Jinsi biashara ya Uber ilivyonikutanisha na dada huyu mrembo wa ajabu

Jinsi biashara ya Uber ilivyonikutanisha na dada huyu mrembo wa ajabu

Mkuu insider man nitafutie mshangazi mkuu mm sitaliomba hata mia '(kwa ajili ya kupata unlimited sex tu) ila awe na muonekano mzuri..........kazi ni kipimo cha utu
 
Kwa yeyote aliyekaribu na insider atwambie na yeye ametekwa kama pole pole at mshangazi Irene amemficha
 
Atlast nimempata said:
Hila polepole kanishangaza! Uongee hayo aliyokuwa unaongea akiwa ndani ya nchi alafu apone? Na kama alikuwa nje ya nchi alikuja kufanya nini bongo?
Click to expand...
Yeye mwenyewe alisema yuko Tz na lolote litakalompata bas sawa tu alikataa kusemea akiwa nje ya nchi.EEE YESU MLINDE POLEPOLE POPOTE ALIPO AMEEN.
 
SEASON 3

CHAPTER: 08

Safari yangu ilianza saa kumi jioni, kuelekea Zambia, na tuliwasili Lusaka majira ya saa nne usiku. Bila kupoteza muda, nilichukua tax moja kwa moja kuelekea Roma, nyumbani kwa Mzee. Hali ya usiku ilikuwa tulivu, na barabara zilikuwa zikionekana kimya huku nikiendelea kufikiria mambo mbalimbali.

Pale nyumbani, nilimkuta Sandra ambaye ndiye aliyenipokea kwa furaha na kunikaribisha ndani. Tulikaa tukipiga story kwa muda mfupi tu, tukifurahia mazungumzo yetu, na baada ya muda, Sandra akaaga, ili kesho aweze kuja kazini mapema. Baada ya Sandra kuondoka, mimi pia sikutaka kupoteza muda, nikaenda chumbani kulala, na mara moja nikamjulishe Iryn kuwa nimefika salama, pamoja na mzee.

Asubuhi, kulipokucha, niliamka na kuandaa chai kwani nilihisi njaa. Wakati nikiwa mezani, simu yangu ilianza kuita, alikuwa ni mzee akipiga, nilipokea simu hiyo, na tukaanza mazungumzo ya kina. Aliniambia atarudi home kesho, ambayo ni siku ya Jumamosi. Nilimweleza kuwa mipango yangu ilikuwa kuondoka Jumamosi, lakini sasa itabidi mpango huo kubadilika hadi Jumapili, kwani jambo nililotaka kumwambia ni muhimu sana.

Saa tano asubuhi, Sandra alifika nyumbani akiwa amebeba mizigo mikononi. Alinitazama kwa tabasamu dogo na kusema,

“Nimepita sokoni kidogo kununua mahitaji ya nyumbani.”

Nilimtazama kwa muda bila kusema chochote. Kwa kweli, sikuwa napendezwa na kazi hii ya usaidizi wa kazi za nyumbani anayoifanya hasa nikizingatia kiwango chake cha elimu. Yeye aliichukulia kama kazi nyingine yoyote ya heshima, lakini kwangu mimi ilionekana kama kupoteza uwezo wake. Nikajikuta nawaza sana juu yake.

“Sijui ile nafasi ya Asmah nimpe yeye ili aje Tanzania?”

Hayo mawazo yalinijia ghafla kichwani.

Nilikuwa bado nikiwa kwenye mawazo yangu, ghafla Sandra akaingia sebleni akiwa ameshika sahani ya matunda. Akanikabidhi kwa tabasamu na kusema,

“Jana sikukuona vizuri. Niongezee siri ya mafanikio yako, umezidi kuwa handsome.”

Nikacheka kidogo nikamjibu,

“Nimeridhika tu Bossy wangu, unajua Bongo life ni ngumu sana.”

Akanicheka kwa mshangao,

“Baba yako anafanyia kazi kampuni kubwa hapa nchini, unaanzaje kusema maisha ni magumu?”

Nikavuta pumzi ndefu nikasema,

“Hizo pesa anazopata ni zake. Mimi napambana kutengeneza zangu. Hata ukimuuliza, atakwambia sijawahi kuwa mtu wa kuomba hela kwake.”

Alinitazama kwa makini kisha akaniambia kwa sauti ya chini,

“Baba alinambia una mke na mtoto, ila wewe hujawahi kuniambia.”

Nilishtuka kidogo, sikutarajia angejua jambo hilo. Mara moja nikahisi lazima baba yangu ndiye alimwambia, ila sikuwa na hakika lengo lake lilikuwa ni lipi. Nikamjibu kwa upole,

“Hatukuwahi kuzungumza kuhusu hilo, ndiyo maana hukujua. Lakini kama tungeongea, nisingekuficha.”

“Na mtoto wako ana umri gani?”

“Ana miaka miwili.”

Maongezi yetu yalikatishwa ghafla baada ya kupokea simu ya WhatsApp kutoka kwa Asmah. Hapo ndipo nililazimika kumuaga Sandra na kuelekea chumbani kupumzika.

Nikiwa chumbani, mazungumzo yetu na Asmah yalichukua muda mrefu. Tulizungumza mambo mengi, lakini kubwa kuliko yote ni pale aliponijulisha kuwa anataka kunikabidhi ofisi, kwani muda wake wa kuelekea chuoni ulikuwa umewadia. Nilimwambia kwa upole kuwa kwa sasa nimesafiri, ila nitarejea Jumamosi, na tukapanga tutaonana. Kwa utani nikamuomba anipe “gemu la mwisho mwisho” kabla hajaondoka, lakini kwa msisitizo akasema haiwezekani hata kidogo na hawezi tena kufanya mapenzi na mimi.

Baada ya kuhitimisha mazungumzo hayo, nilijikuta nikiwa nimelala kitandani nikicheka peke yangu. Nikajisemea kimoyomoyo:

“Asmah hanijui mimi vizuri… ataona tu, nitamshughulikia ipasavyo shubamiti!”

Mara tu baada ya kumalizana naye, nilimkumbuka Sanchi. Nikampigia simu kumsalimia, maana siku kadhaa zilikuwa zimepita bila mawasiliano kati yetu. Kwa sauti yenye bashasha, Sanchi aliniambia anatarajia kuja Dar es Salaam wiki ijayo. Akaniahidi atanijulisha siku ya safari yake, nami nikamjibu kwa mzaha kwamba nitahakikisha nina bunduki pembeni ili kulinda mgeni wangu maalum.

Baada ya mazungumzo ya Sanchi kumalizika, nilikaa kimya nikajitupa kitandani nikiwa nimetulia. Mara ghafla nilijikuta nikifungua simu yangu na kuanza kuangalia picha za mwanangu Aria. Nilimpiga picha nyingi sana na kila nilipozitazama nilijikuta natabasamu bila kutaka. Utulivu wake, jinsi anavyochezea vidole vyake kwa upole na sura yake ya malaika, vyote vilikuwa vikiumba taswira tamu moyoni mwangu. Mwanangu Aria ni mzuri sana, yaani kama binti ninaye, mzuri kama mama yake.

Lakini kadri nilivyozidi kuzitazama, roho yangu ilianza kuuma, maumivu yasiyo elezeka yalinijaa. Unajua kwanini? Sababu Aria hana kosa hata kidogo, bado ni mdogo sana, na ni haki yake ya msingi kuwajua bibi yake na babu yake. Sababu ni damu yao, ni familia yao, ni kitu ambacho kila mzazi angetamani kwa mtoto wake.

Nikiwa nimezama kwenye dimbwi zito la mawazo, ghafla simu yangu ikaanza kuita. Nilipoangalia, jina lililokuwa limeandikwa lilinifanya nitabasamu kwa uchungu, ni dada yangu kipenzi. Bila kuchelewa nilipokea simu, nikiwa tayari kusikia sauti yake:

MIMI: “Nambie dada yangu kipenzi.”

DADA: “Niko poa, tunajiandaa hapa na wifi yangu…”

Nilimkatisha kabla hajamaliza.

MIMI: “Kwenda Serengeti?”

DADA: “Exactly, kumbe mmeshaongea?”

MIMI: “Yes, we talked yesterday.”

DADA: “Okay, Insider uko wapi?”

MIMI: “Niko South Africa bado.”

DADA: “Umeanza lini uongo mdogo wangu? Wewe si umeondoka jana South kwenda Zambia?”

Nilinyamaza kimya kwa muda. Nilijua wazi sister kaongea na Iryn, na sasa kila kitu kimevuja. Sikupata ujanja mwingine.

MIMI: “Ndio, nimeondoka jana.”

DADA: “Kwanini unanidanganya sasa? Umeamua umwambie mzee kuhusu suala lako? Bila kunishirikisha?”

Nilihisi kama dada ananipanda kichwani. Licha ya kuwa msaada kwangu kwa mambo mengi, this time niliamua kusema ukweli wangu, kama liwalo na liwe.

MIMI: “Dada haya tulishaongea. Kumbuka sio kila kitu unachosema mimi nitakifuata. Mimi ni mtu mzima, pia nina akili ya kufanya maamuzi binafsi bila kushinikizwa na mtu mwingine.”

Kauli hiyo haikuingia vizuri kwake na sauti yake ikibadilika mara moja.

DADA: “What are you talking about? Hivi unajua sababu ya mimi kukwambia usubiri kwanza? Najua huwezi nielewa ila ipo siku utaelewa.”

MIMI: “Mimi naona umepaniki tu. Kilichonileta huku ni jambo lingine kabisa wala sio hilo unalowaza.”

DADA: “Ingekuwa ni kweli, usingethubutu kunidanganya dada yako. Anyway, fanya unaloona ni sahihi kwako, but when things go bad, don’t ever try to call me.”

MIMI: “Sawa, unaona wewe ndo kila kitu kwangu na bila wewe mimi ni nothing. Siwezi kukusumbua. Niache nipambane na shida zangu na hutoona simu yangu.”

Maneno hayo yalionekana kumgusa kwa uchungu zaidi, maana bila kujibu chochote, dada akakata simu kwa hasira. Nikabaki kitandani, nikifikiri kwani nilihisi kama nimekosea kumwambia yale maneno, lakini kwa upande mwingine niliona niko sahihi. Mwisho wa yote nilijisemea kimoyomoyo “Potelea mbali, liwalo na liwe.”

Licha ya yote, nilibaki kwenye dilemma kubwa, sikuweza kutabiri hatima yangu. Dada hakuwa na sababu za kueleweka kunishawishi nisubiri muda mrefu zaidi. Presha ilikuwa nzito moyoni mwangu, kwa sababu nilijua fika sitaki kuiona Disemba inafika kisha naondoka Ethiopia na Aria bila kwanza kuanza safari nyumbani kwetu. Hilo lingeumiza sana, na kimsingi halingewezekana kabisa. Ndipo mawazo hayo yakazidi kunitafuna akili, yakiniacha kwenye hali ya sintofahamu. Sikubaki na chaguo jingine zaidi ya kuhakikisha nafanya maamuzi ya haraka, bila kuchelewa.

Siku hiyo iliendelea kwa kupiga stori za kawaida na Sandra huku tukitazama movie kwa pamoja, jioni ikafika naye akaondoka, akaniacha nyumbani peke yangu. Sikuweza kuvumilia hali ya kuwa peke yangu ndani, hivyo ilinibidi nitoke ili kutafuta kampani mpya na kupoteza muda.

Nilitembea mitaa ya Roma nikifanya survey ya maeneo ya huku, hadi nikajikuta nimeingia kwenye Bar ndogo. Niliamua kuchill pale, nikapiga stori na wenyeji wa maeneo haya na kutengeneza marafiki wapya. Bahati nzuri, nilipata marafiki wawili wapya ambao mmoja alikuwa ni mdau tu wa kawaida, akasema huwa anakuja sana Dar, na mwingine alikuwa ni mhudumu wa ile Bar mwenye ukarimu wa hali ya juu.

Story ziliendelea kunoga, dakika zikageuka saa, na kabla sijajua muda, usiku ulikuwa umechelewa sana. Niliporudi nyumbani, nikaingia online na ndipo nikaona Iryn alikuwa amenipigia sana kwa muda nikiwa nje. Nilipoiona hiyo notification, nilijisemea kimoyomoyo, kisha nikapuuza. Nikaamua kulala bila hata kumtafuta.

Asubuhi baada ya kuamka, nilifanya mawasiliano na mzee. Habari kubwa niliyopokea kutoka kwake ni kwamba leo atarejea mjini, na akaomba iwapo itawezekana basi niondoke Jumatatu.

Kwa upande mwingine, siku hiyo pia nilipigiwa simu na wakili wangu. Tulizungumza kwa muda na akanieleza tuonane Jumatano kuendelea na mpango wa ile kesi yetu. Kwa sauti yenye matumaini, aliongeza kwamba ana habari njema ambazo zinaweza kuwa msaada mkubwa kwenye kesi hiyo.

Majira ya saa 10 jioni nilishtuka kutoka usingizini baada ya kusikia mlango ukigongwa kwa taratibu. Niliposogea na kuufungua, alisimama Sandra akiwa na uso wa kawaida lakini wenye ujumbe. Kwa sauti tulivu alinieleza, “Mzee amesema saa 12 jioni twende Golden Peacock Hotel kwa ajili ya dinner ya pamoja.”

Saa zilisogea kwa haraka, na ilipowadia saa 12 tuliondoka kuelekea Golden Peacock Hotel. Ulikuwa ni mwendo wa takribani dakika 30 hadi tunawasili hotelini. Ni moja ya hoteli maarufu na yenye hadhi kubwa hapa Lusaka, Zambia, jengo lake zuri lenye taa za kung’aa na mandhari ya kifahari.

Tulipofika eneo la tukio, tulimkuta mzee tayari ametulia pale akitusubiri. Alikuwa amekaa kwa mtindo wa utulivu, akionekana kama anaandaa mipango yake. Baada ya kuonana, tulisaliminiana kwa heshima na furaha ya kifamilia iliyojawa na ukaribu.

Bila kuchelewa, kila mmoja aliagiza chakula kwa mujibu wa matakwa yake. Meza ikajaa harufu za vyakula vya kimataifa, lakini kilichokuwa na ladha kubwa zaidi siyo chakula, bali mazungumzo yaliyofuatia.

Mzee alianza maongezi kwa kuniuliza hali yangu na maendeleo ya familia yangu. Akionesha upendo kwa mjukuu wake Junior na mama yake, akionyesha shauku ya kufahamu zaidi kuhusu maendeleo yao. Kwa heshima nilimjibu kuwa wako salama, na kwamba kwa sasa wako Arusha kumsalimia dada yangu. Naye nilimgeukia, nikamuuliza habari za maendeleo yake huko Livingstone alikokuwa amekwenda kikazi.

Mazungumzo yaliendelea kuwa ya kifamilia kati yangu na mzee. Sandra, kwa upande wake, alibaki kimya akikaa pembeni yetu kwa utulivu. Macho yake yalizunguka taratibu kutoka kwangu kwenda kwa mzee, kana kwamba alikuwa akijaribu kusoma hisia zetu kimya kimya. Hakuwa na la kuchangia, bali alichagua ukimya, na ukimya wake uliotoa nafasi kwetu kuelekeza mazungumzo kwenye mizizi ya kifamilia bila kuvurugwa na kitu chochote.

Tulipokuwa kwenye meza tukila, mzee alinigeukia na kuniambia jambo ambalo sikulitegemea. Kwa sauti tulivu lakini yenye uzito, alisema hatoweza kurudi nyumbani usiku huo, badala yake atarudi kesho Jumapili. Sababu kubwa, alisema, ni dharura ya kikazi ambayo ilimlazimu kwenda. Akaongeza kwa upole, na kuniomba tena niondoke Jumatatu, ili tukikutana kesho tuweze kukaa chini na kuongea kuhusu jambo langu kwa kina.

Kwa upande wangu, hizo hazikuwa habari njema hata kidogo ukizingatia ratiba zangu zilikuwa ngumu mno. Nilipanga kurudi Dar kesho ili Jumatatu nifike ofisini mapema. Kwanza, Asmah tayari alishanipa taarifa za kuondoka, na mimi bado nilikuwa sijafanya backup plan yoyote ya mtu wa kukaimu nafasi yake. Pili, ofisi ilikuwa inanihitaji kwa haraka sana nilikuwa bado sijatuma ripoti ya mkutano wetu wa Zanzibar kwa mama Janeth. Moyoni nilichukia sana, lakini sikuwa na namna. Nililazimika kukubali tu, maana mimi ndiye niliyekuwa na shida.

Baada ya kumaliza chakula, tuliendelea kunywa vinywaji huku mazungumzo madogo madogo yakiendelea. Ghafla, simu yangu ililia, ilikuwa FaceTime kutoka kwa Iryn. Nilijua wazi siwezi kuzungumza kwa uhuru pale, hivyo nilitoka na kwenda kutafuta sehemu nzuri ya kufanya naye mazungumzo.

Baada ya kukubali FaceTime yake, sura yake ikajitokeza kwenye skrini, macho yake yakiwa na huzuni.

MIMI: “Hello baby.”

MAMA ARIA: “Why didn’t you pick up my calls, Baba Aria?”

MIMI: “Kwahiyo nisipopokea simu zako ndio unadhani sikupendi?”

MAMA ARIA: “I didn’t mean that. You know I was happy to see you and Aria like that. You know your daughter- she is missing you so much.”

MIMI: “I know she’s missing me, nitajitahidi niwe nakuja kumuona kwa wakati.”

MAMA ARIA: “Baby! Upo wapi hapo? Hayo mazingira sio ya nyumbani.”

MIMI: “Tumekuja hotelini na mzee kwa ajili ya dinner.”

Alivuta pumzi na kuitoa kwa haraka kabla ya kusema kwa sauti ya upole;

MAMA ARIA: “Okay… Baby, I want to tell you something.”

MIMI: “What is it?”

MAMA ARIA: “Naomba ruhusa ya kwenda Ethiopia, mama yangu mdogo amefariki.”

Nilisita kwa sekunde chache. Moyoni nilihisi maumivu kwa niaba yake;

MIMI: “Pole sana baby… ila sasa Aria alivyo bado mdogo, safari ni ndefu sana.”

MAMA ARIA: “I know, ndomana nikakupigia tudiscuss hili jambo. Kumbuka wale ni ndugu zangu.”


MIMI: “Najua, na sitaki kukuweka mbali na ndugu zako. Ila kwanini asiende Samantha kukuwakilisha? Halafu uzuri wanajua hali yako, watakuelewa. Aria angekuwa na miezi mitatu hivi sawa, hata wewe ungekuwa umepona vizuri kabisa.”

Alikaa kimya kwa sekunde chache, kisha akasema kwa sauti tulivu zaidi:

MAMA ARIA: “Okay baby, nimekuelewa, ataenda Samantha na Momo.”

Nilihisi kama tumefikia muafaka, lakini ghafla hali ikabadilika. Wakati bado tunaongea, nilisikia sauti ya Sandra ikiniita kutoka nyuma yangu. Alipokuwa akikaribia, Iryn aliisikia wazi na ghafla akakatisha mazungumzo yake akanirushia swali:

MAMA ARIA: “Baby, huyo ni nani anakuita?”

MIMI: “Huyu ni mfanyakazi wa mzee. Unajua ni muda nimekaa naongea na wewe hapa, huenda mzee ananihitaji.”

Sandra alikuwa tayari amefika karibu, na ili kuondoa mashaka zaidi, nilimpa simu amsalimie Iryn moja kwa moja. Kwa heshima, Sandra akafanya hivyo kisha akaniambia kuwa mzee ananiita kwani alikuwa tayari kuondoka.

Nilimuaga Iryn kwa upole, nikampa ahadi ya kumtafuta pindi tu nitakapofika nyumbani ili tuendelee na mazungumzo yetu kwa utulivu zaidi.

Niliporudi mezani, nilimwambia mzee kwamba simu niliyopokea ilikuwa ya ofisini. Nilijua nilikuwa nimetumia muda mrefu sana wa takribani dakika 50 nikiongea na Iryn, na sikutaka aone kama nilikuwa napoteza muda wake. Mzee alinitazama kwa ukimya kisha akasema kwa sauti ya kistaarabu lakini yenye msisitizo, “Mimi sina muda wa kuendelea kukaa hapa. Naondoka sasa, tutaonana kesho nitakapokuwa nimerudi.”

Tulitoka pamoja hadi kwenye parking, na alipofika pale akatoa mfukoni kiasi cha Kwacha 3,500, akanipatia pale huku akisema tunaweza kwenda sehemu kupoteza muda. Baada ya hapo, akaingia kwenye gari la ofisi na kuondoka na dereva wake. Mimi na Sandra tukabaki pale kwa muda tukizungumza kwa sauti ya chini, tukijadiliana wapi tunaweza kwenda kupoteza muda kidogo. Baada ya dakika chache za kushauriana, Sandra akapendekeza twende Qube Night Club, mahali alipoonekana kupafahamu vizuri na akasema kuna vibe nzuri sana usiku wa leo.
*******

Kesho yake, ambayo ilikuwa ni Jumapili, niliamka majira ya saa 6 mchana, uchovu wa jana usiku ulikuwa umenichosha kabisa. Usiku ule ulikuwa wa kipekee sana, tuliburudika kweli, tukacheka, tukanywa, na kudance pamoja. Zaidi ya yote, nilifurahia sana kukutana na marafiki zake wawili wa kike, walikuwa wachangamfu, wenye vibe nzuri, na tulipata connection ya haraka kana kwamba tumekuwa tukifahamiana muda mrefu. Mwisho wa yote, nilijikuta narudi nyumbani saa 8 usiku kulala. Ukweli, hakuna raha kama kuvibe kwenye kiwanja kipya chenye watu wapya na mazingira ya kuvutia.

Kabla ya kufanya chochote, niliingia mtandaoni kumjulia hali Sandra, lakini nikagundua tayari alikuwa amenitafuta tangu saa tatu asubuhi. Nilimtumia ujumbe nikimwambia niko salama, kisha nikaendelea kuangalia ujumbe mwingine uliokuwa umeingia. Wengi walikuwa wamenicheki, akiwemo Iryn, Mary, na wife.

Kwa upande wa wife, alikuwa ananitaarifu kuhusu kurudi nyumbani weekend ijayo. Mary yeye, kama kawaida yake, alikuwa analalamika kwamba sijibu ujumbe wake na kuniuliza kwa msisitizo, ni lini narudi Dar? Niliona isiwe kesi, nikaamua kumpigia simu moja kwa moja ili kupunguza kelele na malalamiko.

Tuliongea kwa utulivu, nikamfafanulia hali halisi kwa upole na uaminifu, na mwishowe akaelewa. Kabla hatujaachana kwenye simu, nilimpa ahadi kwamba tutakutana mara tu nitakapokuwa nimewasili Dar es Salaam, jambo lililomfanya atulie na kunitakia siku njema kwa sauti yenye upole na hisia.

Baada ya hapo, niliingia jikoni kuandaa supu kwani nilihisi njaa kali sana. Wakati supu inachemka, nilikaa kimya nikiwaza mambo mengi kichwani. Baada ya kula, niliamua kuanza kujiandaa kwa safari ya kurudi Dar es Salaam nilijisemea moyoni, “Hata kama ni usiku wa manane, lazima niondoke.” Nilihisi kama muda wangu Zambia ulikuwa umekwishatimia, na sasa kilichobaki ni kumaliza jambo moja muhimu kabla sijaondoka.

Nikiwa nimetulia sebleni, akili yangu ilianza kuzunguka kwenye mawazo mazito kuhusu dada yangu. Nilihisi kuna jambo haliko sawa kwenye familia yetu, jambo ambalo yeye analijua lakini ameamua kulificha kwa muda. Kauli yake ya kuniambia nisubiri miezi sita kabla sijafanya chochote, na kila alipokuwa akisisitiza hivyo nilihisi kuna kitu anajaribu kuniweka mbali nacho kwa makusudi. Nilijikuta nikisema kimoyomoyo,

“Huku Zambia, sidhani kama mzee hana mchepuko au mke mdogo. Kwa muda wote aliokaa huku, ni ngumu sana kama hana mtu pembeni. Ni kama jambo lisilowezekana.”

Hapo ndipo nilianza kupambana na nafsi yangu kuhusu hatua za kuchukua. Niliwaza pale nimwambie mzee kuhusu hili suala langu au nikae kimya? Niliwaza sana nikaona kama nisingemwambia, basi ingekuwa kama safari yangu Zambia imekuwa bure, nimepoteza muda na pesa bila matokeo yoyote. Nilihisi kama ningekuwa sina msimamo wala mpangilio wa kweli wa maisha.

Baada ya mawazo marefu, niliamua kwamba lazima nimwambie mzee. Nilijua muda hauko upande wangu, siku zinakimbia, tayari tuko mwezi wa Agosti na Desemba nilipanga kwenda Ethiopia na Iryn. Nilijua miezi hii minne iliyobaki ingetosha kabisa kuweka mambo sawa na hata mama yangu kufahamu kinachoendelea. Nilifikiri pia hata kama itakuwa ngumu kumfikia mama moja kwa moja, basi ningeweza hata kwenda na Iryn Zambia kumwona mzee uso kwa uso. Niliona huo ndio ungekuwa mwanzo sahihi wa kuweka kila kitu wazi, bila woga, bila kuficha tena.

Mzee alirudi nyumbani majira ya saa moja usiku, akiwa ameambatana na wageni watatu ambao walikuwa wafanyakazi wenzake wa ofisini. Walikaa sebleni wakiendelea na mazungumzo yao ya kikazi huku wakicheka mara kwa mara, hali iliyofanya nyumba ichangamke. Baada ya kama saa moja hivi, wageni wale waliaga na kuondoka, nami nikabaki nikiwaza kama huu ndio ungekuwa muda mzuri wa kuzungumza naye kuhusu mambo yaliyokuwa yananisumbua kichwani.

Mara tu baada ya wageni kuondoka, mzee aliniita tukae wote pale sebleni. Maongezi yetu yalianza kwa kumueleza kuhusu uamuzi wangu wa kuendelea na masomo ya ngazi ya Masters. Alifurahia sana habari hiyo na kunipongeza kwa hatua hiyo muhimu, akiahidi kuwa atanipa ushirikiano na sapoti kamili katika safari yangu ya kitaaluma. Baada ya hapo, alinieleza habari nyingine kubwa kwamba ana mpango wa kuanza ujenzi wa nyumba hivi karibuni. Aliongeza kuwa lengo lake ni kumchukua mama na kuhamia naye Zambia mara baada ya ujenzi kukamilika.

Baada ya mazungumzo yetu ya awali, mzee alinigeukia na kuniuliza kuhusu jambo ambalo nilikuwa nataka kumwambia.

MZEE: “Nakuona kabisa kuna jambo linakusumbua sana, tena kwa muda mrefu. Najua kama lingekuwa dogo ungenieleza hata kwenye simu, lakini mpaka umefika Zambia inaonyesha ni jambo la kweli na serious.”

MIMI: “Ndiyo baba, ni jambo kubwa ndomana umeona nimekuja tuongee ana kwa ana. Wewe ndiye mtu pekee kwa sasa unayeweza kunielewa kwa sababu ulishapitia haya maisha nayopitia sasa.”

MZEE: “Upo sahihi, unajua kipindi kile hatukuwa tunaelewana sana na ulikuwa karibu zaidi na mama yako. Haya ni mambo ya kawaida sana kwa wanaume kuna wakati unakuwa karibu sana na mama, lakini ukianza maisha unaanza kuona umuhimu wa mzee. Hebu niambie ni suala gani unatamani kushare na mimi hapa, na nikuahidi nitakusaidia kwa kadri ya uwezo wangu. Hata kama ni kifedha, nitakusaidia. Usijali.”

MIMI: “Unajua mzee, hili jambo hata mama hajui. Wewe ndiye mtu pekee ninayekueleza kwa sasa, ukiondoa dada yangu.”

Mzee aliketi vizuri, akaweka mwili wake sawa na kuonyesha umakini mkubwa sana wa kunisikiliza.

MZEE: “Go ahead.”

Nilinyamaza kimya kwa muda nikijitafakari. Wasiwasi ulinipanda ghafla, na nafsi yangu ilianza kunikataza kumweleza mzee jambo nililokusudia. Mzee aliendelea kunitazama kwa makini sana, kama anajaribu kusoma mawazo yangu. Palepale nikabadili mawazo bila kuchelewa.

MIMI: “Mzee, mimi nataka kuacha kazi ninayofanya sasa na kujiajiri. Licha ya kwamba wananilipa vizuri, maslahi yangu pia ni mazuri, lakini bado sioni mustakabali wangu kwenye hii kampuni. Nimeona nikushirikishe hili ili unipe mawazo au hatua sahihi za kuchukua kabla sijafanya maamuzi.”

Mzee alinyamaza kwa sekunde kadhaa, kana kwamba hakutegemea kusikia jambo hili kutoka kwangu. Ilionekana kama nimempiga na kitu kizito kisichotarajiwa. Baada ya ukimya mfupi, aliendelea kuongea kwa sauti ya utulivu lakini yenye uzito.

MZEE: “Unajua, ‘Insider’ maamuzi na malengo ya maisha yako yapo mikononi mwako mwenyewe. Mimi kama mzazi jukumu langu ni kukuandalia njia na msingi mzuri wa maisha. Lakini kwa hatua uliyoifikia sasa, una maamuzi ya maisha yako kwa asilimia 100 kwa sababu tayari umeshakuwa mtu mzima.”

MIMI: “Ni kweli baba, upo sahihi.”

MZEE: “Unakumbuka kipindi kile tulipokuwa tukigombana kuhusu ‘combinations’ za kusoma, lakini wewe ukaamua kuchagua masomo ya biashara?”

Baada ya Mzee kuzungumzia maneno haya, wote tulicheka kwa pamoja. Nilijikuta nikizikumbuka zile siku, kipindi ambacho mimi na mzee tulikuwa tukibishana sana juu ya uchaguzi wa masomo. Hata hivyo, leo hii ilikuwa kama kicheko kilichotufanya tuone jinsi siku zilivyoenda na kutengeneza historia mpya ya mazungumzo yetu.

Labda niwape historia fupi kabla sijaendelea.

Kipindi kile nilibahatika kuchaguliwa kwenda kusoma Mzumbe Secondary School kwenye mchepuo wa PCM (Physics, Chemistry, Mathematics). Hata hivyo, sikuwahi kuwa na mapenzi ya kusoma combination hiyo. Nilijua ndani yangu kwamba sikutamani kuwa Daktari, Engineer, wala Mwanasayansi. Ndoto zangu zilikuwa tofauti kabisa, nilitamani kuwa mwana mahesabu na siku zote nilimwambia mama kwamba ndoto yangu kubwa ni kufanya kazi Benki Kuu ya Tanzania (BOT).

Kutokana na msimamo huo, niliamua kupinga uamuzi wa kusoma PCM na nikawaambia wazazi wangu wanitafutie shule nyingine nisome ECA (Economics, Commerce, Accountancy), combination niliyoiamini na kuipenda kutoka moyoni. Mzee hakupendezwa kabisa na uamuzi wangu. Alikerwa sana na upinzani wangu kiasi kwamba alitoa tamko zito, alisema hatanilipia ada kabisa endapo nitabadili combination, na kama sitaki kusoma PCM, basi nibaki nyumbani.

Lakini kutokana na msimamo wangu usioyumba, mama alianza kuchukua hatua kimya kimya. Aliona namna nilivyokuwa na shauku ya kusoma ECA, hivyo akaanza kunitafutia shule nyingine kwa bidii. Safari ya kwanza alienda hadi Kibaha Secondary, lakini hakufanikiwa kupata nafasi. Baada ya juhudi zaidi, kupitia mmoja wa marafiki zake wa muda mrefu, tukapata nafasi Marian Boys Secondary School.

Rafiki huyo wa mama yeye alikuwa ni ‘Sister’ wa Roman Catholic (RC). Sijui ilikuwaje hadi wakaongea haya, lakini mwisho wa siku, Sister huyo ndiye aliyesaidia kufanikisha nafasi yangu Marian. Nakumbuka mama alinipeleka nyumbani kwa Sister huyo ili tuzungumze, na kwa bahati nzuri alinipenda sana tangu siku ya kwanza tulipokutana. Sister alinambia kwamba shule hiyo haina ECA kwa kipindi kile, hivyo ningesoma EGM (Economics, Geography, Mathematics) kwani zote ni michepuo ya biashara, na nilimkubalia bila kupinga.

Kwa kuwa nilikuwa na matokeo mazuri sana ya O’level, Marian walinipokea kwa furaha na wakatuma barua rasmi ya kujiunga na shule pamoja na orodha ya mahitaji. Walisema nichangamkie nafasi hiyo mapema kwa sababu walihitaji niripoti haraka sana maana masomo yameanza.

Kwa ufupi, mama ndiye aliyenihangaikia hadi nikaenda Marian Boys. Yeye ndiye aliyekuwa akinilipia ada za shule kwa sababu mzee aligoma kabisa. Kitendo hiki kiliniumiza sana na hata nikaanza kumchukia mzee, nikiwa naona kama hajali ndoto zangu. Kama ulikuwa umefuatilia simulizi tangu awali, utagundua dada yangu mara kwa mara amekuwa akisema kwamba mimi na mzee hatujawahi kuwa na bond nzuri.

Tuendelee…

Baada ya maongezi yetu kukatishwa na vicheko pale sebuleni, mzee aliendelea kuongea:

MZEE: “……umeona sasa, mimi nilitamani sana wewe uje kuwa Engineer kama mimi, lakini wewe ulikuwa na ndoto zako. Mimi kwa sasa umri umeenda, suala la kujiajiri hili somo limenipita maana umri umeenda tayari. Lakini kwa umri wako wewe ni sahihi, kwani bado upo kwenye kipindi cha Trial & Error. Umri wako unakuruhusu kufanya maamuzi makubwa na kujaribu vitu vipya.”

MIMI: “Ni kweli mzee, upo sahihi. Sasa ushauri wako ni nini juu ya hili suala?”

MZEE: “Kama ofisi inakulipa vizuri, usiache kwanza kazi. Subiri hadi uone biashara zako zimesimama vizuri, ndipo uamue kuacha. Ila hakikisha unakuwa very calculated kwa kila hatua unayoifanya. Labda nikuulize, ni umeplan nini kwenye hili jambo? Unataka kuendeleza biashara ulizoanza au una mpango wa kuanzisha nyingine tena?”

MIMI: “Nina mpango wa kuendeleza biashara nilizoanza na pia kuanzisha nyingine mpya, hasa kule Dar es Salaam. Kwa upande wa Dodoma, namshukuru Mungu mambo yanaenda vizuri kwa sasa.”

MZEE: “Ni jambo zuri sana. Mimi kama baba nikushauri hivi, kama ofisi bado haikubani, basi usiache kazi. Tumia mshahara wako kusaidia mambo ya msingi kama familia na mahitaji yako binafsi, kisha hela ya biashara ibaki huko huko kukuza na kupanua miradi yako. Usichanganye fedha za matumizi na za uwekezaji, hiyo ndiyo siri ya kuendelea.”

Tulizungumza mambo mengi sana na mzee, na ushauri wake ulikuwa wa thamani kubwa sana. Mazungumzo yetu yalichukua takribani masaa mawili, tukiingia kwa undani kwenye mipango, hatari, na namna bora ya kusimamia biashara. Nilihisi kama nilikuwa nikizungumza na rafiki zaidi ya baba, kwa namna alivyokuwa mkweli na wazi.

Baada ya muda, tulihamisha mazungumzo yetu kwenye mada zingine za kawaida. Mzee alisisitiza tena kuwa ataendelea na mpango wake wa kuanza ujenzi wa nyumba hivi karibuni, ili mama na wadogo waweze kuhamia Zambia mara mambo yatakapotengemaa.

Niliona wazi kuwa alikuwa amechoka baada ya maongezi marefu. Aliniambia anaenda kulala mapema ili kesho yake aamke alfajiri kwa safari ya kwenda Zimbabwe. Nilimwangalia akiondoka taratibu kuelekea chumbani, nikabaki nikitafakari maneno yake maneno ambayo yaligusa moyo wangu na kubaki kichwani kwangu kama dira ya maamuzi yangu yajayo.
****

Jumatatu ilikuwa siku ya safari yangu ya kurudi Dar es Salaam. Asubuhi haikuwa rahisi kupata ndege, hivyo nililazimika kusubiri hadi mchana ambapo nilipata tiketi ya Air Tanzania. Kabla ya mzee kuondoka, tulikaa kwa mazungumzo mafupi ya kuagana. Alitoa noti za Kwacha 5,000 akanipa kwaajili ya safari, kisha akaondoka.

Baada ya mzee kuondoka, nilibaki nikijilaumu sana kwa kushindwa kumueleza kuhusu suala langu na Iryn. Nilihisi kama nilipoteza nafasi muhimu sana, na kwa kweli nilijiona mjinga. Hata hivyo, nilijaribu kujituliza, nikaendelea kujiandaa kwa safari yangu ya mchana.

Nilikaa sebleni na laptop yangu, nikiandaa mipango yangu kwa umakini. Wakati huo Sandra alikuwa ameshafika, na kama kawaida yake, alikuwa akitupa utani wa hapa na pale kila alipopita pale sebleni, jambo lililopunguza ukimya uliokuwepo mle ndani.

Nikiendelea na mambo yangu pale seblen ghafla simu yangu ilianza kuita. Nilipoangalia jina lililokuwa linaonekana kwenye skrini, moyo wangu ulipiga kwa kasi, alikuwa ni Mzee Juma. Nilihisi ganzi ghafla, nikiwa sijui chakuongea naye na nilikuwa njiapanda kuipokea ama kutoipokea ile simu.

Baada ya sekunde chache za kusita, niliamua kupokea ile simu. Kwa mshangao mkubwa, mazungumzo yetu yalienda vizuri kabisa. Mzee Juma alikuwa mtulivu, mwenye sauti ya furaha, aliniambia kuwa amerejea kutoka safari na angependa sana tukutane kwa maongezi mapema iwezekanavyo. Nilishangazwa kuona hakuchukizwa na ukimya wangu wa muda mrefu, ukweli nilihisi faraja kubwa moyoni.

Mchana mapema kabisa, mimi na Sandra tuliondoka kuelekea uwanja wa ndege kwa ajili ya safari yangu ya kurudi Dar es Salaam. Safari yetu ilikuwa tulivu, tukiwa tunabadilishana maneno ya kawaida huku kila mmoja akiwa na mawazo yake. Nilihisi Sandra alijaribu kuficha huzuni yake ya kuagana, japokuwa alijaribu kuficha kwa utani wake wa kawaida.

Sandra alikuwa tayari kama ndugu kwangu na niliona sinabudi kumuweka kwenye circle yangu kwani anaweza kuwa msaada kwangu hapo baadae. Nilimpa ahadi ya kumtumia ticketi ya ndege hivi karibuni ili aje kutembea Dar es Salaam, na baada ya kusikia haya maneno aliishia kufurahi.

Niliingia kwenye ndege saa tisa kamili mchana, na kila dakika ya safari hiyo nilitumia kutafakari mambo mengi yaliyopita siku chache zilizokuwa zimepita. Nilijiuliza kama nitapata nafasi tena ya kuzungumza kwa kina na Mzee kuhusu mambo yote ambayo nilishindwa kumwambia.

Safari ilikuwa tulivu, na nilifika JNIA majira ya saa kumi na mbili jioni, na nilichukua Uber moja kwa moja kuelekea nyumbani. Habari njema ni kwamba nilipofika nilimkuta mgeni ambaye ni mdogo wangu kutoka mkoani, aliyekuja kunitembelea kaka yake. Alikuwa akisubiri nafasi za chuo ili ajiunge na masomo ya elimu ya juu. Kwa kuwa alifika nyumbani kipindi nikiwa kikazi Zanzibar, ilinipa faraja kubwa kuona Elena akiwa na kampani, hasa kwa kuwa wote ni wa kike.
*****

Asubuhi ya saa tatu niliondoka nyumbani kuelekea ofisini. Ilikuwa ni siku yenye ratiba nyingi, na nilitaka kuhakikisha kila kitu kinaenda sawa kulingana na mpango. Nilianza kwa kupita kwa Sumaiya ili kuchukua funguo zangu za gari na kujadili naye baadhi ya masuala muhimu ya kiofisi.

Tulizungumza kwa muda kuhusu maendeleo ya ofisi tangu aliporejea kutoka Zanzibar. Nilimwuliza kama tayari alikuwa ametuma ripoti kwa mama, lakini akaniambia hakuweza kufanya hivyo bila ridhaa yangu. Aliongeza pia kuwa mama alikuwa amesafiri, na alituma ujumbe kupitia barua pepe.

Sikutaka kupoteza muda zaidi, hivyo niliaga haraka na kuelekea moja kwa moja ofisini. Nilipofika, mtu wa kwanza kukutana naye alikuwa Lucy. Alinikumbatia kwa nguvu, akionekana mwenye furaha kubwa kuniona tena. Tulibadilishana maneno machache ya salamu, na kama kawaida yake, Lucy hakuweza kujizuia kuniuliza kuhusu maendeleo ya Iryn na mtoto. Tulizungumza kwa muda mfupi, kisha tukaingia ndani ya ofisi.

Ndani ya ofisi nilimkuta Hilda. Nilimsalimia kwa heshima kama kawaida, lakini alijibu kwa sauti ya chini sana tena ile ya kujilazimisha. Nilijua mara moja kuwa hakuwa sawa, hivyo sikuwa na muda wa kujiuliza sana, kwani nilifahamu chanzo cha hali yake. Hilda bado alikuwa hajapona kisaikolojia tangu alipokutana na Ghati kule Zanzibar.

Niliendelea kuwa bize na shughuli zangu za kazini, huku kwa upande mwingine nikipiga stori na Lucy mara kwa mara. Tulikuwa tunacheka na kubadilishana mawazo kuhusu mambo mbalimbali ya kazini na maisha kwa ujumla. Ilipofika saa nane mchana, kabla ya kutoka kwenda kula chakula cha mchana, Lucy alimpigia simu Hilda ili tuondoke wote kama ilivyo kawaida yetu.

Lakini kwa mshangao, Hilda alijibu ametoka lunch na Nollie tayari. Lucy alimind sana baada ya kusikia hizi kauli kutoka kwa Hilda;

LUCY: “Mpenzi, si huwa tunatoka wote kula? Kulikoni leo umetukataa?”

HILDA: “Camon Lucy, I was hungry, na niliona mko very busy. Sikupenda kuwatoa kwenye reli.”

LUCY: “Okay, enjoy.”

Baada ya mazungumzo hayo mafupi, Lucy alibaki ameduwaa. Alishangaa sana kwa sababu sisi huwa tunatoka pamoja kila siku kwenda kula chakula cha mchana. Tabia hii ya Hilda kuondoka peke yake bila kutuambia ilimtia mashaka sana, na mara moja akaniangalia kwa macho ya kuuliza maswali.

LUCY: “Bossy, something kinaendelea kati yako na Hilda. Nimegundua tangu arudi kutoka Zanzibar hayuko sawa kabisa. Na leo, jinsi alivyojibu simu, nimeona kabisa amevurugwa.”

MIMI: “Unataka kusema nini Lucy?”

LUCY: “Ni nini kinaendelea kati yenu wawili? Mmegombana? Sijawazoea ninyi kuwa hivi, hasa wewe na Hilda.”

MIMI: “Sijui kabisa, Lucy. Mbona tuliondoka vizuri tu kule Zanzibar. Labda kuna mambo yake binafsi yanamsumbua.”

LUCY: “Basi tuachane na haya mambo, twende tukale. Nime-miss mishikaki ya Pantaleo.”

Tulicheka kidogo na kuamua kuondoka kuelekea Pantaleo kwa ajili ya chakula cha mchana. Wakati tukiwa njiani, nilimtumia ujumbe Asmah, nikimwambia niko maeneo hayo ili tuweze kuzungumza kuhusu hatima yake kazini. Asmah alikuwa anamalizia kuweka mambo yake sawa ofisini kabla hajakabidhi ofisi kwa Iryn.

Baada ya kuwasili Pantaleo, tuliagiza chakula na kuendelea na mazungumzo mepesi na Lucy. Wakati tukisubiri huduma, tulianza kuzungumzia kuhusu mahusiano yake na Bob ni mada ambayo mara nyingi ilimfanya acheke, lakini leo alionekana na mawazo.

Lucy alikiri kwa uwazi kwamba anampenda sana Bob, lakini tatizo kubwa lililokuwa likiwatofautisha ni Bob kutaka “tunda” mapema kabla hawajafahamiana vizuri. Alisema hali hiyo inamchanganya sana kwa sababu anahisi Bob anamhimiza kwa presha zisizo za lazima.

Nilimwangalia kwa utulivu kisha nikamshauri kwa sauti ya upole,

“Lucy, kama kweli unampenda Bob, basi hakikisha unampa kile anachotaka si kwa kulazimishwa, bali kama uamuzi wako binafsi. Kwa sababu ukweli ni kwamba kumpa au kutokumpa hakumpi mtu guarantee ya ndoa. Kinachojenga uhusiano ni maelewano na uaminifu, hata ukimzungusha sana siku utakayompa anaweza kukuacha pia.”

Niliongeza kumwambia kuwa kwa mtindo anaoutumia, anaweza kujikuta akipoteza wanaume wengi wazuri, kwani siku hizi ni wachache sana wanaoweza kuvumilia bila kupata tunda. Nilimsihi akae na Bob waongee kwa uwazi, wamalize tofauti zao, na kama wanapendana kweli, waendelee na safari yao kwa amani.

Lakini Lucy alitikisa kichwa, akisema kwa msisitizo,

“Mimi siwezi kumpa mtu kitu ambacho siko tayari kwa moyo wangu. Ni bora niendelee kuwa single. Naamini ipo siku nitakutana na mwanaume ambaye ataniweza kunielewa hivyo hivyo.”

“Unakumbuka kipindi unanishauri kuhusu Iryn?”

“Yeah nakumbuka, lakini hizi ni case mbili tofauti Insider. Labda naomba nikuulize hili swali, ulinambia umetoka mbali na Mama Junior, ilichukua muda gani kupewa tunda?”

“Kama miezi 10 hivi, ambayo sio mbali na muda ambao umekaa kwenye mahusiano na Bob.”

“Mimi na Bob hata miezi 6 hatujafika,…”

Nilimkatisha pale;

“Mama J alikuwa na sababu ya kuninyima kwa muda mrefu huo. Mwenzako alikuwa bikra na kweli nilimkuta na hali hiyo, wewe je?. Uwe na sababu ya kufanya hivo, otherwise ni utapeli tu.”

“Insider furaha yako mimi niliwe na niachwe sindio?”

Tulibaki kimya kwa muda, kila mmoja akiwa na mawazo yake. Dakika chache baadaye, mazungumzo yetu yalikatishwa ghafla baada ya kumuona Asmah akielekea upande wetu. Alipofika kwenye meza yetu, alitabasamu na kutusalimia kwa upole, kisha akaketi chini taratibu.

Asmah hakuonekana kufurahishwa na uwepo wa Lucy pale mezani. Mara tu baada ya kukaa, anitumia ujumbe mfupi kweye simu;

“What is she doing here?”

Nilireply haraka,


“Just for lunch, you don’t like her being here?

Akanirudishia ujumbe mwingine;

“I hate her, she is Iryn’s informant. I don’t feel comfortable around her.”

“Cool, tukila tunaondoka, tukaongelee ofisini kwako.”

“Alright.”

Baada ya kumaliza chakula cha mchana, niliagana na Lucy kisha nikaondoka na Asmah kuelekea ofisini kwake kwa ajili ya mazungumzo muhimu. Tulipofika, tulikaa kwa utulivu na kuanza kujadili masuala ya kazi. Mada kuu ilikuwa kuhusu stahiki zake zote kama malipo ya mafao, bonasi zote za nyuma.

Kwa upande wangu, nilimhakikishia kwamba hakuna tatizo, na kufikia ijumaa ningeweza kumaliza kuandaa hesabu zote za malipo yake. Nilimkumbusha pia kuwa taasisi ina utaratibu wake wa ndani, na kwa mujibu wa taarifa kutoka kwa Iryn, mwezi huu angepatiwa mishahara mitatu.

Asmah aliniambia ana mpango wa kuondoka Tanzania mwishoni mwa mwezi huu kuelekea Qatar, ambako ataanza ukurasa mpya wa maisha yake ya kimasomo. Alisisitiza kwamba tutaendelea kuwasiliana, na kila atakapokuwa likizo, atakuwa akirudi Tanzania.

Kwa upande wangu, taarifa hizo hazikunipa hisia nzuri. Nilihisi kama pengo kubwa lilikuwa linakuja, kwani nilitamani sana kuona Asmah akiendelea kubaki karibu na timu. Nilimwambia kabla ya safari yake, ni vyema tukakutana tena kwa mazungumzo ya mwisho ili kuagana tena. Alikubali kwa kichwa huku akitabasamu kidogo, kisha akasema, “Hakuna shida, tutapanga muda mzuri.”

Baada ya mazungumzo hayo, nilimuaga kwa utulivu, nikarudi ofisini kuchukua gari langu.

Baada ya kurudi ofisini, nilikaa mezani nikapitia ripoti zote nilizokuwa nazo, ikiwemo ile ya Sumaiya. Nilihakikisha kila kitu kiko sawa, nikafanya marekebisho madogo kisha nikaiforward kwa Hilda ili aipitie kabla sijaituma rasmi. Nilimwamini Hilda kwa umakini wake katika masuala ya ripoti, ingawa siku hiyo alionekana tofauti kabisa.

Alikuwa amejikita kwenye laptop yake, akifanya kazi kimya kimya bila mazungumzo yoyote kati yetu. Nilikaa kwa muda nikimwangalia, hatimaye niliamua kuvunja ukimya.

MIMI: “Hilda… nimekutumia ripoti ya Zanzibar, tafadhali ipitie uone kama ipo sawa. Ukishamaliza, utamtumia mama, Iryn, na pia usimsahau Sumaiya.”

Hilda alinyanyua macho kidogo, akatingisha kichwa bila kusema chochote, kisha akaendelea na kazi yake. Nilikaa kimya kwa sekunde chache, nikahisi ni lazima niongee zaidi.

MIMI: “Are you okay?”

HILDA: “Niko poa, Bossy.”

MIMI: “Hapana, Hilda. Tangu tulipotoka Zanzibar hujawa sawa. Embu niambie mummy, nini kinakusumbua? Sijazoea kukuona hivi.”

HILDA: “Am okay! Wewe tu wasiwasi wako.”

MIMI: “Of course nina wasiwasi, kwa sababu naona umenichunia bila sababu. Sasa, this weekend tutakuwa na kikao chetu, naomba nikuachie jukumu la kuandaa venue na gharama zote. Tutajadili details kesho.”

HILDA: “Sawa, haina shida.”

Alijibu kwa sauti ya chini, huku macho yake yakiwa bado yameegemea kwenye skrini ya laptop. Nilijaribu kutabasamu, ingawa moyoni nilijua wazi kila kitu kinachomsumbua. Sikutaka kumlazimisha azungumze, nikaamua kuendelea na kazi zangu nikisubiri muda wa kuondoka.

Niliondoka ofisini moja kwa moja kuelekea Mikocheni kuonana na Mzee Juma. Wakati naendesha gari, akili yangu ilikuwa inawaza namna bora ya kumueleza Mzee mambo yangu na kuhakikisha ananielewa, hasa ikizingatiwa nilikuwa sijawahi kupatikana kwa simu kwa muda mrefu. Nilihisi kama nitahitaji kuwa na maelezo yenye mantiki ili kuondoa mashaka yoyote.

Nikiwa bado njiani, nikipita maeneo ya karibu na Ubalozi wa Marekani, Ghati alipiga simu na nilipokea kwa haraka, na baada ya mazungumzo mafupi nilimwambia kuwa nimerudi tayari mjini, na kwamba baadae nitapita kwake jioni. Ghati alionekana kufurahi sana kusikia habari hizi. Aliniuliza ningependa kula nini usiku ule, nikamwambia tu, anipikie chochote kizuri tu, kwani naijua mikono yake. Alipiga kicheko kidogo, kisha akasema sawa na atanisubiri.

Baada ya muda mfupi nikafika nyumbani kwa Mzee. Nilipokuwa nakaribia geti, ndipo nikakumbuka nilikuwa nimetembea na gari ya Benz. Nikatabasamu kidogo nikajisemea, “Potelea mbali, kama atauliza, nitamwambia ni gari ya boss wangu.”

Baada ya kutoka ndani ya gari, nilimkuta Mrs. Juma amekaa barazani nje, akiwa kwenye mazungumzo ya simu. Nilimsalimia kwa heshima, naye akanikaribisha ndani kwa upole. Nilipoingia sebleni, nilimkuta Mzee Juma ameketi kwenye kochi, macho yake yakiwa yameelekezwa kwenye runinga.

Alipoona nimeingia, alinyanyua uso wake, akatabasamu kisha akasema kwa sauti ya ukarimu,

MZEE: “Kijana wangu Insider, karibu sana.”

Nilisogea karibu, nikamshika mkono kwa heshima na nikaketi upande wake.

MIMI: “Asante sana, Mzee wangu. Pole na safari. Ni muda mrefu sana hatujaonana.”

MZEE: “Ni kweli kabisa. Nimekuwa nikipiga sana simu zako, lakini hazipatikani. Hata hivyo, Jane alinipa taarifa zako, akanieleza mambo yanavyoendelea.”

MIMI: “Ni kweli, Mzee. Baada ya kurudi, niliambiwa ulikuwa safarini, hivyo nikasubiri urudi ndipo nije kukuona.”

MZEE: “Vizuri sana, sasa hebu niambie, vipi kuhusu ule mpango wetu wa kwenda shule? Bado unaendelea nao au umeahirisha tena?”

MIMI: “Mpango bado upo pale pale, nimefanya maombi kwenye vyuo kadhaa, na sasa nasubiri majibu yao.”

MZEE: “Very good! Ulishaandaa ile bajeti tuliyokubaliana siku ile?”

MIMI: “Ndiyo, Mzee, ipo tayari kabisa.”

Mzee alitabasamu kidogo huku akitikisa kichwa kwa kuridhika. Aliweka rimoti mezani, akakunja mikono yake kifuani na kuniangalia kwa makini kama alikuwa anajaribu kusoma mawazo yangu kabla ya kusema kitu kingine.

Bila kuchelewa, nilitoa ile hesabu kutoka kwenye bahasha na kumpatia mzee pale alipokuwa amekaa. Aliipokea kwa utulivu na akaanza kuipitia taratibu, akifuatilia kila kipengele kwa makini. Kulitanda ukimya kwa dakika chache, kisha akaondoa miwani yake taratibu na kuniangalia moja kwa moja.

MZEE: “Hujajaza sehemu ya ada.”

MIMI: “Hapo nimeacha nafasi wazi, mzee. Itategemea na chuo nitakachopata, maana ada zinatofautiana.”

MZEE: “Vizuri sasa sikiliza, nataka usome kwa bidii na upate ufaulu mzuri. Kipindi chote cha masomo yako, mimi nitalipa ada zote pamoja na gharama nyingine zote zinazohusiana na shule. Nitalipa kodi ya nyumba, chakula, na mafuta ya gari ya kukusafirisha kwenda shuleni. Naelewa ugumu wa maisha na gharama za elimu, ndiyo maana nafanya hivi, sitaki uingie kwenye mawazo. Mshahara unaoupata utumie kwenye maendeleo yako na familia yako kwa ujumla. Ila mambo ya shule, mimi nitayasimamia hadi utakapomaliza masomo yako.”

MIMI: “Nashukuru sana mzee, ahadi yako hii ni kubwa sana kwangu. Siwezi kukuangusha hata kidogo.”

MZEE: “Hili ni urithi wa marehemu Pama kwako, kutokana na uaminifu wako kwake. Alitamani sana kukuona unafanikiwa na kufika mbali kimaisha, ndiyo maana aliniagiza nisimamie jambo hili. Pia, kuna zawadi ya laptop nimekuletia kwa ajili ya masomo yako…”

Baada ya kusema hivyo, mzee aligeuka na kumuita binti yake Cami kwa sauti ya juu.

Dakika chache baadaye, Cami aliitika huku akija kwa kasi hadi sebuleni.

CAMI: “Yes, Daddy... I’m here.”

MZEE: “Hivi mmeonana na Insider?”

CAMI: “Nope, ndiyo naumuona sasa hivi.”

MZEE: “Kwanini humsalimii basi?”

CAMI: “Daddy, calm down. Umeniwahi tu ila huyu nina kesi naye nyingi tu, usiwe na wasiwasi. Ukimalizana naye, nitaanza naye tena upya.”

MZEE: “Sawa, sitaki kuingilia mambo yenu. Sasa juzi nilirudi na laptop mbili chukua yoyote moja, niletee hapa haraka.”

CAMI: “Sawa, Daddy.”

Haikupita hata dakika tatu, Cami alirudi akiwa ameshika boksi jeupe mkononi. Alipofika, mzee alimnyoshea mkono akimpa ishara anikabidhi. Bila kusita, Cami alikuja moja kwa moja pale nilipokuwa nimekaa na kunipatia boksi hilo kwa utulivu. Mara baada ya kulipokea, alinipiga ngumi ya bega kwa utani kisha akakimbia kwa spidi huku akicheka kwa kejeli.

MIMI: “Ahsante sana mzee kwa zawadi hii. Mungu akubariki sana.”

MZEE: “Ahsante. Sasa, kuhusu laptop tumemalizana. Ila nimeshangaa kuona kwenye orodha ya mahitaji yako ya shule hukuliweka jambo hilo.”

Nilinyamaza kimya, ukweli ni kwamba, suala la laptop halikuwa akilini mwangu kabisa. Tayari nilikuwa na MacBook Air mpya kabisa zawadi niliyopewa na Iryn. Ndiyo maana, nilipoandaa orodha ya mahitaji, sikuweza kuliandika.

Baada ya muda mfupi, mzee aliniambia nikishapata chuo nitakachosoma nimjulishe mara moja. Alinipongeza tena kwa juhudi zangu, kisha akaaga akielekea kupumzika chumbani kwake.

Nilibaki sebuleni peke yangu, nikimsubiri Cami arudi. Wakati huo, nilianza kuikagua vizuri ile laptop. Mbele kabisa ya box palisomeka HP, na pembeni kidogo kulikuwa na maandishi yenye kung’aa yakisomeka ‘SPECTRE’. Nilitokea kuvutiwa na hii laptop kabla hata sijaiona ndani, nilihisi itakuwa ni laptop nzuri sana.

Nilipokuwa bado nikiikagua ile laptop kwa nje, ghafla nikasikia hatua zikikaribia. Cami alirudi tena, safari hii akiwa ametulia zaidi. Aliketi pembeni yangu na, kama kawaida yake, akaanza utani.

CAMI: “Naona watu mko serious na shule sasa, eeh?”

MIMI: “Ngumi uliyonipiga imeniumiza sana. Ni vile tu upo kwenu, lakini nitakulipizia siku moja.”

CAMI: “Hahaha! Acha basi. Lakini kweli, umebadilika sana, Insider.”

MIMI: “Nimekuaje tena?”

CAMI: “Umenenepa kidogo, umependeza na unang’aa sana. Eeh! na ile Benz nje ni yako?”

MIMI: “Wewe unaona mimi nina uwezo wa kumiliki Benz? Acha matusi, Cami.”

CAMI: “Hahaha sawa basi, ila kweli nilikumiss na nimefurahi kukuona leo.”

Mazungumzo yetu yaliendelea kwa utulivu. Tulizungumzia ujenzi unaoendelea Kunduchi, na Cami alinihakikishia kuwa mambo yote yanaenda vizuri. Alisema mafundi wanafanya kazi kwa kasi, na kila kitu kipo sawa. Baadaye, mazungumzo yakageukia kwa Mary. Cami alinitania kwamba ana uhakika mimi na Mary tuko kwenye mahusiano, ingawa nilijitahidi kukanusha kwa nguvu zote.

Ilipofika saa kumi na mbili jioni, niliaga pale kwa Mzee Juma na kuanza safari ya kuelekea Mbweni, nyumbani kwa Ghati. Nilipitia kwanza Shoppers supermarket ili kununua mahitaji muhimu ya nyumbani pamoja na mahitaji ya kupeleka kwa Ghati.

Baada ya hapo, nilianza kwanza kupitia nyumbani Mbezi Beach. Nilitumia kama nusu saa pale home sana, kisha nikaaga nikidai nimepata dharura ya kikazi. Nilifanya hivyo kwa makusudi, kwani nilijua fika kuwa wife angeanza kunichunguza kupitia Elena. Nilihitaji kuwa makini sana kwa hili.

Nikiwa njiani kuelekea Mbweni, nilimpigia simu Jane na nilimpa taarifa ya mimi kurudi Dar na mazungumzo yetu yalikuwa marefu kidogo, yakijaa utulivu na ucheshi wa kawaida. Nilimweleza kuhusu kikao changu na Mzee Juma, jinsi mazungumzo yalivyokuwa marefu hadi muhafaka tuliofikia. Jane alifurahi sana kusikia habari hizi na alisema anapenda kuona mambo yangu yanaenda vizuri. Jane aliniambia hayupo dukani kwa muda huo, bali yuko nyumbani ametulia na ana wageni. Nilimwahidi kuwa tutakutana kesho asubuhi ili tuzungumze kwa utulivu zaidi.

Baada ya mwendo wa takribani dakika thelathini, nilifika nyumbani kwa Ghati. Alitoka mwenyewe kufungua geti, tabasamu lake likiwaka usoni kama kawaida. Nilipaki gari, nikatoa mazaga yote pamoja na vitu nilivyomnunulia. Nikampa vile vya kwake, kisha nikachukua zawadi yangu ya laptop nikienda nayo ndani.

Tulipoingia ndani, tulianza mazungumzo ya kawaida kuhusu safari yangu, maendeleo yangu kwa ujumla. Baada ya hapo nilimuuliza kuhusu maendeleo ya afya ya mama yake pamoja na mtoto. Baada ya hapo tuliendelea na story zingine na alikuwa akinisikiliza kwa makini, akiuliza kwa upole huku sura yake ikiwa imejaa furaha.

Baada ya mazungumzo mafupi, aliniambia anaenda jikoni kuendelea kuandaa chakula cha jioni. Tulikuwa wawili tu ndani ya nyumba. Nilijiachia pale sebuleni utadhani baba mwenye nyumba, nimekaa kwenye sofa kubwa la rangi ya maziwa lililopambwa kwa mito mizuri.

Wakati Ghati akiwa jikoni akiandaa chakula, mimi nilibaki sebuleni nikiichezea laptop yangu mpya. Ukweli ni kwamba nilijikuta naipenda mara moja kwa umbo lake zuri, muundo wake wa kisasa, na rangi yake ya dark blue vilinivutia mno. Nilijiambia kimoyomoyo, “Hii sasa ndiyo itakuwa mashine yangu ya kazi binafsi na masomo.” Kuhusu ile MacBook, nilipanga kuiacha kwa matumizi ya ofisini pekee ili nisichanganye mambo ya kazi na ya binafsi.

Wakati nikiendelea kuikagua laptop yangu mpya, simu yangu ilianza kuita kupitia WhatsApp video call. Namba iliyokuwa ikiita ilikuwa mpya, ikionyesha country code ya +966.... nilijiuliza pale who’s this?.

Bila kusita, nilipokea, mara skrini ilipofunguka, nilishtuka kumuona ni Muajemi. Tulitabasamu kwa mshangao na kuanza kusalimiana kwa furaha, kila mmoja akifurahia kumuona mwenzake tena baada ya muda mrefu. Mazungumzo yetu yakaanza kwa utulivu, tukiulizana hali na maisha kwa ujumla.

Habari kubwa aliyonipa ilikuwa kwamba anatarajia kuja Dar es Salaam hivi karibuni, na lengo lake ni kuniona ili tuzungumze ana kwa ana. Nilifurahi kusikia hivyo, kwani ilikuwa muda mrefu sana umepita tangu tuwasiliane na kuonana. Kabla ya kuagana Muajemi aliomba namba ya simu ya Iryn ambayo inapatikana, na mimi bila kinyongo nilimpa sikutaka kuwa mchoyo.

Baada ya mazungumzo mafupi na Muajemi nilikuwa nikitafakari juu yake na nilikuwa navuta picha ya mazungumzo yetu ya mwisho tulipokutana Holiday Inn, Posta. Wakati huo, aliniambia ana mpango wa kuchukua familia yake na kuhamia nao Dubai. Tangu siku hiyo, mawasiliano yetu yakakatika kabisa hadi leo hii aliponipigia.

Baada ya takribani saa moja kupita, simu yangu ilianza kuita tena na safari hii ilikuwa ni Iryn. Wakati huo tulikuwa dining tukila pamoja na Ghati. Bila kusita, niliipokea.

IRYN: “Baby…”

MIMI: “Yes, mummy. Unaendeleaje na mtoto?”

IRYN: “Kwanini unagawa namba yangu ya simu?.”

Iryn alikuwa mkali sana, na mimi nilikuwa nimesahau kama nimegawa namba yake kwa Muajemi.

MIMI: “What are you talking about?”

IRYN: “I’m talking about Muajemi. Didn’t you tell him? Kwanini unampa namba yangu? Hivi kweli unanipenda Baba Aria.”

Mara tu alipotaja jina Muajemi, nilishtuka ukizingatia nimetoka ongea naye saa moja iliyopita. Niliweka kijiko chini taratibu, nikanyanyuka kutoka mezani bila kusema neno lolote, na kuelekea nje. Nilisimama kwenye balcony, upepo wa usiku ukipuliza kwa upole huku nikibana simu sikioni.


MIMI: “Sikuwa na sababu ya kum…..”

Alinikatisha, na kwa haraka akasema,

IRYN: “Cheki your inbox.”

Palepale nilifungua inbox yangu. Nilipofungua ujumbe, nilipigwa na butwaa kuona Iryn alikuwa amemtumia Muajemi picha ya Birth Certificate ya Aria, na sehemu ya jina langu ilikuwa highlighted na rangi ya njano.
 
SEASON 3

CHAPTER 09

CONTINUE:

Palepale nilifungua inbox yangu, moyo ukidunda kwa wasiwasi. Nilipigwa na butwaa kuona Iryn alikuwa amemtumia Muajemi picha ya Birth Certificate ya Aria na sehemu ya jina langu ilikuwa imewekwa highlight kwa rangi ya njano. Nilihisi miguu ikikosa nguvu muda huu hata sikuelewa kabisa ni kwa nini Iryn alichukua uamuzi mgumu kama ule.

MIMI: “Baby, sasa kwa nini umefanya hivi?”

IRYN: “Naomba unyamaze! Wewe ndo umeyataka haya. Nimeamua kumwambia ukweli kwamba wewe ndo baba wa mtoto wangu. Kuhusu mengine utajua mwenyewe wewe na rafiki yako.”

Alikata simu ghafla, akiniacha kwenye hali ya sintofahamu. Kufikia hapo, nilijua wazi kuwa Muajemi alikuwa ameshaelewa kila kitu, hakukuwa tena na siri kati yetu. Nilianza kuwaza, Muajemi ataniona mimi ni msaliti. Alikuwa anahangaika kumpata Iryn hadi kutumia pesa zake mwenyewe, kumbe mimi ndiye nilikuwa nyuma ya pazia nikimzunguka kwa siri.

Nikiwa bado nimesimama kibarazani nikijaribu kutafakari, Ghati alikuja taratibu kuniuliza kama kila kitu kiko sawa. Nilimwangalia, nikavuta pumzi ndefu kisha nikamjibu, Ni masuala tu ya kifamilia. Nikaamua kuingia ndani kuendelea kula chakula nilichokuwa nimeacha mezani.

Baada ya kula, nilihamia sebleni kukaa, Ghati aliniaga anaenda bafuni kuoga. Nilipokuwa nimekaa pale kimya, akili yangu ilianza kuchambua maisha ya mwanamke huyu na Nilijiuliza maswali mengi sana muda huu.

Kwanza, apartment yake ilikuwa ya kifahari yenye vyumba viwili, safi, na mpangilio wa hali ya juu na ipo karibu kabisa na barabara ya lami. Eneo lile kwa kweli wanaishi watu wakubwa sana hasa madoni na watu wenye pesa.

Lakini kilichonishangaza zaidi siyo tu nyumba yenyewe, bali maisha yake kwa ujumla. Ndani, kila kitu alichomiliki kilikuwa cha thamani kuanzia samani, vifaa vya umeme vya kisasa, hadi mapambo madogo madogo yaliyopendezesha sebule yake. Kingine Ghati pia alikuwa na gari aina ya Crown, gari ambalo kwa kawaida huwezi kuliona likiendeshwa na mtu asiye na kipato kinachoeleweka.

Nilijiuliza kimoyomoyo pale,

“Hivi huyu mwanamke anapata wapi pesa hizi zote? Hata kama analipwa mshahara wa milioni tatu, bado haiwezekani.”

Kwa hesabu ya haraka Kodi ya apartment kama hii haiwezi kushuka chini ya milioni moja kwa mwezi. Nilihisi hapa lazima kuna mtu yuko nyuma anamsaidia (Sponsa).

Ni maswali magumu sana ambayo yalikuwa yakizunguka kichwani mwangu muda huo. Nilijaribu kutafuta majibu, lakini kila nikiwaza zaidi ndivyo mashaka yalivyozidi kunijaa. Kutokana na uzuri wake wa kuvutia, nilihisi wazi kabisa kuwa Ghati lazima ana mtu nyuma yake, mtu mwenye uwezo mkubwa kifedha ambaye ndiye anayegharamia maisha haya yote ya kifahari. Mwishowe nikafikia hitimisho moja tu kwamba lazima niwe makini. Nilifikiri pale ni vizuri nianze kumchunguza taratibu kabla sijajikuta nimeingia kwenye matatizo ambayo sitayaweza kuyamudu.

Kwa upande wa mapenzi, Ghati alikuwa tofauti kabisa. Niliona wazi utofauti mkubwa kati yake na wanawake wengine. Kulikuwa na namna fulani ya kipekee alivyokuwa akiishi na mwanaume hasa utulivu wake, ukimya wenye hekima, na sauti yake laini iliyojaa upole. Kila alichokisema kilionyesha alikuwa amekomaa kifikra na kihisia. Sijui kama ni kwa sababu tayari alikuwa ameshazaa, lakini alikuwa na ule uelewa wa ndani unaokufanya ujisikie salama unapokuwa karibu naye.

Muda si mrefu, Ghati alitoka chumbani akiwa amejifunga taulo fupi jeupe lililomfika hadi usawa wa kifua. Alipokuwa akitembea pale sebleni, harufu safi ya sabuni kutoka mwilini mwake ilijaa hewani, ikichanganyika na manukato mepesi aliyokuwa ametumia. Nilijikuta nikimsikilizia kwa utulivu huku macho yangu yakimfuata bila hiari. Alikuja kukaa pembeni yangu na tulianza kuzungumza mambo ya kawaida. Baada ya muda, kwa sauti yake tulivu, akaniomba twende chumbani ili nikaoge ili tulale mapema kwa ajili ya kesho.

Asubuhi ilipofika, niliamka mapema sana kwa sababu nilikuwa na ratiba muhimu sana siku hiyo. Kwanza, nilitakiwa kumuona Jane, kisha baadaye kuonana na wakili (Advocate) kuhusu suala la kampuni. Cha kushangaza, wakati nikiamka, Ghati alikuwa bado amelala fofofo. Nilimuamsha taratibu ili awahi kujiandaa kwa ajili ya kwenda kazini. Aliniambia tutaondoka wote, na akaomba nimpe lift hadi gereji ambako aliiacha gari yake likifanyiwa service.

Baada ya kunywa chai tuliondoka majira ya saa mbili asubuhi. Nilianza safari ya kumpeleka kwenye gereji kabla sijageukia kwenda kwa Jane. Tulipowasili pale, gari lake lilikuwa tayari limekamilika, na fundi alimkabidhi invoice ya TZS 390,000 kwa ajili ya malipo. Bila kusita, niliamua kumlipia gharama hizo mwenyewe, si kwa kujionyesha, bali kutomfanya anichukulie poa. Niliongeza kumpa laki mbili taslimu za kujazia mafuta full tank, jambo lililomfanya atabasamu kwa furaha kabla hatujaagana.

Kutoka pale gereji, safari yangu ya kwenda kwa Jane haikuchukua muda mrefu. Ndani ya muda mfupi nilikuwa nimefika kwake. Vicky ndiye aliyetoka kunifungulia geti, akanikaribisha kwa tabasamu kisha tukaingia ndani. Wakati nikisubiri Jane, mimi na Vicky tulijikuta tukibadilishana maongezi ya kawaida, hali iliyopunguza ule ukimya wa kungojea.

Haikupita muda mrefu, Jane alitokea chumbani na alianza kunisalimia pale na kunipa matani juu kama kawaida yake. Bila kupoteza muda, tulianza kujadili mipango ya biashara yetu mpya. Kila kitu kilionekana kwenda sawa na nilimtumia soft copy ya business plan kwenye simu yake ili aipitie kwa utulivu. Nilimfafanulia vizuri baadhi ya sehemu ambazo zilihitaji uelewa zaidi, nikimhimiza azisome kwa makini. Mwishoni, tulikubaliana kwamba baada ya kupitia mpango huo kwa undani, tuanze rasmi kuchukua hatua zinazofuata za utekelezaji.

Wakati nikiwa bize kuzungumza na Jane, simu yangu iliita ghafla, ilikuwa ni simu ya Prisca. Nilikuwa nimeiweka mezani, hivyo Jane aliiona sababu simu ilikuwa upande wake. Kwa kuwa sikutaka kuonekana kama ninaficha kitu, niliamua kuipokea papo hapo. Prisca, kwa sauti yake ya upole lakini yenye msisitizo, hakuwa na habari mpya zaidi ya kunikumbusha ahadi yangu ya kukutana naye. Nilimwambia kwa upole kwamba leo nitaakikisha tunakutana, kama nilivyomuahidi hapo awali.

Baada ya kumaliza maongezi yale, Jane alinitazama kwa tabasamu dogo lililochanganyika na mshangao. Kwa sauti ya utani lakini yenye hisia, alisema “unakula dada na mdogo mtu”. Nilicheka tu na kumwambia aachane na hayo mambo, tuendelee na mazungumzo yetu muhimu.

Tulimalizia kujadili mambo machache ya mwisho kuhusu biashara, tukiweka mikakati ya hatua inayofuata. Nilikaa pale kwa takribani saa moja kabla ya kuagana na Jane. Baada ya kumshukuru kwa ushirikiano wake, niliingia kwenye gari na kuelekea Masaki.

Wakati nikiwa maeneo ya Mikocheni, nikielekea Palm Village, simu ya mama iliingia. Nilipunguza mwendo kidogo na kuiweka kwenye loudspeaker ili tuweze kuzungumza vizuri nikiwa bado naendelea kuendesha.

MIMI: “Mama yangu shikamoo, unaendeleaje?”

MAMA: “Tunaendelea vizuri mwanangu, vipi habari za Zambia?”

MIMI: “Salama tu mama, nimerudi juzi usiku.”
MAMA: “Aaah, basi ni vizuri. Ulifuata ajenda gani kule mwanangu?”

MIMI: “Nilienda kucheki fursa fulani kule, mama. Lakini mwishowe yote yalikuwa sawa. Hebu niambie, mambo yako vipi?”

MAMA: “Nashukuru, ila mwanangu naomba unitumie pesa kidogo, kuna jambo nimekwama.”

MIMI: “Sawa mama, nitakutumia laki tano. Nafikiri hiyo itakutosha.”

MAMA: “Inatosha sana mwanangu, Mungu akubariki sana.”

Nilikaa kimya sekunde chache nikitafakari, kisha nikasema kwa upole:

MIMI: “Mama, nahisi kuna jambo unataka kuniambia ila unaogopa. Mimi ni kijana wako, nimekua sasa na nina familia. Huna haja ya kuficha kitu chochote kwangu. Roho inanambia kuna siri inakuumiza lakini hutaki kuniambia.”

Kulikuwa na ukimya kwa sekunde kadhaa kabla ya mama kujibu kwa sauti ya taratibu:

MAMA: “Hamna mwanangu, kama kungekuwa na siri yoyote ungelijua. Usijali, niko sawa.”

MIMI: “Sawa mama, kama ni hivyo basi. Mimi niko barabarani sasa, nikishafika nitakutumia hiyo hela.”

MAMA: “Ahsante mwanangu, uwe na kazi njema. Mungu akulinde.”

Nilipomaliza mazungumzo yale, nikahisi moyo wangu umekuwa mzito kidogo ile sauti ya mama ilikuwa na kitu ndani yake, kitu ambacho hakikutamkwa. Lakini nilijisemea muda ukifika nitajua kama kuna kitu kinamsumbua mama yangu.

Nilipofika ofisini, nilipaki gari na moja kwa moja nikaingia ndani. Kama ilivyokuwa kawaida, Hilda ndiye aliyekuwa amewahi kufika. Nilimsalimia kwa sauti ya utulivu, “Mambo Hilda?” lakini yeye alijibu kwa sauti ya chini sana, karibu kama ya mtu asiye na hamu ya kuzungumza. Sikutaka kuuliza zaidi, hivyo nikaamua kupuuza hali ile na kuendelea na mambo yangu.

Nilikaa kwenye meza yangu, nikaweka laptop mezani na kuwasha. Mara moja nilianza kuandaa hesabu za malipo ya Asmah, jambo nililotaka kumaliza mapema ili nisicheleweshe taratibu zake. Kila kitu kilikuwa ndani ya uwezo wangu, hivyo sikuona haja ya kumsubirisha mtu kwa sababu zisizo na msingi. Nilihakikisha kila namba inakaa sawa, nikapitia tena makisio, na baada ya muda mfupi nilikuwa nimemaliza vizuri.

Siku hiyo ilikuwa yenye shughuli nyingi sana. Kiasi kwanba nilibanwa na majukumu hadi sikupata muda wa kutoka ofisini kwa ajili ya chakula cha mchana, na niliagiza chakula kiletwe ofisini kwa delivery.

Baada ya kuhakikisha kila kitu kimekamilika na niko sawa, nilifunga kompyuta yangu na nikaanza kujiandaa kuondoka. Nilikuwa na miadi na Advocate wangu Mlimani City majira ya saa 12 jioni, lakini kwa kuwa nilitoka mapema kidogo, nikaamua kupita kwanza kumuona Dullah kabla ya kufika kwenye miadi hiyo.

Nilipofika Makumbusho, nilienda moja kwa moja hadi ofisini kwa Dullah. Nilimkuta akiwa bize kidogo na wafanyakazi wake, lakini alipoona nimeingia, alitabasamu kwa furaha na kunikaribisha kwa bashasha zote kama kawaida yake. Tulikaa nje kidogo, pembeni ya ofisi, na baada ya mazungumzo ya salamu na utani wa hapa na pale, nilianza kumtania kwa sauti ya mzaha:

MIMI: “Naona sasa umeamua rasmi kuwa Baba Lishe, eeh?”

DULLAH: “Hahaha! Sina habari bwana, bora napata pesa. Kila siku lazima chapaa iingie.”

MIMI: “Lakini hawa wapemba uliowachukua kufanya kazi umewatoa wapi? Show zao ni kali kweli.”

DULLAH: “We acha tu! Hawa jamaa ni moto. Kama chips zinaniletea faida mpaka nawaza kuongeza majiko. Odda zinaniandama kila siku, sijui nianzie wapi. Huku kwenye chakula cha kawaida pia napata wateja wengi sana.”

MIMI: “Safi sana bwana! Basi waambie waniletee Chipsi-samaki na juice kabla sijaondoka, siwezi kuondoka bila kuacha hela leo.”

DULLAH: “Haya ndo maneno sasa! Afu unajua bibie Ghati alikuja hapa mchana, akala lunch na marafiki zake.”

MIMI: “Aisee! Ghati anakuja kula huku? Mbona kama anatembea sana!”

DULLAH: “Wewe unajua Victoria hadi hapa ni umbali gani?.”

MIMI: “Hahaha! Jana nimelala kwake bwana, nilimwagilia lile shamba hadi sina hamu kabisa.”

Dullah alicheka sana baada ya kusikia kauli hii;

DULLAH:“We fala ni mhuni sana! Leo Ghati story zake zote zilikuwa insider tu. Nikasema, huyu mhuni anampa nini mpaka dada wa watu anapagawa hivi?”

MIMI: “Acha tu! Kule Zanzibar nilimuelekeza kila kitu bila kuficha. Sijamtongoza, ila sasa hivi naona kama ameshaingia kwenye Kingdom yangu mwenyewe.”

DULLAH: “Hahaha! Wewe hujui. Yule mwanamke anakupenda sana, ni vile unajizima data hutaki kuelewa.”

MIMI: “Mimi bado nina wasiwasi, bro. Nahisi kama ana mwanaume, na huyo mwanaume hayupo Bongo. Apartment anayoishi pale Mbweni ni ya kifahari sana, na maisha yake kwa ujumla yanaonesha lazima ana mtu mwenye pesa.”

DULLAH: “Usiharakishe kuhukumu hivyo, ndugu yangu. Huenda ni mwanamke anayejituma, au ana miradi yake inayomuingizia kipato. Kwa sasa, usiingize hisia nyingi sana. Mwangalie taratibu, usiwe na presha. Ila mimi na wewe ni watu tofauti mimi siwezi kuumiza kichwa kama wewe!”

Maneno ya Dullah yalinifanya nitabasamu, lakini ndani yangu nilihisi bado kuna kitu hakipo sawa kuhusu Ghati. Nilijua Dullah anaweza kuwa sahihi, lakini sio kwa Ghati na nikabadili mada palepale.

Sikuweza kukaa muda mrefu na Dullah kwa sababu simu kutoka kwa Wakili iliingia ghafla kunipa taarifa kwamba tayari ametoka ofisini na yuko njiani kuelekea Mlimani City. Nilimueleza Dullah kuhusu hilo, tukacheka kidogo kabla sijamuaga. Tulikubaliana kwamba tutatoka pamoja Jumamosi hii, kwaajili ya kufurahia urafiki wetu.

Kwa ufupi mjue Dullah ndo alikuwa msaada sana miaka ile ya mwanzo nilipoanza biashara ya Uber. Alikuwa kama kaka wa pili kwangu akinipa mwongozo, ushauri, na moyo wa kujiamini. Kwa namna moja au nyingine, mchango wake ulikuwa nguzo kubwa katika safari yangu ya kibiashara hadi kufikia hapa nilipo.

Nilikimbiza gari kwa kasi ya wastani nikapitia Sinza Road, nikakata kuelekea Makaburini, kisha nikatokea njia ya Sam Nujoma Road kuelekea Mlimani City. Nilipofika eneo la Mlimani City, nilipiga simu kumpa taarifa kwamba tayari nimefika. Wakili akanijibu kwamba yuko karibu kufika, lakini akapendekeza tukutane pale Grano Coffee kwa mazungumzo yetu.

Nilijua mazingira ya Grand Coffee yalivyokuwa ni ya kimchoro sana sikupendezwa nayo, hivyo nikapendekeza tuhamie Istanbul Café, ambako kuna utulivu zaidi na faragha inayofaa kwa mazungumzo ya kiofisi. Alikubaliana nami mara moja.

Nilishuka na file zote muhimu mkononi zikiwemo nyaraka zinazohusu kampuni pamoja na zile mpya nilizopewa na Iryn, ambazo tulihitaji kupitia pamoja. Niliingia ndani ya Istanbul Café, nikatafuta meza ya pembeni yenye utulivu, nikaweka laptop na mafaili mezani kisha nikajipumzisha kidogo huku nikimsubiri Wakili afike tuendelee na mazungumzo yetu muhimu.

Baada ya dakika 10 wakili alifika pale na tulisalimiana kwa bashasha zote maana ni mshikaji wangu sana since tuko UDSM. Baada ya salamu na utani wa hapa na pale tulianza sasa kujadili suala ambalo lilikuwa limetuleta pale;

WAKILI: “Last time tulipeana assignments na bila shaka ninaamini umekamilisha.”

MIMI: “Nimekamilisha tayari. Na good news nimepata taarifa nyingi sana mpya kuhusu kampuni.”

Nilianza kumweleza yote yaliyoendelea, hasa malipo ambayo kampuni ilipokea kabla ya kubadili umiliki. Niliweka mbele yake bank statements na alibaki akishangaa maana aliona tuko mbele ya muda.

WAKILI: “Kaka, hizi taarifa mmezipataje? Naanza kuogopa sasa.”

MIMI: “Hahahaa, tulia. Mhusika ndiye alikuwa na hizi taarifa na ana connection sana ndio maana ilikuwa rahisi kuzipata.”

WAKILI: “Ni nani huyu? Ile siku hatukuweza kuzungumzia kabisa hili.”

MIMI: “Huyu ni mama wa mtoto wangu mwingine, yuko South Africa.”

WAKILI: “Duuh! Na yule unayeishi naye?”

MIMI: “Tulia kaka, hatujaja hapa kwa mambo haya tuendelee na jambo letu. Kwa sasa yeye anapambana sana kumjua huyo ‘Steve Jobs’ ni nani na akishamjua, alisema tutaendelea na kufungua kesi. Yeye aliniambia nikwambie kwasasa tutulie ili tuwe na information zote muhimu, ili kesi isiwe ngumu kwa upande wetu.”

WAKILI: “Yuko sahihi. Njia nzuri ni kumjua adui wako kwanza, unapoanza kushambulia, unajua unashambulia wapi.”

MIMI: “Na gharama zenu zitakuwaje sasa ili nimpe taarifa hii mapema?”

WAKILI: “Kuhusu gharama za awali nitakutumia invoice utaipata leo au kesho. Mimi nadhani ni bora tupange commission kulingana na amount atakayo recover au
atakayolipwa. Tunaweza kukubaliana hata 10% na kwa kipindi chote cha kesi, gharama zote zitakuwa juu yetu, vipi hii unaonaje?”

MIMI: “Kwahiyo ikitokea tumeshindwa kesi inakuwa imekula kwenu?”

WAKILI: “Ndiyo maana yangu hiyo.”

MIMI: “Ni wazo zuri, lakini tutamsikiliza yeye kwanza kuona anasema nini kuhusu pendekezo hili. Jambo muhimu pia aliniomba nikusisitize usije ukajaribu kutuzunguka ukawasiliana na wale jamaa, maana utakuwa umecheza faulo kubwa sana ambayo itakugharimu.”

WAKILI: “Hahahaa! Kaka, hiyo michezo sina uzuri unanijua. Na kwanini hao watu waliamua kucheza faulo? Naona ni wajinga sana.”

MIMI: “Unajua, mzee wake aliumwa sana hapo katikati, nafikiri walijiongeza wakidhani atakufa lakini haikuwa hivyo.”

WAKILI: “Consequences zake ni kubwa sana. Naamini pia wao wako smart na mtandao wao ni mkubwa wanajua wanachofanya.”

Kipindi nikiwa na wakili, simu yangu ilikuwa ikilia mara kwa mara lakini sikuwa na muda wa kuipokea. Mazungumzo yetu yalikuwa muhimu, hivyo niliacha tu ziliendelee kuita. Baada ya kumaliza shughuli zetu, ndipo nilipoamua kuangalia ni nani alikuwa akinipigia. Niliona Prisca alikuwa amepiga mara nne, Bob mjeshi naye alikuwa amenitafuta, pamoja na Mary. Hawa watatu ndiyo waliokuwa watu muhimu waliokuwa wamenicheki.

Nilipiga hesabu za haraka kichwani na nikaamua kumpigia Bob kwanza, huenda angekuwa karibu ili tuonane. Prisca nilimuweka pending kwanza, licha ya kwamba nilishamwahidi tutakutana siku hiyo.

Wakili aliniaga na kunikabidhi mafaili yangu aliyokuwa nayo tangu siku ya kwanza tulipokutana. Nilielekea kuyaweka kwenye gari, kisha nikampigia Bob. Simu iliita hadi ikakata bila kupokelewa. Nilipokuwa nataka kumpigia tena, ghafla simu yangu ikawashwa na jina lake likatokea kwenye skrini, nikapokea.

Baada ya salamu na mazungumzo mafupi, nilimwambia niko Mlimani City. Akaniambia nimsubiri, ndani ya dakika kumi na tano atakuwa amefika. Nikajikuta nikiingia Samakisamaki nikimsubiri eneo ambalo napenda kupumzika nikisubiri watu. Nilipoingia, nikachagua kona tulivu ya kukaa.

Sikuwa nimekaa muda mrefu, ghafla nikasikia sauti laini nyuma yangu ikisema;

“Bossy, kumbe hata katikati ya week unakujaga?…”

Niligeuka taratibu, na macho yangu yakakutana na uso wa Mina (Code) mhudumu niliyekuwa namfahamu vizuri na moja ya mshikaji wangu sana pale Samakisamaki. Alikuwa ni mrembo, mwenye mvuto wa kipekee na maringo yaliyomtofautisha na wengine wahuni wa Samakisamaki bila shaka wanamjua. Mina alikuwa ni gumzo pale ila kwasasa hayupo, aliacha kazi baada ya kumpata tajiri ambaye alimtoa kazini na kumfungulia biashara yake mwenyewe.

“Kumbe ni wewe mtoto mzuri leo naondoka na wewe utake usitake.”

“Ulishanambia una mke sasa si utanichezea tu.”

“Kwani wewe umechezea wangapi hadi sasa?”

“Embu niambie leo unakunywa nini?”

“Leo niletee wine Four cousin na mishikaki mitano sio mbaya.”

Mina alinikonyeza na kuondoka eneo hili kwenda kunichukulia vinywaji. Ndani ya dakika chache vinywaji vilifika na tukaendelea kupiga story pale na Mina.

Baada ya dakika tano BoB alinipigia simu kunijulisha kuwa amefika, nikamwambia asogee hadi Samakisamaki.

Baada ya dakika chache, Bob aliwasili pale, tulisalimiana kwa furaha, tukacheka kidogo kama zamani, kisha akavuta kiti na kukaa pembeni yangu. Wakati huo, Mina naye akarudi mezani kwa tabasamu, akamsikiliza na baada ya kumsikiliza, akaondoka na kutuachia nafasi ya kuzungumza kwa utulivu.

Nilimtazama Bob kwa muda kisha nikamuuliza,

MIMI: “Leo hujaingia kambini?”

BOB: “Leo nimetoka mapema, kaka. Ila we, umekuwa mtu wa level za juu siku hizi! Busy kila siku.”

Nikacheka kidogo, nikamjibu,

MIMI: “Kuna mambo nilikuwa nayaweka sawa, ndiyo maana nikaonekana kimya. Shemeji yangu Lucy anaendeleaje lakini?”

BOB: “Hahaha! Insider wewe ni mnafiki sana. Lucy mpo naye ofisini kila siku, halafu unaniuliza mimi?”

MIMI: “Mbona kinyonge sana? Najua hata kunitafuta sana siku hizi ni kwa sababu yake.”

BOB: “Aah bro! Yaani mwanamke afanye nikutafute? Hapana bana! Sisi ni washkaji, na muda mrefu hatujachekiana. Lengo langu leo ni tukae hivi, tujadili maisha tu kama zamani.”

Nikavuta glasi yangu taratibu, nikamtazama moja kwa moja machoni.

MIMI: “Bob acha hizo bhana inamaana Lucy hakuumizi hisia zako? Mapenzi hayaangalii vyeo wala kazi. Hata kama wewe ni mjeshi, ukijifanya mgumu kwa kila kitu, mwisho wake utajikuta unapambania kivuli chako.”

Bob akacheka kwa aibu kidogo, akaniuliza,

BOB: “Unataka kusema nini kaka?”

MIMI: “Nataka kujua kitu kimoja tu… ni nini kinaendelea kati yako na Lucy?”

Bob akavuta pumzi ndefu, uso wake ukabadilika haraka;

BOB: “Aah, yule mwanamke ni mngese sana kaka. Tumezinguana kwa vitu vidogo tu, lakini imekuwa kama vita kila siku.”

MIMI: “Mmezinguana kisa Tunda, eeh?”

Bob akashtuka kidogo, macho yakamtoka,

BOB: “Aah! Qmmk… amekwambia?”

Nikanyanyua mkono kumtuliza, nikamwambia,

MIMI: “Relax bro, usipaniki. Lucy ni mtu wangu wa karibu sana. Kama kuna kitu hakipo sawa, lazima atanieleza. Jana tuliongea kwa kina kuhusu mahusiano yenu, na ukweli ni kwamba wewe ndiye unazingua wala si Lucy.

Bob akabaki kimya, akichezea glasi yake. Nikachukua nafasi hiyo kumwambia kwa uzito,

“Bro, hawa wanawake huwezi kuwashinda kwa nguvu. Ukiamua kutumia ubabe, mwisho wake mtachokana. Mapenzi ni mchezo wa akili. Unapaswa kujua namna ya kucheza na saikolojia ya mwanamke, kujua anataka nini kutoka kwako. Tatizo lako, hukuwahi hata kujisumbua kuelewa Lucy anahitaji nini, ndiyo maana mnaishia kugombana kwa vitu vidogo kama tunda. Ukitulia na kumsikiliza, ungejua njia sahihi ya kumshika.”

Bob akaniangalia kwa macho ya tafakari, akabaki kimya kwa muda mrefu. Nilijua mazungumzo yale yalimgusa moja kwa moja moyoni.

BOB: “Brother, mimi kweli Lucy simwelewi na sijui anataka nini kutoka kwangu, halafu hana sababu kabisa ya kuninyima ile kitu. Yaani kwa moyo wangu wote, sina mwanamke mwingine zaidi yake. Tangu tuanze mahusiano sijawahi kuchepuka, wala hata kutongoza mwanamke mwingine.”

MIMI: “Kabla sijaendelea, nikuulize jambo moja. Una malengo gani na Lucy?”

BOB: “Yeah, bila shaka! Lucy ni wife material kabisa. Ni mwanamke anayenifaa sana, kaka.”

MIMI: “Sasa sikiliza vizuri, Bob. Kwanza unatakiwa utambue Lucy ni mwanamke anayejitambua sana. Hana tabia za umalaya, na hilo nakuhakikishia kabisa. Ni aina ya mwanamke anayeheshimu mwili wake, hapendi kufunua uchi wake kwa kila mwanaume. Yeye anapenda mahusiano yenye malengo, yenye msingi.”

Tatizo lako ni moja tu, umeshindwa kumsoma Lucy. Kitu anachohitaji ni assurance, uhakika kwamba yuko salama na wewe. Hapo ndipo ulitakiwa uwe mwanaume kamili, ujue jinsi ya kumjenga kisaikolojia. Jana nimeongea naye sana, na kwa mazungumzo yetu, inaonekana yuko tayari kabisa kukupa kile kitu hata leo kama ungecheza karata zako vizuri. Ila bado hajakuamini, anahisi ukipata tu, utabadilika na kuanza kumpotezea.

Kwa kifupi, anakuchunguza. Na kwa namna unavyoforce kila kitu, unaonekana kama mtu asiye na subira. Bro Inaonesha unaforce sana kumla na hapa ndo unakosea kaka, mtindo unaoenda nao hata malaya hutamla trust me.”

Bob alishusha pumzi ndefu, akainama kidogo huku akicheka kwa aibu.

BOB: “Brother, uko sahihi kabisa. Nilijua! Niliharibu sana kwa kuforce kupewa tunda. Unajua before tulikuwa tunapiga romance fresh kabisa, hadi oil alikuwa ananiacha nipime, ghafla akaanza kubadilika, akacha hata kuja gheto.”

MIMI: “Hahahaha! We fala kweli. Ngoja sasa nikupe mbinu ambazo hata kwenye jeshi hujawahi kufundishwa, kijana.”

BOB: “Daah! Kudadeki, embu niambie hizo mbinu, kaka.”

MIMI: “Sawa, ila tukubaliane kitu kimoja hapa. Ikitokea ukafanikiwa kutumia hizi mbinu na ukamvua nguo Lucy kihalali kuna task moja nitakupa, lazima uifanye. Sijui lini, lakini itakuwepo. Unakubaliana na mimi?”

BOB: “Task gani hiyo sasa? Isije ikawa kuteka mtu, aseeh?”

MIMI: “Hahaha! We fala kweli! Huteki mtu wala kuua. Elewa hivyo tu deal?”

Wakati bado tukiendelea na mazungumzo mazito kuhusu Lucy, ghafla nikamuona Mina akija meza yetu akiwa na sahani ya mishikaki mikononi. Alikuwa ametabasamu kwa namna ya kuvutia, na tabasamu hilo lilinifanya kidogo nipoteze mwelekeo wa mazungumzo yetu.

MINA: “Bossy, na mimi naomba wine na kiu kidogo.”

Nikacheka, nikamtazama kwa macho ya utani.

MIMI: “Tatizo lako, nikikwambia tukanywee home unaringa.”

MINA: “Wewe una mke, sitaki matatizo. Tutatafuta tu kiwanja sehemu nyingine, tutaenda.”

MIMI: “Huyu unayemuona mbele yako anaitwa Bob, ni mjeshi. Kwa hiyo siku akija hapa, acha maringo yako. Bob, huyu ni Mina mwanamke pekee mrembo kuliko wote hapa Samakisamaki.”

Mina akatabasamu kwa aibu kidogo,

MINA: “Bob, ahsante kwa kukufahamu. Karibu sana Samakisamaki. Insider ni mmoja wa wateja wetu wakubwa, na tulifahamiana hapa hapa Mlimani City.”

BOB: “Ahsante sana Mina, nimefurahi kukufahamu pia. Insider ni jamaa yangu wa muda mrefu, urafiki wetu ulianzia jeshini hadi leo bado tupo karibu.”

MINA: “Weeh! Huyu Insider alikuwa jeshini? Mbona hafanani hata kidogo na watu wa jeshi au alikimbia mafunzo?”

BOB: “Hahaha! Muone hivyo hivyo. Insider huyu ndiye alikuwa master wetu kambini. Yaani yeye ndiye alikuwa anatupangia ratiba za kudoji na maeneo ya kujificha. Tukiwa porini, yeye ndiye alikuwa anajua tunakula nini na tunalala wapi. Bila yeye kusema, hakuna kitu kilikuwa kinafanyika.”

Mina akatingisha kichwa huku akicheka,

MINA: “Aah, me naona unamsifia tu hapa. Sioni kama ana sura ya kijeshi kabisa. Huyu huyu kweli?”

MIMI: “Shida yako Mina, huwa huniamini. Hata nikikwambiaga nakupenda unachukulia kama utani. Sasa siku nikikuonesha picha zangu zote za jeshi, tutakubaliana utanipa nini?”

MINA: “Fyooh! Hilo swali halina majibu….”

Tulicheka wote, na baada ya muda kidogo akaondoka mezani huku akitingisha kiuno kwa maringo yale yake ya kawaida. Bob akabaki akimtazama kwa macho ya fisi, alishindwa kjizuia kabisa na aliishia kumsifia kuwa Mina ni pini.

Tukarejea kwenye mazungumzo yetu ya awali, ambapo Bob alikuwa na hamu kubwa kujua mbinu nilizoahidi kumfundisha, strategies za kumrudisha Lucy kwa akili, na si kwa nguvu.

BOB: “Insider tuendelee kaka…”

Nilimtazama Bob kwa makini huku nikimvuta karibu zaidi, nikaanza kumpa ushauri wangu taratibu kama kaka anayemwelekeza mdogo wake. Nilimwambia wazi kuwa Lucy hakuhitaji chochote kikubwa kutoka kwake, isipokuwa assurance ule uhakika yuko mahali salama na penzi lake halichezewi, yuko na mwanaume anayejali. Nikamueleza kuwa kosa lake kubwa lilikuwa ni kuharibu uhusiano huo kwa presha na papara zisizo za lazima, lakini bado kuna nafasi ya kurekebisha.

Nilimwelekeza aanze kwa kumpigia Lucy simu bila kuzungumzia kabisa yaliyopita. Asiingie kwenye lawama, maelezo, au visingizio. Aache mambo yaende kwa utulivu, aonyeshe tu upole na uthabiti. Nilimwambia akifanikiwa kurudisha mawasiliano, hatua inayofuata ni muhimu zaidi ni kwenda kumtembelea Lucy nyumbani kwao na kumfahamu mama yake. Nilimkazia kwamba Lucy anamthamini sana mama yake, na mwanaume yeyote atakayemheshimu na kumkaribia mama yake, basi atakuwa amefungua mlango wa kuaminika kabisa.

Kisha, nilimwambia aweke utaratibu wa kutoka na Lucy angalau mara moja kwa wiki sio mbaya. Nilimhakikishia kuwa Lucy anapenda sana outings, huwa ana enjoy sana kwenye mazingira haya, na wakati anapokuwa kwenye nafasi hiyo hufunguka kirahisi. Nilimwambia kuwa ikiwa atakuwa naye katika mazingira ya furaha, bila presha wala mada za ugomvi, Lucy atarudi kwenye mstari haraka zaidi ya anavyofikiria.

Niliendelea kumfafanulia kuwa ni lazima aonyeshe upendo wake kwa vitendo, hata kama wakati mwingine ata-pretend. Nilimkumbusha kuwa tayari wao wanapendana, hivyo hilo halitakuwa jambo gumu kwake. Hata hivyo, nikamwonya kabisa asiforce kupewa tunda kwa kipindi hiki asithubutu hata kuomba, aache muda uamue wenyewe. Nilimkazia kuwa anapaswa kuwa smart kipindi hiki, kwa sababu mwanamke akihisi unamtaka sana, atakutawala kiakili.

Bob kwa upande wake alikiri kwa kusema nimeongea pointi za msingi sana sababu mambo mengi kuhusu Lucy alikuwa hayajui. Alishangaa sana kuona namjua vizuri sana Lucy kuliko yeye mwenyewe. Nikamuambia ni kweli namjua Lucy vizuri kwa sababu muda mwingi tupo pamoja.

Nilimueleza kwamba nimeamua kumfunulia siri chache za jinsi ya kumrudisha Lucy taratibu bila presha. Nilimwahidi kuwa akitumia akili na subira, Lucy mwenyewe ataanza kujishtukia na hatimaye atampa nafasi atakayokuwa akiihitaji.

Nilimkumbusha kuwa wanawake wanavutiwa na mwanaume mwenye nidhamu ya hisia. Nikaongeza kwamba kama kweli anashindwa kujizuia, basi atafute tu kimchepuko cha kumalizia shida zake. Nilimwambia Makongo kuna wadada wengi wa chuo wazuri, anaweza kuchagua mmoja awe anamaliza tu kiu zake kwa wakati huu, hadi pale Lucy atakaporudi kwenye mstari wake.

Baada ya kumaliza maongezi yetu, niliomba Mina alete bill na nilifanya kulipa kiasi chote pale.

MIMI: “Nimelipia hadi wine uliyoomba, licha ya huwa unaniringia ila mimi sikuringii hii ndo tofauti ya mwanaume na mvulana.”

MINA: “Thank you bossy wangu. Kwahiyo utanambia bhasi ni lini tunatoka.”

MIMI: “Sawa usijali.”

Baada ya kumalizana na Mina, nilitoka na Bob tukielekea kwenye parking. Wakati tunaagana, simu yangu ilianza kuita mfululizo bila kupumzika. Nilipoingia ndani ya gari, niliamua kuipokea ile simu, alikuwa ni Prisca, akipiga kwa fujo kana kwamba kuna jambo la hatari.

Tulizungumza kwa muda mrefu. Nilimwomba awe na subira kidogo kwa sababu wiki hii nimekuwa na ratiba ngumu sana. Nilimwahidi kwamba tutakutana weekend hii, na safari hii mimi ndiye nitakayemtafuta mwenyewe. Alionekana kuridhika kidogo baada ya maelezo yangu.

Baada ya mazungumzo na Prisca kumalizika, nilimpigia simu Mary na tulizungumza hadi nilipofika nyumbani. Kama kawaida yake, Mary aliniomba niende kulala kwake kwa sababu amenimiss sana, akisema imepita muda mrefu bila sisi kuwa pamoja. Nilimueleza kwa upole kwamba leo haiwezekani, nilihitaji kupumzika nyumbani, lakini nilimwahidi kesho mapema nitamtafuta ili tushinde wote hadi usiku. Alinielewa, na tukamaliza mazungumzo kwa amani.

Baada ya kurejea nyumbani, nilipumzika kwa muda kisha nikaamua kuwasiliana na Mama Aria. Alinipa taarifa kwamba Samantha pamoja na bibi yake, Momo, tayari walishaondoka kwenda Ethiopia. Kwa upande wangu, nilimpa taarifa kuhusu kikao changu na wakili pamoja na makubaliano tuliyofikia kuhusu namna ya kufanya malipo.

Tulipoanza kujadili juu ya makubaliano hayo, Iryn aliingilia kati akionyesha kutoridhika na kiwango cha malipo tulichopanga kumpa wakili. Alisisitiza kwamba kumlipa asilimia 10% ya fedha tutakazofanikiwa kurejesha ni sawa na kumpa zawadi kubwa isiyo na uhalisia, kwani sehemu kubwa ya kazi tayari tumeifanya sisi wenyewe.

Aliniambia kwa msisitizo;

“Yaani, kama tutafanikiwa kurecover tuseme shilingi bilioni tano, wao wapate asilimia 10 ambayo ni milioni 500? Hapana baby, hiyo ni too much. Niachie nitafute njia nzuri ya malipo ambayo itakuwa na mutual benefit kati yetu na wao. Ila kuhusu preliminary costs, mimi sina tatizo, akikutumia invoice, wewe lipa.”

Baada ya kumaliza mjadala huo, tulihamishia mazungumzo kwa Asmah. Aliniambia nihakikishe analipwa pesa zake zote, na kuhusu upande wa shirika, atawasiliana na mhasibu wao ili afanye malipo husika. Tuliendelea kujadili kuhusu nani anaweza kuchukua nafasi ya Asmah endapo ataondoka, na akapendekeza Hilda.

Kwa hili nilimkatalia kabisa, kwa sababu Hilda alikuwa mtu muhimu sana upande wangu, ndiye engine pekee niliyokuwa namtegemea kusimamia mambo yangu nikiwa mbali. Mwisho wa mazungumzo tulikubaliana kuwa nitatafuta haraka mtu mwingine wa kuchukua nafasi hiyo, na kabla Asmah hajaondoka, niongee naye ili ambrush brush kuhusu majukumu yake na kuhakikisha ameyaelewa vizuri.

******
Kesho yake majira ya saa 11 jioni, niliondoka ofisini mapema kuliko kawaida. Siku nzima nilikuwa nimetingwa na kazi, lakini mawazo yangu yalikuwa kwa Mary pekee. Kila nikijaribu kujikita kwenye majukumu ya ofisi, sura yake ilikuwa ikinirudia akilini .

Kwa upande wa Mary, naye alitoroka kazini mapema na akaniandikia ujumbe wenye picha yake akiwa kitandani, amevaa bikini tu, akiniambia kwa utani, “Nakusubiri, usichelewe.” Na hapa ndiyo alizidi kunichanganya na kunipagawisha, ilikuwa ndio sababu ya mimi kuharakisha kutoka ofisini mapema.

Nilipofika kwake, hatukupoteza muda kwenye mazungumzo marefu. Tulisalimiana kwa bashasha, lakini haraka sana mazungumzo yakahamia kitandani ambapo nilihakikisha ninamshughulikia ipasavyo baada ya kutokutana kwa muda mrefu.

Baada ya shughuli ndefu, tulijipumzisha huku yeye amejilaza kwenye kifua changu kwa utulivu. Ndipo mazungumzo mazito yakaanza kuhusu mtoto. Mary alizungumza kwa utulivu lakini kwa msisitizo. Aliniambia yuko tayari kunizalia, ila kuna sharti moja muhimu lazima nimweke wazi Prisca kuhusu uhusiano wetu. Alisisitiza kwamba hataki kuishi katika hali ya usiri, na alihitaji mdogo wake, Prisca, ajue kila kitu kinachoendelea kati yetu.

Jambo hilo, ambalo kwa Mary lilionekana kuwa rahisi na la kawaida, kwangu mimi lilikuwa zito tena zaidi ya ukatili. Wazo la kumwambia Prisca kuhusu uhusiano wetu halikuingia akilini mwangu hata kidogo. Nilijua wazi kuwa mdogo wake bado ananipenda, na nikijaribu kumueleza ukweli huo, kungeibuka vita kubwa kati yao kuliko hata ile ya Russia na Ukraine.

Nilitamani kwa dhati kumuona Mary akinibebea mtoto, lakini wasiwasi mkubwa kuingia kwenye mgogoro na familia yake lilinisumbua sana. Familia yao ina umoja wa kipekee ni wanapendana, wanasaidiana, na wanaheshimiana. Sikupenda kuwa chanzo cha kuvuruga uhusiano huo wa kifamilia. Hata ukweli kwamba nilikuwa kwenye mahusiano ya siri na Mary, moyoni nilijua si sahihi, ninakosea.

Nilimwambia Mary kwa upole kuwa tuendelee kutafuta njia nzuri ambayo haitaleta vurugu wala maumivu kwa upande wowote. Aniachie hili suala, nitakapopata njia sahihi nitamjulisha. Alinitazama kimya kwa muda, kisha akatikisa kichwa kuashiria ameelewa, ingawa nilijua ndani yake bado hakuridhika kabisa.

Tulikaa pamoja hadi majira ya saa sita usiku, tukiwa tumetulia pamoja tukipanga mipango mbalimbali. Baada ya hapo, nilijiandaa na kuondoka kurudi nyumbani kulala.

****
Jumamosi tulifanya kikao cha ofisi kilichofanyika katika hoteli ya Giraffe kuanzia saa 12:00 jioni. Ajenda kuu ya kikao ilikuwa kujadili suala la kupunguza idadi ya wafanyakazi hadi kufikia 12. Kikao hicho kilihudhuriwa na wanachama wote muhimu, wakiwemo Asmah na Sumaiya kama waalikwa.

Kikao kilifunguliwa rasmi na Hilda, ambaye ni Human Resource Manager. Akiwa katika nafasi yake, alieleza kwa undani sababu na umuhimu wa kupunguza idadi ya wafanyakazi, akibainisha kuwa hatua hiyo inalenga kuongeza ufanisi na kupunguza gharama za uendeshaji.

Baada ya maelezo hayo, nilipata nafasi ya kuongea kuhusu maslahi ya wafanyakazi na maendeleo ya KICOBA kwa ujumla. Tulijadiliana kwa uwazi juu ya namna bora ya kuboresha mikopo yetu ya ndani, na kwa pamoja tukakubaliana kupunguza baadhi ya masharti ya kukopa ili kuhakikisha kila mwanachama anapata fursa ya kufanikiwa kifedha.

Kisha, Sumaiya alisimama na kutoa mrejesho wa kina kuhusu mkutano wa Zanzibar. Alielezea mafanikio yaliyopatikana, hususan jinsi timu yetu ilivyoweza kujenga connection na makampuni mbalimbali kutoka Zanzibar na Bara, jambo lililopokelewa kwa furaha na matumaini makubwa.

Baadae, Asmah alipata nafasi ya kuzungumza na timu. Kwa hisia, alitangaza kuwa anatarajia kuondoka hivi karibuni kwenda Qatar kwa ajili ya masomo ya Masters. Taarifa hiyo ilipokelewa kwa huzuni, ikizingatiwa kuwa Asmah ni miongoni mwa watu wetu wa karibu sana na kipenzi cha kila mmoja katika timu.

Baada ya Asmah kumaliza kutoa taarifa yake, ukumbi ulijaa ukimya wa muda mfupi ni kama kila mmoja wetu alikuwa hajaipokea vema ile taarifa. Hilda alisimama na kumpongeza kwa ujasiri wake wa kuendelea kielimu, akisisitiza kuwa hatua yake ni ya kuigwa na kwamba mafanikio yake yatakuwa fahari kwa timu nzima.

Baada ya maongezi mafupi kuhusu Asmah, Hilda aliendelea kuongea pale;

“Hey guys hapa nina bahasha ya kila mmoja, kama utakuta umesimamishwa kazi bhasi ondoa wasiwasi bado tuko pamoja kila mmoja wenu ni mchapakazi ila kuna kuzidiana. Tumepata wakati mgumu sana lakini wamiliki ndo wametoa maagizo hayo. Kwa wale wote ambao hamtakuwa pamoja nasi mfahamu bado ni ndugu zetu na kama nafasi zitatokea tena tutawapigia simu haraka. Malipo yenu yatafanyika jumatatu kwa wote ambao hatutaweza kuwa pamoja. Habari njema mtapewa bonus zote na mshahara wa miezi 3 kwa kila mmoja.”

Baada ya maneno hayo, tulijumuika wote kwaajili ya chakula cha pamoja. Muda huu kila mmoja wetu alionekana kuwa na furaha sana maana kulikuwa na vicheko, mazungumzo mepesi.

Mimi nilikaa karibu na Asmah, tukipiga story mbalimbali kama kawaida. Ni wazi Asmah hujisikia huru sana anapokuwa nami, huwa anaongea kwa furaha, anacheka, na mara nyingine anasimulia mambo ya maisha yake kwa upana zaidi. Wakati mazungumzo yetu yakiendelea, nilipokea ujumbe kutoka kwa Prisca. Aliniambia yuko Mlimani City, Samakisamaki, ananisubiri. Nikamjibu kwa utulivu tu, kwamba aendelee taratibu, nami nitamfuata muda si mrefu.

Baada ya chakula cha pamoja, tulipiga picha za pamoja kisha timu ilianza kupanga kutoka out pamoja walikuwa wakijadiliana wapi pa kwenda kwa ajili ya kujiburudisha. Mimi, kwa upande wangu, nilimwambia Asmah kwamba nina ratiba muhimu kidogo na inabidi niondoke mapema. Aliniuliza kama nitaweza kuungana nao baadaye, nikamtoa wasiwasi kwamba nikimaliza shughuli yangu, lazima nitawafuata.

Baada ya kumaliza kuongea na Asmah, niliiaga timu nzima nikisema nina dharura ndogo ya kifamilia, lakini nikaahidi kuwa nikimaliza nitajiunga nao kwa ajili ya kuwaaga ndugu zetu waliokuwa wanaondoka. Wote walinielewa, wakaniaga kwa tabasamu.

Nilipokuwa natoka, Asmah alinifuata kwa nyuma na kuniambia, anaondoka kwenda home kubadilika, nikiwa tayari nimjulishe ili tuondoke pamoja. Kauli yake iliamsha wazo jipya kichwani mwangu nikaona kwamba nikimalizana tu na Prisca, nitarudi kumchukua Asmah tuende sehemu tofauti kabisa, kiwanja kingine ambacho hatutakutana na timu.

Asmah alipanda Uber kuelekea kwake, nami nikawasha gari langu na kuelekea upande wa Mlimani City. Nilipita kwa kasi barabara ya Mwaikibaki Road, nikakata Coca-Cola Road kuelekea Mwenge ili kuokoa muda. Safari haikuchukua muda mrefu na ndani ya dakika chache nilikuwa nimefika Mlimani City.

Moja kwa moja nikaelekea Samaki Samaki, mahali ambapo Prisca alikuwa amenielekeza. Alikuwa tayari amekaa pale, akiningoja, akiwa amevalia kwa ustadi wa kuvutia unaoweza kumfanya mtu yeyote asahau uchovu wa siku nzima.

Baada ya kuonana na Prisca, tulishikana mikono kwa muda kisha tukakumbatiana kwa nguvu. Kumbatio lile lilikuwa na hisia nzito na lilinirudisha nyuma, kwenye kumbukumbu nyingi tulizowahi kupitia pamoja. Nilihisi kabisa roho ya tamaa ikianza kunijaa upya. Prisca alikuwa amebadilika sana, alikuwa amezidi kuwa mzuri, ngozi yake iking’aa, macho yake yakiwa na ule mng’ao wa zamani niliokuwa naupenda. Nilijikuta nikimtazama kimya kimya, nikijisemea moyoni, “Kweli, mtu akishakuwa ex, ndipo uzuri wake huonekana zaidi.”

Alikuwa ndiye wa kwanza kuvunja ukimya.

PRISCA: “Insider, upo mbali sana.”

MIMI: “Nashangaa sana jinsi ulivyobadilika. Ni kama uzuri umeongezeka maradufu tofauti na enzi zile tukiwa wote.”

PRISCA: (akicheka kwa aibu) “Me sijabadilika, wewe ndo umebadilika sasa.”

MIMI: “Vipi, ushamaliza chuo?”

PRISCA: “Yeah, namshukuru Mungu nimemaliza salama. Sasa hivi najishughulisha na biashara, na muda mwingi nakaa dukani kwangu.”

MIMI: “Waoh, hongera sana! Nimefurahi kuona unajiongeza. Biashara ipo wapi?”

PRISCA: “Sinza, pale Makaburini. Karibu sana umnunulie wifi yangu vipodozi. Ila kwa leo nimekuletea vipodozi vizuri vya kumpelekea wifi yangu naimani atavipenda sana.”

MIMI: “Ahsante sana, pia unakumbuka nilikupaga ahadi ya kukusupport ukianza biashara?”

PRISCA: “Yeah, I remember. Nilidhani umesahau ahadi yako.”

MIMI: “No, Insider always pays his debts, siwezi sahau ahadi yangu. Nitakutumia milioni moja ikusaidie kukuza biashara yako. Nipe CRDB account yako, nikuwekee sasa hivi.”

Prisca alinipa namba za account ya bank na palepale nikafanya kutransfer kiasi kile na aliishia kufurahi sana;

PRISCA: “Thank you, Insider. Mungu akubariki kwenye hustles zako.”

MIMI: “Usijali Prisca, mimi napenda kuona unafika mbali. Hata siku ya harusi yako, nitakuwa mwenyekiti wa kamati.”

PRISCA: “Maybe… lakini sidhani kama nitampenda mwanaume mwingine zaidi yako. Hadi leo, bado siamini kama kweli tuliwahi kuachana. Nahisi kama ilikuwa ndoto, lakini bado nakupenda.”

Maneno yake yalinigusa sana. Nilijikuta nikishusha pumzi ndefu, nikimwangalia kwa upole.

MIMI: “Prisca, hata mimi huwa najutia kuachana na mwanamke mzuri kama wewe haikuwa rahisi. Lakini nataka ujue, nililazimika kufanya maamuzi yale magumu kwa ajili ya familia yangu. Wife alijua kila kitu kuhusu sisi. Labda kama ungevaa viatu vyangu, ungeelewa.”

Prisca alitulia kimya kwa sekunde chache, kisha akaniangalia machoni moja kwa moja.

PRISCA: “Insider, kuna kitu kingine nataka uniwekee wazi... tafadhali, usijaribu kuanzisha mahusiano na dada yangu, Mary. Najua anakupenda sana, lakini kama ikitokea nikagundua mko pamoja, sitakubali. Nitaumia, na nitaamua mambo magumu sana.”

MIMI: “Prisca, usiwe na wasiwasi. Mary ni mshikaji wangu tu kama ilivyokuwa zamani. Siwezi kuanzisha uhusiano naye wakati najua ni dada yako. Sitaki kuvunja uhusiano wenu wa kifamilia kwa jambo kama hilo.”

Baada ya takribani saa moja kupita, hali ilianza kubadilika pale Samaki Samaki. Ghafla, nilimuona Mary akiingia akiwa ameongozana na mwanaume mmoja ambaye sikuwahi kumuona hapo awali. Nilishtuka kidogo kumuona akija eneo lile, hasa kwa sababu sikuwa nimemwambia niko na dada yake, Prisca. Kabla sijapata hata muda wa kuuliza, Prisca aliniangalia kwa utulivu na kunong’ona, “Nimempa taarifa dada yangu, niliona haina shida.”

Mary alitukaribia akiwa na tabasamu pana usoni, akaanza kwa salamu za kawaida kisha akafanya utambulisho rasmi.

“Insider, huyu ni rafiki yangu wa muda mrefu tangu tukiwa Advance level. Kwasasa anatokea Canada, anasoma huko amekuja Tanzania kwa likizo.”

Nilimnyooshea mkono nikasema, “Karibu sana kaka, tunafurahia kukuona.”

Tulikaa pamoja, tukaanza mazungumzo ya hapa na pale. Vinywaji vilikuwa vinaendelea, mishikaki ikija mezani kwa mfululizo, na muziki mzuri ukiendelea kusikika. Mimi nilijikuta nikiwa karibu zaidi na Prisca, tukiendeleza mazungumzo yetu na utani wa kimahaba. Mary, kwa upande wake, alikuwa amejikita kwenye mazungumzo na yule rafiki yake, wakionekana kufurahia muda wao kwa vicheko vya mara kwa mara.

Wakati mazungumzo yanaendelea, simu yangu ilianza kuita mfululizo alikuwa ni Asmah. Nilijua lazima atakuwa anataka kujua kinachoendelea sababu tumekubaliana tutoke pamoja usiku huo. Niliona isiwe tatizo kubwa, nikamwambia Prisca kwamba natoka kidogo kupokea simu muhimu ndani ya gari.

Nilipotoka nje, nikapiga hatua chache hadi kwenye parking, nikaingia kwenye gari na kupokea simu.

Asmah alianza kwa sauti yenye wasiwasi, “Mbona kimya? Na tulikubaliana tunatoka leo!” Nilivuta pumzi kisha nikamwomba msamaha kwa upole, kisha nikamueleza kuwa nimepata dharura nyingine tena ya kifamilia imetokea, hivyo sitaweza kutoka kama tulivyopanga. Baada ya kunisikia, Asmah alionekana kutulia kidogo, kisha akasema yeye ana request usafiri wa kwenda ‘Uncles’ akaungane na kina Hilda na alisisitiza nimtafute siku ya kesho ili tuongee.

Baada ya kumalizana na Asmah nilimpigia simu Sumaiya, alikuwa ametuma jumbe kadhaa kutoka kwake, zote zikiuliza, “Insider uko wapi? Tunakungoja.” Sababu nilijua sitoweza kuwajoin, kwa hiyo nikampigia mara moja. Baada ya kuita kwa sekunde kadhaa Sumaiya alipokea simu kwenye makelele bila kujali na nilimwambia kwa sauti ya upole,

“Sumaiya, leo sitaweza kuwajoini sababu kuna jambo limejitokeza ghafla, lakini msiwe na wasiwasi. Nawatakia party njema, na nitawatumia pesa ya vinywaji, muendelee kufurahia.”

Nilimwambia aongee na wenzake ili waelewe kuwa gharama ziko covered. Baada ya mazungumzo yetu, sikuchukua muda na nilimtumia Hilda pesa ya vinywaji kupitia simu, kwa sababu gharama hiyo tayari ilikuwa kwenye bajeti ya kampuni.

Niliporudi ndani kuungana nao, nilishangaa kidogo kukuta Prisca hayupo mezani. Nilimuuliza Mary kwa sauti ya chini, naye akaniambia kaenda washroom.

Mary alinisogelea taratibu, akaniangalia kwa macho yake ya mahaba akaniambia kama vipi tubadili kiwanja maana aliona pameanza kuboa na alipendekeza twende Masaki 1245 Club. Lakini cha kushangaza alisema hatuendi na Prisca huko.

Maneno yake yalinishtua kidogo, lakini kabla sijapata nafasi ya kujibu, nilimuona Prisca akirudi kuja mezani . Haraka sana mimi na Mary tukakatisha mazungumzo yetu, kila mmoja akijifanya kama hakuna kilichoendelea. Nilichukua simu yangu mezani, nikamuandikia Mary ujumbe:

“Do you really think Prisca atakubali mimi na wewe tuongozane kwenda huko na yeye asiende?”

Sekunde chache baadaye, simu yangu ikatetema, Mary alikuwa tayari amejibu.

“Prisca kesho anaondoka na mama asubuhi sana kwenda Bagamoyo, so hawezi kwenda huko.”

Before sijareply nikamwangalia Prisca aliyekuwa amekaa upande wa pili akiongea na yule rafiki wa Mary kutoka Canada. Nikaendelea kumuandikia Mary kwa tahadhari zaidi:

“Hata kama, haitakiwi Prisca ajue kama mimi nawe tumeongozana. Chakufanya, nyie tangulieni afu mimi nitawajoin soon.”

Mary akareply kwa emoji mbili;

“❤️❤️”

Saa 5 usiku ilipowadia Mary na yule rafiki yake waliinuka mezani, kwa pamoja wakatuaga mimi na Prisca, wakisema wanaelekea Masaki. Wakaondoka wameongozana pale, lakini niliona jamaa anaforce kumshika Mary kiuno, ila Mary alikuwa anamtoa mkono. Tukio zima nilikuwa nalishuhudia kwa makini bila Prisca kujua.

Baada ya kupotea machoni pangu nilimgeukia Prisca na kumuuliza swali;

MIMI: “Huyu ndio boyfriend wa Mary?”

PRISCA: “Hapana, ila jamaa anampendaga sana Mary.”

MIMI: “Unataka kusema Jamaa alishawahi mtongoza Mary?”

PRISCA: “Yeah! Anamtongoza sana tu! Sema da Mary hajawahi kumuelewa huwa anamchukulia kama rafiki wa karibu.”

Prisca ali-pause kwa muda kisha akaendelea kufunguka zaidi.

“Huwa nashindwa muelewa da Mary anachagua sana wanaume, ana zaidi ya mwaka yuko single, simwelewagi.”

MIMI: “Wewe huchagui wanaume?”

Prisca alicheka na alishindwa jibu swali langu, tukaendelea na story zingine za kawaida na habari nyingine mbaya aliyonipa ni rafiki yake Eva kufiwa na baba yake mzazi.

Tulikaa kwa takribani nusu saa zaidi tukiongea mambo ya kawaida kuhusu maisha, familia, na mipango yake ya biashara. Baada ya nusu saa, tulikubaliana kuondoka maeneo yale kwenda kulala. Tuliongozana hadi parking nilikokuwa nimepark gari langu, tukasimama nje ya gari tukiendelea na maongezi mafupi. Nilimuuliza kama anaelekea kwake Changanyikeni, akaniambia anaenda nyumbani Mbezi Beach kwa mama yake. Nikamwambia siwezi kumfikisha huko, hivyo bora atumie Uber na mimi nitalipia.

Kipindi tunasubiria Uber tuliendelea na mazungumzo yenye utulivu. Nimwuuliza kuhusu mpango wake wa mahusiano, naye akaniambia bado anaweka mambo sawa kabla ya kufanya maamuzi makubwa. Ilipofika gari ya Uber kumchukua tulikumbatiana tena kwa nguvu na alikuwa hataki kuniachia, nikamkiss kwenye shavu lake la kushoto na nikamuaga. Nilimfungulia mlango wa gari ili akae siti za nyuma na nikamuomba dereva ahakikishe anamfikisha nyumbani salama, kisha nikatoa noti mbili za elfu 10 nikamkabidhi dereva.

Baada ya gari kuondoka, nilipumua kwa kina kisha nikaanza safari kuelekea Masaki. Nilijisikia huru sana kwani nilikuwa nimepanga kila kitu vizuri, Elena nilimuaga asubuhi naenda Dodoma, na mama J wangu pia nilimpa taarifa mapema. Pia, niliondoka nyumbani nikiwa nimewaachia akina Elena pesa za kwenda matembezini Mlimani City kupumzika na kula pizza.

Baada ya kuwasili Club 1245, nilienda moja kwa moja hadi sehemu walipokuwa akina Mary. Tulipoonana, tuliendelea kunywa vinywaji huku muziki mtamu ukiendelea kusikika kwa sauti ya kuvutia na mazingira yakiwa yamechangamka sana. Kadri muda ulivyokuwa unasonga, Mary alianza kuonesha waziwazi mapenzi yake kwangu bila kificho, na hakuwa tena na muda na yule rafiki yake aliyekuwa ameongozana naye.

Kitendo hicho kilimkera sana yule jamaa, jambo ambalo nilianza kuliona kupitia mabadiliko ya uso wake na mienendo yake. Nilipomuuliza Mary kuhusu yule jamaa anaishi wapi na amefikia wapi? Alinijibu kuwa kwao ni Oysterbay, kisha akaniambia kwa sauti ya chini kuwa jamaa ni mtoto wa kigogo, ambaye baba yake aliwahi kuwa Waziri kati ya mwaka 2013 hadi 2018.(Code)

Saa nane usiku tuliamua kuondoka Club 1245. Yule jamaa alikuwa na Land Cruiser 300, na ingawa alionekana amelewa, ila alisisitiza kuwa angefika salama kwani nyumbani hakukuwa mbali. Baada ya jamaa kuondoka, mimi na Mary tulipanda kwenye gari letu na kuelekea nyumbani kwake huko Msasani.

Baada ya kurudi tulidinyana sana hadi kuna pambazuka na tulichelewa sana kuamka. Nilianza kuamka na kucheki muda ilikuwa tayari ni saa tano asubuhi, Mary alikuwa kalala fofofo hajielewi. Mazingira ya kitanda yalikuwa ni hovyo sana, ni kama mtoto alikuwa anacheza kitandani.

Nilipoamka asubuhi, niliingia bafuni kuoga kisha nikaelekea jikoni kutengeneza supu kwa ajili ya kifungua kinywa. Baada ya kumaliza maandalizi, nilikaa sebuleni nikiangalia televisheni, nikisubiri muda wa kumuamsha Mary. Ilipofika kama nusu saa baadaye, ghafla nilimsikia akitoka chumbani. Alikuwa ameshika simu yangu mkononi, na machozi yalikuwa yakimtoka usoni.

Nilishtuka, moyoni nikahisi kuna jambo baya limejitokeza. Kabla sijasema chochote, Mary aliniangalia kwa macho yenye maumivu kisha akaniuliza kwa sauti ya uchungu:

“Insider, ina maana una wanawake wengine nje? Na hata baadhi yao ninaowajua?”.
 
SEASON 3

CHAPTER 10

CONTINUE:

Nilipoamka asubuhi, niliingia bafuni kuoga kisha nikaelekea jikoni kutengeneza supu kwa ajili ya kifungua kinywa. Baada ya kumaliza maandalizi, nilikaa sebuleni nikiangalia televisheni, nikisubiri muda wa kumuamsha Mary. Ilipofika kama nusu saa baadaye, ghafla nilimsikia akitoka chumbani. Alikuwa ameshika simu yangu mkononi, na machozi yalikuwa yakimtoka usoni.

Nilishtuka, moyoni nikahisi kuna jambo baya limejitokeza. Kabla sijasema chochote, Mary aliniangalia kwa macho yenye maumivu kisha akaniuliza kwa sauti ya uchungu:

“Insider, ina maana una wanawake wengine nje? Na hata baadhi yao ninaowajua?”.

Nilinyamaza kimya, nikiwa sijui la kusema. Swali lile lilinipiga kama radi, nilijikuta nikiishiwa maneno. Mary akaendelea kwa sauti ya majonzi:

MARY: “Insider, kweli una wanawake wengine nje na mimi bado unataka nikuzalie watoto?”

MIMI: “Mary, calm down… wanawake gani unaowazungumzia?”

MARY: “Insider, jumla una wanawake sita? Conversation zenu zinajieleza kila kitu! Oh my God, I don’t want to be on this list.”

Machozi yake yalizidi kumtoka, yakitiririka taratibu mashavuni. Alienda kukaa kwenye sofa huku ameinamisha kichwa chini, akionekana kuvunjika moyo kabisa. Nilimsogelea kwa upole, nikajaribu kumtuliza.

MIMI: “Mary, tafadhali nisikilize kwanza…”

MARY: “No! Stay away from me. Umeumiza sana moyo wangu, nilikupenda toka moyoni na sikutegemea una wanawake wengine zaidi ya mama J na Iryn. Nimeishia hapo tu maana naamini una wanawake wengine wengi tu.”

Akapiga ngumi kwenye sofa kwa hasira, kisha akasimama na kuelekea chumbani huku akilia. Nilijaribu kumvuta kwa upole kumzuia,

MIMI: “Mary, tafadhali nisikilize basi…”

MARY: “I said leave me alone!”

Baada ya kuona hali imechafuka na hakuna tena utulivu, niliamua kuondoka. Niliendesha gari langu hadi kwenye parking za Palm Village, nikakaa ndani kimya nikijaribu kutuliza akili na hapo ndipo nilipoanza kuziangalia zile chats ambazo alikuwa akizungumzia.

Mary anazijua password za simu zangu zote. Mara nyingi tunapokuwa pamoja, hasa nikiwa naendesha gari, huwa ndiye anayenisaidia kujibu message za watu. Kwa muda mrefu nimezoea kumwamini kiasi kwamba sikuwahi kuficha chochote kwake kuhusu mambo ya kawaida. Anayajua vizuri majina niliyowasave mama J na Iryn, mara nyingi wakipiga simu husema ni wenza wake.

Sikuwahi kufikiri kwamba kuna siku Mary angepata ujasiri wa kukagua simu yangu, hasa kwa nafasi yake kwangu maana ukweli ni kwamba yeye alikuwa mchepuko.

Mimi huwa na simu mbili. Moja ni kwa ajili ya watu wangu muhimu pekee kama mama J, Iryn, wazazi na wengine wachache ninaowaheshimu. Simu ya pili ndiyo ninayoitumia kwa mambo ya kazi, mazungumzo yasiyo rasmi, na wakati mwingine michepuko kama Mary.

Lakini bahati mbaya, siku hiyo Mary alikuwa ameshika hiyo simu ya pili, simu ambayo ndiyo tulikuwa tunatumia kuwasiliana naye mwenyewe. Na kwa sababu ya mazoea, nilikuwa sijafuta chats. Nilizoea kuiacha tu kwenye gari, nikijua hakuna mtu mwingine ataipekua.

Mary alikuwa amekutana na conversations kati yangu na Ghati, Tricie, pamoja na Erica. Ingawa sijawahi kuzungumzia kuhusu Tricie na Erica katika simulizi hili, kutokana na hali hii ilivyojitokeza, itanibidi niguse kidogo jinsi nilivyoanzisha mahusiano nao.

Conversation ya Kwanza – Ghati:

Mazungumzo yangu na Ghati yalitokea kipindi nilipotoka Zambia. Alinitumia ujumbe akiniuliza kama kweli ningeenda kulala kwake, nami nikamjibu, “Yes Mummy, why not? I miss you.” Hatukuendelea na mazungumzo mengine zaidi ya hapo.

Conversation ya Pili – Erica

Huyu dada tulifahamiana Dodoma, kipindi nasajili kampuni yangu kwenye ile taasisi maarufu yenye rangi ya njano. Anaitwa Erica, mwanamke mrembo sana, mwenye haiba ya kuvutia na weupe wa kipekee. Awali, lengo langu lilikuwa ni kuhakikisha shughuli zangu za kibiashara zinaenda vizuri, hivyo nilihitaji mtu wa taasisi kama ile ambaye angenisaidia kuhakikisha kila kipengele kinaenda bila shida.

Kadri navyoenda pale ofisini nilijikuta nikianza kuvutiwa naye wakati huo nilikuwa Dodoma peke yangu, sina mtu wa karibu wa kuzungumza naye, na nilikuwa nimepoteza matumaini ya kumpata tena Iryn. Hivyo, nilianza kumshawishi kimahusiano, ingawa yeye alikuwa anaringa sana na hakuwa mwepesi kukubali. Wakati huo ndipo Mary alipo kuja Dodoma na mambo yakabadilika kabisa, mipango yangu kwa Erica ikatibuka.

Baada ya Mary kuhamia Dodoma na kuanza kuishi nami, niliacha kabisa kuwasiliana na Erica. Hata yeye hakunitafuta, na kwa muda nikamsahau kabisa.

Lakini mambo yalibadilika baadae, wakati niko Afrika Kusini, kipindi ambacho Iryn alikuwa amejifungua. Ghafla, Erica alinitafuta kupitia WhatsApp. Aliniambia amekuwa akinipigia kwa simu za kawaida bila mafanikio, hivyo akaamua kunitafuta kwa njia hiyo.

Tulianza kuwasiliana tena, na nikamjulisha kuwa niko Afrika Kusini kwa shughuli za biashara. Alifurahi kusikia hivyo na kuniomba nikirudi Tanzania, nipitie Dodoma ili tuonane, nilimwahidi nitafanya hivyo.

Baada ya kurudi, nilipanga safari kwenda Dodoma kufuatilia masuala ya kampuni na maendeleo ya biashara zangu kwa ujumla, na wakati huo huo, nikapata nafasi ya kukutana na Erica. Tulionana usiku pale Golden Fork, sehemu tuliyokaa kwa muda tukipata chakula na kuzungumza kwa utulivu.

Mazungumzo yetu yalianza kwa kawaida, lakini baadaye yakageukia upande wa mahusiano. Erica alifunguka kwa uwazi kwamba kipindi kile nilipokuwa nikimweleza kuhusu hisia zangu, tayari alikuwa kwenye mahusiano na mwanaume mwingine. Hivyo, hakutaka kuonekana kama mtu anayehusiana na wanaume wawili kwa wakati mmoja jambo ambalo, kwa upande wake, lilikuwa kinyume na maadili yake.

Nilishindwa kuelewa alikuwa anamaanisha nini aliposema hivyo, kwa sababu mimi tayari nilikuwa nimeshaachana na ule mpango wa awali. Baada ya kimya kifupi, nilimuuliza kwa sauti ya utulivu:

MIMI: “Sasa mbona hukuniambia mapema kama ulikuwa kwenye mahusiano?”

ERICA: “Sikupenda kusema hivyo, kwa sababu nilihisi jibu la moja kwa moja lingeweza kukuumiza. Niliona busara ni kunyamaza kimya.”

MIMI: “Sawa, lakini huyo jamaa yako yuko wapi sasa, na anajishughulisha na nini?”

ERICA: “Yuko hapa hapa Dodoma, anafanyia kazi taasisi X, ila kwa sasa hatuko pamoja.”

MIMI: “Mmeachana lini? Na sababu hasa ni ipi?”

ERICA: “Tumeachana mwishoni mwa Juni, baada ya kugundua ana mwanamke mwingine ambaye, kwa kila dalili, alimpenda zaidi yangu.”

MIMI: “Pole sana kwa hilo! Sasa, kwa vile unanieleza yote haya, unamaanisha unataka kunipa mimi nafasi hiyo?”

ERICA: “Kama bado una nia na mahusiano, naamini tunaweza kuanza safari mpya ya mahusiano pamoja.”

MIMI: “Lakini kwanini unakimbilia mahusiano mapya haraka? Kwa nini usijipe muda kidogo, huenda ukapata mwanaume bora zaidi yangu?”.

ERICA: “Wewe ndiye uliyeomba mahusiano, ukaniambia mimi ni mwanamke bora kwako. Mimi naamini vilevile kwamba wewe ni mwanaume bora kwangu.”

MIMI: “Do you really love me? Mimi napenda mtu kwa moyo kweli, na huo ndiyo udhaifu wangu. Sitapenda kuona ukinipiga matukio waziwazi. Kama unanihakikishia utulivu wa moyo wangu na upendo wa kweli, basi niko tayari tuanzishe mahusiano.”

ERICA: “I promise, Insider.”

Baada ya kufikia muafaka huo, tuliagana pale Golden Fork kwa furaha. Niliondoka nikiwa na tabasamu usoni, nikihisi kama mission accomplished. Sio kwamba nilifanya hivyo kwa hisia pekee hapana. Nilikuwa na sababu zangu binafsi, nikijua wazi kuwa kuwa karibu na Erica kungeweza kusaidia kuhakikisha mambo ya kampuni yangu yanaenda vizuri kama nilivyopanga.

Sasa, kipindi tukiwa kwenye kikao cha kampuni Giraffe Hotel, nilipokea simu kutoka kwa Erica. Kwa kuwa kikao kilikuwa kinaendelea, nilimtumia ujumbe mfupi nikimjulisha kuwa nitamcheki baadaye. Hata hivyo, sikuweza kumpigia tena kama nilivyoahidi.

Asubuhi iliyofuata, alinipigia tena na kutuma ujumbe wa malalamiko akisema kuwa nilimuahidi kumpigia lakini sikutimiza. Na alilamika kwamba nilikuwa nina mwanamke mwingine ndomana sikutaka kupokea simu zake.

Conversation ya Tatu – Tricie

Hii ina muhusu mwanamke mwenye udiva mwingi anaitwa Tricie, ambaye kwa muda mrefu alikuwa akinichat mara kwa mara na kuniita majina mazuri kiasi kwamba mtu asiyefahamu angeweza kudhani ni mpenzi wangu. Tricie nilimla kimasihara kipindi nimetoka South Africa, na nilimpanga tangu niko kule South. Baada ya kuingia kwa trap sikutaka kuchezea ile bahati kwa mtoto mzuri kama yule, maana hata Shetani asingenielewa.

Tulikutana kwa mara ya kwanza pale Ubalozi wa Afrika Kusini. Tricie alikuwa mfanyakazi pale na ni raia wa Lesotho. Nilimfahamu kupitia Iryn, kwani tulikuwa tunaenda mara kwa mara ubalozini pamoja. Baada ya hapo tukaanza kuwasiliana na kuchat kwa nadra sana.

Wakati nikiwa Afrika Kusini, nilikuwa nachat naye sana, na mazungumzo yetu yalichukua mkondo wa utani wa kimahaba. Nilimuomba “game” kiutani tu, bila malengo makubwa kichwani, lakini mambo yakawa tofauti kidogo.

Siku moja aliposti video akiwa na marafiki zake wawili. Nikaona ni-comment kwenye ile status yake;

MIMI: “You ladies look so beautiful.”

Bila kuchelewa akaquote reply yangu kwa emoji “😍” na akareply;

TRICIE: “I had to go out with my workmates.”

MIMI: “Yeah, I can see that, you look stunning.”

TRICIE: “Thank you! It’s been a while since I last saw you.”

MIMI: “Lol! I guess you missed me.”

TRICIE: “Hahahaa! I mean, these days you don’t even visit our office.”

MIMI: “I’ll visit soon, but honestly, I would prefer to see you outside the office. Maybe we could have dinner together, what do you think?”

TRICIE: “Sounds great! But when and where?”.

MIMI: “Wow! We can even meet this Saturday. I’m planning to book a nice hotel so after dinner we can grab a few drinks and just relax together.”

Zilipita dakika kama tano hivi, akareply;

TRICIE: “What do you mean by relax together?

MIMI: “I’m not in Dar es Salaam right now, I’m in Dodoma for some business, but this Saturday I’ll fly to Dar. I was thinking we could have dinner, maybe stop by Wavuvi Camp for a drink, and then head back to the hotel. I honestly don’t like sleeping alone, so I was hoping for your company.”

TRICIE: “No, that can’t be possible.”

Nilimdanganya kuwa niko Dodoma, lakini baada ya majibu hayo, sikujibu tena. Ilikuwa ni Jumanne wakati huo. Hata hivyo, Jumamosi asubuhi alinitafuta tena na nilikuta ujumbe wake;

“Hi, do you still have plans to come to Dar es Salaam?”

Nilichelewa kureply message yake, hivyo nilijibu saa saba mchana:

MIMI: “No, I don’t our last conversation didn’t end well.”

TRICIE: “No, Insider… we can’t sleep together. We are not lovers that is not possible.”

Nikajua tayari ameshavutiwa, nilichotakiwa ni kuchukua hatua kwa kukazia na palepale nikampigia WhatsApp call.

MIMI: “Tricie, who told you that only lovers can sleep together?”.

Alikuwa anacheka tu na hana cha kuongea;

TRICIE: “Then what do you mean?”

MIMI: “I never said sleeping together means anything bad, or that I want to disrespect you. And I never said it’s about sex that is just what you are thinking. Tell me, would you really pay $200 for a nice hotel room and sleep there alone? Does that make sense to you?”.

Tricie alinyamaza kimya kwa sekunde kadhaa pasipo kutamka neno lolote na akasema;

TRICIE: “Just promise me you’ll be a gentleman.”

MIMI: “I promise.”

Baada ya kurudi kutoka South Africa, nilienda kwanza Dodoma ambako kule nilikutana kwanza na Ericah. Baada ya kurudi kutoka Dodoma tulikutana na Tricie Ramada Hotel saa 3 usiku. Tulipata chakula, kisha tukapumzika kwenye bar tukinywa vinywaji, na baadaye tulipanda chumbani. Tulisumbuana kidogo mwanzoni, lakini mwisho wa siku alinipa ushirikiano.

Baada ya tukio hilo, sikuwahi kuwa naye tena kwa mawasiliano ya karibu. Lakini alianza kunitafuta mara kwa mara, akinichat sana na kuniita majina ya kimahaba kama “Baby”, bila hata kuwa kwenye mahusiano rasmi.

Mary alikuta jumbe za Tricie kwenye simu yangu, ambazo zilikuwa zimejaa malalamiko yake kuhusu mimi kutomjibu. Lakini kilichomchanganya zaidi Mary siyo hizo lawama bali ni namna Tricie alivyonitumia maneno matamu ya kimahaba. Aliona majina kama “Baby,” “My Love,” na “Sweetheart,” ambayo yalionekana kama ujumbe kutoka kwa mpenzi halisi.

Hadi kufikia hapo, sikuwa tena na sababu yoyote ya kujitetea mbele ya Mary. Ushahidi wa mawasiliano yangu na Ghati, Tricie pamoja na Erica ulikuwa wazi kabisa. Nilijua nikijaribu kueleza chochote nisingeeleweka. Nilijisemea kimoyomoyo, “Hizi zote nitazichomoa mwenyewe nasubiri atulie tu.”

Wakati bado nikiwa kwenye tafakari hizo, simu yangu iliita na kuangalia alikuwa ni Jane. Alizungumza kwa sauti ya upole, akisema anahitaji tuonane leo kwa ajili ya kujadili mambo ya kampuni, kwani kesho yake anatarajia kusafiri kwenda msibani.

Sikupoteza muda, na mara moja niliamua kuondoka kuelekea Kunduchi, kwenye duka lake. Nilipofika, tulisalimiana kwa bashasha na kisha tukakubaliana kuendelea na mazungumzo yetu Ledger Plaza Hotel, tukiwa tunapata lunch.

Kabla hatujaanza kujadili mambo ya kampuni, nilimuuliza kwanza kuhusu taarifa za msiba alioutaja. Akanijibu kwa huzuni kwamba ni ndugu yake wa karibu. Baada ya kumfariji kwa maneno machache, tulianza rasmi kujadili masuala ya kampuni.

Suala kuu lililokuwa mezani lilihusu kuanza utekelezaji wa kufungua kampuni yetu. Tulianza kuandaa bajeti ya awali ikijumuisha gharama za BRELA, ada za mamlaka nyingine za serikali, pamoja na kodi ya pango la ofisi. Kwa upande wa gharama za stock ya kuanzia, nilimpigia simu Sia ili kujua lini tungeweza kupata mzigo. Alijibu kuwa mzigo utakuwa tayari baada ya wiki tatu.

Baada ya kumaliza mazungumzo yote muhimu na Jane, nilimwambia kuwa kesho nitaanza rasmi taratibu za kufungua kampuni. Nilimjulisha pia kwamba nitawasiliana na madalali ili kutafuta fremu nzuri ya ofisi, na kwamba nitampatia taarifa mara tu nitakapopata sehemu inayofaa.

Baada ya kufikia makubaliano hayo, niliamua kumuaga Jane na kurudi nyumbani mapema. Lengo langu lilikuwa moja tu! Kuhakikisha wife akirudi aninikute nikiwa nyumbani, nimetulia.

Ilipofika saa mbili usiku, wife alirudi nyumbani. Alionekana mwenye furaha na kunawiri sana, sura yake iling’aa, na hata Junior naye alikuwa amefutuka vizuri. Ilikuwa wazi kabisa kwamba safari yao ya Arusha imekuwa na baraka mazingira yamewapenda, na nao wameyapenda.

Mama J alishangaa kumuona mdogo wangu, lakini furaha ilitawala zaidi ya mshangao. Walikumbatiana na kusalimiana kwa bashasha, kisha wote tukakaa sebleni tukipiga stori mbalimbali kuhusu maisha ya Arusha na matukio waliyopitia huko.

Baada ya mazungumzo ya kifamilia kumalizika na wife, niliamua kutoka nje kwa muda ili nipige simu kwa dada yangu. Lengo langu lilikuwa ni kumsalimia na, zaidi ya yote, kutafuta njia ya kusuluhisha tofauti zetu zilizojitokeza kipindi nilipokuwa Zambia.

Nilipopiga simu, iliita kwa muda mrefu bila kupokelewa. Nilijaribu tena mara ya pili, lakini hali ikawa ileile. Nikabaki nikiwa na mawazo, nilihisi huenda dada yangu alikuwa bado amekasirika kutokana na tukio lile. Hata hivyo, sikutaka kujiweka kwenye mawazo makubwa. Nikajiambia, “Labda yuko busy, tena ukizingatia ni mjamzito. Akiona simu zangu, atanipigia mwenyewe.”

Sikupenda kabisa hali ya kuwa na mgogoro naye. Mimi na yeye tumekuwa na ushikiano wa karibu sana tangu utotoni, na kila mara tumekuwa tukisaidiana kwenye kila jambo. Mawazo hayo yalinifanya nijisikie huzuni kidogo, lakini niliamua kuwa mvumilivu.

Baada ya muda mfupi, niliamua kumpigia Iryn, kwani jana alikuwa amenitafuta mara kadhaa wakati nikiwa kwenye kikao hotelini. Mazungumzo yetu safari hii yalihusu zaidi kampuni, hasa kujua maendeleo ya kile tulichojadili na hatua tulizochukua kwenye suala la kupunguza wafanyakazi. Habari kubwa aliyonipa ni kwamba kulikuwa na mzigo wa kwenda kufuatilia Zanzibar, na alisisitiza niwasiliane na Agent wetu wa clearing.
****

Jumatatu Asubuhi nilichelewa kufika ofisini, na nilipowasili nilimkuta Lucy akiwa tayari ameanza kazi, lakini Hilda hakuwa amefika bado. Nilikuwa na majukumu muhimu ya kuhakikisha wafanyakazi wote waliopunguzwa wanapata stahiki zao kwa wakati, kama nilivyowaahidi.

Nikiwa nimeshika kasi ya kazi, Hilda aliingia ofisini lakini hakunisalimia hata kidogo kana kwamba hajaniona. Nilishangaa sana kwa tabia yake ile, lakini niliamua kunyamaza kimya na kuendelea na shughuli zangu.

Awali nilikuwa nimepanga kumpa taarifa ya safari ya yeye na Lucy kwenda Zanzibar siku ya Alhamisi kufuatilia mzigo, lakini baadaye nilibadilisha mpango. Niliamua Lucy aende na Winny badala yake. Sikutaka kwenda Zanzibar makusudi, kwani nilitaka kuwaachia wafanyakazi wajifunze taratibu, wasitegemee kila jambo lifanywe na mimi.

Wakati nikiendelea na kazi, Asmah alinipigia na nilipoona jina lake, nilitulia kidogo kabla ya kupokea, nikikumbuka kuwa alinisisitiza nimtafute lakini sikuweza kufanya hivyo. Nilipoipokea, baada ya salamu za kawaida, aliniuliza kwa nini sikumtafuta kama alivyonitaka. Nilijikuta nikimdanganya kwa maneno mepesi ili kupunguza malalamiko.

Akanambia alikuwa amepanga kunitunuku kitumbua ile siku, lakini kwa sababu ya kutojitokeza kwangu, nimechezea bahati. Nilimshawishi asifanye hivyo, nikampa ahadi kuwa tutatoka pamoja mwishoni mwa wiki hii. Akakubali, lakini akaweka wazi kuwa tutatoka tu, lakini hatutafanya chochote.

Mchana, Sumaiya alifika pale ofisini na gari yake na akaniambia anataka kunipa ofa ya lunch na kuna umbea anataka kunipa kuhusu Hilda. Tulipanga pamoja tunaenda Pantaleo kwaajili ya chakula cha mchana. Njiani, nilikuwa na hamu kubwa ya kujua jambo ambalo Sumaiya alitaka kunambia kuhusu Hilda.

Baada ya kuwasili, tuliagiza chakula na kuanza kuzungumza. Sumaiya alianza kwa kuniuliza kuhusu hali yangu na Hilda kwa sasa, akibainisha kuwa alitambua kutoka kwenye kikao chetu cha juzi kwamba mambo hayakuwa sawa. Akaanza kunikumbusha na kipindi tulipokuwa Zanzibar mimi na Hilda hatukuwa sawa.

Sikutaka kumficha Sumaiya hali halisi ya mahusiano yangu na Hilda, hivyo nikamwambia ukweli. Nilimweleza kwamba hatuko sawa tangu tuko Zanzibar, na Hilda amenichukia baada ya kumkuta Ghati kwenye chumba changu.

Lakini sikupenda Sumaiya ajue ukweli kuhusu mahusiano yangu na Ghati, sikutaka ukweli huu ufunuliwe. Nilimdanganya kwa kumwambia Sumaiya kuwa Ghati ni mshikaji wangu wa karibu sana na tumesoma wote katika chuo kimoja cha UDSM. Na nilimwambia kwasasa yuko Zanzibar anafanya kazi kule, na kipindi kile alikuja hotelini kunisalimia.

Sumaiya alianza kufunguka sasa. Aliniambia kwamba Jumamosi walienda Uncles, na baadae Hilda alikutana na jamaa yake yule waliofahamiana wakati tulipokuwa Zanzibar, na waliondoka pamoja. Kwa upande wangu, sikushutuka sana, kwani tangu tuko Zanzibar nilishaanza kuona dalili kwamba hawa wawili walikuwa wakianzisha mahusiano mapya.

Sumaiya alinisisitiza kwamba Hilda ananielewa sana, na kunishauri kwa nguvu kwamba nihakikishe natembea na Hilda haraka iwezekavyo. Alieleza kuwa hili lingeweka heshima kwangu, la sivyo Hilda ataendelea kunidharau na kuninunia bila sababu.

Nilianza kufikiri kwa makini, nikaona kuwa Sumaiya, amezungumza point, lakini kwa upande wangu, ushauri wake ulikuwa na hatari kidogo. Nikakumbuka matatizo yaliyojitokeza kati yangu na Asmah kipindi cha nyuma, na jinsi yalivyokuwa yakileta shida kwa Iryn.

Baada ya kuchambua, nikagundua kuwa ushauri wa Sumaiya ni kama upumbavu kwangu kwa sasa. Nilikiri ndani yangu kuwa siwezi kufanya upumbavu kama huo, kwani ni bora Hilda anidharau hivyo, nilimwambia Sumaiya kwa uthabiti kuwa siwezi kutembea naye kama anavyopendekeza.

Saa 11 jioni nilikuwa na mgeni ofisini ambaye si mwingine bali ni Sia. Nilikuwa nimeomba kukutana naye ili tuzungumze kuhusu masuala ya biashara. Baada ya kumueleza changamoto zangu, alikubali kuja ofisini ili apate kuona bidhaa na huduma zetu kwa macho yake mwenyewe.

Nilimtumia location, naye akafika bila shida. Nilimtoka kwenda kumpokea, na Sia alionekana mwenye furaha kubwa kufika kwenye ofisi zetu. Kwanza kabisa, nilianza kwa kumtembeza taratibu akitazama mazingira ya ofisi. Tulipofika kwenye showroom, alipendezwa sana na bidhaa zetu hakusita kuonyesha mshangao na pongezi zake.

Sikuwa peke yangu, Winnie alikuwepo, akisaidia kumuelezea kwa undani sifa za kila bidhaa na zilipotoka. Baada ya kumaliza kuzunguka katika idara zote, tulitoka nje na kukaa kibarazani kwa mazungumzo ya kina kuhusu biashara.

Suala kuu lililojadiliwa lilikuwa kuhusu biashara hasa suala la mzigo wa bidhaa. Sia alipendekeza tuchukue pazia kutoka Uturuki na Italy, akieleza kuwa ni bora na imara zaidi. Sia alishauri baadae tutaanza kuchukua na za China ili kuhakikisha tunagusa kila aina ya wateja. Tulikaa tukapiga mahesabu vizuri, tukajumuisha kila kitu kuanzia gharama za bidhaa, kodi, usafiri, hadi gharama ndogo ndogo nyingine.

Baada ya kupata makadirio sahihi, nilimpigia simu Jane palepale. Kwa bahati nzuri, alipokea simu mara moja. Nilipomueleza kinachoendelea, aliridhia mpango wetu na akasema atahamisha kiasi husika kwenye akaunti yangu ya bank.

Baada ya masuala ya biashara kumalizika, tulibadilisha mazungumzo na kuzungumza mambo ya kawaida kuhusu maisha. Tulikaa pale ofisini hadi saa moja usiku, ndipo Sia akaaga na kuondoka.

Mimi niliendelea kuweka mambo sawa ofisini na kuwajulisha Lucy na Winnie kuhusu safari ya kwenda Zanzibar kufuatilia mzigo. Walionekana na wasiwasi kidogo kwa sababu hawakuwa wanajua wataanzia wapi, lakini nikawahakikishia kuwa watakuwa na Agent, hivyo hawana haja ya kuwa na wasiwasi.

Nilipomaliza kuweka kila kitu sawa, nilimuaga Lucy nikimwambia ninaondoka kwenda home. Lucy alikuwa anamalizia majukumu yake akanitaka nimsubiri ili nimwache pale Mwenge, nikamwambia atanipata kwenye gari, kisha nikaondoka.

Nikiwa ndani ya gari nikimsubiri Lucy, nilijikuta nikimkumbuka Mary. Tangu tulivyogombana jana, hatukuwa tumeongea tena. Nilihisi sasa ni muda sahihi wa kumtafuta, maana muda ulikuwa umepita vya kutosha na hasira kwa upande wake huenda zilikuwa zimepungua.

Nilitoa simu na kumpigia, simu yake ilikuwa inatumika. Nilijaribu tena mara ya pili, bado ilikuwa vilevile. Nilijua Mary asingeweza kunirudia kirahisi baada ya kugombana, hivyo niliamua kumtafuta tena hadi nitakapofika nyumbani.

Baada ya muda mfupi, Lucy aliwasili na safari ikaendelea. Alionekana mwenye furaha kubwa kuliko kawaida, jambo lililoonyesha namna alivyofurahia uwepo wangu. Tukiwa njiani nilianza mazungumzo kuhusu mambo mbalimbali, ikiwemo kujua kama bado ana mawasiliano na mama J, jambo alilokataa kwa kueleza kuwa hawajawasiliana kwa muda mrefu.

Hapo ndipo nilipoamua kumueleza kuhusu mpango wangu wa kumdanganya mama J kwamba nimeacha kazi kwa Iryn. Niliona ni muhimu kufanya hivyo ili kuficha ukweli kuhusu mimi na Iryn, hasa kwa sababu nilijua ipo siku mama J angeuliza habari zake pamoja na mtoto. Nilihisi ni bora kujikinga mapema kuliko kusubiri matatizo yatokee baadaye.

Lucy alielewa mantiki ya mpango wangu na aliunga mkono wazo hilo, akisisitiza kuwa ni uamuzi wa busara. Tulipofika Mwenge, nilimshusha na kuendelea na safari yangu ya kuelekea nyumbani.

Nilipofika nyumbani, sikuwa na hamu ya kuingia ndani mara moja. Nilipark gari nje, pembeni ya geti, nikiwa na wazo moja kichwani, kumalizana na Iryn mapema kuhusu mpango wangu.

Nilichukua simu na kumpigia, haikuchukua muda sana, akapokea. Nilianza kwa kumpa taarifa kwamba mama J alikuwa amerudi kutoka Arusha, kisha nikamueleza kwa utulivu mpango niliokuwa nimepanga kuhusu jinsi ya kumdanganya mama J ili kuficha ukweli wetu. Nilitegemea ataniunga mkono, au angalau kuonyesha kuelewa mantiki ya kile nilichokuwa nakusudia. Lakini kinyume chake, Iryn alianza kucheka kwa namna ya kejeli na sauti yake ikawa na mchanganyiko wa dharau na mzaha, kitendo ambacho kilifanya nipatwe na hasira.

MIMI: “Sasa baby kinachofanya ucheke ni nini?”

IRYN: “Do you think the plan will work?”

MIMI: “I’m sure it will work 90% of the time.”

IRYN: “If your plan doesn’t work 100%, find another plan.”

MIMI: “What?.. kwamba huu mpango unaonaje.”

IRYN: “Hivi baby, mimi na Mama J utofauti wetu ni nini?”

MIMI: “Why are you asking such a stupid question?”

IRYN: “Then answer my stupid question.”

MIMI: “Utofauti wenu ni kwamba, mama J anatambulika home hadi na ndugu zangu, but you’re not.”

IRYN: “What did you say?”

Nilimkatia simu na kuingiza gari ndani, maana niliona kabisa ananipandisha hasira yaani, namwambia mpango wangu yeye analeta habari zingine zisizo na kichwa wala miguu. Kabla sijashuka, nilijikuta nikitaka kumpigia tena Mary. Nilihisi labda tutaelewana, lakini mambo yalikuwa yaleyale, simu ilikuwa inatumika, na hapo ndipo akili ikaniambia huenda Mary ameniblock.

Nikataka kuhakikisha kupitia Whatsapp na kweli, nikakuta ameniblock, niliishia kutabasamu kwa uchungu, kisha nikaamua kuingia ndani. Nilipofungua mlango wa sebleni, nikakutana uso kwa uso na jicho kali kutoka kwa wife. Kabla sijasema chochote, akaniwashia moto;

“Kama kawaida yako ukirudi, lazima ukae kwenye gari muda mrefu kwanza, ndiyo uingie ndani!”

Nikavuta pumzi nikamjibu kwa sauti ya kutojali:

“Unataka kumaanisha nini sasa? Hata salamu hakuna, umeshaanza kelele kama radio. Bora niwe nachelewa kurudi nakuta umelala.”

Nikaamua kutoendelea na ubishani. Nikaelekea bafuni kuoga, kisha nikarudi chumbani nikakaa kitandani nikiwa nimezama kwenye mawazo. Fikira zangu zikarudi kwa Mary namna yake kumuweka sawa maana nilijua wazi, kwa zile chats alizoziona, singeweza kujinasua kirahisi. Nikaendelea kuwaza mbinu ya jinsi ya kumuweka sawa na kumpanga, lakini kila njia niliyofikiria ilionekana kufungwa.

Nikiwa bado nimezama kwenye mawazo mazito kuhusu Mary, ghafla simu yangu ilianza kuita kwa nguvu. Nilipoangalia, nikaona jina la Jane liking’aa kwenye skrini. Bila kusita, nikapokea.

Tulianza maongezi kwa mazoea, kisha akaniambia kuwa tayari amenitumia pesa alizoahidi. Alitaka kujua kama zimefika na nilichukua simu yangu nyingine kuangalia ujumbe, lakini sikuona chochote. Nikafungua Sim Banking na hapo nikagundua salio langu limeongezeka, ndiyo kumjulisha kuwa pesa zimefika.

Baada ya kumshukuru na kumaliza maongezi na Jane, nilikaa kimya kwa muda nikipanga hatua inayofuata. Bila kupoteza muda, nikampigia Sia kuuliza kama anatumia akaunti ya CRDB ili nifanye uhamisho wa haraka. Akanijibu anatumia Exim, na akaongeza, Kama inawezekana, tuonane kesho nimkabidhi cash. Nilikuwa na ratiba nyingi nikamwambia haitawezekana, anitumie accout number ili nifanye kudeposit na baada ya dakika chache akanitumia.
****

Siku ya Ijumaa nilifanya mawasiliano na Lucy ili kujua maendeleo yake na Winnie waliokuwa Zanzibar, pamoja na kupata taarifa za kilichokuwa kinaendelea kuhusu clearing za mzigo. Baada ya kumaliza mazungumzo na Lucy, nilihitaji kuwasiliana na Agent wetu ili niwe na uhakika na taarifa kuhusu mzigo na siku itakayofika Dar es Salaam.

Kwa upande mwingine, Sanchi aliwasili Dar es Salaam na kunipa taarifa kuwa amefika Peacock Hotel. Nilimuahidi Sanchi kukutana naye siku ya kesho, Jumamosi, ambapo tutaenda matembezini. Sanchi alikuwa anatarajia kuanza kikao cha kampuni siku ya Jumatatu na kumaliza siku ya Jumatano.

Saa moja usiku kabla ya kuondoka, niliamua kufanya mazungumzo na Hilda kutokana na kile kilichokuwa kinaendelea kati yetu. Sikupenda kuona tukiwa hatuko kwenye maelewano, na sikutaka jambo hilo liwe kubwa zaidi. Niliamua kuvunja ukimya na kuanza kuzungumza naye ili tuweke tofauti zetu pembeni.

Nilianza kwa kumuita:

MIMI: “Hilda, mummy.”

Aliniangalia kwa jicho lake jeupe, bila kusema neno kwa sekunde kadhaa, kisha kwa tabu akajibu:

HILDA: “Naam, bossy.”

MIMI: “Hilda, nakuona ukiwa na hasira kila siku, na hata mara nyingine hujibu salamu zangu. Mimi kama Manager sipendezwi na hili hali, kwani linaathiri ufanisi wetu wa kazi. Mimi na wewe hatuwezi kuishi hivi. Tangu asubuhi hatuongei, ushikaji wetu hauko vizuri. Nataka leo tuweze kumaliza tofauti zetu na kuanza ukurasa mpya. Niambie, ni wapi nimekukosea, mummy?”

HILDA: “Hakuna ulikonikosea, insider, ni wasiwasi wako tu. Lakini mimi siko sawa tu.”

MIMI: “Hilda, sio kweli. Umenichukia sana, na hata sijui nilichokukosea. Kama kuna mahali unaona nimekukosea, naomba nisamehe, sitaki hili jambo kabla halijasambaa kwa timu.”

Wakati nikiongea hivi na Hilda, simu yangu ilianza kuita kwa nguvu. Niliposhika na kuangalia, nikaona ni Muajemi. Simu yake ilikuwa muhimu, hivyo nilitoka nje kuelekea gari langu na kuipokea.

Baada ya salamu fupi, Muajemi alinipa taarifa kuwa kesho mapema atakuwa Dar es Salaam, na jioni atanijulisha alipo ili tuonane. Nilimwambia hakuna shida, nikaahidi nitakuwa available, kisha tukaagana kwa amani.

Baada ya mazungumzo hayo, niliamua kuelekea Yacht Road kuonana na Claire, rafiki wa karibu wa Iryn. Claire alikuwa amehama Marina apartments na kuhamia kwenye apartment nyingine iliyo jirani tu. Kwa muda mrefu alikuwa akinitafuta sana, ila siku tulizokuwa tukipanga kuonana mara nyingi mambo yalikuwa yakibadilika ghafla, hivyo nilihisi ni vyema leo kwenda kumsalimia.

Nilipofika, Claire alinipokea kwa tabasamu pana lililofunika uso wake mzuri wenye haiba ya kipekee. Alikuwa amevalia gauni jeupe lililomkaa vyema, na harufu laini ya Vanilla mist ilijaa hewani pale nilipopita mlangoni.

Tulipoingia sebleni, nilibaki nimesimama kwa sekunde kadhaa nikitazama mazingira. Sebleni ilikuwa imetulia na yenye mwanga mzuri wa taa za rangi ya manjano iliyopooza, mapambo ya kioo na michoro midogo ya ukutani viliongeza mvuto wake.

Baada ya muda mfupi, Claire alikuja akiwa amebeba wine mkononi, huku akiwa na glasses mbili za kioo zenye mwanga wa kumetameta. Aliweka mezani kisha akaniangalia kwa tabasamu dogo lililojaa utani;

CLAIRE: “Nambie shemu wangu…”

MIMI: “Naona unazidi kuwa mrembo, Claire.”

CLAIRE: “Hahaha! Acha bhasii… Hongera kwa kupata mtoto wa kike. Niliona picha, mmefanana sana na Aria.”

MIMI: “Ahsante sana, yote ni mipango ya Mungu.”

CLAIRE: “Unajua nilikuwa na plan za kwenda South Africa mwishoni mwa mwezi huu kumtembelea best yangu….”

MIMI: “Yaani mpaka leo hujaenda? You can’t be serious, Claire.”

CLAIRE: “Nilisafiri kidogo hapa katikati, lakini safari hii lazima niende.”

MIMI: “Fanya hivyo. Hapa unaishi peke yako?”

Claire aliniangalia kwa macho ya utani, kisha akatikisa kichwa huku anatabasamu taratibu. Nilicheka kidogo na kuendelea:

MIMI: “Apartment kubwa hivi unakaaje mwenyewe? Au shem yuko wapi, maana unamficha sana”.

CLAIRE: “Hahaha! Nimezoea shem. Boyfriend wangu yuko nje ya nchi, mara chache tu huwa anakuja kunisalimia.”

MIMI: “Kwa hiyo shida zako akija ndo anaziondoa, halafu unavumilia tena arudi? Aisee, huo uvumilivu wako unastahili tuzo.”

CLAIRE: “Hahaha! Insider, una jokes sana. Ndiyo maana Iryn alisema ukiwa naye lazima acheke. Sasa naanza kuamini kweli.”

Aliposema hivyo, macho yetu yalikutana kwa sekunde kadhaa ukimya wa aina fulani ukaingia.

Baada ya mazungumzo yetu ya utani na Claire kuendelea kwa muda, ghafla alichukua simu yake na kumpigia Iryn. Nilimwangalia kwa mshangao huku nikitabasamu kidogo, nikiwa sijui anapanga kusema nini. Mara tu Iryn alipopokea, Claire alianza kwa utani mzito;

CLAIRE: “Best, hebu nikuambie kitu. Huyu mwanaume wako kanitembelea leo, yaani nimeamua kumchukua kabisa!”.

IRYN: “Claire, acha masihara yako bwana! Amewezaje kuja kwako bila ruhusa yangu?.”

Baada ya sekunde chache, Iryn akaomba aongee nami.

IRYN: “Sasa baby, umeenda kwa Claire bila kuniambia, unajua kabisa huyo mtu anaweza kukubaka!”

Tulicheka wote watatu kwa muda, na baada ya utani huo, Iryn akaniambia anaenda kumuogesha mtoto, lakini kabla hajakata simu alisisitiza nikifika home nimpigie ili tuongee.

Muda uliendelea kusogea, nami na Claire tuliendelea kuzungumza mambo mbalimbali kuanzia safari zake, kazi, hadi maisha ya kila siku. Wakati huu tulikuwa jikoni, nikimsaidia kupika chakula cha jioni huku tukibadilishana mawazo na vicheko vya hapa na pale.

Baada ya chakula kuiva, tuliketi mezani tukala pamoja tukiongea kwa utulivu, kila mmoja akionekana kufurahia uwepo wa mwenzake. Baada ya kula, tulizungumza kidogo tena kabla sijasimama na kumshukuru kwa jioni nzuri.

Wakati ninaagana na Claire, kwa upande mwingine mama J alikuwa akipiga sana simu kwa fujo. Nilijua alikuwa ananisubiri kwa kikao tulichopanga cha kujadili suala la Elena kurudi shule. Baada ya kuachana na Claire ndio kupokea simu yake na nikamwambia niko njiani.

Kabla sijafika home, Dullah alinipigia simu na tukawa tunaongea taratibu;

DULLAH: “Insider, kesho lazima tutoke wote kwenda out. Wiki iliyopita ulizingua, safari hii sikubali, na lazima Ghati awepo.”

Wakati Dullah akiongea kwa msisitizo, mimi nilikuwa kimya, nikisikiliza tu. Nilihisi sina nguvu za kubishana, hivyo nilisubiri amalize kisha nikamjibu kwa utulivu:

MIMI: “Sawa Dullah, hakuna shida.”

Nilipofika nyumbani, nilikuta wife na Elena wako sebleni wakiangalia tamthilia yao pendwa. Nilipowasalimia, wote walinitazama kwa tabasamu. Sikutaka kupoteza muda, nikaweka simu pembeni na tukaanza kikao mara moja kujadili suala la kurudi shule kwa Elena.

Wife kwa upande wake alianza kuzungumza kwa utulivu, akielezea kuwa tayari ameshatuma maombi kwenye vyuo mbalimbali. Kisha akaniangalia na kuuliza kwa sauti ya upole lakini yenye msisitizo:

MAMA J: “Sasa, Elena akipata chuo, unadhani atakaa hostel kipindi cha masomo yake, au atakuwa anatoka nyumbani kila siku?”

Sikutaka kuingilia haraka. Nilikaa kimya, nikimtazama Elena nikiwa natamani kumsikia yeye mwenyewe anasema nini.

ELENA: “Mimi ningependa tu nitoke nyumbani kila siku. Vipindi vya asubuhi nitakuwa naamka mapema ili niwahi chuoni.”

Mama J alitoa kicheko kidogo, akatikisa kichwa huku akimwangalia Elena kwa macho ya upole lakini yenye msisitizo.

MAMA J: “Elena, utachoka sana mwanangu mdogo wangu. Mimi mwenyewe natamani ningekaa hostel, lakini sina namna. Kwa lectures za asubuhi sidhani kama utakuwa unawahi darasani. Ndiyo maana napendekeza ukae hostel, halafu weekend urudi nyumbani.”

Niliona mazungumzo yanaanza kuelekea upande wa maamuzi, hivyo nikaamua kuchangia kwa sauti tulivu:

MIMI: “Kwani ume-apply vyuo gani?”

MAMA J: “Nime-apply CBE, IFM na TIA.”

Nilitabasamu kidogo kisha nikasema:

MIMI: “Kwa matokeo yake, naamini atapata vyuo vyote hivyo. Ila mimi napendekeza aende IFM atakuwa karibu, atawahi lectures, na bado akae nyumbani. Bado ni mtoto, afadhali akae karibu nasi.”

ELENA: “Kweli kaka, mimi mwenyewe napenda nikae nyumbani. Vipindi vya asubuhi nitajitahidi kuwahi.”

MAMA J: “Sawa basi, kama umeridhia, mimi sina tatizo.”

Baada ya mazungumzo hayo, kikao chetu kilihitimishwa kwa amani. Tulihama kutoka sebleni kwenda chumbani kuendelea na mazungumzo mengine muhimu zaidi.

Nikiwa kitandani, nilimfungukia Mama J kwa uwazi. Nilimweleza kuwa nimeanza kufikiria kuachana na kampuni ya Iryn, kwani kampuni hiyo ipo mbioni kufungwa rasmi. Nilimwambia pia kwamba kwa sasa Iryn hana mpango wa kurudi Tanzania, hivyo sitaki kuendelea kung’ang’ania kampuni ambayo haitaendelea muda mrefu. Nilieleza kuwa kwasasa nimeamua kuanza kujiajiri na kusimamia biashara zangu mwenyewe.

Baada ya kumtaja Iryn, ghafla nilihisi kama nimechokonoa jambo lililokuwa limejificha ndani ya mawazo ya Mama J. Alinitazama kwa sekunde chache, kisha akauliza kwa sauti ya upole lakini yenye hamu ya kujua:

MAMA J: “Hivi bado mnaendelea kuwasiliana na Iryn? Maana mimi nikijaribu kumpigia huwa hapatikani onlone. Ningependa sana kumsalimia, na pia ningependa kuona picha za mtoto wake. Ni muda mrefu sana hatujazungumza.”

Nilitulia kwa sekunde chache kabla ya kujibu, nikitafuta maneno sahihi yasiyomuumiza wala kumtia wasiwasi.

MIMI: “Namba ndiyo hiyo hiyo unayo, Mama J, isipokuwa haipo WhatsApp. Ukimpigia kwa simu ya kawaida unaweza kumpata. Mara nyingi huwa yeye ndiye ananipigia. Tangu ajifungue, mawasiliano yamekuwa machache, zaidi aliniambia anafikiria kufunga biashara.”

MAMA J: “Basi siku mkiongea mwambie mimi namtafuta. Ninamambo nataka kuongea naye.”

MIMI: “Sawa, haina shida. Nitampa ujumbe wako.”

Baada ya kumaliza mazungumzo yetu, mama J aliingia bafuni na mimi palepale nilimtext Iryn kupitia whatsapp na nikampa habari kwa kinachoendelea. Iryn alijibu kwa emoji ya kicheko “😀” na akasema nimpe namba hakuna shida, kwani nikiendelea kumfichaficha ndiyo atahisi kuna jambo na kuzidi kupata wasiwasi.

Ilikuwa ni siku ya Jumamosi yenye ratiba nyingi sana. Asubuhi nilianza kwa kwenda jogging kama kawaida, na mara baada ya kurudi nyumbani nilikuta nikiwa na missed call kutoka kwa Mama Janeth. Nilimpigia simu mara moja, na alipo-pokea aliniambia kwa sauti ya haraka kuwa anahitaji msaada wangu kwenye apartments zake zilizopo Kijitonyama na Masaki. Alieleza kuwa wanapanga kubadilisha mifumo ya ulinzi, lakini ana wasiwasi kwamba mafundi waliopo wanataka “kumpiga hela” kwani wanataja bei kubwa huku ubora wa kazi ukiwa wa chini.

Niliposikia hivyo, jambo la kwanza lililonijia akilini ni ofisi ya Ghati, kwani nilijua wao wanahusika na kazi kama hizo na wamekuwa wakifanya miradi mikubwa, ikiwemo ya serikali. Nikamwambia Mama Janeth aache kuwapa kazi wale mafundi wa awali, nitamtafutia watu wa uhakika. Nilimuahidi kwamba ndani ya dakika tano nitakuwa na majibu kamili.

Mara moja nikampigia simu Ghati. Baada ya salamu za kawaida, nikamfafanulia kuhusu changamoto ya Mama Janeth. Alinieleza kuwa inawezekana kabisa, na akaniambia anawasiliana na technical officer wao aje kufanya tathmini na kutoa makadirio ya gharama. Dakika tano baadaye, alinipigia tena kuuliza tunakutana saa ngapi. Nikamjibu, baada ya dakika 45, tukutane Kijitonyama tuanze huko.

Nilijiandaa haraka na kuondoka kuelekea Kijitonyama. Nilipofika, niliamua kupita kumsalimia Rose, ambaye ni jirani wa zamani wa Iryn. Kwa kumbukumbu, Iryn aliwahi kuishi kwenye hizi apartments za Mama Janeth kipindi nakutana naye, kabla hajahamia kwenye apartment nyingine.

Rose alifurahi sana kuniona kwani ni muda ulikuwa mrefu hatujaonana uso kwa uso, ingawa tulikuwa tukizungumza mara kwa mara kwa simu. Akanikaribisha ndani sebleni kwa tabasamu na tukaendelea na mazungumzo ya kawaida. Baada ya muda mfupi, aliuliza kuhusu maendeleo ya Iryn, akisema amekuwa hamuoni tena online wala kumpata kwenye WhatsApp. Nikamweleza kuwa Iryn amebadili namba, na sasa anatumia nyingine.

Nilimwambia pia kwamba mimi na Iryn tumebarikiwa kupata mtoto wa kike. Rose alishangaa sana kusikia habari hiyo macho yake yalijaa mshangao na furaha kwa wakati mmoja. “Hongera sana! Insider, sio tu kwa kupata mtoto, bali pia kwa kuwa na mmoja wa wanawake wazuri zaidi duniani.”

Akaomba nimpigie Iryn angalau azungumze naye kidogo. Bila kuchelewa, nilimpigia, lakini simu haikupokelewa. Nikamwambia Rose kuwa huenda atapiga baadaye, na wataongea muda si mrefu. Akaanza kuniambia kwamba siku hizi hana marafiki wengi pale, kwani waliopanga sasa ni wageni (foreigners) ambao hana mazoea nao kama ilivyokuwa na Iryn.

Nikamuambia kuwa safari yangu pale ilikuwa ya kikazi, Mama Janeth alinipigia kuhusu kubadilisha mifumo ya ulinzi kwenye apartments. Rose akatabasamu na kuniambia kwa utani, “Aisee, unamsaidia mama mkwe kazi sasa!” Nikaishia kucheka tu! Maana sikuwa na chakusema.

Baada ya muda mafundi walifika na kuanza kufanya tathmini ya kazi. Wakati huo, Ghati alinipigia simu kuniambia ametuma video zinazoonyesha quality ya kila aina ya CCTV camera wanazotoa pamoja na bei zake. Nilipoangalia WhatsApp, niliona kweli video zimetumwa zilionyesha ubora tofauti wa vifaa hivyo. Niliamua kumtumia Mama Janeth hizo video, na alipohakiki, akapendezwa sana na kazi zao. Mwishowe akachagua camera zenye ubora wa hali ya juu zaidi.

Baada ya mafundi kumaliza tathmini, tuliondoka kwenda kuendelea na kazi huko Masaki. Nilipokuwa naondoka, nilimuaga Rose na kumwambia nitamuona kesho kwa sababu nitapita tena kuangalia maendeleo ya kazi.

Tulipofika kwenye apartments za Masaki, tulikumbana na changamoto ya kuingia ndani ya nyumba za wapangaji (lessees). Msimamizi wa apartments alikuwa hajatoa taarifa mapema kwao, hivyo tulilazimika kusubiri kwa muda huku tukisubiri kupewa ruhusa ya kuendelea.

Baada ya takribani dakika 40, hatimaye tukapata ruhusa ya kuingia ndani. Tulipoingia, mafundi walianza kufanya tathmini kamili ya maeneo yaliyohitaji maboresho ya mfumo wa ulinzi, kuanzia sehemu za entrance, corridors hadi maeneo ya parking. Kila kitu kilifanyika kwa umakini mkubwa, na baada ya kumaliza, tulikaa kujadili gharama za kazi.

Baada ya makubaliano, waliandaa invoice ambayo niliituma kwa Mama Janeth. Baada ya kuipitia, aliridhika na maelezo yote na mara moja akafanya malipo kamili. Alisisitiza kuwa kazi ianze Masaki kwanza kutokana na umuhimu wa eneo hilo.

Baada ya kumalizana na mafundi, niliwaaga kwa ahadi kwamba tutaonana kesho, na nikawaambia wakishamaliza kazi waniarifu mara moja. Nilipotazama saa yangu, ilikuwa ni saa sita mchana, nikaamua kurudi nyumbani ili kupumzika kabla ya shughuli za jioni.

Njiani kurudi, nilimpigia simu Lucy kujua hali yao huko Zanzibar. Aliniambia kila kitu kiko sawa, na kwamba kesho siku ya Jumapili wao watarudi Dar es Salaam.

Ilipofika saa 10 jioni nilipigiwa simu na Muajemi akinitaka tukutane saa 12 jioni Hyatt hotel, Posta. Baada ya kupokea taarifa hiyo nilikaa kimya kwa muda nikitafakari kama kweli niende au niache. Nilihisi hali ya sintofahamu ikinijaa, moyo wangu ukawa na mashaka.

Nilijua wazi kuwa Muajemi tayari anafahamu kinachoendelea kati yangu na Iryn, ingawa hajawahi kuliongelea. Ukimya wake ulionekana kuwa mzito na wenye maana kubwa zaidi ya maneno. Nilihisi ndani yangu kwamba pengine anaumia sana, hasa ukizingatia alivyojitoa kwa moyo wake wote kumpenda Iryn, akatumia pesa nyingi na muda mwingi akijaribu kumfikia bila mafanikio.

Nilipojiangalia upande wangu, nilijikuta nikiwa sehemu ya chanzo cha maumivu yake. Nilikuwa nimekula pesa nyingi sana kutoka kwake, pesa alizotumia kwa matumaini kwamba zingemsaidia kumpata Iryn, kumbe mwishowe zilikuwa zikinitajirisha mimi zaidi.

Kadri nilivyoendelea kuwaza, ndivyo nilivyozidi kuhisi kukutana naye hakutaleta maana yoyote. Niliona ni jambo lisilokuwa na faida, bali linaweza kufungua ukurasa mwingine wa matatizo. Baada ya muda wa tafakari ndefu, nilichukua uamuzi wa kukata mawasiliano naye kabisa. Nilihitimisha kuwa kwasasa Muajemi hana msaada wowote tena kwangu, na kilicho muhimu sasa ni kuendelea na maisha yangu.

TO BE CONTINUED:
 
BETTER LATE THAN NEVER.

Nilibanwa na masuala ya shule. Nilikuwa napambana na Research. Nilishindwa kumaliza ontime sababu ya masuala mbalimbali ya kifamilia yanayoendelea juu yangu.

All, thanks God nimekamilisha na next month nitagraduate. Karibuni sana.
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register