Mgombea Urais kwa tiketi ya Chama cha Mapinduzi (CCM) Dk John Pombe Magufuli leo anaendelea na kampeni zake katika jimbo la Segerea Wilaya ya Ilala jijini Dar es Salaam ambapo atanadi Sera na ilani za Chama hicho kuelekea uchaguzi mkuu wa Oktoba, 28, 2020
=========
Hotuba ya Dkt Magufuli akiwa Segerea
Tunawashukuru viongozi wote wa dini kwa kuwa mstari wa mbele kuliombea Taifa hili pia namshurukuru Mwenyezi Mungu kwa kutujalia uhai.
Dkt Magufuli amesema kuwa aliekuwa Meya wa Dar es salaam kwa tiketi ya CHADEMA na kuhamia CCM amesema kuwa alipokuwa kwenye nafasi ya Umeya kazi yao kubwa ilikuwa ni kuwakwamisha wana Dar es salaam, hivyo Magufuli amewataka wananchi wajifunze kitu kutoka katika hotuba ya aliekuwa Meya na wasirudie makosa.
Magufuli amesema anaijua vyema Dar es salaam kwa kuwa maeishi miaka mingi sana Dar es salaam tangu akiwa anasoma chuo kikuu cha Dar es salaam hivyo anafahamu matatizo ya Dar es salaam hata ya wale wanaoishi mazingira magumu katika wilaya zote za Dar es salaam.
Amesema kuwa malengo yake yalikuwa ni kuzibadili wilaya zote za Dar es salaam kwa ujumla wake lakini walimchagua na kuwa kama wamemfunga miguu kwa kuchagua upande mwingine, hawakumpa uhuru wa kufanya kazi lakini leo mabadiliko yamepatikana lakini yamepatikana kwa tabu sana kwa kuwa wakwamishaji waliwaweka wao.
Anasema hata ile stendi ya Mbezi Luisi ilichukua miaka kadhaa kumpata mkandarasi lmpaka ikabidi aingilie kati kwa kulazimisha, amesema anajua wana Segerea wana UKonga wana Ilala wamejifunza vya kutosha, hivyo anaomba wampe kura za kutosha na wamchagulie wabunge na madiwani wa CCM halafu waje wamuulize ndani ya miaka mitano kitu gani kimekwama kukitekeleza.
Amesema anamshukuru baba wa taifa kwa kulijengea taifa la Tanzania utaifa na kabla alipigania uhuru na tukawa huru na kisha kufanya Muungano wa Tanganyika na Zanzibar na kuwa Tanzania, na leo tunaendelea katika utaratibu huo na tupo huru lakini amesema kuwa huru kitaifa ni jambo moja lakini kuwa huru kiuchumi ni jambo lingine.
Dkt Magufuli amesema amefanya kazi na Mzee Mkapa kwa miaka yote kumi na anafahamu kwa nini barabara hazikuwa na lami, amesema watu walikuwa wanasafiri mpaka siku tano njiani na walianza kupanga mipango ya kutatua matatizo hayo.
Amesema yeye hakujua kuwa atakujua kuwa Rais na wala hakutegemea kuja kuwa Rais na hivyo Urais ameupata bila kutumwa na mtu bila kuhonga ndio maana kauli mbiu yake ilikuwa hapa kazi tu maana kazi hiyo alipewa na Mungu kama sadaka ya kuwafanyia kazi watanzania na walipoingia changamoto zilikuwepo.
Walipoingia tu kuna maeneo yakiuwa hayana amani, ukienda Bukoba ulikuwa huwezi kusafiri mpaka usindikizwe na polisi na sasa amekomesha na mabo yameanza kuwa mazuri kwa kukomesha vitendo vya kijamzazi.
Amesema la kwanza alipoingia madarakani ilikuwa ni kuhahakisha wanajenga amani na utulivu wa nchi hii maana bila amani hakuna jamboo unaweza kulifanaya. na ndio maana anaomba miaka mingine mitano ili akakomeshe kabisa changamoto zilizokuwa zimebakia.
Amesema katika utafiti uliofanya na benki ya dunia ulisema jiji la Dar es salaam lilikuwa linapoteza bilioni nne kwa sababu ya foleni na ndio maana wakaona lazima walifanyie mkakati wa kulitatua kama ujenzi wa barabara za juu kama Ulaya na daraja la Kwa Mfugale na wataendela kuona miradi inafumka zaidi.
Amesema wajasiriamali walikuwa wanasumbuliwa na wanamgambo kwa kunyang'anywa bidhaa zao na kufukuzwa kwenye maeneo ya biashara na hivyo yeye akaona atatue tatizo hilo kwa kuanzisha vitambulisho vya mjasiriamali na kuviita vitambulishi vya Rais kwa kuwa hakuna atakae vinyanyasa na wao kwa gharama ya 20,000/= wakawa huru kufanya biashara ndani ya mipaka ya Tanzania.
Amesema hiyo gharama ya elfu ishirini ni kutokana na gharama za utengenezaji wa vitambulisho hivyo, amesema pia wana mpango wa kuanza kutoa mikopo kwa wajasiriamali kupitia vitambulisho hivyo kwa wajasiriamali kuunda vikundi.
Amesema yeye huwa anaumia sana kuona wazee na wakina mama wanasumbuliwa, huwa akiona mama anasumbuliwa anamkumbuka mama yake ambaye ni mgonjwa kitandani.
Amesema vijana wanateseka kwa kukosa ajira wenfine wamemaliza vyuo vikuu hawana ajira hivyo anataka ndani ya miaka mitano akipewa tenauraisi suala la ajira alishughulikie kwa nguvu zote. Amesema kama wameweza kujenga flyover hawezi kushindwa kuleta ajira kwa vijana.