Mwanamwana
Platinum Member
- Aug 1, 2011
- 9,604
- 22,722
Chama Cha Mapinduzi (CCM) kimesikitishwa na kile kilichokiita ni mipango ya siri inayoratibiwa na Chama cha Demokrasia na Maendeleo (CHADEMA) yenye lengo la kuhamasisha vurugu nchini kupitia maandamano.
Kauli hiyo imetolewa leo Juni 13, 2026, Jijini Dodoma na Katibu wa Itikadi, Uenezi na Mafunzo wa CCM, Kenani Kihongosi, alipokuwa akizungumza na waandishi wa habari katika Ukumbi wa Mikutano wa Jakaya Kikwete, akitolea ufafanuzi mwenendo wa ziara zake mikoani na hali ya kisiasa nchini.
Kihongosi amebainisha kuwa chama tawala kimepokea taarifa za kuaminika kuhusu vikao hivyo vya siri, huku akidai kuwa mienendo ya hivi karibuni ya upinzani katika majukwaa ya kidigitali na mikutano ya hadhara inathibitisha uwepo wa mikakati hiyo.
"Wamefanya vikao vya siri ili kuhamasisha vurugu kupitia maandamano... kupitia majukwaa ya kidigitali na mikutano ya CHADEMA wamedhihirisha nia hiyo ovu, na sisi kazi yetu ni kuwatahadharisha Watanzania," ameeleza.
Kufuatia hatua hiyo, amewasihi wananchi kuwa macho na kutojihusisha na jambo lolote linaloashiria uvunjifu wa amani, akisisitiza kuwa utulivu wa nchi ndio msingi mkuu wa maendeleo endelevu.