- Source #1
- View Source #1
Wakuu
Nimekutana na hii taarifa ikiambata na video na kudai kuwa ni ushuhuda wa kwamba Lissu alieleza kuwa walikutanishwa na Padri kitima kwa lengo la kupatanishwa. Je ni kweli Lissu alisema maneno hayo?
===
OGOPA MUNGU na TEKNOLOJIA amewahi kusema marehemu Ruge Mutahaba. Huyu hapa Tundu Lissu anaeleza wazi namna walivyoitwa na Padri Kitima kupatanishwa yeye na Mbowe Kama alivyonukuliwa @habibu_mchange hapo Jana akihojiwa na Edwin Odemba.
Nimekutana na hii taarifa ikiambata na video na kudai kuwa ni ushuhuda wa kwamba Lissu alieleza kuwa walikutanishwa na Padri kitima kwa lengo la kupatanishwa. Je ni kweli Lissu alisema maneno hayo?
===
OGOPA MUNGU na TEKNOLOJIA amewahi kusema marehemu Ruge Mutahaba. Huyu hapa Tundu Lissu anaeleza wazi namna walivyoitwa na Padri Kitima kupatanishwa yeye na Mbowe Kama alivyonukuliwa @habibu_mchange hapo Jana akihojiwa na Edwin Odemba.
- Tunachokijua
- Tundu Lissu ni Mwenyekiti wa Chama cha demokrasia na Maendeleo (CHADEMA), kwa sasa yupo gerezani kutokana na mashtaka anayotuhumiwa nayo ya uhaini.
Padri Charles Kitima ni katibu Mkuu wa baraza la Maaskofu Katoliki Tanzania (TEC) ambaye amekuwa akionekana pia mara kadhaa akikosoa mambo anayoyaona si sahihi yanapotokea nchini.
Madai
Kupitia mitandao ya kijamii ikiwemo Facebook mtumiaji mmoja alichapisha Taarifa akieleza kuwa Lissu likiri ama kueleza kuwa Padi Kitima aliwakutanisha yeye na Freeman Mbowe (Mwenyekiti mstaafu wa CHADEMA) ili kupatanishwa.
Uhalisia wa Madai hayo
JamiiCheck imefuatilia madai hayo pamoja na video na kubaini kuwa yanapotosha uhalisia.
Madai haya yameibuka mara baada ya kada wa Chama cha mapinduzi (CCM) Habibu Mchange ambaye awali alikuwa kada wa CHADEMA kueleza kuwa Padri Kitima ni mshauri wa CHADEMA. Mchange aliyasema hayo alipokuwa akihojiwa na mtangazaji Chief Odemba Disemba 20, 2025.
Uhalisia ni kuwa katika mahojiano aliyoyafanya na waandishi wa habari Januari 2025, wakati akiwa katika harakati za kampeni za kugombea Uenyekiti wa CHADEMA Lissu alieleza kuwa walikutanishwa na kiongozi wa kidini ili kupatanishwa ila hakumtaja kwa jina.
Hivyo hakuna uthibitisho kuwa Lissu alimtaja Padri Kitima ama kiongozi yeyote wa kidini kwa jina ambaye walikuwa nao siku hiyo ya upatanisho.
