Likizo hii watoto wako wanafanya nini? Je, unawafundisha ujuzi wa maisha ya kila siku tofauti na shule?

The Watchman · 2024-12-29T14:52:52+00:00

Nikiwa nafanya manunuzi madukani, niliingia duka moja nikaulizia bidhaa niliyoitaka nikaambiwa ipo. Kijana niliyemkuta nje ana rangi kama yangu, akanitajia bei na akanitolea bidhaa niliyohitaji. Ilipofika muda wa malipo akanielekeza dirishani nikalipie. Kufika hapo dirishani nikakuta mvulana wa miaka saba, ndiye anapokea pesa. Ni mtoto mwenye asili ya Asia. Wazazi hawapo dukani ila wamemuacha yeye na huyo kijana ndiyo wanauza. Nikafikiria watoto wetu tumewapeleka "twisheni". Tangu likizo imeanza watoto wanafukuzwa kwenda "twisheni". Tuna miradi na shughuli mbali mbali za familia ila watoto wetu hawashiriki kabisa. Hii ni miongoni mwa sababu miradi na biashara za wenzetu zinadumu na wanarithishana vizazi na vizazi. Za kwetu huwa zinakufa na mwenye nazo. Hakuna anayeandaliwa kuendeleza miradi hii. Na hata inapotokea wanarithishwa hawawezi kuziendesha sababu hawana uzoefu. Hajui hata huwa zinafanyikaje. Watoto wanakatazwa kufanya kazi ili wasichafuke, wasiumie, wasifeli, kumbe ndiyo tunawaandaa kushindwa maisha. Na ndiyo maana watoto wengi wanalaumu wazazi na walezi wao, maana wana mchango mkubwa kwenye maisha yao. Tunapaswa kubadilika na kuachana na ule msemo wa "urithi wa watoto ni elimu". Tumeona watoto wanarithishwa mali, wanarithishwa miradi, na hata nafasi za uongozi. TAFAKARI, CHUKUA HATUA! Mwl. Doris Mboma.

Thread starter The Watchman
Start date Dec 29, 2024
Tags

likizo maisha shule ujuzi watoto

The Watchman

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Likizo hii watoto wako wanafanya nini? Je, unawafundisha ujuzi wa maisha ya kila siku tofauti na shule?

The Watchman

JF-Expert Member

Our Community

Regional Communities