- Source #1
- View Source #1
Wakuu
Katika pitipita zangu nimekutana na hizi kauli ambazo zimetolewa na Mzee Warioba ni kweli?
Katika pitipita zangu nimekutana na hizi kauli ambazo zimetolewa na Mzee Warioba ni kweli?
- Tunachokijua
- Jaji Joseph Warioba Amewahi kuwa Waziri Mkuu na Makamu wa Rais Wa kwanza wa Jamhuri ya Muungano wa Tanzania 1985-1990, amewahi pia kuwa Mkuu wa chuo cha kilimo cha Sokoine (SUA) baada ya uteuzi wa mwaka 2016.
Madai
Kupitia mtandao wa Facebook kumekuwa na grafiki zilizobeba nukuu zinazodaiwa kuwa ni za Waziri Mkuu Mstaafu wa Tanzania, Jaji Joseph Sinde Warioba kuhusu masuala ya uchaguzi na kuwataka Watanzania waunge mkono serikali iliyopo madarakani, huku akipongeza namna jinsi uchaguzi ulivyoendeshwa.
Grafiki zilizobeba nukuu hizo zina utambulisho wa chombo cha habari cha Jambo TV.
Uhalisia wa madai hayo
JamiiCheck imefuatilia na kujirirdhisha kuwa nukuu ama maneno hayo hayajatolewa na Jaji Joseph Warioba kama inavyoonekana kwenye grafiki hizo.
Disemba 17, 2025 Jaji Warioba alikutana na Rais wa Jamhuri ya Muungano wa Tanzania, Samia Suluhu Hassan na kupiga picha ya pamoja kisha kusambazwa katika vyombo mbalimbali vya habari. Licha ya picha hizo kusambazwa katika vyombo vya habari lakini haikuelezwa ni nini haswa kilichojadiliwa katika mkutano huo.
Aidha hakuna kumbukumbu yoyote inayoonesha kuwa Jaji Warioba alizungumza chochote mara baada ya uchaguzi na hata baada ya kukutana na Samia hadi wakati uhakiki huu unafanyika, hivyo maneno na nukuu hizo ni za kughushi.
JamiiCheck imefanya ufuatiliaji zaidi na kubaini kuwa grafiki zilizobeba nukuu hizo hazijachapishwa na Jambo TV na hivyo utambulisho wao umetumika kwa lengo la kupotosha, pia aina ya mwandiko (fonts) zilizotumika si za chanzo hicho.
