Kampuni ya CRC yakemea kampeni ya kuchafua taswira yake Mtandaoni

[DodomaTZ]

Kampuni ya Continental Reliable Clearling (CRC) imesema kumekuwa na kampeni zinazoendelea kwa kasi mitandaoni zenye lengo la kuchafua hadhi na taswira ya kampuni hiyo mbele ya wadau na washirika wake wa kibiashara.

Kwa mujibu wa taarifa iliyotolewa na kampuni hiyo, kampeni hizo zimekuwa zikifanyika kupitia mitandao ya kijamii pamoja na makundi mbalimbali ya WhatsApp, ambapo taarifa zinazoenezwa zinadaiwa kuwa na nia ya kupotosha umma na kuharibu sifa ya kampuni.

​

CRC imewataka wadau wake, washirika wa kibiashara na umma kwa ujumla kubaki watulivu katika kipindi hiki, wakati uongozi wa kampuni ukiendelea kuchukua hatua stahiki za kisheria kupitia mamlaka husika ili kushughulikia suala hilo.

Taarifa hiyo imetolewa na Mkurugenzi Mtendaji wa kampuni hiyo, ambaye amesisitiza kuwa CRC itaendelea kusimamia misingi ya uwazi, uadilifu na weledi katika utoaji wa huduma zake.