Tulitarajia kuona Serikali ikitoa ushahidi wa kina hasa
picha za satelaiti 🛰️, vielelezo vya kitaalamu, na maelezo ya kiuchunguzi ili kuonesha kwamba madai ya mauaji yaliyotolewa na
CNN, BBC, Al Jazeera hayahusiani na Tanzania bali na maeneo mengine kama Sudan. Lakini badala yake, tunachokiona ni
malalamiko dhidi ya CNN, BBC, Al Jazeera 😤 bila kuwasilisha ushahidi wa kupinga ushahidi uliotolewa.
Je, Serikali inajielewa? 🤔
Ushahidi Unapingwa kwa Ushahidi, Siyo Malalamiko 📄⚖️
Leo tulitegemea Serikali iite waandishi wa habari, iweke mezani ushahidi wa kimantiki na kisayansi kupinga ripoti za
CNN, BBC na Al Jazeera. Tulitarajia kuona ramani, muda, tarehe, na taarifa zilizoakisi picha hizo za satelaiti. Lakini kilichowasilishwa ni
maelezo mepesi na kejeli 😒, yasiyo na uzito unaotakiwa katika suala linalogusa
uhai wa raia.
Ikiwa Serikali inadai kwamba picha hizo si za Tanzania, ingeonyesha:
- Zilitoka mwaka gani? 📆
- Zilirekodi tukio gani?
- Zilitokana na vita gani? ⚔️
- Kwa nini zinahusishwa kimakosa na tukio la sasa?
Lakini badala ya hoja, tumepokea
lawama na maneno ya jumla 😑.
Kanuni za Haki za Kiasili: Kwa Nani Zinatumika? ⚖️
Serikali inadai
CNN, BBC na Al Jazeera zilipaswa kuisikia kabla ya kuchapisha ripoti yake. Hilo ni sawa kwa mujibu wa “principles of natural justice”.
Lakini hoja hapa ni hii:
- Kwa nini Serikali yenyewe haikuwasikiliza waandamanaji kabla ya kuanza kuwapiga risasi? 🔫
- Kwa nini risasi za kichwani, mgongoni, na kiunoni?
- Je, kanuni hizo hizo za haki za kiasili hazikutakiwa kuwalinda wananchi? 😡
Kabla ya kuzilalamikia
CNN, BBC na Al Jazeera Serikali lazima ijibu swali hili muhimu:
Kwa nini iliua badala ya kusikiliza? 🤷♂️
CNN imehoji mashahidi ambao ni watanzania kwani Serikali Inahojiwa nayo? 🗣️
CNN inasema bayana kuwa imekusanya ushahidi kutoka vyanzo vyao wenyewe, si wa kupachikwa. Wamekwenda Arusha na kuzungumza na familia ya mama aliyepigwa risasi mgongoni wakati akikimbia kujiokoa. Wamefanya mahojiano na zaidi ya
watu 100 waathirika, mashuhuda, na familia za waliouawa 👥.
Serikali nayo imekuja na nini?
Porojo na ukinzani wa maneno 😕, bila ushahidi wa kupinga hoja hizo za CNN, BBC na Al Jazeera.
Serikali Inakiri Mauaji, Lakini Haijui Idadi ya Waliouawa? ❓
Ni ukweli kwamba Serikali imethibitisha kuwa mauaji yametokea. Lakini haijasema:
- Ni watu wangapi waliopoteza maisha? 💔
- Miili mingapi imekabidhiwa kwa ndugu zao? ⚰️
- Ni hatua gani za kisheria zimechukuliwa dhidi ya walioua? 👮♂️
Maswali haya yanapewa majibu ya kukwepa, huku tukielekezwa tusubiri
Tume maalumu kutoa takwimu miezi kadhaa baadaye ⏳.
Je, Serikali haina data za leo?
Je, haijui idadi ya wananchi wake waliokufa ndani ya mipaka yake?
Makaburi ya Halaiki: Kimya Cha Serikali Kinaumiza ⚰️🕯️
CNN imetoa ushahidi wa uwezekano wa kuwepo kwa
makaburi ya halaiki kupitia picha za satelaiti 🛰️.
Hili ni suala zito lenye athari ya kimataifa.
Lakini msemaji wa Serikali hakuligusia kabisa 😶.
Badala yake ametoa maelezo yenye lengo la kuhalalisha ukimya 🤐.
Je, hili ndilo jibu la Serikali kwa tuhuma nzito kiasi hicho?
Kuhusu Picha za Simu: Hoja Iliyokosa Msingi 📱❌
Serikali inasema kwamba
Larry Madowo hakuwa Tanzania wakati mauaji yanatokea, na kwamba
CNN imetumia picha za simu.
Lakini swali la msingi ni:
Je, ukweli wa mauaji unabadilika kwa sababu picha zimepigwa kwa simu?
Tukio halibadiliki kwa sababu kamera si ya gharama kubwa 📸.
Hitimisho: Tunataka Majibu, Siyo Malalamiko ✊
Serikali haitakiwi kupambana na CNN, BBC na Al Jazeera
inapaswa kupambana na ukweli ✅.
Raia wanataka:
- Idadi kamili ya waliokufa 💔
- Ushahidi wa kupinga au kuthibitisha tuhuma za makaburi ya halaiki ⚰️
- Hatua za kisheria dhidi ya waliohusika 👮♀️
- Taarifa za uwazi, si siasa 📰
Kila siku Serikali inasema:
AMANI kwanza,
HAKI baadaye.
Ila leo Msemaji wa Serikali inazilaumu
CNN, BBC na Al Jazeera kwa kutoitendea
HAKI Tanzania kwa Ripoti zake na Sio kutoitendea
AMANI Tanzania 🤣 🤣 🤣
Lakini sasa, WATU wamekufa 😢.
Hivyo, swali lina baki:
Amani gani bila Haki? 🤔
