ndege JOHN
JF-Expert Member
- Aug 5, 2015
- 25,030
- 61,298
Wakuu, Mimi ni mmoja wa wale watu ambao hawawezi kuja hapa kujifanya ni mkali wa kamari.kiukweli kamari imeshanila hela ya kutosha. nadhani wakamaria wote tunajua huu mchezo wetu mfano mdogo juzi niliwapa england kushinda nikaweka laki 9 na nusu nikala million 2.5 sasa jana argentina akanipiga makofi ya kutosha yaani game nimeomba kwa bet bulder argentia score 0.5+ pia itoe cards 2 over pia itoe total 1.5+ nilitia million 1.7 aiseee noma sana ila kwa jinsi tulivyokuwa sugu hatuna hata vwasiwasi kana kwamba hakuna kilichotokea ila wakamariaLakini niseme ukweli, kuna ile furaha ya kishenzi... uko umefulia halafu ghafla unaboom. Sasa ile boom ndiyo inafanyaga mtu arudi tena na tena mpaka unagundua umetoa zaidi ya ulichowahi kushinda. Hapo ndipo akili inakaa sawa.
Ok tuje kwenye topic Kwa sasa niko nje ya nchi nasoma. Bahati nzuri kila mwezi napata allowance ambayo ukiibadili ni kama milioni 1.2 za Kitanzania. Mbali na hiyo, nina mshahara wangu Tanzania kama kawaida . Kwa hiyo sometimes nikiishiwa huku huwa navuta kidogo kule maisha yanaendelea.
Kifupi sina bills za maana. Kodi silipi, watoto wa kulipa ada hakuna, umeme na maji sihangaikii. Matumizi yangu makubwa ni kula, kutembea, kunywa kidogo na kupoteza muda maana hata mademu nimejikuta ile wenge nalo limepungua naweza kukaa hata mwezi sijatafuta manzi na ni fureshi tu kimsingi sihongi hela zangu..nina vipesa havina kazi..
Nikikaa nikajibana vizuri naweza hata nisiguse kabisa allowance ya huku nikawa naishi kwa fedha zinazoingia Tanzania.
Sasa shida ndiyo inaanzia hapo.
Hizi hela zikikaa tu account zinaniona kama zimekaa bure. na siunajua sisi wakamaria walevi ili tupate amani ni mpaka hela ziishe..Ngoja nibeti game mbili tu.
Baada ya siku tatu najikuta nauliza, "Hela zimeenda wapi tena?na ndipo sasa moyo unapata amani hahahah
Sasa nina jamaa yangu dogo tu kwao ni Myanmar anafanya Forex. Kitu kimoja ninachomkubali ni mkweli. Akipigwa anasema nimepigwa. Hakuwahi kuniambia eti kila siku anatengeneza pesa.
Kwao maisha yako vizuri kidogo kila mara safari nyingi na familia yao singapore ,australia hazikauki. Mama yake anauza magari, hivyo matumizi yake ya kila mwezi yanazidi hata milioni 3 za Kitanzania anatumiwaga za kula tu na mafuta maana kapewa gari na mama yake Lakini nilichonishangaza ni malengo yake.
Yeye anasema account ikisoma USD 10,000 bado haoni kama ana pesa. Ndoto yake ni siku moja account isome USD 1,000,000. nikajua huyu anaishi sayari nyingine. 😂
Sasa nami nikasema ngoja nijaribu hii Forex.
Lakini kuna kitu kinanifanya nirudi nyuma.
wanaosema eti lazima ujifunze miaka miwili, usome price action, support, resistance, liquidity, market structure, candlestick, psychology, risk management, ICT, SMC, order block, Fair Value Gap... jamani akili yangu imechoka. 😂
Mimi kwa sasa nikipata muda nataka kusoma JF, kunywa wine, kulala na kuendelea na maisha. Sitaki kukaa mbele ya laptop masaa manne naangalia mishumaa ya kijani na mekundu inagombana.
Kinachonipa moyo ni kwamba safari hii siingii nikiwa mjinga kama zamani. Nimeshasikia hadithi nyingi za utapeli wa Forex, account managers, signal za miujiza, robot zinazodai hazipotezi, na watu wanaokodisha Lamborghini kwa ajili ya Instagram. Hayo angalau najua nitayakwepa.
Kuhusu risk management hapo ndiyo naona naweza kujifunza.
Mimi nikiamua kuingia, nafikiria kuanza na kama USD 400. Nikipoteza, sitaenda kukopa wala kuuza kiwanja. Nitahesabu ni ada ya kujifunza kwa sababu kila mwezi bado kuna kipato kinaingia.
Mpango wangu ni kujipa miezi mitatu. Nikiona sifiki popote naona bora nirudi kutumia hizo hela kunywa na kutembea kuliko kuzichoma nikiwa na matumaini ya utajiri wa haraka.
Sasa naomba ushauri wa wale ambao mmefanya Forex kwa muda mrefu.
Maswali yangu ni haya:
Je, kweli lazima mtu akae miaka mingi akisoma graph ndipo aanze kupata matokeo?mbona hata waliosoma sometimes bado wanapoteza hela,
Kama nataka basic tu, nijifunze vitu gani vitatu au vitano vya muhimu kabisa?
Je, USD 400 au 500 hivi inaweza kuwa ada nzuri ya kujifunzia bila kujiumiza?
Au mnanishauri kabisa nisiingie, niendelee kula maisha yangu ya kawaida na kuacha kutafuta matatizo mapya?
Na je hamna kitu kinachoitwa bahati nasibu katikA forex yaani huwezi tu kuwa na zali ukawa una trade randomly kama kichaa na bado ukaotea kama ukiwa na luck siku hiyo?maana hata kwenye sport betting tunasema knowledge muhimu ujue stats sijui uangalie head to head lakini kanji akiamua kukushangaza anakushangaza na hakuna kitu utafanya na wewe ukiamua kumshangaza unamshangaza je forex nayo haiko hivyo?maana target yangu nataka kwa siku iwe hata dollar 20 au 30 tu sasa hadi hio hela natakiwa niisome forex miezi na miezi?
