Kero kwa Waombaji wa kujiunga na Chuo Kikuu Huria cha Tanzania (OUT)

[Azniv Protingas]

Nimekutana na changamoto wakati wa kujaribu kujiunga na Chuo Kikuu Huria cha Tanzania (OUT), na jambo ambalo limenipa kero zaidi ni kukosa msaada kupitia njia rasmi za mawasiliano zilizowekwa na chuo.

Nimejaribu kupiga namba za simu zilizowekwa kwenye tovuti yao kwa ajili ya masuala ya Undergraduate Admission, lakini namba hizo hazipatikani.

Nilipoona hali hii, nikaamua kupitia pia kurasa zao za mitandao ya kijamii ili kuona kama tatizo ni kwangu pekee. Cha kushangaza, nimekuta waombaji/watu wengine pia wakilalamikia changamoto kama hiyo ya kutopatikana kwa mawasiliano na kutopata majibu.

Hivyo, inaonekana hili si tatizo la mwombaji mmoja tu, bali ni jambo ambalo linahitaji kuangaliwa kwa umakini.

Swali langu ni: Kama mwombaji anakutana na tatizo kwenye mfumo wa admission, anatakiwa kupata msaada wapi?

Kuweka namba za simu, email na kurasa za mitandao ya kijamii ni hatua nzuri, lakini ni muhimu pia kuhakikisha njia hizo zinafanya kazi na waombaji wanapata majibu kwa wakati, hasa kipindi cha udahili.

Hili si suala la kuikosoa OUT bila sababu. Ninaelewa kuwa wanaweza kuwa na waombaji wengi na changamoto mbalimbali. Lakini mawasiliano mazuri ni sehemu muhimu ya huduma kwa wanafunzi na waombaji.

Naomba wahusika wa OUT waliangalie suala hili. Kama namba zimebadilika, zisasishwe kwenye tovuti. Kama email inatumika, maombi ya waombaji yajibiwe. Na kama kuna njia nyingine rasmi ya kupata msaada, iwekwe wazi ili waombaji wajue wapi pa kwenda.

Mwombaji anapokuwa na tatizo kwenye mfumo wa admission, asibaki bila pa kupata msaada. Tunatarajia kuona maboresho katika huduma za mawasiliano ili waombaji waweze kupata msaada wanaouhitaji kwa wakati.

 

[mwehu ndama]

Fika ofisini kwao pale biafra dasilamu

 

[migomigokwetu]

tafuta chuo sehemu nyingine mkuu

 

[migomigokwetu]

Narudia tena: Tafuta chuo sehemu nyingine kabla haujapoteza miaka 4 mpaka 7 bila sababu yoyote ya muhimu, sio kiongozi wa darasa, raisi wa chuo au mkuu wa Idara yako atakusaidia

 

[Isenye]

Hamna chuo hapo

 

[migomigokwetu]

Tafuta sehemu nyingine, hamna chuo hapo

 

[toughlendon_1]

Fika ofisini kwao pale biafra dasilamu

Kama yupo mpanda je ? Me napitaga hapo kila siku ila nikikiangalia chuo naanzaga kucheka, najisemeaga kimoyo moyo kuwa hakuna chuo chakimkundu kama hicho alafu nacheka kwanguvu napita zangu hivi...Yan ukiona watu wanavyopita ndani na kutoka nje utasema hapo kuna walimu wa kweli wanaosikilizana na wanafunzi wao kumbe walimu wapenda rushwaa na wanatamaa kweli kweli...Hakuna chuo Tanzania cha kipumbavu kama Open, Bora mtu ukajisomee the Kilimanjaro institute kuliko upumbavu unaendelea open university...

 

[migomigokwetu]

Hakuna chuo hapo, kwani dirisha limefungwa kabisa? Huwezi kuapply sehemu nyingine? Unaweza kuona nakupotosha, ila ukishawekwa hapo mamiaka kibao kisa hautoki kujipendekeza kwa walimu na hautoa rushwa ndiyo utakumbuka kuna mtu alikushtua

 

[Azniv Protingas]

Tafuta sehemu nyingine, hamna chuo hapo

Nataka nisome foundation course ili niweze kuendelea na degree

 

[migomigokwetu]

Nataka nisome foundation course ili niweze kuendelea na degree

OK, hivi unaweza kuapply vyuo vingine kwa Foundation course inayotolewa pale?

 

[Azniv Protingas]

OK, hivi unaweza kuapply vyuo vingine kwa Foundation course inayotolewa pale?

Ndio, ila sio vyuo vyote wanakubali foundation course, na kuna course haiwezekani kusoma kama za afya na engineering.

 

[migomigokwetu]

Ndio, ila sio vyuo vyote wanakubali foundation course, na kuna course haiwezekani kusoma kama za afya na engineering.

Poa mkuu, ila kwa mimi binafsi ningejua ningerudia paper ya six, nilikuwa na D moja pekee mengine EE, Nikipiga muda nilliochukua kuanzia diploma na muda ambao wa zaidi ya miaka 2 na nusu wameniweka hapo Open kwa makusudi tu.

Ningerudia paper ya 6 na kuchagua vyuo vinavyoeleweka, ila kama hauna noma ya lini utamaliza chuo na uko tayari kuwaonga hao walimu haina noma