha uchaguzi, 2025-2025, baada ya joto kupanda alifanya makosa kutokukemea makundi hasa yale yanayotoka ukanda wao kutaka kukigawa chama.

Ndani ya CHADEMA kulikuwa na hisia mchanganyiko. Wengi waliamini kwamba Mzee Mbowe akiondoka basi CHADEMA lazima itayumba, huku wengine wakiamini kwamba Lissu ni mtu wa mihemko na hawezi kuongoza taasisi kuelekea uchaguzi mkuu. Muda umeonesha kuwa MAKUNDI YOTE YALIKOSEA SANA. CCM ilitumia mipasuko hii kuongezea nyufa na kusababisha taharuki zisizo na msingi.

UONGOZI MPYA umethibitisha dhahiri kwamba CHADEMA ni kubwa kuliko mtu. Lakini makada wa CCM na TISS nadhani hili somo bado halijawaingia vizuri. Walipeleka nguvu zao zote dhidi ya Tundu Lissu wakiamini kwamba wakimuondoa huyo basi CHADEMA itatulizwa. Ambacho walisahau kukifahamu ni kwamba ndani ya CHADEMA kambi kubwa yenye nguvu na ushawishi ni ile ya Kaskazini, lakini ilishindwa kumbakiza Mbowe madarakani jambo ambalo ni lazima mtu yoyote mwenye akili lazima akae ajiulize. Siyo rahisi kwa watu wa Kaskazini kukubali kushindwa hasahasa pale ambapo wanaamini kitu ni mali yao au wana haki nacho.

Lakini kubwa zaidi ni kukaa meza moja na CCM na kuruhusu TISS ifanye michezo michafu ya kutumia CHAUMMA kuhujumu CHADEMA. Huku hata baada ya kushindwa uchaguzi kususa na kujiweka kando ilhali CCM ikiendelea kuwabanga CHADEMA. Uongozi mpya wa CHADEMA chini ya Lissu na Heche ulifanikiwa kuwavua ngup CCM mwaka 2025 kwa kufanya uchaguzi wote ukose uhalali wa kimataifa mpaka kupelekea Raisi Samia kufanya mauaji makubwa yaliyomgeuza kutengwa na sehemu kubwa ya jumuiya ya kimataifa (An International Pariah)

Majaribio yote yamefeli kwasababu, ya misingi iliyojengwa na Mzee Mtei na Mzee Makani. Kiufupi hawa wazee wako kaburini lakini mawazo na fikra zao zinawakosea watawala usingizi. Wanaendelea kuwathibitishia CCM (Prove CCM wrong) kwamba mtazamo wao wa kuingozi ni sahihi zaidi.​
 
JAMBO AMBALO CCM HAWALIFAHAMU NI HILI:
Kupambana na CHADEMA, hutakiwi kukata matawi yake, bali mizizi yake. Mnapokata matawi, mengine yataota. Ila mkifanikiwa kukata mzizi mtafanikiwa. Tatizo ni kwamba wakati CHADEMA ya Mtei na Makani inatengeneza mizizi mirefu chini ninyi mlikuwa mmejisahau na kuwapuuza, ndiyo maana siyo rahisi kuelewa CHADEMA iliweka wapi mizizi yake.

CHADEMA kama chama kina makada wa kisiasa, lakini pia kina wafuasi na watu wanaokiunga mkono. Watu ambao wanaamini falsafa yake bila kuwa wanachama. Wakati wazee wa CHADEMA walipokuwa wanazunguka nchi nzima mashuleni na vyuoni kutafuta damu mpya na kujipanga, CCM iliwapuuza kwasababu ilikuwa na DOLA.

Hawa vijana wa CHADEMA waliokuwa vyuoni na mashuleni ndiyo walianza kuajiriwa kwa wingi serikalini miaka kuanzia ya 2010-2017. Takwimu zinaonyesha kuanzia mwaka 2010, wanafunzi wengi wa St. Augustine ambako ndiyo ilikuwa ngome kuu ya BAVICHA waliajiriwa serikalini kwa wingi, kipindi cha utawala wa Kikwete. St. Augustine na Tumaini ambavyo TISS ilichelewa kufatilia viliongoza kwa kutoa wanasheria(LLB), waalimu (BaED na BED), waandishi wa habari (Journalists) na maafisa maendeleo jamii (leo hii wengi ni watendaji wa kata huko TAMISEMI).

Jakaya Mrisho Kikwete na TISS baada ya kulifahamu hili kwa kuchelewa ndiyo akaanza hujuma dhidi ya vyuo binafsi, hasahasa SAUTI ilhali muda ulikuwa umeshapita tayari. Watu wenye mlengo tofauti walikuwa washajipenyeza ndani ya mfumo. Pale Mlimani na Mzumbe, walifanikiwa kuwapukutisha BAVICHA lakini vyuo vingine walichelewa mno. Hao vijana wa vyuo vingine ndiyo leo hii wako serikalini wanaendelea kuwatesa CCM na TISS. Leo hii CCM inatumia OFISI YA USALAMA WA SERIKALI kujaribu kulinda taarifa za serikali, lakini wameshachelewa.

CHADEMA kama ilivyokuwa TANU hawakuwa na haraka kabisa za Uraisi, wala Ubunge. Wao walijenga miondo-mbinu ya muda mrefu hadi ndani na nje ya CHADEMA ambapo walivyoibuka mwaka 2008 kwenye Skandali ya RICHMOND, CCM walikuwa hawana mbinu mbadala ya kukabiliana nao kwasababu walikuwa wametingwa na siasa za makundi.

Mbinu ambazo CCM imezitumia dhidi ya CHADEMA ndizo zilifanikiwa kuangusha vyama vikubwa na vyenye nguvu nchini kama NCCR-Mageuzi, CUF, TLP na ACT-Wazalendo. CCM inacheza michezo ile-ile ya kikomunisti ya kuhakikisha inijipenyeza ndani ya taasisi na kutengeneza (Sleeper Cells) ambazo hukaa humo hata miaka 20, na siku yakitokea ya kutokea wanaanza kuzitumia kuhujumu chama kuanzia ndani kuelekea nje. Hili limefanikiwa kwa kiwango kikubwa mno kwa sehemu, lakini haliwezi kufanikiwa kwa muda mrefu kwasababu serikali haina uthibiti wa kifalsafa kama ilivyokuwa kipindi cha Mzee Nyerere ambako CCM ilikuwa inaamua Mtanzania awaze nini na aamini nini.

Mara zote CCM imefanikiwa kuhujumu UPINZANI nchini kwa kutumia UONGOZI MAMLUKI kuliko mapigo ya moja kwa moja ya vyombo vya dola. Wanahakikisha viongozi wanavurugana na chama kupasuka, kisha wanaanza kuunga mkono upande huu dhidi ya huu, jambo ambalo huzaa hali ya kutoaminiana baina ya wanachama. CUF walifanyiwa huu mchezo mchafu hadi kupoteana. Mamluki wao wakizidiwa, CCM hutumia mbinu za rushwa, hongo na mauaji kama yale ya magenge ya Yakuza au Mafia.

Kipindi hiki naona TISS wanapambana na CHADEMA kwa kutumia mbinu za Federal Bureau of Intelligence (FBI), ambazo ziliasisiwa na Edger J Hoover katika kupambana na kundi la The Black Panthers na Civil Rights Movement. Mbinu inayotumiwa saa hizi kitaalamu wanaiita BAD-JACKETING, ambapo wanapandikiza au kupenyeza taarifa za uongo kuhusu rushwa, ngono, matumizi mabaya ya madaraka na kuanza kuwatumia mamluki wao wa muda mrefu (Sleeper Agents) kwa kuwataja waziwazi ili kulete taharuki kila mtu asimwamini mwenzako.

Hizi mbinu zilifanya kazi nchini Marekani kwasababu weusi ni (Minority) ambao hawakubaliki mpaka leo hii. Hapa Tanzania haiwezi kufanya kazi kwasababu CHADEMA inakubali na zaidi ya asilimia 50% ya watanzania, ambao wataionea tu huruma.

Kiukweli nimewaza sana nikasema Mzee Mtei na Mzee Makani walianza safari ndogo ambayo imekuwa na gumzo hadi kwenye mabunge ya Marekani na Ulaya. Kiukweli hawa wazee waliona mbali mno na waliamua kuongoza kwa mfano.

=========================================================

Hawa ni wanasiasa bora mno kwa Tanzania wa wakati wote. Waliweza kuiona Tanzania ya miaka zaidi ya 30 ya muda waliokuwepo wenyewe. Hili ni jambo nadra mno kwa wanasiasa wa kiafrika. Wameondoka lakini LEGACY yao bado inalipa taifa tumaini kubwa sana.

Unaweza usiwakubali hawa wazee wala CHADEMA yao, lakini huwezi kupingana na ukweli kwamba walichokianzisha mwaka 1992 wakati wengine wakiwaita mbwa kimeleta matokeo makubwa mno na chanya hapa nchini.
Juzi nikawaza, nikasema hivi kwa akili hizi za Mtei na Makani za kuona mbali, Mzee Nyerere angewasikiliza kipindi kile, hivi angepitia changamoto za kiuchumi ambazo alizipitia miaka ya 70's-80's ????
MASWALI NI MENGI KULIKO MAJIBU....

Lakini wazungu husema: Facts Speak For Themselves, res ipsa loquitur
 
MALCOM LUMUMBA said:
Yaliyopita, yaliyopo na yajajo kuhusu Tanzania.

Edwin Mtei na Bob Makani wanahukumiwa vizuri na historia kuliko mwanasiasa mwingine yoyote wa kizazi cha kwanza. Ntakueleza ni kwanini nasema hivi:

HIVYO BASI: TUNU ya kwanza kabisa ambayo inamfanya Mzee Mtei na Mzee Makani wawe wanasiasa bora wa wakati wote hapa Tanzania, ni kufanikiwa kwa kiwango kikubwa kuijengea taasisi ya CHADEMA falsafa ya kuweza kufanya siasa bila kuwa na nafasi nyingi na kubwa za kisiasa. Hili TANU waliliweza kwa miaka zaidi ya mitano (5), na ndiyo ilikuwa nguvu yao, sidhani kama CCM leo hii wanaweza kufanya siasa za kujitolea bila dola.​
Click to expand...
Naunga mkono hoja, tena wote wawili waliongoza just for one term na kuwaachia wengine. Wakaacha katiba nzuri yenye kifungu cha ukomo wa uongozi mwisho ni vipindi viwili only.

Mwaka 2006 Chadema wakabadili katiba yake, watu wajanja wawili, (nawajua), wakajifungia mahali wao wawili peke yao, wakati huo hata KM wa Chadema wa wakati huo Dr. Slaa, hajui!, wakakinyofoa kipengele hicho kinyemela bila kushauriana na yeyote, hivyo kuanzisha uongozi wa kisulutani!, nilipouliza humu Tuhuma Hii: CHADEMA kuendeshwa kwa Katiba "Fake" ikithibitishwa, CHADEMA inaweza kufutwa, walinishukia kama mwewe!, kumbe hata KM wao alikuwa haijui katiba yao!, angalia alichonijibu
Dr.W.Slaa said:
WanaJF,
Pamoja na kuwa sitaki kuingilia mjadala katika hatua hii, naomba kuthibitisha kuwa:
I) Katibu Mkuu wa Chadema, kwa mujibu wa Katiba na Kanuni ya Chadema, ndiyo mhimili mkuu na mwenye jukumu la kutunza na kuhakikisha Katiba ya Chama inatunzwa.

2) Nataka kuwahakikishia wanachadema wote, kuwa nilikuwepo nimekuwa ndani ya Chadema kuanzia 1998 ambapo nilikuwa Makamu Mwenyekiti Bara, na baadaye 2003 Kaimu Katibu Mkuu, na hatimaye Katibu Mkuu. Hivyo nimeshiriki kikamilifu kuandaa Katiba ya 2004 na pia Katiba ya 2006 baada ya Rebranding ya Chama. Nataka niwahakikishie wanachadema, hakuna toleo lolote la Katiba ndani ya Chadema imeweka " muda wa Uongozi kuwa vipindi viwili tu", kuanzia Katiba aliyoiasisi Mzee Mtei na kupitishwa na Mkutano Mkuu, wala si ya 2004 au ya 2006. Kama kuna mtu anasema ilikuwepo na imeondolewa kinyemela, basi aonyeshe kifungu hicho kwenye Katiba yeyote ile, au miniti za kikao chochote kile.
Click to expand...
Mkuu Dr. W. Slaa, kwanza, heshima yako!, maana ile kujibiwa tuu na mtu wa calibre yako pekee, ni heshima kwangu
Kwa majibu hayo, na kwa vile wewe ndio mtendaji mkuu wa Chama, ni uthibitisho pia kumbe ulikuwa huijui katiba ya Chadema kuwa ina kipengele cha ukomo wa uongozi!, kama KM hajui kipengele muhimu kama hiki, who will know?.
Majibu ya Msemaji Mkuu wa Chadema, Mhe. JJ.Mnyika.
John Mnyika said:
Pasco nimesoma mjadala ulioanzisha na majibu ya Dr Slaa. Suala la kwamba kuna kipengele kiliondolewa kinyemela halina ukweli, na kilichofanyika 2006 ni kuandika katiba upya
Mosi, mwaka 2006 hatukufanya marekebisho ya katiba bali tuliandika upya katiba ya chama kutoka ile ya mwaka 2004. Waraka uliandikwa nchi nzima kwa wanachama kutoa maoni na kuwasilisha makao makuu kuanzia kwenye ngazi zao za chini za kikatiba.

Kwa ninavyokumbuka hicho kinachoitwa "kipengele kinachomzuia kiongozi kuongoza kwenye nafasi moja kwa zaidi ya vipindi viwili vya miaka mitano mitano" hakijawahi kuingizwa kwenye katiba mpya ya CHADEMA.

Mjadala mwema. JJ
Click to expand...
Asante sana Mkuu JJ. Mnyika, nitajitahidi kutembelea kule ili kujiridhisha, ila kwa vile mzizi wa fitna kwenye uzi huu ni katiba ya 2004, kama unayo, nitashukuru tukiipata, tukaufunga huu mjadala rasmi.

Kama unachosema wewe ndio right, kuwa ile katiba ya 2006 sio marekebisho ya katiba ya 2004, bali ni katiba mpya, hata kama ni kweli, katiba ya 2004 ilikuwa na kipengele tajwa, na katiba ya 2006 ikawa haina, then at this juncture,
Nkuwekea uthibitisho wa Katiba ya Chadema ya 2006, sio katiba mpya bali ni marekebisho ya katiba ya 2004 kama inavyoeleza katiba yenyewe
"HIVYO BASI,
Sisi wajumbe wa Mkutano Mkuu uliofanyika tarehe 13/8/2006, Mjini Dar es Salaam tumeamua kuifanyia mabadiliko Katiba ya 2004 ya Chama chetu cha Siasa kinachoitwa CHAMA CHA DEMOKRASIA NA MAENDELEO ili kuipa sura inayoendana na mtazamo na msukumo mpya wa FALSAFA yetu ya NGUVU NA MAMLAKA YA UMMA na Dira na Dhamira ya Chama kuanzia 2006 na kuendelea. Kuanzia sasa CHADEMA, kitaendeshwa kwa mujibu wa Katiba hii".

I put my hands down, mjadala umesitishwa kwa sababu wenye chama wanasema katiba ya 2006 katiba ni mpya, na kwa vile katiba yenyewe imeandikwa kufanyiwa mabadiliko, lakini haijasemwa popote kuwa ni katiba mpya, then its not ok kama haina kipengele hicho na hakuna any munutes, kipengele hicho, kilinyofokaje?.

Kipengele chenyewe ni hiki kilikuwa hivi kwenye katiba ya Chadema ya mwaka 2004
View attachment 3205713
Lakini kwenye katiba ya Chadema ya 2006, kile kipengele cha ukomo wa uongozi mwisho ni two terms, kikanyofolewa kinyemela

View attachment 2845553
Majibu ya Tundu Lissu, atoa siri ya jinsi kipengele hicho kilivyo yeyuka au kuyeyushwa Tundu Lissu kama JPM, ni mtu mkweli. Asema ukweli jinsi ukomo wa uongozi ulivyoyeyuka CHADEMA

Hivyo ni kweli interms of the best of the best on top Chadema leadership, Mtei and Bob Makani are the best, ila Lissu has chances to be the best!.
P
 
Umeandika Hoja nzur sana na imeeleweka.

Wale Machawa wa CCM wa JF waliotumwa kueneza propaganda hasi kwa Chadema wajifunze jinsi ya Kuchambua Siasa.

Maana wanaropoka tu.
huyu mara gentleman , huyu mama anatosha kuivusha Tanzania.
Baada ya hapo ni ushuzi tu wanaandika😎😎😎😎.
 
MALCOM LUMUMBA said:
JAMBO AMBALO CCM HAWALIFAHAMU NI HILI:
Kupambana na CHADEMA, hutakiwi kukata matawi yake, bali mizizi yake. Mnapokata matawi, mengine yataota. Ila mkifanikiwa kukata mzizi mtafanikiwa. Tatizo ni kwamba wakati CHADEMA ya Mtei na Makani inatengeneza mizizi mirefu chini ninyi mlikuwa mmejisahau na kuwapuuza, ndiyo maana siyo rahisi kuelewa CHADEMA iliweka wapi mizizi yake.

CHADEMA kama chama kina makada wa kisiasa, lakini pia kina wafuasi na watu wanaokiunga mkono. Watu ambao wanaamini falsafa yake bila kuwa wanachama. Wakati wazee wa CHADEMA walipokuwa wanazunguka nchi nzima mashuleni na vyuoni kutafuta damu mpya na kujipanga, CCM iliwapuuza kwasababu ilikuwa na DOLA.

Hawa vijana wa CHADEMA waliokuwa vyuoni na mashuleni ndiyo walianza kuajiriwa kwa wingi serikalini miaka kuanzia ya 2010-2017. Takwimu zinaonyesha kuanzia mwaka 2010, wanafunzi wengi wa St. Augustine ambako ndiyo ilikuwa ngome kuu ya BAVICHA waliajiriwa serikalini kwa wingi, kipindi cha utawala wa Kikwete. St. Augustine na Tumaini ambavyo TISS ilichelewa kufatilia viliongoza kwa kutoa wanasheria(LLB), waalimu (BaED na BED), waandishi wa habari (Journalists) na maafisa maendeleo jamii (leo hii wengi ni watendaji wa kata huko TAMISEMI).

Jakaya Mrisho Kikwete na TISS baada ya kulifahamu hili kwa kuchelewa ndiyo akaanza hujuma dhidi ya vyuo binafsi, hasahasa SAUTI ilhali muda ulikuwa umeshapita tayari. Watu wenye mlengo tofauti walikuwa washajipenyeza ndani ya mfumo. Pale Mlimani na Mzumbe, walifanikiwa kuwapukutisha BAVICHA lakini vyuo vingine walichelewa mno. Hao vijana wa vyuo vingine ndiyo leo hii wako serikalini wanaendelea kuwatesa CCM na TISS. Leo hii CCM inatumia OFISI YA USALAMA WA SERIKALI kujaribu kulinda taarifa za serikali, lakini wameshachelewa.

CHADEMA kama ilivyokuwa TANU hawakuwa na haraka kabisa za Uraisi, wala Ubunge. Wao walijenga miondo-mbinu ya muda mrefu hadi ndani na nje ya CHADEMA ambapo walivyoibuka mwaka 2008 kwenye Skandali ya RICHMOND, CCM walikuwa hawana mbinu mbadala ya kukabiliana nao kwasababu walikuwa wametingwa na siasa za makundi.

Mbinu ambazo CCM imezitumia dhidi ya CHADEMA ndizo zilifanikiwa kuangusha vyama vikubwa na vyenye nguvu nchini kama NCCR-Mageuzi, CUF, TLP na ACT-Wazalendo. CCM inacheza michezo ile-ile ya kikomunisti ya kuhakikisha inijipenyeza ndani ya taasisi na kutengeneza (Sleeper Cells) ambazo hukaa humo hata miaka 20, na siku yakitokea ya kutokea wanaanza kuzitumia kuhujumu chama kuanzia ndani kuelekea nje. Hili limefanikiwa kwa kiwango kikubwa mno kwa sehemu, lakini haliwezi kufanikiwa kwa muda mrefu kwasababu serikali haina uthibiti wa kifalsafa kama ilivyokuwa kipindi cha Mzee Nyerere ambako CCM ilikuwa inaamua Mtanzania awaze nini na aamini nini.

Mara zote CCM imefanikiwa kuhujumu UPINZANI nchini kwa kutumia UONGOZI MAMLUKI kuliko mapigo ya moja kwa moja ya vyombo vya dola. Wanahakikisha viongozi wanavurugana na chama kupasuka, kisha wanaanza kuunga mkono upande huu dhidi ya huu, jambo ambalo huzaa hali ya kutoaminiana baina ya wanachama. CUF walifanyiwa huu mchezo mchafu hadi kupoteana. Mamluki wao wakizidiwa, CCM hutumia mbinu za rushwa, hongo na mauaji kama yale ya magenge ya Yakuza au Mafia.

Kipindi hiki naona TISS wanapambana na CHADEMA kwa kutumia mbinu za Federal Bureau of Intelligence (FBI), ambazo ziliasisiwa na Edger J Hoover katika kupambana na kundi la The Black Panthers na Civil Rights Movement. Mbinu inayotumiwa saa hizi kitaalamu wanaiita BAD-JACKETING, ambapo wanapandikiza au kupenyeza taarifa za uongo kuhusu rushwa, ngono, matumizi mabaya ya madaraka na kuanza kuwatumia mamluki wao wa muda mrefu (Sleeper Agents) kwa kuwataja waziwazi ili kulete taharuki kila mtu asimwamini mwenzako.

Hizi mbinu zilifanya kazi nchini Marekani kwasababu weusi ni (Minority) ambao hawakubaliki mpaka leo hii. Hapa Tanzania haiwezi kufanya kazi kwasababu CHADEMA inakubali na zaidi ya asilimia 50% ya watanzania, ambao wataionea tu huruma.

Kiukweli nimewaza sana nikasema Mzee Mtei na Mzee Makani walianza safari ndogo ambayo imekuwa na gumzo hadi kwenye mabunge ya Marekani na Ulaya. Kiukweli hawa wazee waliona mbali mno na waliamua kuongoza kwa mfano.

=========================================================

Hawa ni wanasiasa bora mno kwa Tanzania wa wakati wote. Waliweza kuiona Tanzania ya miaka zaidi ya 30 ya muda waliokuwepo wenyewe. Hili ni jambo nadra mno kwa wanasiasa wa kiafrika. Wameondoka lakini LEGACY yao bado inalipa taifa tumaini kubwa sana.

Unaweza usiwakubali hawa wazee wala CHADEMA yao, lakini huwezi kupingana na ukweli kwamba walichokianzisha mwaka 1992 wakati wengine wakiwaita mbwa kimeleta matokeo makubwa mno na chanya hapa nchini.
Juzi nikawaza, nikasema hivi kwa akili hizi za Mtei na Makani za kuona mbali, Mzee Nyerere angewasikiliza kipindi kile, hivi angepitia changamoto za kiuchumi ambazo alizipitia miaka ya 70's-80's ????
MASWALI NI MENGI KULIKO MAJIBU....

Lakini wazungu husema: Facts Speak For Themselves, res ipsa loquitur
Click to expand...
Ni andiko nzuri sana na linasema ukweli kuhusu CHADEMA. Na ukweli ndio huo kwamba CCM wanajua 100% wakiacha demokrasia ichukue mkondo wake, basi mapema asubuhi CHADEMA watachaguliwa na wananchi na watakuwa chama tawala, ndio maana wameamua kuuwa mfumo wa demokrasia ya kweli na kutumia dola kuendelea kuwa madarakani. Lakini TIME WILL TELL.
 
Pascal Mayalla said:
Naunga mkono hoja, tena wote wawili waliongoza just for one term na kuwaachia wengine. Wakaacha katiba nzuri yenye kifungu cha ukomo wa uongozi mwisho ni vipindi viwili only.

Mwaka 2006 Chadema wakabadili katiba yake, watu wajanja wawili, (nawajua), wakajifungia mahali wao wawili peke yao, wakati huo hata KM wa Chadema wa wakati huo Dr. Slaa, hajui!, wakakinyofoa kipengele hicho kinyemela bila kushauriana na yeyote, hivyo kuanzisha uongozi wa kisulutani!, nilipouliza humu Tuhuma Hii: CHADEMA kuendeshwa kwa Katiba "Fake" ikithibitishwa, CHADEMA inaweza kufutwa, walinishukia kama mwewe!, kumbe hata KM wao alikuwa haijui katiba yao!, angalia alichonijibu

Mkuu Dr. W. Slaa, kwanza, heshima yako!, maana ile kujibiwa tuu na mtu wa calibre yako pekee, ni heshima kwangu
Kwa majibu hayo, na kwa vile wewe ndio mtendaji mkuu wa Chama, ni uthibitisho pia kumbe ulikuwa huijui katiba ya Chadema kuwa ina kipengele cha ukomo wa uongozi!, kama KM hajui kipengele muhimu kama hiki, who will know?.
Majibu ya Msemaji Mkuu wa Chadema, Mhe. JJ.Mnyika.

Asante sana Mkuu JJ. Mnyika, nitajitahidi kutembelea kule ili kujiridhisha, ila kwa vile mzizi wa fitna kwenye uzi huu ni katiba ya 2004, kama unayo, nitashukuru tukiipata, tukaufunga huu mjadala rasmi.

Kama unachosema wewe ndio right, kuwa ile katiba ya 2006 sio marekebisho ya katiba ya 2004, bali ni katiba mpya, hata kama ni kweli, katiba ya 2004 ilikuwa na kipengele tajwa, na katiba ya 2006 ikawa haina, then at this juncture,
Nkuwekea uthibitisho wa Katiba ya Chadema ya 2006, sio katiba mpya bali ni marekebisho ya katiba ya 2004 kama inavyoeleza katiba yenyewe
"HIVYO BASI,
Sisi wajumbe wa Mkutano Mkuu uliofanyika tarehe 13/8/2006, Mjini Dar es Salaam tumeamua kuifanyia mabadiliko Katiba ya 2004 ya Chama chetu cha Siasa kinachoitwa CHAMA CHA DEMOKRASIA NA MAENDELEO ili kuipa sura inayoendana na mtazamo na msukumo mpya wa FALSAFA yetu ya NGUVU NA MAMLAKA YA UMMA na Dira na Dhamira ya Chama kuanzia 2006 na kuendelea. Kuanzia sasa CHADEMA, kitaendeshwa kwa mujibu wa Katiba hii".

I put my hands down, mjadala umesitishwa kwa sababu wenye chama wanasema katiba ya 2006 katiba ni mpya, na kwa vile katiba yenyewe imeandikwa kufanyiwa mabadiliko, lakini haijasemwa popote kuwa ni katiba mpya, then its not ok kama haina kipengele hicho na hakuna any munutes, kipengele hicho, kilinyofokaje?.

Kipengele chenyewe ni hiki kilikuwa hivi kwenye katiba ya Chadema ya mwaka 2004
View attachment 3205713
Lakini kwenye katiba ya Chadema ya 2006, kile kipengele cha ukomo wa uongozi mwisho ni two terms, kikanyofolewa kinyemela

View attachment 2845553
Majibu ya Tundu Lissu, atoa siri ya jinsi kipengele hicho kilivyo yeyuka au kuyeyushwa Tundu Lissu kama JPM, ni mtu mkweli. Asema ukweli jinsi ukomo wa uongozi ulivyoyeyuka CHADEMA

Hivyo ni kweli interms of the best of the best on top Chadema leadership, Mtei and Bob Makani are the best, ila Lissu has chances to be the best!.
P
Click to expand...
Unarukiarukia tu ili ionekene na ww umo. Ww ndio kila siku humu unatoa ushauri usio na tija kwa cdm ili idondoke. Nakumbuka ww ndio uliwaingiza mkenge cdm hadi kumpokea Lowassa. Ww ndio ulikuwa unasema chama kisiposhiriki uchaguzi kinapotea kinyume na ukweli wa sasa. Mara sijui kukosa ruzuku na upuuzi wa aina hiyo. Asiyekujua ndio anaweza kufuata ushauri wako.

ACT inaonekana wanafuata ushauri wako, ama wanafanya siasa unazozikubali, lakini ndio wamegeuka wapuuzi wa kawaida sana. Yaani ww ni zao la siasa za zamani, na cdm wasilogwe wakasikiliza ushauri wa mtu wa aina yako.
 
Tindo said:
Ww ndio kila siku humu unatoa ushauri usio na tija kwa cdm ili idondoke.
Click to expand...
Kiukweli kuna watu ambao sio Chadema, lakini ndio wanaisaidia Chadema kwa kuiambia ukweli, kulicho Chadema wenyewe!, mmoja wa watu hao ni mimi!, hata kama hamtanishukuru, lakini nimeisaidia sana Chadema kwa ushauri wangu, na endapo wangefuata ushauri wangu, Chadema ilikuwa watinge ikulu ile 2015!,
Just be objective niliwashauri nini toka ile 2010
Tindo said:
Nakumbuka ww ndio uliwaingiza mkenge cdm hadi kumpokea Lowassa.
Click to expand...
Ni kweli niliwashauri kumhusu EL, na kuuita ni mkenge ni ukosefu wa fadhila!, hakuna kipindi Chadema kimepata mafanikio ya juu kama ujio wa EL, kuna vitu vya ndani kabisa, nyie mlio ndani ya box la Chadema, havioni, sisi tulio outside the box la Chadema, tunaviona na tunawashauri, mfano hii kete ya Chadema kumchukua Eddo, was the best ever, na kwa taarifa yako, ni kete hiyo ndio iliyowapatia haya makao makuu yenu ya kisasa!.
Chadema haikuwa na anyone capable kugombea urais 2015, wengi mlimdhania ni Dr Slaa, mimi nilikuwa na info za ndani kabisa, hivyo nikampendekeza Zitto
Tindo said:
Ww ndio ulikuwa unasema chama kisiposhiriki uchaguzi kinapotea kinyume na ukweli wa sasa. Mara sijui kukosa ruzuku na upuuzi wa aina hiyo. Asiyekujua ndio anaweza kufuata ushauri wako.
Click to expand...
Nimeendelea kuishauri sana Chadema
Kitu kikubwa zaidi nilichowashauri Chadema kuhusu uchaguzi wa 2030, Chadema wangeshiriki uchaguzi wa 2025 PreGE2025 - Hata Kusipofanyika Reforms, 2025 CHADEMA Ina Fursa!, Ila They Are Just Too Blind to See!, Hawajitambui! No Election ni Utopia!. Wake Up! Chadema had a golden chance kushinda uchaguzi wa 2030 Uchaguzi mkuu wa mwaka 2030, ndio mwanzo wa mwisho wa CCM! Wajinga karibu wote watakuwa wamemalizika! ila kitendo cha Chadema kususia uchaguzi wa 2025, has no chance 2030 ni CCM tena!, Trends Reading: Japo Rais wa 2030 Namjua, Simtaji ili Kumlinda!. Be The First to Know Good News Kawe-2030, MB.ni Mwanamke!, Kawe Itapaa kwa Maendeleo!

Mzee Pasco
 
Pascal Mayalla said:
Kiukweli kuna watu ambao sio Chadema, lakini ndio wanaisaidia Chadema kwa kuiambia ukweli, kulicho Chadema wenyewe!, mmoja wa watu hao ni mimi!, hata kama hamtanishukuru, lakini nimeisaidia sana Chadema kwa ushauri wangu, na endapo wangefuata ushauri wangu, Chadema ilikuwa watinge ikulu ile 2015!,
Just be objective niliwashauri nini toka ile 2010

Ni kweli niliwashauri kumhusu EL, na kuuita ni mkenge ni ukosefu wa fadhila!, hakuna kipindi Chadema kimepata mafanikio ya juu kama ujio wa EL, kuna vitu vya ndani kabisa, nyie mlio ndani ya box la Chadema, havioni, sisi tulio outside the box la Chadema, tunaviona na tunawashauri, mfano hii kete ya Chadema kumchukua Eddo, was the best ever, na kwa taarifa yako, ni kete hiyo ndio iliyowapatia haya makao makuu yenu ya kisasa!.
Chadema haikuwa na anyone capable kugombea urais 2015, wengi mlimdhania ni Dr Slaa, mimi nilikuwa na info za ndani kabisa, hivyo nikampendekeza Zitto

Nimeendelea kuishauri sana Chadema
Kitu kikubwa zaidi nilichowashauri Chadema kuhusu uchaguzi wa 2030, Chadema wangeshiriki uchaguzi wa 2025 PreGE2025 - Hata Kusipofanyika Reforms, 2025 CHADEMA Ina Fursa!, Ila They Are Just Too Blind to See!, Hawajitambui! No Election ni Utopia!. Wake Up! Chadema had a golden chance kushinda uchaguzi wa 2030 Uchaguzi mkuu wa mwaka 2030, ndio mwanzo wa mwisho wa CCM! Wajinga karibu wote watakuwa wamemalizika! ila kitendo cha Chadema kususia uchaguzi wa 2025, has no chance 2030 ni CCM tena!, Trends Reading: Japo Rais wa 2030 Namjua, Simtaji ili Kumlinda!. Be The First to Know Good News Kawe-2030, MB.ni Mwanamke!, Kawe Itapaa kwa Maendeleo!

Mzee Pasco
Click to expand...
Hakuna mtu mnafiki kama wewe bro. Kama kweli mafanikio ya cdm ni ujio wa Lowassa hiyo 2015 akiwa na miezi miwili kwenye chama na sio ushawishi wao wa kisiasa, alileta viti vingapi akiwa na miaka miwili ndani ya cdm? Kama ni ofisi ya cdm imepatikana Lowassa akiwa marehemu na sio kinyume chake. Hata hivyo kwa zama hizi za digital ofisi sio kitu cha maana hivyo, labda kama una mitazamo ya kizamani, ndio unaona ofisi ni kitu kikubwa hivyo.

Unasema Zito alipofukuzwa cdm, basi cdm ikakosa mgombea wa urais anayefaa. Yuko ACT sasa mbona hajawahi kugombea urais, na wala hujawahi kumshauri agombee, ama uwezo wake ni akiwa cdm tu?

Unawashauri cdm wasiotaka ushauri wako, lakini umeshindwa kuwashauri waandishi wenzako, mmewekewa masheria kibao na hamthubutu hata kuandamana, wala kwenda mahakamani. Au ushauri wako ni kwa cdm tu? Kama ungekuwa na ushauri huo wa maana, tungeona hata mkiripoti yaliyotokea 29 October. Lakini umejaza mapost ya kichawa ya kuuma na kupuuliza, wakati hakuna hata mtu ana muda wa kufuata ushauri wako maana unaonekana ni mnafiki fulani.
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register