Madai
Kumekuwapo na video inayosambazwa mtandaoni ikimuonesha mjumbe wa kamati kuu ya Chama Cha Demokrasia na Maendeleo (CHADEMA) akidaiwa kuwataka wafuasi wa chama hicho kuchangia ili viongozi wanywe bia.
Je, ni upi uhalisia wa video hiyo?
Ufuatiliaji uliofanywa na JamiiCheck umejiridhisha kuwa video imepotoshwa kwa kukata na kuunganisha vipande visivyohusiana hivyo kutengeneza maana tofauti na ile ilyopo kwenye video halisi.
Kupitia Reverse image search JamiiCheck imebaini
video halisi ambapo Lema alieleza kuwa CHADEMA haipokei ruzuku yoyote kutoka serikalini kwa sasa, hivyo viongozi wanatumia nguvu na gharama zao wenyewe kuzunguka nchi nzima. Wanaomba michango hiyo ya "Toni kwa Toni" ili kupata fedha za uendeshaji zitakazowawezesha viongozi kusafiri maeneo mbalimbali kwa ajili ya kujenga chama na kueneza demokrasia.
"Hapa tumefika kwa gharama zetu. Mimi nchi hii nikiizunguka ni gharama zetu na msaada wa marafiki, na wenyewe wanachoka wakati mwingine. Huwezi kumwomba mtu mara kwa mara nini? Mafuta, mafuta, mafuta. Kwa hiyo gharama ni kubwa sana...
Kila mwezi tutumie pesa sasa hivi ukiwa unakunywa bia tutumie pesa.
Zamani tulikuwa tunapokea ruzuku, sasa hivi hatuna ruzuku hata shilingi moja. Ukiona viongozi wanatembea barabarani ni tunatumia nguvu zetu wenyewe. Tunaomba msaada wenu, msaada wa chama chenu...
Tuma pesa sasa hivi itaingia. Mshirikishe rafiki yako kwenye kundi la WhatsApp, mshirikishe jirani yako, mshirikishe mchumba, ni boyfriend na mume wako. Tunaomba sana uweze kutusaidia ili viongozi wetu waweze kutembea sehemu mbalimbali kwa ajili ya kujenga chama na kujenga demokrasia." - Lema alisema
