Hadidi za rejea zilisema nini kwa tume juu ya muungano? ULINDWE na UBORESHWE.
Ebu tuelezee hilo linafanyika vipi in practice (serikali mbili au moja).
Mkuu hili tulishalichambua kwamba sawa Jaji Warioba alikusanya maoni ya Watanzania akaja na hoja muungano Ulindwe na Kuboreshwa, alichokosea yeye ni kuangalia uhalisia wa hoja hiyo. Mimi nitakwenda kaburini nikiamini kwamba tunaweza kuuboresha muungano huu kwenda kwenye serikali moja na kuipa Zanzibar identity yake. Nafahamu kwa sasa wengi tumeweka wazo kwamba 1+1=3. Tatizo linalosababisha tushindwe kuboresha hizi mbili tulizo nazo ( for disclosure nina support mbili kuliko tatu only sababu ya gharama) ni kushindwa kwa viongozi wetu kufikiria nje ya box na kufanya maamuzi magumu. Ukweli ni kwamba kilichotakiwa ni kuweka pande zote 3 za Zanzibar, najua utadhani nimekosea kusema pande tatu, lakini ukweli ni kwamba Zanzibar kuna Muungano wa Mkataba supporter, Muungano wa Serikali 3 na Muungano wa Serikali 2. Kilichotakiwa ni kukaa na pande hizi zote na kufunga chumba na kusema kwamba hapa tuta jadili mpaka kupata ufumbizi ambao wote tutaukubali.
[/QUOTE]
Ndio maana nimemwambia FJM kwamba kimsingi, unaelewa nguvu ya hoja ya Tanganyika kwenye umma wa Tanzania Bara na Zanzibar. Tunachotofautiana ni kwamba CCM wataizima hoja kwa wingi wao, tena sio wa kujiamini au hiyari bali kutishana kupitia kura ya wazi;pili, mfumo utalindwa na vifaru kwa vile sio matakwa ya wananchi; kitendo cha rais kutishia umma na vifaru maana yake ni kwamba bila ya kutishia umma, ccm itaumbuka kura ya maoni. That's the bottom line;. [/QUOTE]
Mkuu kama kweli Watanzania Bara wengi wanataka Tanganyika basi tungeona msukumo huo kwenye michakato ya kampeni zinazoendelea za viti vya ubunge na udiwani kwamba CCM walitakiwa waadhibiwe kwa kuto sikiliza maoni ya Wananchi, lakini unaona trend inaonyesha kwamba bado Watanzania Bara wanaikumbatia CCM, na Kinana anajaza watu mpaka wanakosa pakusimama japokuwa ni CCM hiyohiyo inawasababishia watoto wao wasiende shule. Hii hoja ya Tanganyika ipo kwenye mitandao, magazeti na blogs, Mtanzania wakawaida sasa hivi anawaza atampelekaje Selemeni Form One wakati pesa ya ada hana, anawaza jee atavuna Heka yake mmoja ya Mpunga na Mvua hizi za masika? Mtanzania wa Bara akili yake haipo kwenye serikali ya tatu au ya nne. Anawaza jee ataweza kuyakabili maisha?
Nilikueleza kwenye uzi wa gharama za muungano kwanini serikali tatu inawapa shida wanaotaka urais 2015; haukujibu; na hizi ni taarifa za ndani ambazo nimezipata;hakuna nia ya dhati kwa wananchi bali madaraka;kugombea urais wa Tanganyika hautakuwa na maslahi muhimu, kugombea wa muungano pia hauutakuwa na maslahi muhimu - kwa wapenda madaraka na assets zinazokuja na imperial presidency;nilikueleza kule kwa undani, kazisome ukipata muda;
Mchambuzi, anaekwambia kwamba CCM wanaumiza kichwa kwamba serikali ya tatu itawasumbua kutoa raisi anachanganya dawa tuu. Ukweli ni kwamba kama tutaanzisha Tanganyika mwezi ujao, basi kwenye hiyo mitandao ya CCM watatoa raisi wa Tanganyika na Watanzania. Hii sio theoretically ni facts, sababu kwanza CCM wana more resources kushinda chama chochote, wana watu wakutosha, na wanaweza kucheza uwanja mzima dakika 90 peke yao. Leo mkianzisha Tanganyika na Tanzania basi jua Chadema hawana resources za kufanya kampeni ya nafasi zote mbili ni CCM peke yake mwenye hizo resources. Hivyo kusema kwamba CCM wanaumiza kichwa kwa 2015, labda kujua kwamba ni mtandao gani utachukua serikali zote mbili.
Hakuna sehemu nimesema tuitoe ccm kwa utanganyika. Usikwepe hoja; mkataba wa muungano haukutaja vyama vya siasa, TANU na baadae CCM ikaja kuteka mchakato mzima na ndio maaa tupo kwenye mgogoro;hata mwalimu alikiri hilo kiaina baada ya kugundua kwamba suala la makamu wa rais kutoka znz litaleta tatizo, ndio maana ikaja idea ya mgombea mwenza;
Kwa kifupi, CCM ilikuwa na fursa ya kumalizana na jinazimi la Tanganyika for good iwapo JK ange stick na uamuzi wake wa kuanzisha mchakato wa katiba huku akisema kwa mfano makosa ya kihistoria yanaeleweka, tuyasamehe etc etc na tungekuja na hoja nzuri tu za kusamehe ili mradi nia ni kuanza upya na kurekebisha uchakachuaji wa historia;umma ungeiunga mkono ccm kwa nguvu sana; instead, ccm inalazimisha kwamba kilichotokea katika historia ni halali hata kisheria na kidemokrasia, and it shouldn't be questioned;in other words, our union was God Ordained!
Mkuu lazima ukumbuke kwamba mzizi wa muungano huu umejikita zaidi ya CCM kushinda sehemu yoyote ile, sababu ya historia. Ni TANU na ASP ambao walikuja na mchakato wa Muungano, kipindi hicho hawakuwaza wala kufikiri kwamba kuna siku kutakuwa na vyama vingine ambavyo vitakuwa na wazo mbadala. Hivyo Muungano ni core thread inayonganisha CCM na niukweli usiofichika CCM will never abandoned mfumo huo sababu Mzimu wa Mwalimu bado uko hai ndani ya CCM. Na kwa sasa sababu CCM wao ndio majority hivyo hili lipo upande wao.
Sasa kama ni hivyo, kwanini ccm inahangaika kuingilia mchakato wa katiba mpya kama kweli inajiamini?
Utakumbuka kwa mara ya kwanza katika historia CCM waliadhibiwa mwaka 2010, japokuwa walishinda bunge kwa asilimia zaidi ya 75% lakini kwa wao ili ilikuwa simu ya kuwaamsha. CDM walianza kupiga mayoe ya katiba mpya, na JK na wenzie waliichukua na kusema hiyo niya kwao. Lakini jee unadhani kweli kabisa CCM wanataka kutoa katiba ambayo ina Ridhiwani na Juma Kajole nafasi moja? Unadhani kabisa watatengeneza katiba ya kusababisha siku moja VX ziendeshwe na jirani? Hilo halikuwepo ni against the nature of human.
Mwisho nimeshasema kwamba elimu ya uraia ya Watanzania wengi wa kizazi hichi cha yeboyebo imepunga wengi wapo busy kwenye BBM na whatsapp. Na wazee walio wengi wao wanaza kujiongezea mali. Hivyo ni wachache sana wenye uweleo wa jinsi serikali ya aina yoyote inavyofanya kazi, achilia hiyo ya tatu.
Kuhusu Zanzibar nimesema huko nyuma wengi hawajui tofauti ye mchele na chuya, wao wanafuata upepo tuu. Msukumo mkubwa unatoka kwa Afrabia ambao wapo Oman, Dubai, Yemen, Canada na UK. Hawa kama kina Harith Ghassany wamekuwa wakisukuma swala la kwamba Zanzibar yetu imeporwa mwaka 1964. Lakini ukweli ni kwamba watu hawa wana chuki na mapinduzi, na wanatumia kila njia kuhakikisha kwamba muungano unapasuka na wao wanarudi Zanzibar. Kelele za kina Sheikh Fareed na Uhamsho zote zinatokana na fedha inayotoka nje ya Zanzibar. Na hapa ndio nikasema kwamba USA na EU hawawezi hata siku moja kuacha Tanzania ipasuke, ndio nikawambia CCM wataleta watu kutoka Tabora ambao wataongeza nguvu.
Mimi nimejikita zaidi kwenye uhalisia. Kwa sasa tukubali kabisa hakuna jipya kutoka Dodoma. Labda CCM waamue.
kuhusu kura, kaka wana CCM wako royal sana na chama chao, wewe ni kada wa kwanza kukuona unakuja kwenye majukwaa na kuupinga mfumo huu. Lakini wenzio wote wameshikwa pabaya mfano hali ni Mzee Sitta na Wawakilishi kutoka Zanzibar ambao uliona Pindu alivyomkana Warioba mchana kweupe. Siwapendi CCM lakini nawakubali jinsi wanavyoweza kuendesha agenda.
