Wapendwa habari zenu, kuna suala nimelifikiria hapa naomba nipate ku-share na ninyi.
Kuna hii hali unakuta unakuwa kwenye uhusiano na mtu unayempenda kwa dhati, mnaelewana na mnafurahia kuwa pamoja vizuri tu. Lakini kadiri muda unavyokwenda, unaanza kujiuliza kuhusu maisha yenu ya baadaye kwa sababu mwenzako anakua labda haonekani kuwa na mipango inayoeleweka au juhudi za kufikia malengo fulani.
Hapa ndipo changamoto inapoanza. Unampenda na hutaki kumpoteza, lakini pia una ndoto zako, malengo yako na maisha unayotamani kujenga.
Kwa upande mwingine, inawezekana mtu akawa hana mafanikio makubwa kwa sasa lakini ana juhudi, anajitambua na anapambana kubadilisha hali yake.
Sasa je, ni sawa kuendelea na uhusiano kwa sababu ya upendo pekee, hata kama huoni mwelekeo wa maisha yenu ya baadaye? Au ni muhimu kuangalia zaidi ya hisia na kutathmini kama mnaweza kujenga maisha pamoja.
Which is which yani? Nisaidieni mimi jamani nimekwama kiukweli kwenye hili.