KERO Responded Kuna rushwa kubwa na utaratibu usiofuatwa katika ukamataji wa Bajaj na Bodaboda

KERO Responded Kuna rushwa kubwa na utaratibu usiofuatwa katika ukamataji wa Bajaj na Bodaboda

Hii ni kero ambayo mwananchi ameiwasilisha JF akitaka wahusika kuchukua hatua
A

Anonymous

Guest
Kuna zoezi la ukamataji wa Pikipiki na Bajaj linaloendelea mjini, lakini utekelezaji wake unaacha maswali mengi. Baadhi ya wanaotekeleza zoezi hilo wanatuhumiwa kujihusisha na vitendo vya rushwa, jambo linalopunguza imani ya wananchi katika operesheni hizo.

Aidha, faini zinazotozwa ni kubwa ukilinganisha na kipato chao cha kila siku. Kwa mfano, faini ya shilingi 50,000 kwa bodaboda au shilingi 70,000 kwa Bajaj ni kiasi kikubwa kwa vijana wengi ambao hutumia muda mrefu kukitafuta ili kujikimu na kuhudumia familia zao.

Ni muhimu serikali ikatambua kuwa vijana hawa wanatafuta riziki kwa njia halali. Hivyo, pamoja na kusimamia sheria, kunahitajika pia kuzingatia hali halisi ya maisha yao na kuhakikisha kuwa utekelezaji wa sheria unafanyika kwa haki, bila unyanyasaji wala vitendo vya rushwa.

Pia kuna haja ya kupata ufafanuzi kuhusu kauli zilizowahi kutolewa na viongozi wa Serikali kuhusu kutoshikilia au kutaifisha vyombo vya kujitafutia riziki vya wananchi. Wananchi wanataka kufahamu ikiwa kauli hizo zinaendelea kutekelezwa kwa vitendo au zimebaki kuwa ahadi pekee.

Tunaiomba Serikali kupitia upya namna operesheni hizi zinavyotekelezwa ili kuhakikisha sheria zinazingatiwa huku haki na maslahi ya wananchi wanaotafuta riziki zao yakilindwa.

Pia soma ~ Halmashauri ya Jiji Dar: Hatukamati Wanaoshusha au kupakia abiria bali wanaoegesha kabisa
 
tunafuta hela ya kuwaleta wakina Rio Ferdinand..
 
Back
Top Bottom