Mbu
JF-Expert Member
- Jan 11, 2007
- 12,752
- 7,861
...Naam, kama Mkapa alikuwa chaguo la Nyerere, Kikwete ni chaguo la wapiga kura wa Tanzania walompa ushindi wa Tsunami, maana 80% si kidogo!
...Viongozi wa vyama vya upinzani Tanzania wanapaswa kutumia muda wa ziada 'kuwasomesha wananchi' ubora wa sera za vyama vyao na kujionyesha kweli wameiva kiuongozi, badala ya kukurupuka wakati wa kampeni kupigania Ruzuku tu.
...CHADEMA-Bara na CUF-visiwani vinajitahidi kwa kiasi fulani kuinyima usingizi CCM, ni matarajio vyama hivi vikifanya mabadiliko kidogo kiutendaji vinaweza kuwa tishio hapo siku si nyingi, Upinzani ambao utaweza kuipa shinikizo serikali ya CCM kufanya yale yaliyo tegemeo kwa Wananchi wa Tanzania nzima.
...2010 si mbali, kama kweli kilio kimesikika, ushindi wa tsunami nao utabakia historia, la sivyo ndio kama walivyonena wakuu hapo, wananchi wataendelea kuichagua CCM hata kama CCM wataleta mgombea ambaye 'atakuja kuonekana mbovu' kuliko BM au JK, wakati huo huo 'Maisha bora kwa kila mtanzania' yanazidi kudumaa. Ni matumaini yangu CHADEMA na CUF watajifunza kwa haya yanayojiri sasa Tanzania na kuchukulia advantage loopholes zinazojitokeza, na wakati huo huo CCM nao wakijitoa kwenye 'ndoto' walizonazo kwani wananchi wa Tanzania wanaanza kuchoshwa na 'ahadi za kununuliwa viatu', baada ya miaka mitano unaulizwa tena "ulitaka viatu gani vile?"