Kamgogoro baridi kati ya Kenya na Tanzania, nani yuko sahihi?

Dr Mathew Togolani Mndeme

JF-Expert Member
Joined
Aug 2, 2010
Posts
201
Reaction score
810


UTANGULIZI:
Kwa mara nyingine tena kumejitokeza “kamgogoro baridi” kati ya Kenya na Tanzania kanakofikirisha sana. Nimeona baadhi yetu tumekua wepesi kuilaumu serikali yetu kwa uharaka kutokana na kwa uamuzi "wa kibabe" wa kuifutia Kenya Airways kibali cha kuingia kwenye anga la Tanzania.

Nikiri kwamba hata mimi nilipoona barua ile kwa mara ya kwanza, niliwaza kwa haraka kuwa huenda tumekosea na tume-react kwa haraka bila kutumia diplomasia. Ila asubuhi nikiwa najadiliana na mmoja wa marafiki zangu juu ya jambo hili, tulipata swali ambalo lilinihamisha kwenye mtizamo wa awali. Kwa nini?

MOJA:
Kenya wamefungua anga lao leo kuruhusu safari za kimataifa. Katika kufanya hivyo, juzi walitoa orodha ya nchi 11 ambazo ndege zao na raia wake wanaruhusiwa kuingia Kenya na jana wakaongeza nchi kadhaa za Ulaya. Katika orodha hii sisi hatupo kwa maelezo kwamba sio moja ya nchi ambazo zimeoneshe kufanikiwa kudhibiri korona. Kwamba mtazamo huu ni sahihi au vinginevyo, sio hoja yangu kwa sasa. Wanajua wenyewe kwa nini wametuona hivyo.

MBILI
Wakati sisi haturuhusiwi kuingia anga la Kenya, shirika la Kenya Airways ambalo nalo limeanza safari za kimataifa leo, liliomba kibali cha kufanya safari za kuja Dar, Zanzibar na KIA. Safari za kuja Tanzania ni moja ya safari zenye faida kubwa kwa shirika la Kenya Airways. Bila choyo wala husuda sisi tukawaruhusu “kwa kuwapa cheti, hati na certificate”. Ndiyo, hata kama unadhani nimekosea kutumia maneno haya. Sisi ni wafugaji bwana: hatumnyimi jirani kupita nje kwetu akiwa anaswaga mbuzi kuelekea au kurudi toka malishoni.

UTATA
Ukiwaza vema hoja ya kwanza na ya pili hapo juu utaona kuna maswali kadhaa yanajitokeza na kuibua utata. Moja, kama sisi ni moja ya nchi ambazo bado kuna shida kubwa ya korona na raia wetu hawaruhusiwi kuingia Kenya, sasa kwa nini Kenya Airways ije Tanzania? Mbili, Kenya Airways inataka kuja Tanzania kumleta au kumchukua nani wakati Watanzania wana korona? Tatu, kwa nini ndege zao ziende kwenye nchi ambayo ina hatari ya kuwaambukiza korona? Hawawapendi watu wao?

Maswali haya yenye utata yanaibua SWALI LA MSINGI: Je, ni kweli kwamba Kenya wametubania kuingia kwao kwa sababu ya korona pekee au kuna jambo jingine?

Dakika chache zilizopita, waziri wa usafiri wa Kenya katangaza kwamba wametafuta suluhu kwa kuaongea na viongozi wa Tanzania na uamuzi wa kuifuingia Kenya Airways utabadilishwa leo. Hongera sana kwa pande zote. Huu ndio undugu na ujirani.

Ila pamoja na furaha ya suluhu hii kuna SWALI LA NYONGEZA LINAJITOKEZA. Kama wamekomalia kuhakikisha hawapotezi soko la ndege zao lenye faida kwao, watatuondolea pia kigezo cha kuwa nchi ambayo ina hatari ya kuwaambukiza Korona?

Nakuachia kazi nawe uendelee tafakari.

Mathew Mndeme
(mmtogolani@gmail.com)
 
Umefafanua vizuri. Lakini hii topic ishaletwa hapa
 
Umewaza vyema na kwamba Kama sababu ni Corona, ni kwanini Kenya wakatae Watanzania wasiingie Kenya ila wakenya wanaomba kuingia Tanzania?

Kwa maneno mengine, Wakenya hawataki tuende kwao kwa sababu tuna Corona ila wanataka kuja kwetu ilhali tuna Corona.

Yaani hapo ni double standard.

Na katika double standard Kama hizi sababu ya kukataa Watanzania kuingia Kenya kwa kigezo cha Corona si kweli.

Hivyo basi, Wakenya Wana sababu nyingine ya kukataa Watanzania tusiende kwao.

Hili linanirudisha kwenye sababu za kiushindani na kiuchumi.

Ninarejea kisa cha vifaranga, kutaifisha mifugo na kauli ya Mbunge wa Starehe Bwana Juguor aliyoitoa kutaka Watanzania waondoke Kenya kwa kuwa wanamiliki biashara huko.

Yaani kiufupi kinachoishughulisha Kenya ni ushindani wa kiuchumi tu Wala siyo Corona, Corolla Wala Carina
 
Kenya hawana jipya. Wao ndo walisababisha EAC 1967 ikafa 1977. Wivu wao walitaka makao makuu ya Bandari na usafirishaji yawe kwao na sio Dar es salaam. Wakataka makao makuu ya Tele mawasiliano na posta vitoke Kampala viwe Nairobi ,kisa tu wao wana uchumi imara. Walitufanya tuwe tegemezi tukawa tunaimport kwao bado hawakuridhika.

Tanzania tusikubali sasa ni mwendo wa Tic for Tac. Hii ni 2020 sio 1969
 
Waziri wa Uchukuzi wa Kenya James Macharia amesema anga la Kenya limefunguliwa rasmi leo tayari kupokea Ndege kutoka Nje baada ya kufungwa kwa zaidi ya miezi mitatu kupisha corona huku akisema hawajazuia Ndege za Tanzania kuingia Kenya ila walikuwa wanaweka sawa tu masuala ya Kiitifaki.
•
“Tumemaliza sintofahamu ambayo imetokea, tunaamini kabla ya siku haijaisha leo Watanzania wataanza kuingia Kenya na wao wataturuhusu kwenda kwao, hatukuwahi kuzuia Ndege zao wala wao hawakuwahi kutuzuia ni matatizo madogo tu yalitokea”-WAZIRI MACHARIA
([emoji329] via Citizen)
 
Wakenya wana pima kina cha mto kwa mguu. Wameshindwa hata kuangalia jiografia ya Tanzania na nchi yao ikoje. Unafunga angani lakini kuna nchi kavu na baharini na kote huko mtanzania anaweza kuingia kenya.

Ningewaona wana akili wangesema "NI MARUFUKU MTANZANIA KUINGIA KENYA KWA NJIA YOYOTE"

Sent from my SM-G928F using JamiiForums mobile app
 
Kuna kitu kenya wanakitafuta, wao hulianzisha Dodoma ikijibu wanakimbia kuomba mazungumzo na kuja na kauli za kujikosha, ni wakati sasa Dodoma itoe kauli yenye mrengo wa kuionya Nairobi dhidi ya tabia hii ambayo inaelekea kuwa mazoea. Kuna siku watatuingiza "kingi" na hawatataka mazungumzo.
 
Haya majina ya Mndeme ni wenyeji wa huku Nakasukari/Nakachai. Watu wenye uaminifu, utii, unyenyekevu, wakweli, bidii na juu ya yote upendo wa haja.
 
[SUP]Kwa kuzingatia janga la Corona, kenya wanafuata protocol za WHO, sisi tunakwenda kienyeji...mwenye nao haya asiyekua nao haya....hatuna data hata moja kuhusu janga hili.. kwa maneno mengine tayari tumeshajitenga and the rest of the world kwenye hili Janga. [/SUP]
 
Kenya ameonyesha rangi yake halisi. Sababu ni ya kiuchumi anatumia njia za kizamani zilizopitwa na wakati.
Sio bora kwa sisi kukuza mgogoro lakini tujiandae kutoka Jumuiya na kuhimalisha uhusiano wa nchi za SADC,pammoja na Uganda, Sudan, Burundi na Rwanda.
 
EAC haina mashiko. Historia tunaijuia. EAC 1967-1977 ilidumu miaka kumi tu. Kenya hawajachange. EAC mpya haina maana. Nakuunga mkono bora tujikite kwenye SADC tu.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…