Katiba mpya itakuwa nzuri kama ikidaiwa na wanainchi wenyewe kupitia asasi za kiraia ila sio vyama vya siasa ambavyo wao wanajali maslahi yao na vyeo zaidi kuliko maslahi ya wananchi.
Hivi sasa vyama vya siasa vimegeuza katiba mpya kama ndio agenda yao, na sio agenda ya wananchi tena, wananchi wengi hawana habari na katiba mpya wao wanapambana na makali ya maisha, swali la kujiuliza je katiba mpya ikija itapunguza ugumu wa maisha kwa mtanzania? Na kama ndivyo ni vipengele vipi hivyo vitachagiza hilo? Kwa nini visiwekwe kwenye katiba hii iliyopo tukasonga mbele..
Katiba mpya inaweza kuwa ni muhimu ila bado wananchi wengi hawana uelewa wa kutosha nini hasa kipo humo kwenye katiba mpya, makundi kama ya wakulima na wafugaji ndio kabisa sijui hata kama maslahi yao yameelezwa kwenye katiba. Isije ikawa ni katiba inayobeba agenda za kisiasa zaidi kuliko agenda za maendeleo ya wananchi. Elimu ya kutosha inahitajika kabla ya kuanza kudai katiba mpya.
