Katika mchango wake huo, Mbunge Kampala ameeleza kusikitishwa na wimbi la mmomonyoko wa maadili na changamoto zinazowakumba vijana wengi mitaani, akionya kuwa bila kuwa na mkakati thabiti wa kuwalinda na kuwaweka katika mazingira mazuri, taifa linaweza kukosa mwelekeo thabiti katika miaka ijayo.
Aidha, amegusia suala la vitendo vya kikatili vya ulawiti na ubakaji vinavyowakumba watoto na vijana, akitoa wazo la kuwepo kwa sheria kali ya kuwahasi wahusika ili kukomesha vitendo hivyo viovu ambavyo vinazidi kulitia taifa katika mkanganyiko.