Nicolas J Clinton Gabone
JF-Expert Member
- Mar 13, 2014
- 897
- 559
HOTUBA KWA TAIFA
KUHUSU MUSTAKABALI WA TANZANIA NA UCHAGUZI WA BUSARA YA KIHISTORIA
Hotuba kwa Taifa, vyombo vya Habari na wananchi ndani na nje ya Nchi.
Ndugu wananchi,
Watanzania wenzangu,
Na wote mnaolipenda taifa letu,
Leo nasimama mbele yenu kwa heshima kuu, kwa uzito wa moyo na kwa dhamira ya kina ya kuzungumza ukweli ambao taifa letu linahitaji kuusikia.
Siyo kwa jazba, lakini kwa uthabiti.
Siyo kwa lawama, bali kwa uzalendo.
Siyo kwa kuchochea migawanyiko, bali kwa kuijenga upya Tanzania tunayoipenda.
Tunapokaribia Desemba 9 siku ya Uhuru wa Tanganyika, taifa letu liko katika msalaba wa maamuzi mazito kuliko tuliyowahi kuyakabili katika miaka ya hivi karibuni. Na katika msalaba huu, kunahitajika uamuzi wenye busara, uthubutu na hekima inayopita maslahi ya mtu mmoja, chama kimoja au kundi fulani.
TAIFA LETU LIMEJERUHIWA, LAZIMA TUSIUPUUZE UKWELI
Watanzania wenzangu,
Matukio ya tarehe 29 Oktoba 2025 yameacha alama nzito katika historia yetu.
Hayo siyo matukio ya kawaida. Ni matukio yaliyozalisha maumivu ya kitaifa, simanzi na majeraha ambayo bado hayajapona.
Familia zimepoteza wapendwa wao.
Wengine bado hawajapatikana hadi leo.
Wengine wanabeba majeraha ya mwili na roho.
Na taifa lote limebaki kwenye mshangao unaoendelea kuhoji, “Hiki ndicho tunachohitaji kama nchi yetu?”
Hakuna maendeleo ya kweli juu ya maumivu ya wananchi wake.
Hakuna utulivu wa kweli juu ya machozi ya familia ambazo hazina majibu.
Na hakuna mshikamano wa kweli bila ukweli.
Kwa hiyo, nasema kwa uwazi ambao haujawahi kutamkwa hadharani,
Tanzania imejeruhiwa.
Na taifa linapotambua jeraha lake, linaanza safari ya kupona.
UKWELI NA BUSARA
Leo nahitaji kusema ukweli kwa ukali, lakini pia kwa utu,
Mfumo wetu wa utawala umedorora na umedhoofika,
Uhalali wa kisiasa umeathiriwa na kuvurunda,
Taasisi za Dola zimechoka.
Na imani ya wananchi kwa serikali yao imetetereka kwa kiwango ambacho hatuwezi kukificha.
Ni kweli tunahitaji maendeleo.
Ni kweli tunahitaji utulivu.
Lakini utulivu wa mabavu siyo utulivu, ni ukimya wa hofu.
Maendeleo bila HAKI ni makaratasi, siyo ustawi wa wananchi.
Na ndiyo sababu leo nahitaji kusema kwa uthabiti,
Taifa letu linahitaji mabadiliko ya kina, siyo vipodozi vya kisiasa.
TASWIRA YA TANZANIA KIMATAIFA IMEYUMBA NA HILI NI KOSA LINALOTIBIKA
Tanzania imekuwa nembo ya amani kwa muda mrefu.
Nchi ambayo Afrika iliiangalia kwa matumaini.
Nchi iliyoongoza mazungumzo, siyo mapambano.
Nchi iliyoamini katika utu, siyo ubabe.
Lakini leo, kutokana na matukio ya hivi karibuni hasa Oktoba 29, taswira hiyo imeingiwa doa kuu.
Vyombo vya habari vya kimataifa vinauliza maswali.
Mashirika ya haki za binadamu yameandika ripoti nzito.
Nchi washirika zinatafakari ushirikiano kwa tahadhari.
Na diplomasia yetu imepoteza ushawishi wake wa kihistoria.
Lakini bado tuna nafasi ya kurekebisha.
Diplomasia ya taifa inapumua kupitia hatua moja ya ujasiri kutoka kwa kiongozi wake.
Hatua ambayo inaweza kurejesha imani ya dunia kwa mara moja.
DESEMBA 9, SIYO SIKU YA SHEREHE TU NI SIKU YA MAAMUZI
Watanzania wenzangu,
Siku ya Uhuru wa Tanganyika, Desemba 9, imekuwa kioo cha historia yetu, siku ya kutathmini tulikotoka na tunakoelekea.
Lakini mwaka huu, ni zaidi ya hapana.
Wananchi wameonesha dalili ya kutaka kushiriki maandamano ya amani.
Siyo kwa kuvunja sheria au kufanya uasi na uhaini bali kwa kutafuta nafasi ya kusema walichokaa nacho ndani ya mioyo yao.
Hii ni sauti ya kizazi kizima.
Na serikali yoyote inayoheshimu utu na haki za watu wake, haitarajiwi kuchukulia sauti hii kwa mzaha, bali kwa uzito wake.
Ni wajibu wa serikali kuhakikisha siku hiyo haigeuki kuwa doa lingine kwenye historia, bali kuwa mwanzo wa ukurasa mpya.
KWANINI TUNA HITAJI HATUA YA UJASIRI KUTOKA KWA RAIS?
Ndugu wananchi,
Hatua kubwa ambayo taifa linahitaji sasa haiwezi kufanywa na tume, baraza, kamati, kauli au taarifa.
Inahitaji uamuzi wa juu kabisa wa uongozi.
Tanzania imefika sehemu ambayo suluhisho la kweli linaweza kuanza na kitendo kimoja, kitendo ambacho duniani kote huonekana siyo udhaifu, bali mlango wa ujasiri mkuu.
Na kitendo hicho ni hiki,
Rais wa Jamhuri ya Muungano wa Tanzania, Mama Samia Suluhu Hassan, anaweza kufungua njia ya maridhiano, kuponya taifa, kuokoa taswira ya Nchi na kuandika historia mpya kwa kuachia nafasi yake kwa hiari.
Siyo kwa kulazimishwa.
Siyo kwa kushindwa.
Bali kwa uzalendo wa kiwango cha juu zaidi ambacho taifa hili limewahi kukiona.
Kwa sababu wakati mwingine, nguvu ya kiongozi haipimwi kwa muda wake madarakani, bali kwa uamuzi wake wa kuondoka ili taifa lipone.
KUJIUZULU, SIYO ADHABU NI URITHI WA HESHIMA YA TAIFA
Wapo watakaouliza,
“Kwa nini Rais ajiuzulu?”
Najibu kwa mantiki, siyo kwa jazba,
Kwa sababu taifa limegawanyika.
Kwa sababu uaminifu umedorora, yaani amepoteza "REPUTATION"
Kwa sababu diplomasia ya Nchi imepoteza uwiano.
Kwa sababu mfumo umechoka na taasisi za Dola zinaangaliwa kwa jicho la chuki kali na wananchi.
Kwa sababu Chama cha Mapinduzi kimekosa uhalali na kinaangaliwa kama msalaba dhidi ya mateso ya wananchi.
Kwa sababu wananchi hawana imani na serikali yao tena.
Kwa sababu majeraha ya Oktoba 29 yanahitaji kiongozi wa juu kutoa ishara ya taifa kuanza upya.
Na zaidi ya yote, kwa sababu wakati mwingine uamuzi wa kujiuzulu siyo ishara ya kushindwa, bali ishara ya kuokoa Nchi.
Kujiuzulu ni kusema.
“Ninatoa nafasi ili Tanzania ipone.”
“Ninatoa nafasi ili Watanzania waungane tena.”
“Ninatoa nafasi ili taifa liandike upya mustakabali wake.”
Hatua yake itasifiwa na kubezwa na watu wake wa karibu, lakini itaheshimiwa.
Na itaacha alama ya kudumu katika historia ya Afrika.
MPITO WA KITAIFA, MLANGO WA MARIDHIANO NA KATIBA MPYA
Baada ya kuachia nafasi, taifa linaweza kuanza mpango rasmi wa,
● Serikali ya mpito yenye makubaliano ya kitaifa
● Mchakato wa Katiba mpya kwa ushirikishwaji wa kweli
● Mageuzi ya tume ya uchaguzi
● Uchunguzi huru wa matukio ya Oktoba 29
● Uchaguzi huru na wa haki
● Ujenzi wa imani ya wananchi katika taasisi za Dola
Hii ndiyo Tanzania tunayotaka.
Hii ndiyo Tanzania tunayoistahili.
Na hii ndiyo Tanzania ambayo vizazi vijavyo vitaitukuza.
HITIMISHO
Ndugu wananchi,
Ninapofunga hotuba hii, tunakumbuka maneno ya Mwalimu Nyerere aliyowahi kusema.
“Dola ni chombo cha wananchi na sifa yake ni watu.
Wananchi wakilia, usizibe masikio wasikilizwe.”
Leo, wananchi wanalilia HAKI, KATIBA MPYA, TUME HURU YA UCHAGUZI, KUIBUKA KWA UFISADI NA RUSHWA, UKOSEFU WA UADILIFU, UWAJIBIKAJI NA NIDHAMU YA SERIKALI KATIKA MATUMIZI YA RASILIMALI ZA UMMA. Aidha, kuibuka kwa serikali ya ndugu kwa ndugu na majina yale yale serikalini kana kambwa serikali inaundwa na koo na familia za waliyowahi kuwa viongozi pekee, pamoja na mabadiliko makubwa ya mfumo wa utawala wa sheria.
Na kulia kwao siyo uasi, ni kilio cha kutaka taifa la kesho kuwa bora kuliko la leo.
Kwa hiyo, kwa unyenyekevu mkubwa, kwa heshima isiyo na mipaka na kwa uzalendo wa kina, natoa wito kwa Rais wa Jamhuri ya Muungano wa Tanzania kufanya kile ambacho historia humtaka kiongozi mahiri kukifanya.
Kutoa nafasi ili Tanzania ifungue ukurasa mpya.
Kuchagua busara kuliko mamlaka.
Kuchagua uzalendo kuliko mfumo.
Kuchagua kujiuzulu kwa hiari ili taifa lipone.
Ndugu Watanzania,
Akichelewa kufanya maamuzi, historia itakuja kuyafanya kwa niaba yake.
Lakini akifanya kwa wakati historia itamkutukuza.
Mungu ibariki Tanzania.
Mungu ibariki Afrika.
Hotuba hii imeandaliwa na COMRADE. Nicolas Jovin Clinton Gabone
Mwanadiplomasia, ambaye pia ni Mwenyekiti wa zamani wa Jumuiya ya Vijana wa Mageuzi (JUVIMA) NCCR-Mageuzi.
KUHUSU MUSTAKABALI WA TANZANIA NA UCHAGUZI WA BUSARA YA KIHISTORIA
Hotuba kwa Taifa, vyombo vya Habari na wananchi ndani na nje ya Nchi.
Ndugu wananchi,
Watanzania wenzangu,
Na wote mnaolipenda taifa letu,
Leo nasimama mbele yenu kwa heshima kuu, kwa uzito wa moyo na kwa dhamira ya kina ya kuzungumza ukweli ambao taifa letu linahitaji kuusikia.
Siyo kwa jazba, lakini kwa uthabiti.
Siyo kwa lawama, bali kwa uzalendo.
Siyo kwa kuchochea migawanyiko, bali kwa kuijenga upya Tanzania tunayoipenda.
Tunapokaribia Desemba 9 siku ya Uhuru wa Tanganyika, taifa letu liko katika msalaba wa maamuzi mazito kuliko tuliyowahi kuyakabili katika miaka ya hivi karibuni. Na katika msalaba huu, kunahitajika uamuzi wenye busara, uthubutu na hekima inayopita maslahi ya mtu mmoja, chama kimoja au kundi fulani.
TAIFA LETU LIMEJERUHIWA, LAZIMA TUSIUPUUZE UKWELI
Watanzania wenzangu,
Matukio ya tarehe 29 Oktoba 2025 yameacha alama nzito katika historia yetu.
Hayo siyo matukio ya kawaida. Ni matukio yaliyozalisha maumivu ya kitaifa, simanzi na majeraha ambayo bado hayajapona.
Familia zimepoteza wapendwa wao.
Wengine bado hawajapatikana hadi leo.
Wengine wanabeba majeraha ya mwili na roho.
Na taifa lote limebaki kwenye mshangao unaoendelea kuhoji, “Hiki ndicho tunachohitaji kama nchi yetu?”
Hakuna maendeleo ya kweli juu ya maumivu ya wananchi wake.
Hakuna utulivu wa kweli juu ya machozi ya familia ambazo hazina majibu.
Na hakuna mshikamano wa kweli bila ukweli.
Kwa hiyo, nasema kwa uwazi ambao haujawahi kutamkwa hadharani,
Tanzania imejeruhiwa.
Na taifa linapotambua jeraha lake, linaanza safari ya kupona.
UKWELI NA BUSARA
Leo nahitaji kusema ukweli kwa ukali, lakini pia kwa utu,
Mfumo wetu wa utawala umedorora na umedhoofika,
Uhalali wa kisiasa umeathiriwa na kuvurunda,
Taasisi za Dola zimechoka.
Na imani ya wananchi kwa serikali yao imetetereka kwa kiwango ambacho hatuwezi kukificha.
Ni kweli tunahitaji maendeleo.
Ni kweli tunahitaji utulivu.
Lakini utulivu wa mabavu siyo utulivu, ni ukimya wa hofu.
Maendeleo bila HAKI ni makaratasi, siyo ustawi wa wananchi.
Na ndiyo sababu leo nahitaji kusema kwa uthabiti,
Taifa letu linahitaji mabadiliko ya kina, siyo vipodozi vya kisiasa.
TASWIRA YA TANZANIA KIMATAIFA IMEYUMBA NA HILI NI KOSA LINALOTIBIKA
Tanzania imekuwa nembo ya amani kwa muda mrefu.
Nchi ambayo Afrika iliiangalia kwa matumaini.
Nchi iliyoongoza mazungumzo, siyo mapambano.
Nchi iliyoamini katika utu, siyo ubabe.
Lakini leo, kutokana na matukio ya hivi karibuni hasa Oktoba 29, taswira hiyo imeingiwa doa kuu.
Vyombo vya habari vya kimataifa vinauliza maswali.
Mashirika ya haki za binadamu yameandika ripoti nzito.
Nchi washirika zinatafakari ushirikiano kwa tahadhari.
Na diplomasia yetu imepoteza ushawishi wake wa kihistoria.
Lakini bado tuna nafasi ya kurekebisha.
Diplomasia ya taifa inapumua kupitia hatua moja ya ujasiri kutoka kwa kiongozi wake.
Hatua ambayo inaweza kurejesha imani ya dunia kwa mara moja.
DESEMBA 9, SIYO SIKU YA SHEREHE TU NI SIKU YA MAAMUZI
Watanzania wenzangu,
Siku ya Uhuru wa Tanganyika, Desemba 9, imekuwa kioo cha historia yetu, siku ya kutathmini tulikotoka na tunakoelekea.
Lakini mwaka huu, ni zaidi ya hapana.
Wananchi wameonesha dalili ya kutaka kushiriki maandamano ya amani.
Siyo kwa kuvunja sheria au kufanya uasi na uhaini bali kwa kutafuta nafasi ya kusema walichokaa nacho ndani ya mioyo yao.
Hii ni sauti ya kizazi kizima.
Na serikali yoyote inayoheshimu utu na haki za watu wake, haitarajiwi kuchukulia sauti hii kwa mzaha, bali kwa uzito wake.
Ni wajibu wa serikali kuhakikisha siku hiyo haigeuki kuwa doa lingine kwenye historia, bali kuwa mwanzo wa ukurasa mpya.
KWANINI TUNA HITAJI HATUA YA UJASIRI KUTOKA KWA RAIS?
Ndugu wananchi,
Hatua kubwa ambayo taifa linahitaji sasa haiwezi kufanywa na tume, baraza, kamati, kauli au taarifa.
Inahitaji uamuzi wa juu kabisa wa uongozi.
Tanzania imefika sehemu ambayo suluhisho la kweli linaweza kuanza na kitendo kimoja, kitendo ambacho duniani kote huonekana siyo udhaifu, bali mlango wa ujasiri mkuu.
Na kitendo hicho ni hiki,
Rais wa Jamhuri ya Muungano wa Tanzania, Mama Samia Suluhu Hassan, anaweza kufungua njia ya maridhiano, kuponya taifa, kuokoa taswira ya Nchi na kuandika historia mpya kwa kuachia nafasi yake kwa hiari.
Siyo kwa kulazimishwa.
Siyo kwa kushindwa.
Bali kwa uzalendo wa kiwango cha juu zaidi ambacho taifa hili limewahi kukiona.
Kwa sababu wakati mwingine, nguvu ya kiongozi haipimwi kwa muda wake madarakani, bali kwa uamuzi wake wa kuondoka ili taifa lipone.
KUJIUZULU, SIYO ADHABU NI URITHI WA HESHIMA YA TAIFA
Wapo watakaouliza,
“Kwa nini Rais ajiuzulu?”
Najibu kwa mantiki, siyo kwa jazba,
Kwa sababu taifa limegawanyika.
Kwa sababu uaminifu umedorora, yaani amepoteza "REPUTATION"
Kwa sababu diplomasia ya Nchi imepoteza uwiano.
Kwa sababu mfumo umechoka na taasisi za Dola zinaangaliwa kwa jicho la chuki kali na wananchi.
Kwa sababu Chama cha Mapinduzi kimekosa uhalali na kinaangaliwa kama msalaba dhidi ya mateso ya wananchi.
Kwa sababu wananchi hawana imani na serikali yao tena.
Kwa sababu majeraha ya Oktoba 29 yanahitaji kiongozi wa juu kutoa ishara ya taifa kuanza upya.
Na zaidi ya yote, kwa sababu wakati mwingine uamuzi wa kujiuzulu siyo ishara ya kushindwa, bali ishara ya kuokoa Nchi.
Kujiuzulu ni kusema.
“Ninatoa nafasi ili Tanzania ipone.”
“Ninatoa nafasi ili Watanzania waungane tena.”
“Ninatoa nafasi ili taifa liandike upya mustakabali wake.”
Hatua yake itasifiwa na kubezwa na watu wake wa karibu, lakini itaheshimiwa.
Na itaacha alama ya kudumu katika historia ya Afrika.
MPITO WA KITAIFA, MLANGO WA MARIDHIANO NA KATIBA MPYA
Baada ya kuachia nafasi, taifa linaweza kuanza mpango rasmi wa,
● Serikali ya mpito yenye makubaliano ya kitaifa
● Mchakato wa Katiba mpya kwa ushirikishwaji wa kweli
● Mageuzi ya tume ya uchaguzi
● Uchunguzi huru wa matukio ya Oktoba 29
● Uchaguzi huru na wa haki
● Ujenzi wa imani ya wananchi katika taasisi za Dola
Hii ndiyo Tanzania tunayotaka.
Hii ndiyo Tanzania tunayoistahili.
Na hii ndiyo Tanzania ambayo vizazi vijavyo vitaitukuza.
HITIMISHO
Ndugu wananchi,
Ninapofunga hotuba hii, tunakumbuka maneno ya Mwalimu Nyerere aliyowahi kusema.
“Dola ni chombo cha wananchi na sifa yake ni watu.
Wananchi wakilia, usizibe masikio wasikilizwe.”
Leo, wananchi wanalilia HAKI, KATIBA MPYA, TUME HURU YA UCHAGUZI, KUIBUKA KWA UFISADI NA RUSHWA, UKOSEFU WA UADILIFU, UWAJIBIKAJI NA NIDHAMU YA SERIKALI KATIKA MATUMIZI YA RASILIMALI ZA UMMA. Aidha, kuibuka kwa serikali ya ndugu kwa ndugu na majina yale yale serikalini kana kambwa serikali inaundwa na koo na familia za waliyowahi kuwa viongozi pekee, pamoja na mabadiliko makubwa ya mfumo wa utawala wa sheria.
Na kulia kwao siyo uasi, ni kilio cha kutaka taifa la kesho kuwa bora kuliko la leo.
Kwa hiyo, kwa unyenyekevu mkubwa, kwa heshima isiyo na mipaka na kwa uzalendo wa kina, natoa wito kwa Rais wa Jamhuri ya Muungano wa Tanzania kufanya kile ambacho historia humtaka kiongozi mahiri kukifanya.
Kutoa nafasi ili Tanzania ifungue ukurasa mpya.
Kuchagua busara kuliko mamlaka.
Kuchagua uzalendo kuliko mfumo.
Kuchagua kujiuzulu kwa hiari ili taifa lipone.
Ndugu Watanzania,
Akichelewa kufanya maamuzi, historia itakuja kuyafanya kwa niaba yake.
Lakini akifanya kwa wakati historia itamkutukuza.
Mungu ibariki Tanzania.
Mungu ibariki Afrika.
Hotuba hii imeandaliwa na COMRADE. Nicolas Jovin Clinton Gabone
Mwanadiplomasia, ambaye pia ni Mwenyekiti wa zamani wa Jumuiya ya Vijana wa Mageuzi (JUVIMA) NCCR-Mageuzi.
