Zipo hoja nyingi zinazohitaji msukumo wa kisiasa, msukumo huo ni vigumu kuupata ndani ya chama Tawala ila utaupata upinzani.
Upinzani vyama vyote vimepoteza dira isipokuwa baadhi ya viongozi wa Chadema wanaweza kuendelea kuaminiwa kwa uvumilivu wao Hadi kuvuka salama mtihani wa uchaguzi mkuu 2020 uliopelekea wanachama tisa kujiondoa kwenye harakati za kutafuta Uhuru, haki na maendeleo ya watu nakuingia bungeni kinyume na sheria pamoja na Katiba ya nchi.
Kesho Mhe. Mbowe atazungumza na vyombo vya habari, nyuma ya hotuba yake lipo deni lakusimamia uhuru, haki na maendeleo ya watu ikiwa ni kauli mbiu waliyotumia kuwaomba wananchi kura. Wananchi waliwapa kura ila watawala hawakutaka kura za wananchi zihesabiwe bali wao wateue watu wanaodhani wanafaa.
Lakini pia ipo agenda ya Katiba mpya ambayo kila mtanzania msomi na asiyesoma anaelewa fika ndiyo nguzo yakutuvusha Kama taifa. Huu siyo msimamo au agenda ya viongozi wa CCM ila ni agenda ya upinzani, wanaharakati na wananchi wanaoitakia mema nchi yao. Mhe. Mbowe ataweza kuja na mbinu zakufikisha agenda hii mbele bila kuingia kwenye meza ya mazungumzo na watesi wetu CCM?
Hipo hoja ya kuwa na chama Cha siasa kisichokubali kwa namna yoyote kushirikiana na chama dola isipokuwa kwa agenda zenye maslahi ya Taifa letu. Je, Mhe. Mbowe anaweza kutuakikishia hiyo kesho kwamba wanachama na wapenzi wa chadema wapo tayari kuishi kwa njaa lakini wasimamie kupatikana haki, Uhuru na maendeleo ya watu?
Tunayo tume ya uchaguzi ambayo kimantiki ni wateule wa Rais aliyepo na ambayo kimantiki si tume huru ya uchaguzi ila ni tume ya uchaguzi kwa maana ya kikosi Cha watu wenye vyeo, je anatuakikishia kwamba chadema watasusia chaguzi zote Hadi tuwe na time huru?
Mwisho Kuna watu wameibuka na kauli tata, jana walituaminisha hivi leo wanatuaminisha vile. Watu hawa ni wasomi ila kimantiki hawana akili, je anashauri tutumie mbinu gani kukabiliana na njama za kundi hili lakisiasa linaloangalia maslahi?