Mnyika:
Wahusika walifika mbele ya Kamati Kuu na kujieleza. Walikiri kuwa sauti zilizosikika ni zao na Kamati Kuu iliwahoji kwa muda mrefu.
Kamati Kuu ya Chama imefikia maamuzi kuhusiana na hili. Wamekutwa na hatia ya ukiukwaji wa Katiba ya Chama na Taratibu zake.
Wamepewa Onyo na kutakiwa kuandika barua ya kuomba radhi kwa chama na wanaotajwa kwenye Clip iliyosambaa.
Kamati Kuu imeamua kuwaweka kwenye kipindi cha uangalizi wa mwaka mmoja juu ya mienendo yao.
CHADEMA imeamua kuwavua nafasi zao zote za uongozi ndani ya chama na kubaki na nafasi ya uwakilishi wa wananchi tu (Ubunge).
Kubenea:
Nachukua nafasi hii kusema kuwa yaliyotokea ilikuwa bahati mbaya sana na hatukuwa na nia ovu yoyote. Naomba radhi sana kwa wanachama na watanzania wote kwa kilichotokea
Komu:
Nachukua nafasi hii kukishukuru chama kwa kulipa uzito suala hili; nakubali kuwa chama ni kikubwa kuliko sisi wote. Chama kina mikono yake. Baada ya Kamati Kuu kukaa na kutafakari yote yaliyotokea, kimeelekeza kama ilivyoazimia! Nitayatekeleza yote yaliyoelekezwa mara moja. Naomba radhi kwa chama, wanachama na watanzania kwa ujumla.
Mazungumzo yale yalikuwa ya faragha lakini teknolojia ilinizidi ujanja; nawaomba radhi Mh. Mbowe na Meya Boniface kwa kilichotokea. Tunataka tuanze upya.
MASWALI:
Kwanini kila inapofikia karibu na Uchaguzi Mkuu huwa chama chenu kinaibuka na matatizo kuhusu nafasi ya Uenyekiti?
Kubenea, kwanini uliandika suala la Ben Saanane kwenye gazeti lako kwa mtindo ule?
Kubenea na Komu, wakati chama chenu kina changamoto tunazoziona; mmepata wapi ujasiri wa kupanga haya dhidi ya wenzenu ndani ya chama?
Kama wabunge walikuwa wakipanga kumhujumu Mwenyekiti wao na Meya wao, chama kinajipangaje juu ya hili?
Kubenea na Komu, wakati mnapanga haya - mlikuwa mmelewa?
Je, Mbowe kama mhusika kwenye clip alipisha wakati wa mjadala?
Mnyika, kuna chuki kati ya Jacob na Kubenea?
Kubenea, kuna tetesi zinazoashiria una mpango wa kuhamia CCM; haiwezekani kuwa hii clip inaashiria kuwa uko njiani kuhama?