Jitahidi usome mwanzo mwisho.
Mlipuko wa vita ya
Russo-Ukrainian War umeiweka dunia njiapanda katikati ya chagizo linaloendelea la Uviko.
Tayari dunia imegawanyika ambapo NATO chini ya US ina ushirika mkubwa dhidi ya Urusi ambayo hadi sasa inaonekana kuwa peke yake.
US inaingia kwenye vita hii kwa sababu moja kuu ya kulipiza kisasi cha Urusi kudukua matokeo ya uchaguzi yaliyoiangusha Democrat na kuipa Republican ushindi kwa kumuingiza rais Donald Trump Ikulu ya Whitehouse.
Kwa siku moja tu Urusi imeitia kilema cha kudumu Ukraine kiulinzi ambapo maeneo 88 ya kiraia yamelengwa, raia 137 kufa, 380 vilema, 29,000 wakimbizi kwenda ndani ya Urusi yenyewe na wachache kati yao kwenda Poland lakini wakihofu kuwa Poland inaweza kuwa shabaha ya Urusi endapo NATO itapewa ardhi huko. Urusi imeshambulia tokea angani, majini na ardhini kwa wakati mmoja na imedhihiri kuwa Urusi kupigana na Ukraine ni sawa na Afrika Kusini kupigana na Swaziland.
Ukraine inadai madhara iliyopata ni kutokana na silaha zake kuharibu zile za Urusi angani na mabaki yake kuja kuangukia makazi ya watu na makambi ya Ukraine, huku ikitoa takwimu kwamba imejeruhi na kuua idadi ya wapiganaji na watumishi wa Urusi wapatao 443. Yote ni propaganda za vita za Ukraine kwa sababu kwanini hayo hayakutokea ndani ya Urusi?
Maeneo zaidi ya 100 ya ulinzi wa kimkakati yamesambaratishwa ikiwemo mfumo wa ulinzi wa kimtandao (cyber security) kiasi kwamba rais na amiri jeshi mkuu wa Ukraine Mhe.
Volodymyr Zelenskyy ametangaza kuacha vita na kuitaka Urusi isitishe vita na kuondoa majeshi yake ndani ya ardhi ya Ukraine, huku EU na NATO vikiogopa na kuamua kutangaza kupitia kinywa cha rais Joe Biden wa US kuwa NATO haitapigana vita ya moto bali ya vikwazo vya kiuchumi.
Madai ya Urusi:
Ukraine inaongozwa toka nje (US)
Rais
Volodymyr Zelenskyy wa Ukraine anatuhumiwa na Urusi kwa mauaji ya kimbari ya miaka 8 sasa na kwamba yeye siyo rais halali aliyechaguliwa kidemokrasia na kwamba serikali yake ni ya mpito tu.
Ukraine inajenga vinu vya Nyuklia (kama US ilizuia Iraq na Korea Kaskazini kwanini yeye Urusi asiizuie Ukraine ambayo iko karibu naye kijiografia kuliko Iraq na Korea Kaskazini vilivyo na US)
Ukraine iache majimbo yanayotaka kujitenga yajitangazie uhuru kamili (Crimea na Donbass/Donbas)
Urusi tangu 2014 imeunga mkono kujitenga majimbo haya ambayo yamekuwa vitani na Ukraine kwa miaka mi 8 sasa.
Umuhimu wa majimbo yanayojitenga:
Donetsk ni mji mkuu wa Donbas.
Donbas inayolala kwenye bonde la Donetsk na Luhansk ni tajiri kiuchumi, kiutamaduni na kihistoria. Inatoa makaa ya mawe kwa wingi na ina viwanda mama vingi. Ni muhimu kama ilivyo Scotland kwa Uingereza.
Crimea ambayo tayari Urusi imejiungamanisha nayo (annexed to Russia) kama ya kwake (sawa na China inavyodai kumiliki Taiwan na HongKong) ilikuwa muhimu kimataifa kwa mfumo mpya wa dunia mwaka 2014 kama ambavyo Cuba ilikuwa mwaka 1963 au Hungary mwaka 1956.
Urusi inadai kuwa wakazi wa Rasi ya Crimea kwa asilimia kubwa sana wanaongea lahaja ya Kirusi.
Urusi inahitaji majimbo hayo kwa uchumi wake, Ukraine nayo inahitaji majimbo hayo kwa uchumi wake, majimbo hayo nayo yanahitaji uhuru kamili (sovereignty) lakini yakitumia Urusi kama daraja la kufikia ndoto yao hiyo.
Vikwazo:
Kumeibuka mashindano ya kuwekeana vikwazo kati ya washirika wa NATO na Urusi ambapo maeneo yaliyoishaguswa hadi sasa ni sekta za fedha, safari za anga, mabenki, uhamiaji, biashara (matajiri 5 wakubwa wa Kirusi waliowekeza UK mitaji yao imeshikiliwa (assets frozen)) kupitia tangazo la Mhe. Boris Johnson PM wa UK.
Katika kujibu mapigo, Urusi imefunga viwanja 12 muhimu vya ndege za kiraia, imepiga marufuku ndege za UK na washirika wa NATO kuingia Urusi na kutotumia anga la Urusi.
Urusi inategemewa na dunia kwa uzalishaji mkubwa sana wa ngano, gesi asilia, silaha na vileo vya kiwango cha juu duniani, hivyo dunia inaihitaji Urusi kuliko inavyoihitaji Ukraine. Hiki ndicho kinachompa Urusi kiburi na jeuri.
Changamoto:
US enzi ya rais Boris Yeltsin wa Urusi (baada ya kupokea Urusi iliyosambaratika mikononi mwa rais Gor Bachev kupitia sera yake ya mageuzi ya kiitikadi aliyoiita Perestroika) ilikula njama kuua WARSAW PACT ikabakisha NATO. Poland ambayo US inaomba kutumia ardhi yake kwa ajili ya vita hii ilikuwa mshirika wa Urusi kwenye WARSAW PACT, leo Poland imejiposa kwa NATO.
NATO ina washirika EU na Americas, Urusi haina washirika US na EU ambako yeye pia ni mwanachama (EU) kwahiyo hivi sasa US kupitia NATO inatumia ndugu za Urusi (wanachama wenzake wa EU) kuiminya Urusi.
Urusi haijulikani kama vita/vikwazo vikiendelea na kama akipata madhara makubwa atachukuwa msimamo kama wa Zimbabwe wa kujiondoa Jumuiya ya Madola au kama wa Uingereza kujiondoa EU. Hili litakuwa ni pigo la pili kwa EU (BREXIT na RUSSO-EXIT).
NATO imejitafakari na kuona bora vikwazo kuliko vita vya moto kwa sababu ukimya wa China, Iran, Korea Kaskazini, Syria vimeipa homa kali kwamba huenda wakajiunga na Urusi ambapo tayari ndani ya saa 24 rais Nicolás Maduro Moros wa Venezuela hakuvuta subira bali alitangazia dunia hadharani kwamba yuko upande wa Urusi kwenye vita hii ya
RUSSO-UKRAINIAN WAR.
US ni mteja mkubwa sana wa mafuta ghafi na bidhaa za petroli toka Venezuela. Katika mwaka wa 2021 US iliagiza mafuta kwa kiwango ambacho ni mara tatu ya kile kilichoagizwa na Urusi, sababu inaweza kuwa kwamba Urusi inatumia gesi zaidi ya mafuta kwa sababu inaongoza dunia kwa uzalishaji wa nishati ya gesi asilia.
Aidha, kama Iran ikiungana na Urusi ni wazi kwamba wanachama wa OIC hawatakaa kimya kuona NATO ikilipa kisasi kwa Iran na kwamba itabidi OIC wote wawe upande wa Urusi kupitia ndugu yao Iran, hii itatoa funzo kwa EU kwamba na wao walitakiwa kuwa upande wa mwenzao Urusi.
Hofu kuu ya OIC kukaa upande wa Urusi kupitia Iran ni kwamba uamuzi huo unaweza kumuibua Muisrael ambaye atataka amuunge mkono US na kwamba kwa kitendo hicho, ndani ya himaya ya OIC Uarabuni hakutakalika kwa sababu Israel itataka kuipunguzia OIC nguvu humo humo ndani kabla ya kuvuka mipaka kwenda Ukraine kuisaidia Urusi na labda Iran.
Aidha, kama Urusi ilivyo mwanachama wa EU na kama Zimbabwe ilivyokuwa mwanachama wa Madola, Israel nayo ni mwanachama wa OIC lakini kimkakati wa ulinzi (kijasusi), kwahiyo Israel ikiungana na US na NATO kupitia mgongo wa Ukraine kuwashambulia wanachama wenzake wa OIC wa Uarabuni ambao ina uadui nao; itakuwa imehujumu wanachama wenzake wa OIC kwa kisa tu cha kuzitetea US na NATO.
Kitu pekee ambacho dunia inatakiwa imuombe Mungu kwa bidii kumaliza vita hii ni kwamba Urusi ina teknolojia ya kutengeneza silaha za kibaiolojia za hali ya juu (ambayo US na NATO hawana) alizowahi kumuuzia Iraq; na chanjo ya virusi hivyo anayo yeye pekee duniani (ni siri kali ya kiulinzi), hivyo katikati ya janga la dunia la Uviko-19, kama Urusi ikiamua kutumia silaha hizo za kibaiolojia (virusi) ni dhahiri kwamba dunia itakuwa imefika kusiko. Hii inaweza kuwa ni moja ya sababu za NATO kuahirisha kupigana vita ya moto na kuchagua vita ya vikwazo vya kiuchumi.
Tayari Urusi inadukua mawasiliano ya Ikulu na Idara zote za Ulinzi na Usalama za Ukraine. Ukraine sasa iko mikononi mwa Urusi kwa 100%. NATO inaogopa kuunganisha Ukraine kwenye mfumo wake wa ulinzi na pia ule wa kiserikali (zikiwemo Ikulu za NATO) kwa kuhofia Urusi kudukua. Hivyo Urusi inadhibiti mfumo wa mawasiliano yanayoingia na kutoka Ukraine na kufanya NATO kukata mawasiliano na Ukraine. Vita ni mawasiliano kwa sababu ndiko amri za kivita zinakopatikana.
Afrika imeshikwa pabaya kwenye gogoro hili kwa sababu ni kama vile EU iliota kwamba lazima Mrusi ataishambulia Ukraine; ikajiwahi kufanya mtaguso na AU (#EUAU) wiki iliyopita kutoa furushi (package) la fursa za uwekezaji ndani ya AU (Blackmail) hivyo Afrika italazimika kufunga kinywa chake kwenye vita hii kama Bi. Harusi.
Ni dhahiri sasa kwamba viongozi wa Afrika wamepata kisingizio kingine cha pili baada ya Uviko-19; cha vita ya Urusi na Ukraine; cha kuegemezea madai yao ya kushindwa kukuza chumi zao na kushindwa kutekeleza ilani zao za uchaguzi, wanashindwa kujuwa kuwa changamoto ni mtaji pia.
UN iko wapi kwenye hili?
[emoji2398]Douglas Majwala,
United Republic of Tanzania,
February 25, 2022.
View attachment 2130774
Picha ya juu: Kwa wakati mmoja manowari, ndege-vita na vifaru vya Urusi vikiichakaza Ukraine.
View attachment 2130776
Taswira kwa hisani ya google.
