- Source #1
- View Source #1
Wakuu
Nimeona hii mtu akiuliza huko nikawa curious pia kujua hili
Nimeona hii mtu akiuliza huko nikawa curious pia kujua hili
- Tunachokijua
- Kwa mujibu wa shirika la Afya duniani (WHO) wanaieleza Tohara (kutahiriwa) kwa mwanaume ni kitendo cha kutoa ama kukata sehemu au govi lote kutoka kwenye uume. Govi ni mwendelezo wa ngozi kutoka kwenye mlingoti wa uume ambao hufunika kichwa cha uume (glans penis) na tundu la mkojo (urethral meatus).
Ni muda gani sahihi wa kufanya Tohara
Ufuatiliaji wa JamiiCheck kupitia machapisho ya kisayansi yaliyoandikwa na wataalamu wa afya wanabainisha kuwa hakuna muda sahihi wa kufanya tohara ila inashauriwa ni vyema kufanya tohara mtu akiwa bado mtoto mchanga.
Tovuti ya medical point internationa l inaeleza kuwa Umri wa kutahiriwa ni moja ya mambo yanayoathiri hatari ya kupata matatizo yanayoweza kutokea wakati wa upasuaji. Ingawa hakuna umri maalum unaopendekezwa kimatibabu kwa ajili ya tohara, muda unaopendekezwa na madaktari ni ndani ya mwezi mmoja wa kwanza baada ya kuzaliwa.
Kituo cha tohara London, Uingereza wanaeleza kuwa mtoto mchanga ni kuanzia siku za mwanzoni baada ya mtoto kuzaliwa hadi kufikia wiki ya 8. Kwamba katikakipindi hiko mchakato unaweza kuwa rahisi zaidi, watoto wana asili ya kupona haraka zaidi na mara nyingi ganzi ya kienyeji kwenye eneo husika inaweza kutumika.
Kwanini kufanya tohara utotoni (uchanga) hupendekezwa zaidi kuliko hatua nyingine za utoto?
Kwa mujibu wa Kituo cha tohara London Sababu kuu ni pamoja na:
- Govi na tishu zinazolizunguka kwa kawaida huwa laini na zinazovutika kwa urahisi zaidi.
- Utaratibu wa tohara mara nyingi huchukua muda mfupi zaidi kwa watoto wachanga.
- Ganzi ya eneo husika (local anaesthetic) kwa kawaida hufaa zaidi kutumika.
- Kupona kwa kawaida huwa haraka zaidi kuliko kwa watoto wakubwa.
- Watoto wachanga hawajishughulishi sana (hawajigeuzi au kutembea) wakati wa kipindi cha kupona.
- Hatari ya kupata matatizo kwa ujumla huwa ndogo zaidi ikilinganishwa na watoto wakubwa.
- Watoto wachanga hawana uelewa au kumbukumbu ya utaratibu huo kama walionayo watoto wakubwa.
Kwa mujibu wa tafiti mbalimbali, miongozo ya Shirika la Afya Duniani (WHO) pamoja na Kituo cha Udhibiti na Kinga ya Magonjwa (CDC), tohara huwa na faida nyingi kwa afya ya mwanamme mwenyewe, pamoja na mwanamke ambaye atashiriki naye tendo la ndoa.
- Tohara hupunguza nafasi ya kupata maambukizi ya mara kwa mara kwenye mfumo wa mkojo hasa kwa watoto wadogo.
- Hupunguza nafasi ya kuugua Saratani ya uume pamoja na magonjwa mengine ya zinaa hasa VVU/UKIMWI
- Hupunguza uwezekano wa kuugua saratani ya mlango wa kizazi kwa wanawake. Hii ni kutokana na ukweli kuwa mwanamme asiye tahiriwa huwa na uwezekano mkubwa wa kubeba Virusi vya Human papilloma kuliko yule aliyetahiriwa.
- Tohara husaidia pia kurahisisha suala la usafi kwa mwanamme.
Je, Tohara hupunguza ukubwa wa uume?
Tofauti na jinsi ambavyo watu wengi huamini, tohara haiwezi kudumaza afya ya sehemu za siri za mwanamme hata kama itafanyika kwa mtoto mchanga. Soma zaidi hapa ufuatiliaji wa JamiiCheck pia.
Ukuaji wa viungo vyote vinavyounda mwili wa binadamu huongozwa na mifumo rasmi iliyoshikizwa kwenye vinasaba vya urithi pamoja homoni mbalimbali za mwili.
Msingi wa taarifa hizi hauwezi kuathiriwa kwa kukata ngozi ya mbele inayofunika sehemu hizo.
Kama ambavyo mtu huzaliwa akiwa na asili ya urefu, ufupi, macho makubwa au kipara na asiwe na uwezo wa kuibadili asili hii, vivyo hivyo kwa ukubwa au udogo wa maungo haya muhimu kabisa kwa afya ya uzazi wa mwanamme kwa sababu kinacho ondolewa ni ngozi tu, siyo kichwa wala nyama ya sehemu hizo.
