Je, Dar es Salaam inapokuwa Mkoa, hatutapoteza faida za majiji Duniani?

[kifupi kirefu]

Kwanza ningependa kujua vigezo vinavyotumika Duniani kuupandisha hadhi mji au Halmashauri kuwa Jiji. Issue ya eneo fulani kuwa jiji ni jambo la ndani ya nchi au kuna standard za kimataifa?

Kwa kuwa Dar itakuwa Mkoa, je sifa, hadhi yanazopewa majiji Duniani na ambazo baadhi ya sifa huambatana na miradi tutaipata kwa kupitia Ilala?

Gharama na faida zilizotokana na ukubwa wa jiji la Dar ukilinganisha na gharama za uendeshaji kipi kikubwa kithamani?

Hatuoni kwamba tunawaachia Nairobi, Kampala na majiji mengine kuchanja mbuga huku speed ya kukua kwa Dodoma ikiwa hairidhishi?

Naona hasara kubwa kuliko faida kuvunjwa kwa jiji la Dar, tusingepaswa kuwaangalia madiwani wasiofika hamsini,tulipaswa kuona tunanufaikaje na jiji la Dar?

 

[Eliamini]

Tatizo watu hawajui faida yake ila ni maamuzi mazuri sana, Halmashauri ya Jiji la Dar ilikuwa kama urembo tu kwani haikuwepo kiuhalisia hivyo kuna wafanyakazi na wanasiasa walikuwa wanafaidi mihela tu, Unakuta Meya wa Kinondoni huyo huyo kashinda kuwa Meya wa Jiji la Dar yaani ni upuuzi mtupu. Kwa mabadiliko haya ni kwamba Meya atakuwa mmoja tu ambaye ni wa Halmashauri ya Ilala ambayo imepewa hadhi ya kuwa ndiyo Halamshauri ya Jiji la Dar es salaam.

Kwahiyo Jiji la Dar es salaam litakuwepo ila chini ya Ilala pekee hawa madiwani kutoka ubungo na manisapaa nyingine hawatagombea Umeya kama ilivyokuwa zamani. Kwahiyo ile ofisi ya Halmashauri ya Jiji la Dar es salaam ya zamani itavunjwa na itakuwa chini ya Ilala hii itapunguza hela zilizokuwa zinatumika hovyo. Mfano ni kama Mbeya, Tanga, Arusha, Dodoma na Mwanza yote haya Majiji yanajitegemea ilikuwa tofauti na Dar

 

[Eliamini]

Kiutawala jiji lilikuwa limegawanyika katika halmashauri sita za serikali za mitaa ambazo ni: halmashauri ya jiji la dar es salaam halmashauri ya manispaa ya temeke halmashauri ya manispaa ya kinondoni halmashauri ya manispaa ya ilala halmashauri ya manispaa ya ubungo na halmashauri ya manispaa ya kigamboni sasa ukiangalia hapo juu kulikuwa kuna chombo tu kinaitwa halmashauri ya jiji la dar es salaam lakini chombo hicho hakikuwa na eneo rasmi la kiutawala kwa maana nyingine halmashuri ya jiji haina ardhi inayoitawala ,kwa maana hiyo inategemea vyanzo vya mapato kutoka halmashauri za manispaa.

Chombo hiki yaani halmashauri ya jiji ilikuwa ina meya wake na baraza lake huku halina vyanzo vya mapato , lakini walitenga bajeti ....Sasa swali unapewaje bajeti huku miradi inaweza kuhudumiwa na manispaa zenyewe?

Hivyo kulikuwa na matumizi mabaya ya pesa kwa kuwa ni kama unampa mtu pesa hana matumizi . Sasa kilichofanyika nikuvua kofia ya halmashauri ya jiji na kuipa ilala... Na manispaa za kigamboni ,kinondoni, ubungo, temeke zitabaki kama manispa

 

[mafiakisiwani]

Pesa hakuna tunapunguza gharama ya uendeshaji.
NB: haya sio majibu sahihi

 

[Heci]

Chanika ni jijini?

 

[Heci]

Ninachotaka wandugu ni kuwekana sawa. hivi ni vigezo gani vinavyotumika hapa Tanzania kuifanya baadhi ya miji kuwa majiji?

Vigezo ninavyovijua mimi ni:-
1.Idadi ya watu
2.Unachangiaji katika pato la taifa
3.Miundo mbinu ya kutosha,
4.Upatikanaji wa huduma za jamii..Afya,maji safi n.k
5.Maendeleo ya wananchi wake

Sasa najuliza,kwa mfano wa hili la miundombinu na Huduma za jamii ni kweli huwa linazingatiwa uu ni siasa tu?

 

[isajorsergio]

Ninachotaka wandugu ni kuwekana sawa. hivi ni vigezo gani vinavyotumika hapa Tanzania kuifanya baadhi ya miji kuwa majiji?...

Hadhi ya jiji/majiji sio fixed term.

 

[chazachaza]

Tatizo watu hawajui faida yake ila ni maamuzi mazuri sana, Halmashauri ya Jiji la Dar ilikuwa kama urembo tu kwani haikuwepo kiuhalisia hivyo kuna wafanyakazi na wanasiasa walikuwa wanafaidi mihela tu, Unakuta Meya wa Kinondoni huyo huyo kashinda kuwa Meya wa Jiji la Dar yaani ni upuuzi mtupu...

Asante umefafanua vizuri shida ni kwamba watu Wana bisha tu,badala ya kuuliza wafafanuliwe.

 

[chazachaza]

Ninachotaka wandugu ni kuwekana sawa. hivi ni vigezo gani vinavyotumika hapa Tanzania kuifanya baadhi ya miji kuwa majiji?...

Huwa vinazingatiwa, isipokuwa kuna wakati Kunakuwa Kuna umaalumu, mfano Kama halmashauri ya jj ya awali Kwanza kieneo ni ndogo Sana,hiyo inaweza ikawa imeiipa credit ilala kupewa hadhi kwa sababu ya ukubwa wa eneo.sababu nyngne inaweza kuwa kupanua mji, n.k.

 

[mkulima gwakikolo]

Itabidi mipaka ya wilaya ibadilishwe iendane na jina linavyotaka. Utasemaje Chanika na kinga'z kwa godoro ni jiji?

 

[Mmawia]

Tatizo watu hawajui faida yake ila ni maamuzi mazuri sana, Halmashauri ya Jiji la Dar ilikuwa kama urembo tu kwani haikuwepo kiuhalisia hivyo kuna wafanyakazi na wanasiasa walikuwa wanafaidi mihela tu...

Utapeli mtupu ndani ya ccm

 

[Mmawia]

Kiutawala Jiji lilikuwa limegawanyika katika Halmashauri sita za Serikali za mitaa ambazo ni: Halmashauri ya Jiji la Dar es Salaam Halmashauri ya Manispaa ya Temeke Halmashauri ya Manispaa ya Kinondoni Halmashauri ya Manispaa ya Ilala Halmashauri ya Manispaa ya Ubungo na Halmashauri ya Manispaa ya Kigamboni SASA Ukiangalia hapo juu kulikuwa kuna chombo tu kinaitwa HALMASHAURI YA JIJI LA DAR ES SALAAM Lakini chombo hicho hakikuwa na eneo rasmi LA kiutawala kwa maana nyingine halmashuri ya jiji haina ARDHI inayoitawala

Kwani hayo mmeyaona leo hii?

Yote yalifanyika chini ya utawala wa chama chenu ccm

 

[Mmawia]

Ninachotaka wandugu ni kuwekana sawa. hivi ni vigezo gani vinavyotumika hapa Tanzania kuifanya baadhi ya miji kuwa majiji?...

Wanavyo mfukoni tu

 

[The Icebreaker]

Sawa.

 

[Al Watani]

huwa vinazingatiwa,isipokuwa kuna wakati Kunakuwa Kuna umaalumu,mfano Kama halmashauri ya jj ya awali Kwanza kieneo ni ndogo Sana,hiyo inaweza ikawa imeiipa credit ilala kupewa hadhi kwa sababu ya ukubwa wa eneo.sababu nyngne inaweza kuwa kupanua mji ,n.k...

Kupanua mji upi ?

 

[babalao 2]

Hakuna kibaya kilichofanyika. Wilaya moja ndy ibebe ofisi za jiji wengine waendelee na mishe zao.

Swali langu ni hili huwa ofisi za mkoa hazina maeneo kama ilivyokuwa jiji la Dar kwann wilaya moja kwenye mkoa isivunjwe ikawa inakuwa na ofisi ya mkuu wa mkoa tu na sio ofisi ya mkuu wa mkoa halafu jiran kuna ofisi ya wilaya? Kwann isifanywe kama inavyokuwa Ilala? UMUHIMU WA KATIBA MPYA N SASA

 

[Naipendatz]

Hili jambo mbona rahisi sana. Mfano ni Dodoma, kuna mkoa wa Dodoma, ndani ya mkoa wa Dodoma kuna jiji la Dodoma (zamani ilikuwa manispaa ya Dodoma), then kuna halmashauri kama Bahi, Chamwino n. k. Sasa DSM ilikuwa ya ajabu kidogo, maana kulikuwa na mkoa wa DSM, then jiji la DSM ambalo lilikuwa linabeba mipaka yote ya mkoa wa DSM.

Ndani ya Jiji na Mkoa kukawa na hizo manispaa zilizopo. Kwa sasa Mkoa wa DSM utakuwa unajitegemea ukibeba manispaa zote zilizopo na hilo jiji lenye mipaka mipya (Zamani Ilala). ni uamuzi mzuri sana.

 

[Kifaurongo]

Kwanza ningependa kujua vigezo vinavyotumika Duniani kuupandisha hadhi mji au halmashauri kuwa jiji. Issue ya eneo flan kuwa jiji ni Jambo la ndani ya nchi au Kuna standard zakimataifa?..

Kwanza unamaanisha nini kusema Dar es Salaam INAKUWA Mkoa? Sababu haijawahi kukoma kuwa Mkoa. Mkoa wenye Halmashauri za Manispaa.

 

[one one]

Watanzania wenzangu kutokana na athari za korona mifumo mingi sana itafumuliwa na teknelojia inaenda kushika kasi. Kazi za watu 10 zitafanywa na watu 2 jipange.

 

[Bendanda]

Itabidi mipaka ya wilaya ibadilishwe iendane na jina linavyotaka. Utasemaje Chanika na kinga'z kwa godoro ni jiji?

Kabla ya kuvunjwa kwa Jiji zilikuwa Wapi? si zilikuwa Ndani ya Jijij la DAR na bado zipo jiji La DAR yaani Iliyokuwa ILALA