Kiongozi mkuu wa Chama cha EFF amemtaka Raila Odinga kuacha maandamano na kukubali kuwa alishindwa. Amesema pia aache kuvuruga amani nchini Kenya kwani Rais Ruto alipita kwa haki.
Julius Malema akihutubia kwenye maadhimisho ya miaka 10 ya EFF
- Tunachokijua
- Jumamosi, Julai 29, 2023, chama cha Economic Freedom Fighters (EFF) kilisherekea miaka 10 ya kuanzishwa kwake kwenye uwanja wa Johannesburg’s FNB ambapo zaidi ya watu laki 1 walihudhuria halfa hiyo.
Chama hiki chenye makao makuu nchini Afrika Kusini kilianzishwa Julai 27, 2013 kwa lengo la kuwaleta pamoja wanamapinduzi, wanaharakati, wapigania haki, mashirika ya kijamii pamoja na vikundi vya ushawishi chini ya mwamvuli wa chama cha siasa kinachofuatilia mapambano ya ukombozi wa kiuchumi.
Kwa sasa, chama hiki kinaongozwa na Rais wake Julius Sello Malema aliyezaliwa Machi 3, 1981 kwenye mji wa Seshengo.
EFF inaona uhuru wa kiuchumi kama umiliki kamili wa rasilimali za kiuchumi na asili na watu wengi waliokandamizwa na kunyonywa hapo awali. Wanaamini kuwa Uhuru wa kiuchumi unatokana na haki na uhuru wa watu kuamua jinsi ya kutenga rasilimali zao za kiuchumi kwa maendeleo na kuinua maisha yao.
Julius Sello Malema, Rais wa EFF
Ajenda yao ya itikadi kali, ya mrengo wa kushoto, ya kupinga ubepari na ubeberu inapata msukumo kutoka kwa fikra pana za Wamarxist-Leninist na Fanonia.
Bereti yao nyekundu inatoa heshima kwa Hayati Hugo Chavez, Rais wa zamani wa Venezuela na kuibua taswira ya kijeshi na mapinduzi, ambayo pia inafanana na mwanamapinduzi, Che Guevara.
Ujumbe wa Malema kwa Raila Odinga
Baada ya kufanyika kwa sherehe ya miaka 10 ya kuanzishwa kwa EFF, uvumi ulianza kusambaa kwenye mitandao ya kijamii ukikanusha maneno ya Julius Malema yanayomtaka Raila Odinga kusitisha maandamano na kuitambua Serikali ya sasa inayoongozwa na Ruto.
Baadhi ya taarifa pia zilidai kuwa Kiongozi huyo mkuu na Rais wa EFF hakuzungumza kauli yoyote inayohusiana na mambo yanayojiri nchini Kenya yakihusisha maandamano ya Kiongozi wa Upinzani, Raila Odinga.
Raila Odinga
JamiiForums ilifuatilia sherehe hizo na kubaini kuwa Mwanasiasa huyo shupavu alizungumza kuwa Rais William Ruto alichaguliwa kidemokrasia katika Uchaguzi wa Urais wa 2022 na kwamba Odinga hapaswi kujaribu kuhujumu serikali yake.
Hivyo alitoa wito kwa Kiongozi huyo mkuu wa Azimio kusitisha maandamano hayo kwa nia ya kuruhusu amani kuwepo nchini.
William Ruto, Rais wa Kenya
Tunataka kutoa wito kwa Kenya, hasa kwa comrade Raila Odinga; acha kufanya unachofanya. Msivuruge Kenya, tunahitaji amani nchini Kenya.
Rais, William Ruto alichaguliwa kwa njia ya kidemokrasia na sitakuruhusu kutumia wananchi kuvuruga amani nchini Kenya.
Mwanaharakati huyo mashuhuri siku za nyuma alithibitisha ushindi wa Rais Ruto na kumtaka waziri mkuu huyo wa zamani kukubali kushindwa.
Uthibitisho huu unaweza kuonekana kwenye video iliyambatanishwa kwenye sehemu ya juu ya makala haya.
Aidha, JamiiForums imebaini kuwa ujumbe unaosambaa mtandaoni ukikanusha madai ya Malema uliandikwa Machi 22, 2023 hivyo hauna uhusiano na tukio la sasa.
ODM wamjibu Malema
Julai 30, 2023, Chama cha Orange Democratic Movement (ODM) kupitia Katibu wake Mkuu Edwin Sifuna kilimjibu Malema kwa kusema kuwa haijui vizuri hali ya Kenya ambapo Serikali imekataa kuwasilikia Raia wake.
Kama Comrade Malema angejisumbua kutazama nje ya propaganda za serikali ya Kenya Kwanza, angejua kwamba maandamano ya hivi majuzi nchini Kenya yalikuwa ya kupinga kodi chafu, kupanda kwa gharama za maisha na serikali kukataa kuwasikiliza wananchi. Sina shaka kwamba kama Malema alikuwa Mkenya, jeshi lake jekundu lingejiunga nasi kwa idadi yao mitaani, sawa na walivyofanya hivi majuzi nchini Afrika Kusini" .
Comrade Malema anafurahia maisha ya anasa ya kuonea wivu ya kuishi katika nchi ambayo marais wote wa baada ya ubaguzi wa rangi wametoka katika safu ya wakombozi. Nelson Mandela, Thabo Mbeki, Jacob Zuma na Cyril Ramphosa wote ni watu waliotia moyo katika harakati za uhuru katika bara letu.
Nina hakika kwamba kama Komredi Malema aliishi katika taifa linaloongozwa na washirika na walinzi wa zamani wa nyumba, wezi na waongo, ambao sio tu wanaiba uchaguzi wapendavyo lakini pia mara kwa mara kutuma polisi kuwapiga risasi raia wasio na silaha katika utekelezaji upya wa Mauaji ya Sharpeville ya Afrika Kusini. 1960 au Mauaji ya Marikana ya 2012, angekuwa na maoni tofauti.
Sifuna pia amemwalika kiongozi huyo wa upinzani kuzuru Kenya, akijitolea kumchukua katika ziara ya nchi hiyo ili kugundua changamoto ambazo Wakenya wanakumbana nazo. Alisema;
Ninatoa mwaliko kwa comrade Malema kutembelea Kenya, ili mimi binafsi nimchukue katika ziara ya nchi yetu, ili aelewe kwamba tunapigania mambo yale yale anayofanya.
Kwa kweli, nia ya Kenya ya kutafuta watu- mfumo wa kikatiba unaoendeshwa kila mara umekuwa ukiangalia misingi imara ya chama na miundo ya Afrika Kusini ili kufifisha mfumo wetu wa urais kandamizi wa mshindi wa kutwaa wote. Hivyo ndivyo Comrade Malema anafanya nchini Afrika Kusini na ndivyo tunafanya nchini Kenya.
Agosti 18, 2022, Julius Malema aliwahi pia kunukuliwa akimsihi Raila odinga kukubaliana na matokeo yaliyompa ushindi William Ruto kuwa Rais Kenya ili kudumisha umoja na amani nchini humo.
